ಬೆತ್ತಲೆ ಬರ್ತಾನೆ, ಒಳಉಡುಪು ಧರಿಸ್ತಾನೆ...

21 Mar, 2017
ಪ್ರಜಾವಾಣಿ ವಾರ್ತೆ

ಬೆಂಗಳೂರು: ರಾತ್ರಿ ಹಾಸ್ಟೆಲ್‌ಗೆ ಬೆತ್ತಲೆಯಾಗಿ ಬರುತ್ತಾನೆ. ಯುವತಿಯರು ಒಣಗಲು ಹಾಕಿರುವ ಒಳ ಉಡುಪುಗಳನ್ನು ಧರಿಸಿ ಖುಷಿಪಡುತ್ತಾನೆ. ಹುಡುಗಿಯರಂತೆ ನಡೆಯುತ್ತಾನೆ, ನಾಚುತ್ತಾನೆ.

ಈ ರೀತಿ ವಿಚಿತ್ರವಾಗಿ ವರ್ತಿಸುತ್ತಾ ಕಾಟ ಕೊಡುವ ಅಪರಿಚಿತ ಯುವಕ ನಗರದ ಮಹಾರಾಣಿ ಕಾಲೇಜು ವಿದ್ಯಾರ್ಥಿನಿಯರ ಪಾಲಿಗೆ ತಲೆನೋವಾಗಿ ಬಿಟ್ಟಿದ್ದಾನೆ.

ಮೂರು ಅಥವಾ ಆರು ತಿಂಗಳಿಗೊಮ್ಮೆ ಬಂದು ಹೋಗುವ ಈ ವ್ಯಕ್ತಿ ಯುವತಿಯರ ಒಳ ಉಡುಪುಗಳನ್ನೆಲ್ಲ ಕದ್ದೊಯ್ಯುತ್ತಿದ್ದಾನೆ. ಫೆ.12ರಂದು ರಾತ್ರಿ 12ಕ್ಕೆ ಹಾಸ್ಟೆಲ್‌ಗೆ ಆತ ಬಂದಿದ್ದ. ಆಗ ಆತನ ವಿಚಿತ್ರ ನಡವಳಿಕೆ  ಸಿ.ಸಿ.ಟಿ.ವಿ. ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆ ದೃಶ್ಯವನ್ನೇ ಆಧರಿಸಿ ಹಾಸ್ಟೆಲ್‌ನ ವಾರ್ಡನ್‌ ಸುಮಿತ್ರಾ ಅವರು ಹೈಗ್ರೌಂಡ್ಸ್‌ ಪೊಲೀಸ್‌ ಠಾಣೆಗೆ ಸೋಮವಾರ ದೂರು ಕೊಟ್ಟಿದ್ದಾರೆ.

‘ಎರಡು ಮೂರು ವರ್ಷಗಳಿಂದ ಈ ವ್ಯಕ್ತಿಯು ಹಾಸ್ಟೆಲ್‌ಗೆ ಬರುತ್ತಿದ್ದಾನೆ. ಅವನಿಂದ ವಿದ್ಯಾರ್ಥಿನಿಯರಿಗೆ  ತೊಂದರೆಯಾಗಬಾರದು ಎಂದು ಕಟ್ಟಡದ ಎಲ್ಲ ಬಾಗಿಲುಗಳನ್ನು ರಾತ್ರಿ ಭದ್ರವಾಗಿ ಹಾಕುತ್ತೇವೆ. ಜತೆಗೆ ಬಾಗಿಲು ಹಾಗೂ ಕಿಟಕಿಗಳಿಗೆ ಪ್ರತ್ಯೇಕ ಕಬ್ಬಿಣದ ಸರಳುಗಳನ್ನು ಅಳವಡಿಸಿದ್ದೇವೆ. ಯಾರೊಬ್ಬರೂ ಒಳಗೆ ಬರಲು ಹಾಗೂ ಕಿಟಕಿಯಲ್ಲಿ ಕೈ ಹಾಕಲು ಸಾಧ್ಯವಿಲ್ಲ’ ಎಂದು ಸುಮಿತ್ರಾ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

ಬೆತ್ತಲೆ ಮೈಗೆ ಎಣ್ಣೆ– ಕೈಯಲ್ಲಿ ಚಾಕು
‘ಭದ್ರತಾ ಸಿಬ್ಬಂದಿ ಕಣ್ತಪ್ಪಿಸಿ ಹಾಸ್ಟೆಲ್‌ನ ಆವರಣ ಗೋಡೆ ಜಿಗಿದು ಒಳಬರುವ ಯುವಕ, ಕಟ್ಟಡದ ನೀರಿನ ಪೈಪ್‌ ಬಳಸಿ ಟೆರೇಸ್‌ಗೆ ಹತ್ತುತ್ತಾನೆ. ಬೆತ್ತಲೆಯಾಗಿರುವ ಆತ ಮೈ ತುಂಬ ಎಣ್ಣೆ ಸವರಿಕೊಂಡಿರುತ್ತಾನೆ. ಬಲಗೈಯಲ್ಲಿ ಚಾಕು, ಎಡಗೈಯಲ್ಲಿ ಬಾಟಲಿ ಹಿಡಿದುಕೊಂಡಿದ್ದ ದೃಶ್ಯಗಳು  ಸೆರೆಯಾಗಿವೆ. ಬಾಟಲಿಯಲ್ಲಿ ಆ್ಯಸಿಡ್ ತುಂಬಿಕೊಂಡಿರುವ ಸಾಧ್ಯತೆ ಇದೆ’ ಎಂದು ಸುಮಿತ್ರಾ ಹೇಳಿದರು.

‘ಇದುವರೆಗೂ ಯಾವುದೇ ವಿದ್ಯಾರ್ಥಿನಿಯರಿಗೆ ಈತನಿಂದ ತೊಂದರೆಯಾಗಿಲ್ಲ. ಆದರೆ,  ಅನೇಕ ವಿದ್ಯಾರ್ಥಿನಿಯರ ಒಳಉಡುಪುಗಳು ಕಾಣೆಯಾಗಿವೆ.  ಆತನ ಕೈಯಲ್ಲಿ  ಚಾಕು ಹಾಗೂ ಆ್ಯಸಿಡ್‌ ಬಾಟಲಿ ಇರುವುದರಿಂದ ಯಾವ ಸಮಯದಲ್ಲಿ ಏನಾಗುತ್ತದೋ ಎಂಬ ಭಯವಂತೂ ಇದ್ದೇ ಇದೆ’ ಎಂದರು.

‘ವಿದ್ಯಾರ್ಥಿನಿಯರು ಟೆರೇಸ್‌ ಮೇಲೆಯೇ ಬಟ್ಟೆ ತೊಳೆದು, ಅಲ್ಲೇ ಹಗ್ಗದ ಮೇಲೆ ಒಣಗಲು ಹಾಕುತ್ತಾರೆ. ಈ ಸ್ಥಳಕ್ಕೆ ಆ ಯುವಕ ಪದೇಪದೇ ಬಂದು ಹೋಗುತ್ತಿದ್ದಾನೆ. ಒಂದರ ಮೇಲೊಂದು ಪ್ಯಾಂಟಿಗಳನ್ನು ತೊಡುತ್ತಾನೆ. ಬಳಿಕ ಒಂದರ ಮೇಲೊಂದು ಬ್ರಾಗಳನ್ನು ಧರಿಸುತ್ತಾನೆ. ನಂತರ ಹೆಣ್ಣಿನಂತೆ ನಡೆಯುತ್ತಾನೆ, ನಾಚಿ, ನುಲಿಯುತ್ತಾನೆ.’

ಟೆರೇಸ್‌ನ ಕೊಠಡಿಯೊಂದರಲ್ಲಿ ಸಾಮಗ್ರಿಗಳನ್ನು ಇಡಲಾಗಿದೆ. ಅಲ್ಲಿಯ ತೆರೆದ ಕಿಟಕಿಗಳತ್ತ ಕಣ್ಣು ಹಾಯಿಸುವ ಯುವಕ ತನ್ನನ್ನು ಯಾರೋ ನೋಡುತ್ತಿದ್ದಾರೆ ಎಂಬಂತೆ  ವರ್ತಿಸುತ್ತಾನೆ. ಬಾಗುತ್ತಾ ಮುಂದೆ ಸಾಗುತ್ತಾನೆ. ಈ ದೃಶ್ಯಗಳು ಕ್ಯಾಮೆರಾದಲ್ಲಿ ಸೆರೆಯಾಗಿವೆ  ಎಂದು   ವಿದ್ಯಾರ್ಥಿನಿ ವಿವರಿಸಿದರು.



‘ಟೆರೇಸ್‌ಗೆ ಯುವಕನೊಬ್ಬ ಬಂದು  ಒಳ ಉಡುಪು ಕದಿಯುವುದು ಗೊತ್ತಾದ ಬಳಿಕ ಟೆರೇಸ್‌ನಲ್ಲಿ ಸಿ.ಸಿ.ಟಿ.ವಿ. ಕ್ಯಾಮೆರಾ ಅಳವಡಿಸಿದೆವು. ಅದರಲ್ಲಿ ಆತನ ಚಲನವಲನ  ಸೆರೆಯಾಗಿದೆ’ ಎಂದು ವಾರ್ಡನ್‌  ಹೇಳಿದರು.

‘ಯುವಕನ ಉಪಟಳದಿಂದಾಗಿ ಕೆಲವು ವಿದ್ಯಾರ್ಥಿನಿಯರು, ತೊಳೆದ ಬಟ್ಟೆಯನ್ನು ಒಣಗಲು ಹಾಕುವುದನ್ನೇ ನಿಲ್ಲಿಸಿದ್ದಾರೆ’ ಎಂದು ತಿಳಿಸಿದರು.

ಭದ್ರತಾ ಸಿಬ್ಬಂದಿ ಕೈಗೆ ಸಿಕ್ಕಿಬಿದ್ದಿದ್ದ
‘ಮಾರ್ಚ್‌ 4ರಂದು ರಾತ್ರಿ 12ರ ಸುಮಾರಿಗೆ ಹಾಸ್ಟೆಲ್‌ಗೆ ಬಂದಿದ್ದ ಯುವಕನನ್ನು ಭದ್ರತಾ ಸಿಬ್ಬಂದಿ ಹಿಡಿದಿದ್ದರು. ಆಗ ಪೊಲೀಸರಿಗೂ ವಿಷಯ ತಿಳಿಸಿದ್ದೆವು. ಅವರು ಬರುವಷ್ಟರಲ್ಲಿ ಆತ ತಪ್ಪಿಸಿಕೊಂಡಿದ್ದ. ಮೈಗೆ ಎಣ್ಣೆ ಸವರಿಕೊಂಡಿದ್ದರಿಂದ ಆತನನ್ನು ಹೆಚ್ಚು ಹೊತ್ತು ಹಿಡಿದುಕೊಳ್ಳಲು ಭದ್ರತಾ ಸಿಬ್ಬಂದಿಗೂ ಸಾಧ್ಯವಾಗಿರಲಿಲ್ಲ’ ಎಂದು ಸುಮಿತ್ರಾ ವಿವರಿಸಿದರು.

ಎಫ್‌ಐಆರ್‌ ದಾಖಲಿಸಿಕೊಳ್ಳಲಿಲ್ಲ
‘ವಿದ್ಯಾರ್ಥಿನಿಯರ ಸುರಕ್ಷತೆ ದೃಷ್ಟಿಯಿಂದ ಘಟನೆ ಬಗ್ಗೆ ದೂರು ಕೊಡಲು ಪೊಲೀಸ್‌ ಕಮಿಷನರ್‌ ಕಚೇರಿಗೆ ಸೋಮವಾರ ಸಂಜೆ ಹೋಗಿದ್ದೆವು. ಅಲ್ಲಿಯ ಸಿಬ್ಬಂದಿ, ಕೇಂದ್ರ ವಿಭಾಗದ ಡಿಸಿಪಿ ಕಚೇರಿಗೆ ಕಳುಹಿಸಿದರು. ಬಳಿಕ ಅಲ್ಲಿ ದೂರು ಕೊಟ್ಟೆವು. ಅದನ್ನು ಸ್ವೀಕರಿಸಿದ ಸಿಬ್ಬಂದಿಯು ಎಫ್‌ಐಆರ್‌ ದಾಖಲಿಸಿಕೊಳ್ಳಲಿಲ್ಲ. ‘ಪ್ರತಿಭಟನೆ ನಡೆಯುತ್ತಿದ್ದ ಕಾರಣದಿಂದ ಡಿಸಿಪಿ ಅವರು ಹೊರಗಡೆ ಹೋಗಿದ್ದಾರೆ. ಅವರು ಬಂದ ಮೇಲೆ ಮಾತನಾಡುತ್ತೇವೆ. ನೀವು ನಾಳೆ ಬನ್ನಿ...’ ಎಂದು ಹೇಳಿ ಕಳುಹಿಸಿದರು’ ಎಂದು ಹಾಸ್ಟೆಲ್‌ ಸಿಬ್ಬಂದಿ ಅಸಮಾಧಾನ ವ್ಯಕ್ತಪಡಿಸಿದರು.

‘ನಾಲ್ಕು ಬಾರಿ ದೂರು ಕೊಟ್ಟಿದ್ದೆವು’
‘ಅಪರಿಚಿತ ವ್ಯಕ್ತಿ ಬಗ್ಗೆ ಹೈಗ್ರೌಂಡ್ಸ್‌ ಠಾಣೆಗೆ ಈ ಹಿಂದೆಯೂ ನಾಲ್ಕು ಬಾರಿ ದೂರು ಕೊಟ್ಟಿದ್ದೆವು. ಆದರೆ, ಇದುವರೆಗೂ ಆತನನ್ನು ಬಂಧಿಸಲು ಸಾಧ್ಯವಾಗಿಲ್ಲ’ ಎಂದು ಹಾಸ್ಟೆಲ್‌ ಅಧಿಕಾರಿಗಳು ತಿಳಿಸಿದರು.

‘ಆರೋಪಿ ಬಂದು ಹೋದ ಮರುದಿನ ಪೊಲೀಸರು ಸ್ಥಳಕ್ಕೆ ಬಂದು ಗಸ್ತು ತಿರುಗುತ್ತಾರೆ. ಈ ವೇಳೆ ಅಜ್ಞಾತ ವ್ಯಕ್ತಿ ಇತ್ತ ಸುಳಿಯುವುದೇ ಇಲ್ಲ.  ಆತ ಬರುವುದಿಲ್ಲ ಎಂದು ತಿಳಿದು ಪೊಲೀಸರು ಗಸ್ತು ನಿಲ್ಲಿಸುತ್ತಿದ್ದಂತೆ ಪುನಃ ಆತ ಹಾಸ್ಟೆ ಲ್‌ಗೆ ಬರುತ್ತಾನೆ’ ಎಂದು ಹೇಳಿದರು.

ಮೂರು ಹಾಸ್ಟೆಲ್‌ : ಆವರಣದಲ್ಲಿ ಕಲಾ, ವಾಣಿಜ್ಯ ಹಾಗೂ ವಿಜ್ಞಾನ ವಿಭಾಗದ ವಿದ್ಯಾರ್ಥಿನಿಯರಿಗೆ ಪ್ರತ್ಯೇಕ ಮೂರು ಹಾಸ್ಟೆಲ್‌ ಕಟ್ಟಡಗ ಳಿವೆ. ಅಲ್ಲಿ ಸದ್ಯ 800 ವಿದ್ಯಾರ್ಥಿನಿ ಯರು ಉಳಿದುಕೊಂಡಿದ್ದಾರೆ. ಈ ಮೂರು ಕಟ್ಟಡಗಳ ಟೆರೇಸ್‌ ಮೇಲೆ ಅಪರಿಚಿತ ವ್ಯಕ್ತಿ ಓಡಾಡುತ್ತಾನೆ.

Read More

Comments
ಮುಖಪುಟ

ಪಾಕ್‌ಗೆ ಮುಖಭಂಗ

ಮಲೀಹಾ ಅವರು ತೋರಿಸಿದ ಚಿತ್ರ ಗಾಜಾದ 17 ವರ್ಷದ ಬಾಲಕಿ ರವ್ಯಾ ಅಬು ಜೋಮಾ ಅವರದ್ದು. ಇಸ್ರೇಲ್‌ ದಾಳಿಗೆ ಸಿಕ್ಕಿ ಅವರ ಮುಖ ಜರ್ಜರಿತವಾಗಿತ್ತು. 2014ರ ಜುಲೈನಲ್ಲಿ ಈ ಚಿತ್ರವನ್ನು ಪ್ರಶಸ್ತಿ ಪುರಸ್ಕೃತ ಛಾಯಾಗ್ರಾಹಕ, ಅಮೆರಿಕದ ಹೈಡಿ ಲಿವೈನ್‌ ತೆಗೆದಿದ್ದರು...

‘ರಾಷ್ಟ್ರೀಯ ಬಸವ ಸೇನಾ’ ಅಸ್ತಿತ್ವಕ್ಕೆ

ಹೋರಾಟದ ನೇತೃತ್ವ ವಹಿಸಿರುವ ಜಲಸಂಪನ್ಮೂಲ ಸಚಿವ ಎಂ.ಬಿ. ಪಾಟೀಲ, ‘ಈ ಸಂಘಟನೆಗೆ ಗಣಿ ಮತ್ತು ಭೂವಿಜ್ಞಾನ ಸಚಿವ ವಿನಯ ಕುಲಕರ್ಣಿ ಅವರು ಅಧ್ಯಕ್ಷರಾಗಿರುತ್ತಾರೆ’ ಎಂದು ಪ್ರಕಟಿಸಿದರು. ಧ್ವಜ ನೀಡುವ ಮೂಲಕ ಅಧಿಕಾರದ ಜವಾಬ್ದಾರಿ ವಹಿಸಿಕೊಟ್ಟರು...

ಭಾರತಕ್ಕೆ ಸರಣಿ ಗೆಲುವಿನ ಪುಳಕ

ಅಜಿಂಕ್ಯ ರಹಾನೆ ಮತ್ತು ರೋಹಿತ್ ಶರ್ಮಾ ಹಾಕಿಕೊಟ್ಟ ಬುನಾದಿಯ ಮೇಲೆ ಸ್ಫೋಟಕ ಬ್ಯಾಟ್ಸ್‌ಮನ್‌ ಹಾರ್ದಿಕ್ ಪಾಂಡ್ಯ ಗೆಲುವಿನ ಸೌಧ ಕಟ್ಟಿದರು.

ಸಿದ್ಧಾರ್ಥ ಅಘೋಷಿತ ಆಸ್ತಿ ₹650 ಕೋಟಿ

‘ಸಿದ್ಧಾರ್ಥ ಅವರಿಗೆ ಸೇರಿದ ಕಾಫಿ ಉದ್ಯಮ, ಪ್ರವಾಸೋದ್ಯಮ, ಹಣಕಾಸು ಮತ್ತು ಮಾಹಿತಿ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಕಂಪೆನಿಗಳ ಮೇಲಿನ ಶೋಧ ಭಾನುವಾರ ಮುಕ್ತಾಯವಾಗಿದೆ. ಪ್ರಾಥಮಿಕ ತನಿಖೆಯಲ್ಲಿ ಅವರು ₹ 650 ಕೋಟಿ ಅಘೋಷಿತ ಆಸ್ತಿ ಹೊಂದಿದ್ದಾರೆ ಎಂಬುದು ಗೊತ್ತಾಗಿದೆ.

ಸಂಗತ

...ಹಾಗಾದರೆ ‘ನಾವು’ ಯಾರು?

ಲಿಂಗಾಯತ ಸಮೂಹಕ್ಕೆ ತಾನು ‘ವೈದಿಕ ಹಿಂದೂ’ ಅಲ್ಲ ಎಂದು ತಾತ್ವಿಕವಾಗಿ ಸಮರ್ಥಿಸಿಕೊಳ್ಳಲು ವಚನ ತಾತ್ವಿಕತೆಯ ಆಕರಮೂಲ ಇದೆ. ಹಾಗಾದರೆ ಬೇಡರು, ಬೆಸ್ತರು, ಮಾದಿಗರು, ಕುರುಬರು, ಕುಂಬಾರರು, ಒಕ್ಕಲಿಗರು, ಗಾಣಿಗರು, ಉಪ್ಪಾರರಂಥ ಸಮೂಹಗಳು ಕೂಡ ಈ ಪ್ರಶ್ನೆಯನ್ನು ಇದಿರಾಗಬೇಕಲ್ಲವೇ?

ಆರೋಗ್ಯ ಬೇಕೇ? ಸ್ವಚ್ಛತೆ ಕಾಪಾಡಿ

ಮನುಷ್ಯ ಹಣ ಗಳಿಕೆಗಾಗಿ ಗುಣ ಹಾಗೂ ಆರೋಗ್ಯ ಎರಡನ್ನೂ ಪಣಕ್ಕಿಟ್ಟು ದುಡಿಯುತ್ತಿದ್ದಾನೆ. ಹಾಗೇ ಇವೆರಡನ್ನೂ ಕಳೆದುಕೊಳ್ಳುತ್ತಿದ್ದಾನೆ.

ವಸ್ತುನಿಷ್ಠತೆ ಮೆರೆಯೋಣ

ವ್ಯಕ್ತಿ ನಿಂದೆ ಮಾಡದೆಯೂ ಗಾಂಧಿ ಚಿಂತನೆಗಳ ಪುನರ್ ವ್ಯಾಖ್ಯಾನ ಮಾಡಲು ಸಾಧ್ಯವಿಲ್ಲವೇ? ನಕಾರಾತ್ಮಕ ದೃಷ್ಟಿಯ ಬರವಣಿಗೆಯಿಂದ ಯುವಕರನ್ನು ಹಾದಿ ತಪ್ಪಿಸಿದಂತಾಗುತ್ತದೆ.

ಕರ್ಮಸಿದ್ಧಾಂತ, ಕಾಯಕಸಿದ್ಧಾಂತ ಪೂರ್ಣ ಬೇರೆ

ವೇದವನೋದಿದ ವಿಪ್ರರು ಹೊನಲಲ್ಲಿ ಹೋದ ಕೇಡ ನೋಡಿರೇ!

ಭರ್ಗೋ ದೇವಸ್ಯ ಧೀಮಹಿ ಎಂಬರು

ಒಬ್ಬರಿಗಾಗಿ ವಿಚಾರವಿಲ್ಲ ನೋಡಿರೇ

ಕೂಡಲಸಂಗಮದೇವಾ.

ಆಟಅಂಕ

ವೇಗದ ಹಾದಿಯಲ್ಲಿ ನವೋಲ್ಲಾಸ

ಭಾರತದ ನೆಲದಲ್ಲಿ ಸರಣಿ ನಡೆದಾಗಲೆಲ್ಲಾ ಸ್ಪಿನ್ನರ್‌ಗಳೇ ಪ್ರಾಬಲ್ಯ ಮೆರೆಯುತ್ತಿದ್ದರು. ಆದರೆ ಈಗ ಪರಿಸ್ಥಿತಿ ಬದಲಾಗಿದೆ. ಆತಿಥೇಯ ವೇಗಿಗಳು ಕೂಡ ಲೀಲಾಜಾಲವಾಗಿ ವಿಕೆಟ್‌ ಉರುಳಿಸಿ ತಂಡದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಿದ್ದಾರೆ. ಈ ಬಗ್ಗೆ ಜಿ.ಶಿವಕುಮಾರ ಬರೆದಿದ್ದಾರೆ.

ಸ್ವಂತ ಕ್ರೀಡಾಂಗಣದಲ್ಲಿ ರಣಜಿ ಸಂಭ್ರಮ

ಆರು ವರ್ಷಗಳ ನಂತರ ರಣಜಿ ಟ್ರೋಫಿ ಪಂದ್ಯ ಮತ್ತೆ ಶಿವಮೊಗ್ಗಕ್ಕೆ ಮರಳಿದೆ ಎನ್ನುವುದಕ್ಕಿಂತ ಮುಖ್ಯವಾಗಿ ಅದು ಕೆಎಸ್‌ಸಿಎ ಸ್ವಂತ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ ಎನ್ನುವುದೇ ವಲಯ ಸಮಿತಿಯ ಸಂಭ್ರಮಕ್ಕೆ ಕಾರಣವಾಗಿದೆ.

ಮಿನಿ ಫುಟ್‌ಬಾಲ್‌ನ ಮಹಾ ಜಗತ್ತು

ಪ್ರೊ ಕಬಡ್ಡಿ ಸೇರಿದಂತೆ ವಿವಿಧ ಲೀಗ್‌ಗಳ ಜೊತೆಗೆ ಭಾರತದಲ್ಲಿ ಪ್ರೀಮಿಯರ್‌ ಫುಟ್‌ಸಾಲ್‌ ಎಂಬ ಫುಟ್‌ಬಾಲ್ ಕ್ರೀಡೆ ಜನಪ್ರಿಯವಾಗುತ್ತಿದೆ. ಸಣ್ಣ ಅಂಗಣದಲ್ಲಿ, ಕಡಿಮೆ ಅವಧಿಯಲ್ಲಿ ಐದು ಮಂದಿ ಆಟಗಾರರು ಆಡುವ ಈ ಆಟ ಪ್ರೇಕ್ಷಕರನ್ನು ರೋಮಾಂಚನದ ಶಿಖರಕ್ಕೆ ಕೊಂಡೊಯ್ಯುತ್ತದೆ. ವಿದೇಶದ ದಿಗ್ಗಜರ ಜೊತೆ ದೇಶದ ಯುವ ಆಟಗಾರರಿಗೆ ಬೆರೆಯಲು ಅವಕಾಶ ಲಭಿಸುತ್ತಿರುವುದು ಫುಟ್‌ಸಾಲ್‌ನ ವೈಶಿಷ್ಟ್ಯ.

ಮಿಥುನ್‌ ಫಿಟ್‌ನೆಸ್‌ಗೆ ‘ಯೋಗ’ ಬಲ

ರಣಜಿ ಟೂರ್ನಿ ವೇಳೆ ಪದೇ ಪದೇ ಗಾಯದ ಸಮಸ್ಯೆ ಎದುರಿಸಿ ಟೀಕೆಗೆ ಒಳಗಾಗಿದ್ದ ವೇಗದ ಬೌಲರ್‌ ಅಭಿಮನ್ಯು ಮಿಥುನ್‌ ಫಿಟ್‌ನೆಸ್‌ ಹೆಚ್ಚಿಸಿಕೊಳ್ಳಲು ಯೋಗದ ಮೊರೆ ಹೋಗಿದ್ದಾರೆ. ಮುಂದಿನ ತಿಂಗಳು ಆರಂಭವಾಗುವ ರಣಜಿ ಟೂರ್ನಿಗೆ ಸಜ್ಜಾಗುತ್ತಿದ್ದಾರೆ. ಇದರ ಬಗ್ಗೆ ಮಾತನಾಡಿರುವ ಅವರನ್ನು ಪ್ರಮೋದ ಜಿ.ಕೆ. ಸಂದರ್ಶಿಸಿದ್ದಾರೆ.

ಶಿಕ್ಷಣ

ತರಗತಿಯಲ್ಲಿ ಪಠ್ಯಪುಸ್ತಕದ ಪ್ರಶಸ್ತ ಬಳಕೆ

‘ಪುಸ್ತಕವನ್ನು ಬಿಸಾಡು; ಪ್ರಕೃತಿಯೇ ನಿನಗೆ ಪರಮ ಗುರುವಾಗಲಿ’ – ಎಂಬ ವಾಕ್ಯವನ್ನು ವರ್ಡ್ಸ್‌ವರ್ಥ್‌ ತನ್ನ ಕೃತಿಯಲ್ಲಿ ಹೇಳಿದ್ದಾರೆ.  ಈ ವಾಕ್ಯದ ಆಶಯ ಚೆನ್ನಾಗಿದೆಯಾದರೂ ಮರುಪರಿಶೀಲನೆಗೆ ಒಳಗಾಗಬೇಕಾದ ವಾಕ್ಯವಿದು. ನಮ್ಮ ಆಲೋಚನೆಯ ವಿಷಯ ನಿಸರ್ಗ ಕೇಂದ್ರಿತವಾಗಬೇಕು ಎಂಬುದೇನೋ ಸರಿ. ಆದರೆ ನಿಸರ್ಗ ಕುರಿತು ಆಲೋಚನೆ ಮಾಡುವ ಬಗೆಗೆ ಪುಸ್ತಕಗಳು ತಿಳಿಸದೇ ಹೋದರೆ– ಅದು ಕೇವಲ ಅನುತ್ಪಾದಕ ಹಗಲುಗನಸಿನ ಆಕರ ಸಾಮಗ್ರಿ ಆಗಿಬಿಡುವ ಅಪಾಯವಿದೆ. ನಿಸರ್ಗದ ಅಧ್ಯಯನಕ್ಕೆ ಬೇಕಾದ– ಪ್ರಶ್ನೆ ರೂಪಿಸುವ ಕೇಳಲು ತಾರ್ಕಿಕ ವಿಭಾಗ, ಪರೀಕ್ಷೆ, ಪ್ರಯೋಗ ಎಲ್ಲವೂ ಪುಸ್ತಕದ ಅಧ್ಯಯನದಿಂದಲೇ ಪರಿಪಕ್ವವಾಗಬೇಕಾದವು. ವಿಷಯವನ್ನು ಆಲೋಚನಾ ಕೇಂದ್ರವನ್ನು ನಿಸರ್ಗ ಒದಗಿಸಿದರೂ ಆಲೋಚನಾ ವಿಧಾನವನ್ನು ಪುಸ್ತಕವೇ ಒದಗಿಸಬೇಕು.

ಮಕ್ಕಳಿಗೆ ಒತ್ತಡ ಬೇಕೇ?

ಇತ್ತೀಚಿಗೆ ತರಬೇತಿಗೆಂದು ಮೈಸೂರಿಗೆ ಹೋಗಿದ್ದೆ. ಮಾರ್ಕೆಟ್‌ನಲ್ಲಿ ಸುತ್ತಾಡುತ್ತಿರುವಾಗ ಬಹುತೇಕ ಮಾರಾಟಗಾರರು ಕೈಯಲ್ಲಿ ಆಟಿಕೆಯೊಂದನ್ನು ಹಿಡಿದು 'ನೂರಕ್ಕೊಂದು ನೂರುಕ್ಕೊಂದು, ತಿರುಗಿಸಿ ನೋಡಿ, ಟೆನ್ಷನ್‌ ಕಡಿಮೆ ಮಾಡ್ಕೊಳ್ಳಿ' ಎಂದು ಕೂಗುತ್ತಿದ್ದರು. ಅಲ್ಲಿಗೆ ಬಂದ ಪ್ರೌಢಶಾಲಾ ಹುಡುಗರ ಗುಂಪೊಂದು ನನ್ನನ್ನು ಆಕರ್ಷಿಸಿತು. ಅವರನ್ನು ಹಿಂಬಾಲಿಸಿದೆ...

ಪ್ರಜಾವಾಣಿ ಕ್ವಿಜ್‌

ಉಸ್ತಾದ್ ಆಲಿ ಅಹಮ್ಮದ್ ಹುಸೇನ್ ಅವರು ಯಾವ ವಾದ್ಯವನ್ನು ನುಡಿಸುವುದರಲ್ಲಿ ಖ್ಯಾತರಾಗಿದ್ದರು?

ಸ್ಪರ್ಧಾತ್ಮಕ ಪರೀಕ್ಷೆಗಳು ಹೆದರಿಕೆ ಬೇಡ, ಇರಲಿ ಧೈರ್ಯ

ಇದೀಗ ಶಾಲೆಗಳಲ್ಲಿ ನವೆಂಬರ್ ತಿಂಗಳಿನಲ್ಲಿ ಬರುವ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆ ಭರದಿಂದ ಸಾಗುತ್ತಿದೆ. ಇದು ಅಗತ್ಯ ಕೂಡ. ಮಕ್ಕಳನ್ನು ಸ್ಪರ್ಧಾತ್ಮಕ ಜಗತ್ತಿಗೆ ತೆರೆದುಕೊಳ್ಳುವಂತೆ ಮಾಡುವುದು ಸಹ ಶಾಲೆಗಳ ಕರ್ತವ್ಯ. ಶಿಕ್ಷಕರಿಗೆ ಇದೊಂದು ಹೆಚ್ಚುವರಿ ಕಾರ್ಯ.