ಸಿನಿಮಾ ಟಿಕೆಟ್‌: ಪಾಠ ಕಲಿಯಬೇಕಿದೆ

20 Mar, 2017

ಪ್ರಿಯಾ ರವಿಚಂದ್ರನ್, ಲೇಖಕಿ ಬೆಂಗಳೂರಿನ ತಕ್ಷಶಿಲಾ ಸಂಸ್ಥೆಯಲ್ಲಿ ಸಂಶೋಧಕಿ
ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಮ್ಮ ಕೊನೆಯ ಬಜೆಟ್‌ ಭಾಷಣದಲ್ಲಿ ಹಲವು ಜನಪ್ರಿಯ ಯೋಜನೆಗಳನ್ನು ಪ್ರಕಟಿಸಿದರು. ಸಿನಿಮಾ ಟಿಕೆಟ್‌ಗಳ ಬೆಲೆ ಮೇಲೆ ಮಿತಿ ಹೇರುವುದೂ ಅವುಗಳಲ್ಲಿ ಒಂದು. ರಾಜ್ಯದಲ್ಲಿ ಸಿನಿಮಾ ಟಿಕೆಟ್‌ಗಳ ಮೇಲೆ ಈಗ ₹ 200ರ ಮಿತಿ ವಿಧಿಸಲಾಗಿದೆ.

ಇಂಥದ್ದೇ ಕ್ರಮ ಕೈಗೊಂಡಿರುವ ತಮಿಳುನಾಡಿನಿಂದ ಕರ್ನಾಟಕ ಕಲಿಯಬಹುದಾದ ಹಲವು ಪಾಠಗಳಿವೆ. ಟಿಕೆಟ್‌ಗೆ ಗರಿಷ್ಠ ಮಿತಿ ವಿಧಿಸುವುದು ಸುಸ್ಥಿರವಲ್ಲ, ಅದರಿಂದ ದೀರ್ಘಾವಧಿಯಲ್ಲಿ ಯಶಸ್ಸು ಕೂಡ ಸಿಗುವುದಿಲ್ಲ.

2006ರ ಚುನಾವಣೆ ನಂತರ ತಮಿಳುನಾಡಿನಲ್ಲಿ ಅಧಿಕಾರಕ್ಕೆ ಬಂದ ಡಿಎಂಕೆ, ಸಿನಿಮಾ ಟಿಕೆಟ್‌ಗಳಿಗೆ ಗರಿಷ್ಠ ಮಿತಿ ವಿಧಿಸಿತು. ತಮಿಳುನಾಡು ಸಿನಿಮಾಗಳ (ನಿಯಂತ್ರಣ) ನಿಯಮ– 1957ಕ್ಕೆ ತಿದ್ದುಪಡಿ ತಂದು ಈ ಕ್ರಮ ಜಾರಿಗೆ ತರಲಾಯಿತು.

ಚಿತ್ರಮಂದಿರ, ಮಲ್ಟಿಪ್ಲೆಕ್ಸ್‌ಗಳಲ್ಲಿ ಇರುವ ಧ್ವನಿ ವ್ಯವಸ್ಥೆ, ಪ್ರೊಜೆಕ್ಟರ್, ಹವಾ ನಿಯಂತ್ರಕ, ವಿದ್ಯುತ್ ಕೈಕೊಟ್ಟಾಗ ಚಿತ್ರ ವೀಕ್ಷಣೆಗೆ ಅಡಚಣೆ ಆಗದಂತೆ ನೋಡಿಕೊಳ್ಳುವ ವ್ಯವಸ್ಥೆಗಳನ್ನು ಗಮನಿಸಿ ನಗರ ಪಾಲಿಕೆಗಳು, ಪಂಚಾಯಿತಿಗಳ ಮೂಲಕ ಖರೀದಿಸುವ ಟಿಕೆಟ್‌ ದರಕ್ಕೆ ಮಿತಿ ನಿಗದಿ ಮಾಡಲಾಯಿತು. ಮಲ್ಟಿಪ್ಲೆಕ್ಸ್‌ಗಳಲ್ಲಿ ಹವಾ ನಿಯಂತ್ರಕ ವ್ಯವಸ್ಥೆ ಇರುವ ಸಿನಿಮಾ ಮಂದಿರಗಳು ಟಿಕೆಟ್ ದರವನ್ನು ₹ 120ಕ್ಕಿಂತ ಹೆಚ್ಚು ಇರಿಸುವಂತಿಲ್ಲ ಎಂಬ ಮಿತಿ ಜಾರಿಗೊಳಿಸಲಾಯಿತು.

ಈ ಕ್ರಮ ಜಾರಿಗೆ ತಂದಿದ್ದರ ಹಿಂದೆ ಎರಡು ಆಯಾಮಗಳ ಪ್ರೇರಣೆ ಇತ್ತು: 90ರ ದಶಕದ ಜಾಗತೀಕರಣದ ನಂತರದ ಅರ್ಥವ್ಯವಸ್ಥೆಯಲ್ಲಿ ಮಧ್ಯಮ ವರ್ಗದ ಆದಾಯದಲ್ಲಿ ಹೆಚ್ಚಳ ಕಂಡುಬಂತು. ಟಿ.ವಿ. ಖರೀದಿಸುವ ಅವರ ಸಾಮರ್ಥ್ಯ ಕೂಡ ವೃದ್ಧಿಯಾಯಿತು.

ಪ್ರಾದೇಶಿಕ ಕೇಬಲ್ ಟಿ.ವಿ. ಜಾಲದ ಕಾರಣ, ಮನರಂಜನೆ ಬೇಕೆಂದರೆ ಸಿನಿಮಾ ಮಂದಿರಗಳಿಗೆ ಹೋಗಿ ಸಿನಿಮಾ ನೋಡಬೇಕು ಎಂಬ ಸ್ಥಿತಿ ಬದಲಾಯಿತು. ಟಿಕೆಟ್‌ ಬೆಲೆಗೆ ಗರಿಷ್ಠ ಮಿತಿ ವಿಧಿಸುವ ಮೂಲಕ ಜನರಿಗೆ, ಅದರಲ್ಲೂ ಪ್ರಮುಖವಾಗಿ ಬಡವರಿಗೆ, ಸಿನಿಮಾ ಮಂದಿರಗಳಿಗೆ ಹೋಗಿ ಸಿನಿಮಾ ನೋಡುವುದು ಕೈಗೆಟಕುವಂತೆ ಆಗಬೇಕು ಎಂಬ ಉದ್ದೇಶ ಇತ್ತು.

ಸಿನಿಮಾ ನಿರ್ಮಾಣದಲ್ಲಿ ದೊಡ್ಡ ಕಂಪೆನಿಗಳೂ ಕೈಹಾಕಿದ ಕಾರಣ, ಸಣ್ಣ ಮಾರುಕಟ್ಟೆಗಳಿಗೆ ಸಿನಿಮಾ ಲಗ್ಗೆ ಇಟ್ಟಿತು. ಅಂದರೆ, ಸಿನಿಮಾ ವ್ಯಾಪ್ತಿ ಹಿಗ್ಗಿತು. ಸಿನಿಮಾ ಮಂದಿರಗಳು ತಮ್ಮಲ್ಲಿನ ಸೌಲಭ್ಯಗಳ ಮೇಲೆ ಹೆಚ್ಚಿನ ಬಂಡವಾಳ ಹೂಡಿಕೆ ಮಾಡುವಂತಾಗಲು, ಸಿನಿಮಾ ನೋಡಲು ಅಲ್ಲಿಗೆ ಬರುವ ಜನ ಖುಷಿಪಡುವಂತೆ ಆಗಲು ಟಿಕೆಟ್‌ ದರದ ಮೇಲೆ ಮಿತಿ ಹಾಕುವುದು ಉತ್ತಮ ಮಾರ್ಗ ಎಂದು ಭಾವಿಸಲಾಯಿತು.

ಸರ್ಕಾರದ ಈ ಕ್ರಮದಿಂದಾಗಿ ಆರಂಭದಲ್ಲಿ ದೊಡ್ಡ ನಗರಗಳಲ್ಲಿ ಮಲ್ಟಿಪ್ಲೆಕ್ಸ್‌ಗಳ ಸಂಖ್ಯೆ ಹೆಚ್ಚಾಯಿತು. ಸಿನಿಮಾ ನಿರ್ಮಿಸುವ ದೊಡ್ಡ ಕಂಪೆನಿಗಳ ಸಂಖ್ಯೆ ಹೆಚ್ಚಾಯಿತು, ದೊಡ್ಡ ಬಜೆಟ್‌ನ ಸಿನಿಮಾಗಳ ಸಂಖ್ಯೆಯಲ್ಲೂ ಏರಿಕೆ ಕಂಡುಬಂತು, ಆರಾಮವಾಗಿ ಸಿನಿಮಾ ವೀಕ್ಷಿಸಲು ಅಗತ್ಯ ಸೌಲಭ್ಯ ಕಲ್ಪಿಸಿದ ಚಿತ್ರಮಂದಿರಗಳಿಗೆ ಬರುವ ಜನರ ಸಂಖ್ಯೆ ಕೂಡ ಆರಂಭದಲ್ಲಿ ಹೆಚ್ಚಾಯಿತು. ಆದರೆ, ಟಿಕೆಟ್‌ ದರದ ಮೇಲಿನ ಮಿತಿಯಿಂದಾಗಿ ಎರಡು ಅನುದ್ದೇಶಿತ ಪರಿಣಾಮಗಳು ಕಂಡುಬಂದವು.

ಮೊದಲನೆಯದು: ಜನರ ಆದಾಯ ಹೆಚ್ಚಿ, ಹಣದುಬ್ಬರದಲ್ಲಿ ಏರಿಕೆ ಆಗಿ, ಸಿನಿಮಾ ಮಂದಿರಗಳಲ್ಲಿ ಇನ್ನಷ್ಟು ಹೆಚ್ಚಿನ ಸೌಲಭ್ಯಗಳು ಬೇಕು ಎಂದು ಜನ ಬಯಸಲು ಆರಂಭಿಸಿದ ಪರಿಣಾಮವಾಗಿ ಮಾಲೀಕರು ಸಿನಿಮಾ ಮಂದಿರಗಳನ್ನು ಮತ್ತೆ ಮತ್ತೆ ನವೀಕರಿಸಬೇಕಾಯಿತು. ಟಿಕೆಟ್‌ಗೆ ನಿಗದಿಗಿಂತ ಹೆಚ್ಚಿನ ದರ ವಿಧಿಸಲು ಅವಕಾಶ ಇಲ್ಲದಿದ್ದ ಕಾರಣ, ಜನರಿಂದ ಬಂದ ಹಣದಲ್ಲಿ ಅಲ್ಪ ಪಾಲು ಮಾತ್ರ ಸಿನಿಮಾ ನಿರ್ಮಾಪಕರಿಗೆ ವರ್ಗಾವಣೆ ಆಗುತ್ತಿತ್ತು. ಹಾಗಾಗಿ ನಿರ್ಮಾಪಕರಿಗೆ ಪುನಃ ಹಣ ಹೂಡಿಕೆ ಮಾಡಲು ಹೆಚ್ಚಿನ ಮೊತ್ತ ಸಿಗುತ್ತಿರಲಿಲ್ಲ.

ಮಲ್ಟಿಪ್ಲೆಕ್ಸ್‌ ಗಳು, ಮಿನಿಪ್ಲೆಕ್ಸ್‌ಗಳು ಇಲ್ಲದ ಊರುಗಳಲ್ಲಿ ಹಳೆಯ, ಏಕಪರದೆಯ ಚಿತ್ರಮಂದಿರಗಳು ಬಾಗಿಲು ಮುಚ್ಚಲು ಆರಂಭಿಸಿದವು. ಇದರಿಂದಾಗಿ ಸಿನಿಮಾ ವೀಕ್ಷಿಸುವವರ ಸಂಖ್ಯೆ ಕುಸಿಯಿತು. ಅಲ್ಲದೆ, ಸಿನಿಮಾ ಪೈರಸಿ ತೀರಾ ದೊಡ್ಡ ಪ್ರಮಾಣದಲ್ಲಿ ಬೆಳೆಯಿತು, ಸಿನಿಮಾ ನಿರ್ಮಾಪಕರು ನಷ್ಟ ಅನುಭವಿಸಿದರು. ಸಿನಿಮಾ ಅವಧಿ ಕಡಿಮೆ ಆಯಿತು. ವಿದೇಶಿ ಭಾಷೆಗಳ ಸಿನಿಮಾಗಳಿಗೆ ಬೇಡಿಕೆ ಕುಸಿಯಿತು.

ಎರಡನೆಯದು:  ಮಲ್ಟಿಪ್ಲೆಕ್ಸ್‌ಗಳು ತಾವು ನೀಡುವ ಇತರ ಸೌಲಭ್ಯಗಳಿಗೆ ದುಬಾರಿ ದರ ವಿಧಿಸಲು ಆರಂಭಿಸಿದವು– ಟಿಕೆಟ್‌ ದರ ಮಿತಿಯಿಂದ ಆಗುವ ಲಾಭದಲ್ಲಿನ ವ್ಯತ್ಯಾಸ ಭರ್ತಿ ಮಾಡಿಕೊಳ್ಳಲು. ಮಲ್ಟಿಪ್ಲೆಕ್ಸ್‌ಗಳಲ್ಲಿ ಸಿಗುವ ತಿಂಡಿ ತಿನಿಸು, ಪಾನೀಯ, ವಾಹನ ನಿಲುಗಡೆ ಶುಲ್ಕಗಳು ಸಿನಿಮಾ ಟಿಕೆಟ್‌ ದರಕ್ಕಿಂತ ಹೆಚ್ಚಾದವು.

ಇದರಿಂದಾಗಿ ಸಿನಿಮಾ ವೀಕ್ಷಣೆಗೆ ಬಂದವರು ದೊಡ್ಡ ಮೊತ್ತದ ಹಣ ತೆರಬೇಕಾಯಿತು. ಮಲ್ಟಿಪ್ಲೆಕ್ಸ್‌ಗಳಿಂದ ಬರುವ ಲಾಭದಲ್ಲಿ ದೊಡ್ಡ ಮೊತ್ತ ಅವುಗಳ ಮಾಲೀಕರ ಕಿಸೆಗೆ ಹೋಗುತ್ತಿದ್ದ ಕಾರಣ, ಸಿನಿಮಾ ನಿರ್ಮಾಪಕರು ಹಾಕಿದ ಬಂಡವಾಳಕ್ಕೆ ಹೆಚ್ಚಿನ ಪ್ರತಿಫಲ ಸಿಗಲಿಲ್ಲ.

ಜನಪ್ರಿಯ ನಟರು ಇರುವ ಸಿನಿಮಾಗಳ ಟಿಕೆಟ್‌ ಬೆಲೆಯನ್ನು ಕೃತಕವಾಗಿ ಹೆಚ್ಚಿಸಿ, ಟಿಕೆಟ್‌ಗಳನ್ನು ಅಕ್ರಮವಾಗಿ ಮಾರಾಟ ಮಾಡಿದ ನಿದರ್ಶನಗಳೂ ಇವೆ. ಮಲ್ಟಿಪ್ಲೆಕ್ಸ್‌ಗಳ ಮಾಲೀಕರು ಹಾಗೂ ಸಿನಿಮಾ ರಂಗದ ಹೊರಗಿರುವ ವ್ಯಕ್ತಿಗಳು ಒಟ್ಟಾಗಿ ಇಂಥ ಕೆಲಸ ಮಾಡುತ್ತಿದ್ದರು.

ಏಕಪರದೆಯ ಸಿನಿಮಾ ಮಂದಿರಗಳು ಸ್ಥಗಿತಗೊಂಡ ಪರಿಣಾಮ ಸಿನಿಮಾ ವೀಕ್ಷಣೆಯ ಮೇಲೆ, ಪ್ರಮುಖವಾಗಿ ನಗರ ಪ್ರದೇಶಗಳಲ್ಲಿ ಆಯಿತು. ಅಲ್ಲಿ ವಾಣಿಜ್ಯ ಸಂಕೀರ್ಣಗಳಲ್ಲಿದ್ದ ಮಲ್ಟಿಪ್ಲೆಕ್ಸ್‌ಗಳಿಗೆ ಹೋಗಿ ಸಿನಿಮಾ ನೋಡುವುದು ಆರ್ಥಿಕವಾಗಿ ಹಿಂದುಳಿದವರಿಗೆ ಅಸಾಧ್ಯವಾಯಿತು.

ಟಿಕೆಟ್‌ ದರದ ಮೇಲೆ ನಿಯಂತ್ರಣ ವಿಧಿಸುವ ಸರ್ಕಾರದ ಕ್ರಮವು ಜನರ ಕೊಳ್ಳುವ ಶಕ್ತಿಯನ್ನು ಕಸಿಯುತ್ತದೆ. ಸಿನಿಮಾಗಳನ್ನು ಜನಸಾಮಾನ್ಯರಿಂದ ದೂರವಾಗಿಸುತ್ತದೆ. ಸಿನಿಮಾಗಳು ನೈಜ ಅರ್ಥದಲ್ಲಿ ‘ಸಾಮೂಹಿಕ ಮನರಂಜನೆ’ ಆಗಬೇಕು ಎಂದಾದರೆ ಟಿಕೆಟ್ ದರದ ಮೇಲಿನ ನಿಯಂತ್ರಣ ಹೋಗಬೇಕು.

 

Read More

Comments
ಮುಖಪುಟ

ಬಿಜೆಪಿ ಚುನಾವಣಾ ಕಾರ್ಯತಂತ್ರಕ್ಕೆ ಪ್ರತಿತಂತ್ರ: ಪರಮೇಶ್ವರ್‌ ಮುಂದುವರಿಕೆ?

ಚುನಾವಣೆಯ ಹೊಸ್ತಿಲಲ್ಲಿ ಬದಲಾವಣೆಗೆ ಮನಸ್ಸು ಮಾಡದ ಕಾಂಗ್ರೆಸ್‌ ಹೈಕಮಾಂಡ್‌, ದಲಿತ ಸಮುದಾಯಕ್ಕೆ ಸೇರಿರುವ ಜಿ.ಪರಮೇಶ್ವರ್‌ ಅವರನ್ನೇ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ (ಕೆಪಿಸಿಸಿ) ಅಧ್ಯಕ್ಷರನ್ನಾಗಿ ಮುಂದುವರಿಸುವ ಸಾಧ್ಯತೆ ಇದೆ.

‘ಐಸಿಜೆ ಜಾಧವ್‌ ಬಿಡುಗಡೆ ಮಾಡದು’

ಮರಣ ದಂಡನೆಗೆ ಗುರಿಯಾಗಿರುವ ಭಾರತೀಯ ನೌಕಾಪಡೆಯ ಮಾಜಿ ಅಧಿಕಾರಿ ಕುಲ ಭೂಷಣ್‌ ಜಾಧವ್‌ ಅವರನ್ನು ಅಂತರ ರಾಷ್ಟ್ರೀಯ ನ್ಯಾಯಾಲಯ (ಐಸಿಜೆ)  ಖುಲಾಸೆಗೊಳಿಸುವುದಿಲ್ಲ ಅಥವಾ ಬಿಡುಗಡೆ ಮಾಡುವುದಿಲ್ಲ ಎಂದು  ಪಾಕಿಸ್ತಾನವನ್ನು ಪ್ರತಿನಿಧಿಸುತ್ತಿರುವ ವಕೀಲರು ಹೇಳಿದ್ದಾರೆ.

ಜಿಡಿಪಿ ಜಿಡಿಪಿ ಶೇ 6.8ಕ್ಕೆ

ಕಳೆದ ನವೆಂಬರ್‌ನಲ್ಲಿ ₹500 ಮತ್ತು ₹1,000 ಮುಖಬೆಲೆಯ ನೋಟುಗಳನ್ನು ರದ್ದುಪಡಿಸಿದ್ದರಿಂದ 2016–17ನೇ ಸಾಲಿನಲ್ಲಿ ಭಾರತದ ಆರ್ಥಿಕ ಬೆಳವಣಿಗೆ ಸ್ವಲ್ಪ ಹಿಂಜರಿತ ಕಂಡಿದೆ ಎಂದು ವಿಶ್ವಬ್ಯಾಂಕ್ ಅಭಿವೃದ್ಧಿ ವರದಿ ಹೇಳಿದೆ.

ಐಸಿಎಸ್‌ಇ: ಬೆಂಗಳೂರು ವಿದ್ಯಾರ್ಥಿ ದೇಶಕ್ಕೆ ಮೊದಲಿಗ

ಐಸಿಎಸ್‌ಇ ಹತ್ತನೇ ತರಗತಿಯಲ್ಲಿ ಬೆಂಗಳೂರಿನ ಸೇಂಟ್ ಪಾಲ್ ಇಂಗ್ಲಿಷ್ ಶಾಲೆಯ ವಿದ್ಯಾರ್ಥಿ ಅಶ್ವಿನ್ ರಾವ್ ಶೇ 99.4 ಅಂಕ  ಪಡೆದು ದೇಶಕ್ಕೆ ಟಾಪರ್ ಆಗಿದ್ದಾರೆ.

ಸಂಗತ

ಮಕ್ಕಳನ್ನು ಸಹಜವಾಗಿ ಬೆಳೆಯಲು ಬಿಡಿ

ಕುತೂಹಲದಿಂದ, ಅರಳುಗಣ್ಣುಗಳಿಂದ, ಮುಗ್ಧತೆಯಿಂದ ಜಗತ್ತನ್ನು ಅರಿಯುವ ಮಕ್ಕಳ ಪ್ರಯತ್ನಕ್ಕೆ ಪೋಷಕರೇ ತಣ್ಣೀರೆರಚುವುದು ಸರಿಯೇ?

ಸಹಭೋಜನ ಮತ್ತು ತಾರತಮ್ಯ

ತಾರತಮ್ಯ ರೂಪದ ನಡೆ ಸಮಾಜದಲ್ಲಿ ಮತ್ತೆ ಮತ್ತೆ ನಡೆದರೆ ಅದು ಶೋಷಿತರಲ್ಲಿ ಅಭದ್ರತೆಯನ್ನು ಮತ್ತಷ್ಟು ಹೆಚ್ಚಿಸುತ್ತದೆಯೋ ಕಡಿಮೆಗೊಳಿಸುತ್ತದೆಯೋ?

ಸುಧಾರಣೆ ಪರ ಇರಾನಿಯರ ಒಲವು

ಇರಾನ್‌ನ ಅಧ್ಯಕ್ಷ ಹಸನ್‌ ರೌಹಾನಿ ಅವರ ಮರುಆಯ್ಕೆಯನ್ನು, ಇಲ್ಲಿನ ಸಮಾಜ ಮಹತ್ವದ ಬದಲಾವಣೆ ಕಂಡಿರುವುದರ ದ್ಯೋತಕ ಎಂದೇ ಪರಿಗಣಿಸಲಾಗುತ್ತಿದೆ...

ಉನ್ನತಿಯ ಹೊಸ ಎತ್ತರದತ್ತ ಭಾರತ

ಹಗರಣಗಳಲ್ಲಿ ಹೂತು ಹೋಗಿದ್ದ ಯುಪಿಎ-2 ಸರ್ಕಾರವನ್ನು ಇತಿಹಾಸದ ತಿಪ್ಪೆಗೆಸೆದ ಜನ, ನರೇಂದ್ರ ಮೋದಿ ನೇತೃತ್ವದ ಎನ್‌ಡಿಎ ಸರ್ಕಾರವನ್ನು ಬಹುಮತದಿಂದ ಸ್ಥಾಪಿಸಿದ 2014ರ ಮೇ ತಿಂಗಳು ಭಾರತದ ಪಾಲಿಗೆ ಹೊಸ ಬೆಳಗು.

ಕರ್ನಾಟಕ ದರ್ಶನ

ಸಾಲು ಮಂಟಪದ ಅನ್ನಪೂರ್ಣೆಯರು

ಅಮ್ಮ ಕ್ಯಾಂಟೀನ್‌, ಇಂದಿರಾ ಕ್ಯಾಂಟೀನ್‌ ಪರಿಕಲ್ಪನೆಯೆಲ್ಲ ಈಗಿನದು. ಬಾದಾಮಿ ಬನಶಂಕರಿಯ ಸಾಲುಮಂಟಪದಲ್ಲಿ  ಕಡಿಮೆ ಬೆಲೆಗೆ ಈ ಅಮ್ಮಂದಿರು ಪ್ರೀತಿಯಿಂದ ಉಣಬಡಿಸುವ ರೊಟ್ಟಿ–ಥರಾವರಿ ಪಲ್ಯದ ಊಟಕ್ಕೆ 30 ವರ್ಷಗಳಿಗೂ ಮಿಕ್ಕ ಚರಿತ್ರೆಯೇ ಇದೆಯಲ್ಲ!...

ಎಂದೋ ಬರಿದಾದ ನದಿ...

ವೈರುಧ್ಯದ  ಒಂದು ಕಥಾನಕ ಇಲ್ಲಿದೆ. ಒಂದು ಬರದ ಹೊಡೆತಕ್ಕೆ ಕೃಷ್ಣೆಯಂತಹ ಮಹಾನದಿಯೇ ಬರಿದಾದ ಕುರಿತದ್ದಾದರೆ...

...ಎಂದಿಗೂ ಬತ್ತದ ಹಳ್ಳ

ಪುಟ್ಟ ಹಳ್ಳವೊಂದು ಯಾವ ಅಂಕುಶಕ್ಕೂ ಬಗ್ಗದೆ ಎಂದೆಂದಿಗೂ ಬತ್ತದ ಕಥೆ. ಆ ನದಿ–ಹಳ್ಳಗಳ ಸುತ್ತಲಿನ ಪರಿಸರದ ಸಂಸ್ಕೃತಿಗಳಿಗೂ ಈ ಕಥೆ ಕನ್ನಡಿ ಹಿಡಿಯುತ್ತದೆ...

ಹಲ್‌ ಬೇಕೇನ್ರೀ ಹಲ್ಲು...

ಬೆಂಗಳೂರಿನ ಕೆ.ಆರ್‌. ಮಾರುಕಟ್ಟೆಗೆ ನಿತ್ಯ ಸಾವಿರಾರು ಮಂದಿ ತರಕಾರಿ ತರಲು ಬಂದರೆ, ನೂರಾರು ಜನ ಹಲ್ಲು ಕಟ್ಟಿಸಲು ಬರುತ್ತಾರೆ. ಅಂದಹಾಗೆ, ಈ ಬಯಲು ದಂತ ಚಿಕಿತ್ಸಾಲಯಗಳಲ್ಲಿ ಹಲ್ಲು ಹಾಕಿಸಿದ ನಾಲ್ಕೇ ನಿಮಿಷದಲ್ಲಿ ಬಿರಿಯಾನಿ ಮೂಳೆಯನ್ನೂ ಕಡಿಯಬಹುದಂತೆ!

ಕೃಷಿ

ನೋಡಿದಿರಾ, ಬಗೆ ಬಗೆ ರಾಗಿ!

ಕಾವೇರಿ ನೀರನ್ನು ಅವಲಂಬಿಸಿರುವ ರೈತರು ಸಿರಿಧಾನ್ಯಗಳನ್ನು ಮರೆತೇ ಬಿಟ್ಟಿದ್ದರು. ನೀರಿನ ಕೊರತೆ ಅವರನ್ನು ಮತ್ತೆ ಈ ಬೆಳೆಗಳತ್ತ ವಾಲುವಂತೆ ಮಾಡಿದೆ. 17 ತಳಿಗಳ ರಾಗಿಯನ್ನು ಬೆಳೆದಿರುವ ಶಿವಳ್ಳಿ ರೈತನ ಹೆಜ್ಜೆ ಇತರರಿಗೂ ಪ್ರೇರಣೆಯಾಗಿದೆ...

ಆರೋಗ್ಯಪೂರ್ಣ ಬೆಳೆಗೆ ಅಂಗಾಂಶ ಕೃಷಿ

ಗಿಡದ ಅಂಗದಿಂದಲೇ ಕಸಿ ಮಾಡಿ ಲಕ್ಷಾಂತರ ಸಸಿಗಳನ್ನು ಲ್ಯಾಬ್‌ನಲ್ಲಿ ಉತ್ಪಾದಿಸುತ್ತಿದ್ದಾರೆ ಮುರಳೀಧರ ರಾವ್. ಈ ಅಂಗಾಂಶ ಕೃಷಿ ಪದ್ಧತಿಯಲ್ಲಿ ಅಭಿವೃದ್ಧಿಪಡಿಸಿದ ನೇಂದ್ರ, ಕ್ಯಾವೆಂಡಿಶ್ ಹಾಗೂ ಕದಲಿ ಬಾಳೆ ಸಸಿಗಳನ್ನು ಮಾರಾಟ ಮಾಡುತ್ತಾರೆ ಇವರು...

ಈ ಗುಲಾಬಿ ನಮಗಾಗಿ...

ವರ್ಷದುದ್ದಕ್ಕೂ ಆದಾಯ ತರುವಂತಹ ಕೃಷಿ ಚಟುವಟಿಕೆಯತ್ತ ಈ ರೈತ ಮಹಿಳೆ ಒಲವು ತೋರಿದಾಗ ಕೈಹಿಡಿದಿದ್ದು ಗುಲಾಬಿ. ಕಪ್ಪು ಮಣ್ಣಿನಲ್ಲಿ ಅವರು ಗುಲಾಬಿ ಅರಳಿಸಿದರೆ, ಗುಲಾಬಿ ಅವರ ಬದುಕನ್ನು ಅರಳಿಸಿದೆ!

ಮೊಲಗಳು ಸಾರ್‌ ಮೊಲಗಳು!

ಮೊಲ ಸಾಕಾಣಿಕೆಯಿಂದ ಕಡಿಮೆ ಅವಧಿಯಲ್ಲಿ ಹೆಚ್ಚು ಲಾಭ ಗಳಿಸಬಹುದು. ಮೊಲದ ಗರ್ಭಧಾರಣೆ ಅವಧಿ 30 ದಿನಗಳಾಗಿದ್ದು, ಒಂದು ಮೊಲ 5 ರಿಂದ 12 ಮರಿಗಳನ್ನು ಹಾಕುತ್ತದೆ. ಒಂದು ಯುನಿಟ್‌ನಲ್ಲಿ ಏಳು ಹೆಣ್ಣು ಮೊಲಗಳಿದ್ದು, ಸರಾಸರಿ ಆರು ಮರಿಗಳೆಂದರೂ 42 ಮರಿಗಳಾಗುತ್ತವೆ. ಮರಿಗಳನ್ನು...