ಕೆಂಪನ್ನು ಹಸಿರಾಗಿಸಿ

13 May, 2017
ಮಂಜುಳಾ ರಾಜ್

ಆ ಮೂರು ದಿನಗಳೆಂದರೆ ಎಲ್ಲರಿಗೂ ಒಂದು ರೀತಿಯ ಮುಜುಗರ, ಏನೋ ಅನಾನುಕೂಲ, ಹೇಳುವಂತಿಲ್ಲ, ಆದರೂ ಅನುಭವಿಸಲೇಬೇಕು. ಆ ದಿನಗಳಲ್ಲಿ ಬೇರೆ ಕೂರ ಬೇಕು, ಯಾರನ್ನೂ ಮುಟ್ಟಿಸಿಕೊಳ್ಳುವಂತಿಲ್ಲ, ಸ್ನಾನವಿಲ್ಲ. ಆ ರಕ್ತಸ್ರಾವವನ್ನು ತಡೆಯಲು ಅಮ್ಮನ ಹಳೆಯ ಸೀರೆಗಳನ್ನು ಬಳಸಲಾಗುತ್ತಿತ್ತು.

ಅದನ್ನು ಯಾರಿಗೂ ಕಾಣದಂತೆ ಒಣಗಿಸಿ ಮತ್ತೆ ಬಳಸುವುದು ಹಿಂದಿನಿಂದ ಬಂದ ಪದ್ಧತಿಯೇ ಆಗಿದೆ. ಆದರೂ ಈ ವಿಷಯದ ಬಗ್ಗೆ ಮುಕ್ತವಾಗಿ ಮಾತನಾಡಲಾಗದು. ಸೃಷ್ಟಿಯ ಸಂಕೇತವಾದ ಮುಟ್ಟು ಜೀವಸೆಲೆಯನ್ನು ನಿಯಂತ್ರಿಸುತ್ತದೆ. ಆದರೆ ಇದರ ನಿಯಂತ್ರಣಕ್ಕೆ ಬಳಸುವ ಅತಿ ಜನಪ್ರಿಯ ಉತ್ಪನ್ನಗಳ ನೈರ್ಮಲ್ಯವನ್ನು ನಿಯಂತ್ರಿಸಲು ಮಾತ್ರ ಸಾಧ್ಯವಾಗಿಲ್ಲ.

ಆಧುನಿಕತೆ ಮುಂದುವರೆದಂತೆ ಹಳೆಯ ಬಟ್ಟೆಗಳ ಬದಲು ಹೊಸ ಹೊಸ ಅವಿಷ್ಕಾರಗಳಾಗಿ ಮುಕ್ತವಾಗಿ ಈ ಪ್ಯಾಡುಗಳ ಜಾಹಿರಾತುಗಳು ಕಾಣಿಸಿಕೊಳ್ಳಲಾರಂಭವಾಯಿತು. ಅನಿವಾರ್ಯವಾಗಿ ಇವುಗಳ ಬಳಕೆ ಹೆಚ್ಚಾಗಿರುವುದರಿಂದ ಎಲ್ಲೆಂದರಲ್ಲಿ, ಅಲ್ಲಲ್ಲಿ ರಸ್ತೆಗಳ ಮೇಲೆಯೂ ಈ ರಕ್ತಸಿಕ್ತ ಪ್ಯಾಡುಗಳ ದರ್ಶನವಾಗುತ್ತಿರುತ್ತವೆ.

ಅಂತೆಯೇ ಕಳೆದ ಹತ್ತು ವರ್ಷಗಳಿಂದ ಸ್ವಲ್ಪ ಮಟ್ಟಿಗೆ ಮೌನ, ಮಾತಾಗಿ ನಿಷೇಧಿಸಿದ್ದ ವಿಷಯ ಸಾರ್ವಜನಿಕ ವಲಯಗಳಲ್ಲಿ ಸದ್ದು ಮಾಡುತ್ತಿದೆ. ಅಂತೆಯೇ ಸರ್ಕಾರ, ಕೆಲವು ಎನ್.ಜಿ.ಒ.ಗಳು ಒಮ್ಮೆ ಬಳಸಿ ಬಿಸಾಡುವಂತಹ ಸ್ಯಾನಿಟರಿ ನ್ಯಾಪ್ಕಿನ್ಸ್ ಅನ್ನು ಉಚಿತವಾಗಿ ನೀಡಲು ಆರಂಭಿಸಿ ಈ ಪ್ಯಾಡುಗಳ ಬಳಕೆ ಚಾಲ್ತಿಗೆ ಬಂದಿತು.

ಮುಟ್ಟಾಗುವ ಮಹಿಳೆಯರ ಸಂಖ್ಯೆ ಭಾರತದಲ್ಲಿ ಸುಮಾರು 30 ಕೋಟಿಯಷ್ಟು. ಎಂದರೆ ಎಷ್ಟರ ಮಟ್ಟಿಗೆ ಈ ಬಳಸಿ ಬಿಸಾಡುವ ಪ್ಯಾಡುಗಳ ಬಳಕೆಯಾಗುತ್ತಿದೆ ಎನ್ನುವುದನ್ನು ಊಹಿಸಿಕೊಳ್ಳಿ. ಆದರೆ ನಮ್ಮ ದೇಶದ ವೇಸ್ಟ್ ಮ್ಯಾನೇಜ್‌ಮೆಂಟ್ ಅಷ್ಟೊಂದು ಸಮರ್ಥವಾಗಿರದ ಕಾರಣ ಇಷ್ಟೊಂದು ಬಳಸಿ ಬಿಸಾಡಿದ ಪ್ಯಾಡುಗಳನ್ನು ಮಾಡುವುದೇನು ಎನ್ನುವುದು ದೊಡ್ಡ ಸಮಸ್ಯೆಯಾಗಿದೆ.

ಮುಟ್ಟಾದಾಗ ಮಹಿಳೆಯರು ತಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳುವುದರ ಜೊತೆಗೆ ನಮ್ಮ ಪರಿಸರವನ್ನು ಕಲುಷಿತವಾಗದಂತೆ ಗಮನಿಸಬೇಕಾಗಿದೆ. ಜೊತೆಗೆ ನಾವು ಬಿಸಾಡಿದ ಕಸವನ್ನು ವಿಂಗಡಣೆ ಮಾಡುವ ಕೆಲಸವನ್ನು ಮಾಡುವವರ ಆರೋಗ್ಯದ ಬಗ್ಗೆಯೂ ಯೋಚಿಸಬೇಕಿದೆ.

ನಮ್ಮ, ನಮ್ಮ ಪರಿಸರ ಮತ್ತು ಕಸದ ನಿರ್ವಹಣೆ ಮಾಡುವ ಜನರ ಆರೋಗ್ಯ ಕಾಪಾಡಬಲ್ಲಂತಹ ಆರೋಗ್ಯಕರ ಉತ್ಪನ್ನಗಳ ಬಗ್ಗೆ ಎಲ್ಲರಿಗೂ ಇನ್ನೂ ತಿಳಿದಿಲ್ಲ.

ಈ ವಿಷಯದ ಬಗ್ಗೆ ಅರಿವನ್ನು ಮೂಡಿಸುವ ಕೆಲಸವನ್ನು, ಎಂದರೆ ಕೆಂಪನ್ನು ಹಸಿರಾಗಿಸುವ ‘ಗ್ರೀನ್ ದ ರೆಡ್’  ಅಭಿಯಾನವನ್ನು ಬೆಂಗಳೂರಿನ ಎಚ್.ಎಸ್.ಆರ್. ಲೇಔಟ್ ಸಿಟಿಜನ್ ಫೋರಮ್ಮಿನ ಮಹಿಳೆಯರು  ಪ್ರಾರಂಭಿಸಿದ್ದಾರೆ. ಮಹಿಳೆಯರು ಕೆಲಸ ಮಾಡುವೆಡೆಯಲ್ಲಿ ತಮ್ಮ ಈ ಕಾರ್ಯವನ್ನು ಕೈಗೊಂಡಿದ್ದಾರೆ.

ಕಾರ್ಪೊರೇಟ್ ಕಚೇರಿಗಳು, ಅಪಾರ್ಟ್‌ಮೆಂಟುಗಳು, ಶಾಲೆ, ಆಸ್ಪತ್ರೆಗಳು – ಎಲ್ಲೆಡೆ ಈ ಬಗ್ಗೆ ಅರಿವು ಮೂಡಿಸುವ ಕೆಲಸವನ್ನು ಮಾಡುತ್ತಿದ್ದಾರೆ. ಎಲ್ಲವೂ ಮತ್ತೆ ಹಿಂದಿನಂತೆ ಎನ್ನುವ ಹಾಗೆ ಮತ್ತೆ ಮತ್ತೆ ಬಳಸಬಲ್ಲಂತಹ ಬಟ್ಟೆಗಳ ಪ್ಯಾಡುಗಳು, ಬಟ್ಟೆಯ ಡೈಪರ್‌ಗಳು ಮತ್ತು ಮೆನ್ಸ್ಟುರಲ್ ಕಪ್ಸ್‌ನ ಬಗ್ಗೆ ಮಹಿಳೆಯರಿಗೆ ತಿಳಿಸುವ ಈ ಕೈಂಕರ್ಯದಲ್ಲಿ ರಾಜ್ಯದ ಪರಿಸರ ನಿಯಂತ್ರಣ ಕೇಂದ್ರವೂ ಇವರೊಡನೆ ಕೈಗೂಡಿಸಿದೆ.

ಬಳಸಿ ಬಿಸಾಡುವ ಸಂಸ್ಕೃತಿಯನ್ನು ಬಿಟ್ಟು ಪರಿಸರ ಸ್ನೇಹಿ ಉತ್ಪನ್ನಗಳನ್ನು ಬಳಸಲು ಒಪ್ಪಿ ಕೊಂಡವರಿಗೆ ಕೆಂಪು ಬಿಂದಿಯ ಮೇಲೆ ಹಸಿರು ಚುಕ್ಕೆಯನ್ನಿಟ್ಟ ಬಿಂದಿಯನ್ನು ಧರಿಸಲು ನೀಡುತ್ತಾರೆ. ಕೆಂಪಾದ ಪರಿಸರವನ್ನು ಮತ್ತೆ ಹಸಿರಾಗಿಸುವ ಸಂಕೇತವದು.

ಮಹಿಳಾ ದಿನಾಚರಣೆಯಂದು ಪ್ರಾರಂಭವಾದ ಈ ಅಭಿಯಾನದ ರೂವಾರಿಗಳು ತಮ್ಮನ್ನು ‘ಕಪ್ ಸ್ಪೆರ್ಟ್ಸ್’ ಎಂದು ಕರೆದು ಕೊಳ್ಳುವ ಸ್ವಯಂ ಸೇವಕಿಯರ ಒಂದು ಗುಂಪು. ‘ನಾವೆಲ್ಲರೂ ಈ ಪರಿಸರಸ್ನೇಹಿ ಉತ್ಪನ್ನಗಳನ್ನು ಬಳಸುತ್ತಿದ್ದೇವೆ ಮತ್ತು ಪ್ರತಿಯೊಬ್ಬ ಮಹಿಳೆಯೂ ಇವುಗಳನ್ನು ಬಳಸಲಿ ಎನ್ನುವ ಆಶಯ ನಮ್ಮದು’ ಎನ್ನುತ್ತಾರೆ, ಈ ಗುಂಪಿನ ಸದಸ್ಯರು.

ಇವರು ಇಪ್ಪತ್ತರಿಂದ ಅರವತ್ತು ವರ್ಷದ ವಯೋಮಿತಿಯ ಪ್ರಪಂಚದ ವಿಭಿನ್ನ ಭಾಗಗಳಿಂದ ಮತ್ತು ನಡೆಗಳಿಂದ ಬಂದವರು. ಆದರೆ ಹೆಚ್ಚಿನವರು ಬೆಂಗಳೂರಿನವರೇ ಆದ್ದರಿಂದ ‘ಗ್ರೀನ್ ದ ರೆಡ್’ ನಮ್ಮ ಉದ್ಯಾನ ನಗರಿಯಲ್ಲಿ ಹೆಚ್ಚಿನ ಸದ್ದು ಮಾಡುತ್ತಿದೆ. ಮಹಿಳಾ ದಿನಾಚರಣೆಯಂದೇ ಬಹಳಷ್ಟು ಕಾರ್ಯಕ್ರಮಗಳನ್ನು ನಡೆಸಿದ್ದಾರೆ.

ಅಂತೆಯೇ ಮುಂದಿನ ದಿನಗಳಲ್ಲಿ ಮತ್ತಷ್ಟು ಕಂಪೆನಿಗಳಿಗೆ ಭೇಟಿ ನೀಡಿ ಅಲ್ಲಿಯ ಮಹಿಳೆಯರಿಗೆ ಈ ಬಗ್ಗೆ ಅರಿವು ಮೂಡಿಸುವ ಯೋಚನೆ ಇವರದು, ತನ್ಮೂಲಕ ಇಡೀ ಬೆಂಗಳೂರನ್ನು ಸ್ವಚ್ಚವಾಗಿರಿಸುವ ಕಳಕಳಿಯೂ ಹೌದು, ತನ್ಮೂಲಕ, ಇಡೀ ವಿಶ್ವಕ್ಕೆ ಈ ಸಂದೇಶವನ್ನು ತಲುಪಿಸುವ ಆಸೆ ಇವರದು.

Comments
ಮುಖಪುಟ

ಕೇಂದ್ರ ಸರ್ಕಾರದ ವಿರುದ್ಧ ವಿವಿಧ ಸಂಘಟನೆಗಳಿಂದ ಪ್ರತಿಭಟನೆ

ಕೇಂದ್ರದ ಎನ್‌ಡಿಎ ಸರ್ಕಾರದ ಜನ ವಿರೋಧಿ ನೀತಿಗಳನ್ನು ಖಂಡಿಸಿ 100ಕ್ಕೂ ಹೆಚ್ಚು ಸಂಘಟನೆಗಳ ಸದಸ್ಯರು ಬುಧವಾರ ಪಾರ್ಲಿಮೆಂಟ್ ಸ್ಟ್ರೀಟ್‌ನಲ್ಲಿ ಪ್ರತಿಭಟನೆ ನಡೆಸಿದರು.

ಬಿಜೆಪಿಯ ಅಶ್ವಮೇಧ ಕುದುರೆಯನ್ನು ಕಟ್ಟಿಹಾಕಿದ್ದೇವೆ: ಕುಮಾರಸ್ವಾಮಿ

‘ನಮ್ಮದು ಅಸ್ಥಿರ ಸರ್ಕಾರ ಎಂಬ ತಪ್ಪುಕಲ್ಪನೆ ಬದಿಗಿಡಿ. ನಾವೆಲ್ಲ ಒಗ್ಗಟ್ಟಾಗಿದ್ದೇವೆ. ರಾಷ್ಟ್ರಕವಿ ಕುವೆಂಪು ತಮ್ಮ ಕವನದಲ್ಲಿ ಹೇಳಿರುವಂತೆ, ಸರ್ವಜನಾಂಗದ ಶಾಂತಿಯ ತೋಟ ನಮ್ಮ ರಾಜ್ಯವಾಗಬೇಕು. ಆ ನಿಟ್ಟಿನಲ್ಲಿ ಸರ್ಕಾರ ಕೆಲಸ ಮಾಡಲಿದೆ’ ಎಂದು ನೂನತ ಮುಖ್ಯಮಂತ್ರಿ ಎಚ್‌.ಡಿ. ಕುಮಾರಸ್ವಾಮಿ ಹೇಳಿದರು.

ನಾನೊಬ್ಬ ‘ಸಾಂದರ್ಭಿಕ ಶಿಶು’: ಮುಖ್ಯಮಂತ್ರಿ ಕುಮಾರಸ್ವಾಮಿ

ಮುಂದಿನ ದಿನಗಳಲ್ಲಿ  ಜೆಡಿಎಸ್‌– ಕಾಂಗ್ರೆಸ್‌ ಹೊಂದಾಣಿಕೆ ಸರಿ ಎನ್ನುವಂತಹ ರೀತಿಯಲ್ಲಿ ಆಡಳಿತ ನಡೆಸುತ್ತೇನೆ. ನಮ್ಮಲ್ಲಿ ಯಾವುದೇ ಭಿನ್ನಾಭಿಪ್ರಾಯ ಬರುವುದಿಲ್ಲ ಎಂದು ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಚಿಕ್ಕಬಳ್ಳಾಪುರ: ಜೆಡಿಎಸ್ ಕಾರ್ಯಕರ್ತರ ವಿಜಯೋತ್ಸವ

‘ನಮ್ಮ ನೆಚ್ಚಿನ ನಾಯಕರಾದ ಎಚ್.ಡಿ.ಕುಮಾರಸ್ವಾಮಿ ಅವರು ಎರಡನೇ ಬಾರಿಗೆ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕಾರ ಮಾಡಿದ್ದಾರೆ. ನಾಡಿನ ಜನತೆಯ ಎಲ್ಲರ ಆಶೀರ್ವಾದ ಅವರ ಮೇಲಿದೆ. ವರುಣ ಕೂಡ ಆ ಶುಭಗಳಿಗೆಗೆ ಸಾಕ್ಷಿಯಾಗಿ ಹರಿಸಿದ್ದಾನೆ’ ಎಂದು ಜೆಡಿಎಸ್ ಮುಖಂಡ ಕೆ.ಪಿ.ಬಚ್ಚೇಗೌಡ ಸಂತಸ ವ್ಯಕ್ತಪಡಿಸಿದರು.

ಸಂಗತ

ಸಾಲಮುಕ್ತ ಸಮಾಜ: ಸ್ವಾಭಿಮಾನ ಸಮಾಜ

ಸ್ವಾಭಿಮಾನಿಗಳಾದ ಕೃಷಿಕರು ಸರ್ಕಾರ ಕೊಡಮಾಡುವ ಸಾಲಮನ್ನಾದ ಹಣವನ್ನು ವಿಧಾನಸೌಧಕ್ಕೆ ಎಸೆದುಬರುವ ಧೈರ್ಯವನ್ನು ತೋರಿಸಬೇಕಾಗುತ್ತದೆ

ಮಕ್ಕಳ ಕಳ್ಳರು ಎಲ್ಲಿದ್ದಾರೆ?

ಅಭದ್ರ ಸ್ಥಿತಿಯಲ್ಲಿರುವ ಅನ್ಯರೆಲ್ಲರೂ ಅನುಮಾನಕ್ಕೆ ಅರ್ಹರು ಎಂಬ ಮನಸ್ಥಿತಿಯ ಅತಿರೇಕವೇ ವದಂತಿ ಹಾಗೂ ಹಲ್ಲೆಗಳಿಗೆ ಪ್ರೇರಣೆ ನೀಡಿದಂತಿದೆ

ಸಮ್ಮಿಶ್ರ ಸರ್ಕಾರ: ಬೀಸುಮಾತು ಸರಿಯಲ್ಲ

ಭಾರತಕ್ಕೆ ಸಮ್ಮಿಶ್ರ ಸರ್ಕಾರ ಎನ್ನುವುದು ದೊಡ್ಡ ಸಮಸ್ಯೆಯಲ್ಲ. ಏಕೆಂದರೆ ಭಾರತದ ಸಮಾಜವೇ ಜಗತ್ತಿನ ಅತ್ಯಂತ ದೊಡ್ಡ ಸಮ್ಮಿಶ್ರ ವ್ಯವಸ್ಥೆಯಾಗಿದೆ.

ಅತಂತ್ರ ಸರ್ಕಾರದ ಹೆಜ್ಜೆಗಳು

ರಾಜಕಾರಣಕ್ಕೆ ಈಗ ಪಕ್ಷ ಒಂದು ನೆಪವಾಗಿದೆ. ಅದರ ಮೇಲೆ ಬಾಜಿ ಕಟ್ಟುವ ಪಣದಾಟ. ನಾಯಕರಿಂದ ಕಾರ್ಯಕರ್ತರವರೆಗೆ ಬರೀ ಕೂಗಾಟ...

ವಾಣಿಜ್ಯ

ನ್ಯೂಟ್ರಿ ಪ್ಯಾರಡೈಸ್‌ ಸ್ಟಾರ್ಟ್‌ಅಪ್‌

ಕಾಯಿಲೆ ಗುಣಪಡಿಸುವಲ್ಲಿ ಔಷಧೋಪಚಾರಗಳ ಜತೆಗೆ ಆರೋಗ್ಯಕರ ಆಹಾರ ಸೇವನೆಯೂ ಮಹತ್ವದ ಪಾತ್ರ ನಿರ್ವಹಿಸುತ್ತದೆ. ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುವವರು ಚಿಕಿತ್ಸೆಗೆ ತ್ವರಿತವಾಗಿ ಸ್ಪಂದಿಸಲು ನೆರವಾಗುವ ಆಹಾರ ಉತ್ಪನ್ನಗಳನ್ನು ತಯಾರಿಸಿ, ಪೂರೈಸುತ್ತಿರುವ ಬೆಂಗಳೂರಿನ ನವೋದ್ಯಮ ‘ನ್ಯೂಟ್ರಿ ಪ್ಯಾರಡೈಸ್‌’ನ ಸಾಹಸ ಮತ್ತು ಸವಾಲುಗಳು ಇಲ್ಲಿದೆ.

ಕಬ್ಬು ಬೆಲೆ ನಿಗದಿಗೆ ಆಸ್ಟ್ರೇಲಿಯಾ ಮಾದರಿ

ಈ ವರದಿಯ ಶಿಫಾರಸಿನಂತೆ ಕಬ್ಬು ಬೆಳೆಗಾರರಿಗೆ ಹಾಗೂ ಸಕ್ಕರೆ ಕಾರ್ಖಾನೆ ಮಾಲಿಕರಿಗೆ ಅನುಕ್ರಮವಾಗಿ 30:70 ರ ಅನುಪಾತದಂತೆ ಒಟ್ಟು ಆದಾಯದ ವರಮಾನ ಹಂಚಿಕೆಯನ್ನು ನಿಗದಿಪಡಿಸಲಾಗಿತ್ತು. ಈ ವರದಿಯನ್ನು ಕಟ್ಟುನಿಟ್ಟಾಗಿ ಅನುಷ್ಠಾನಗೊಳಿಸಲು ಕೇಂದ್ರ ಸರ್ಕಾರವು, ಪ್ರತಿಯೊಂದು ರಾಜ್ಯಗಳಲ್ಲಿ  ರೈತ ಮತ್ತು ಸಕ್ಕರೆ ಕಾರ್ಖಾನೆಗಳ ಪ್ರತಿನಿಧಿಗಳನ್ನೊಳಗೊಂಡ ಕಬ್ಬು ನಿಯಂತ್ರಣಾ ಮಂಡಳಿ ರಚಿಸಿದೆ.

ಹಿರಿಯರ ನೆರವಿಗೆ ಹಲವು ಸಾಧನಗಳು

ಬೇಸಿಕ್ ಮೊಬೈಲ್ ಫೋನ್, ಕೆಂಪುಗುಂಡಿ, ಹಸಿರು ಗುಂಡಿ ಒತ್ತುವುದು, ಮಾತನಾಡುವುದು… ಹಿರಿಯರಿಗೆ ತಿಳಿದಿರಬೇಕಾದ ತಂತ್ರಜ್ಞಾನ ಇಷ್ಟೇನಾ… ಇನ್ನೂ ಹಲವು ಇವೆ. ಕೆಲವು ಸಾಧನಗಳ ರೂಪದಲ್ಲಿದ್ದರೆ, ಇನ್ನೂ ಕೆಲವು ತಂತ್ರಾಂಶಗಳ ರೂಪದಲ್ಲಿವೆ.

ಮಹಿಳೆಯರಿಗೂ ಬೇಕು ಆರೋಗ್ಯ ವಿಮೆ

‘ಅಸೋಚಾಂ’ ನಡೆಸಿದ ಒಂದು ಅಧ್ಯಯನದ ಪ್ರಕಾರ ನೌಕರಿ ಮಾಡುವ ಶೇ 80ರಷ್ಟು ಭಾರತೀಯ ಮಹಿಳೆಯರು, ಹೃದಯದ ರಕ್ತನಾಳದ ಸಮಸ್ಯೆ, ಮಧುಮೇಹ, ರಕ್ತದೊತ್ತಡ, ಖಿನ್ನತೆ, ಬೊಜ್ಜು, ಬೆನ್ನು ನೋವು ಮುಂತಾದ ಜೀವನಶೈಲಿ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿದ್ದಾರೆ

ತಂತ್ರಜ್ಞಾನ

ಬದಲಾಗಲಿದೆ ಸಂಚಾರ ಸೂತ್ರ

ಮನೆ ನಂ.35ರಲ್ಲಿ ನಿಂತು ಕಾಯುತ್ತಿದ್ದರೆ ಹಿಂದಿನ ಬೀದಿಯ ಮನೆ ನಂ.70ರಲ್ಲಿ ಕ್ಯಾಬ್ ನಮ್ಮ ಬರುವಿಕೆಗಾಗಿ ಕಾದಿರುತ್ತದೆ. ‘ಏಕೆ ಹೀಗೆ?’ ಎಂದು ನಮ್ಮಲ್ಲೇ ಗೊಣಗುವುದರ ಜತೆಗೆ ಚಾಲಕನ ಜತೆ ವಾಗ್ವಾದ ನಡೆಸಿ ಕಸ್ಟಮರ್ ಕೇರ್‌ಗೂ ಕರೆ ಮಾಡಿ ದೂರುಗಳ ಸುರಿಮಳೆ ಸಲ್ಲಿಕೆಯಾಗಿರುತ್ತದೆ. ಆದರೂ ಮತ್ತದೇ ಗೊಂದಲದ ಪುನರಾವರ್ತನೆ. ಇದಕ್ಕೆ ಕಾರಣ ಸದ್ಯ ಬಳಕೆಯಲ್ಲಿರುವ ನ್ಯಾವಿಗೇಷನ್(ಪಥದರ್ಶಕ) ಸಿಸ್ಟಮ್.

ಬದಲಾದ ಜಿಮೇಲ್ ಸ್ವರೂಪ; ಹೊಸತೇನಿದೆ?

ಜಿಮೇಲ್ ಡಿಸೈನ್ ಬದಲಾಗಿದ್ದು ಎಲ್ಲರೂ ಗಮನಿಸಿರಬಹುದು. ಜಿಮೇಲ್ ಬಳಕೆದಾರರು ಇನ್ನೂ ಹೊಸ ಡಿಸೈನ್‍ ಆಯ್ಕೆ ಮಾಡಿಕೊಂಡಿಲ್ಲ ಎಂದಾದರೆ ಜಿಮೇಲ್ ಸೆಟ್ಟಿಂಗ್ ಬಟನ್ ಕ್ಲಿಕ್ ಮಾಡಿದರೆ Try new Gmail ಎಂಬ ಆಪ್ಶನ್ ಕಾಣುತ್ತದೆ. ಅದನ್ನು ಕ್ಲಿಕ್ ಮಾಡಿದರೆ ಹೊಸ ಸ್ವರೂಪದ ಜಿಮೇಲ್‍ಗೆ ಸ್ವಿಚ್ ಆಗಬಹುದು.

ಫೇಸ್‌ಬುಕ್‌ನಲ್ಲಿ ಈ ವಿಷಯ ಶೇರ್ ಮಾಡಬೇಡಿ

ಫೇಸ್‌ಬುಕ್‌ ಅನ್ನು ಖಾಸಗಿ ಡೈರಿಯಂತೆ ಪರಿಗಣಿಸಿದವರು ಸಾಕಷ್ಟು ಮಂದಿ ಇದ್ದಾರೆ. ಅಂತಹವರಿಗೆ ತಮ್ಮ ಬದುಕಿನ ಸುಖ–ದುಃಖಗಳನ್ನು ಫೇಸ್‌ಬುಕ್ಕಿನಲ್ಲಿ ಹಂಚಿಕೊಂಡರೆ ನೆಮ್ಮದಿ. ಆದರೆ ಕೆಲವೊಂದು ವಿಷಯಗಳನ್ನು ಸಾಮಾಜಿಕ ತಾಣಗಳಲ್ಲಿ ಶೇರ್ ಮಾಡಿಕೊಳ್ಳುವಾಗ ವಿವೇಚನೆ ಅಗತ್ಯ.

ವಾಟ್ಸ್ಆ್ಯಪ್ ಬಳಕೆಗೆ ಕನಿಷ್ಠ ವಯಸ್ಸು ನಿಗದಿ

ಯುರೋಪ್ ದೇಶಗಳಲ್ಲಿ ವಾಟ್ಸ್ಆ್ಯಪ್ ಬಳಕೆದಾರರ ಕನಿಷ್ಠ ವಯೋಮಿತಿಯನ್ನು 16ಕ್ಕೆ ಏರಿಕೆ ಮಾಡಲಾಗಿದೆ. ಯುರೋಪ್ ರಾಷ್ಟ್ರಗಳಲ್ಲಿ ಈ ಹಿಂದೆ ಕನಿಷ್ಠ ವಯೋತಿ 13 ವರ್ಷ ಇತ್ತು...