ನೆನಪುಗಳಿಗೆ ಸಂದ ಅಪೂರ್ವ ಕನಸುಗಾರ

14 May, 2017
ಚಂದ್ರಶೇಖರ ತಾಳ್ಯ

‘ಚಲಂ ಬೆನ್ನೂರ್‌ಕರ್ ಇನ್ನಿಲ್ಲ’(ಮೇ ರಂದು ನಿಧನ) ಎಂಬ ಸುದ್ದಿ ಕಿವಿಗೆ ಬಡಿದೊಡನೆ ಚಲನಶೀಲ ಝರಿಯೊಂದು ನಿಶ್ಚಲವಾಯಿತೇನೋ ಎಂಬಂತೆ ಮೂಕನಾಗಿಬಿಟ್ಟೆ.

ಚಲಂ ಸ್ನೇಹ ಬೆಲ್ಲದಷ್ಟೇ ಸಿಹಿ. ನಲವತ್ತು ವರ್ಷಗಳ ಹಿಂದೆ ನಾನು ಮತ್ತು ಮಂಗ್ಳೂರ ವಿಜಯ ‘ಬದುಕು–ಬರಹ’ ಎಂಬ ವೇದಿಕೆಯೊಂದನ್ನು ಆರಂಭಿಸಿದ್ದೆವು. ಇದಕ್ಕೆ ಪ್ರೇರಣೆಯಾದವರು ದೇವನೂರ ಮಹಾದೇವ. ಆ ವೇದಿಕೆಯಿಂದ ‘ಬದುಕು’ ಎಂಬ ಸಾಮಾಜಿಕ, ಸಾಹಿತ್ಯಕ, ಸಾಂಸ್ಕೃತಿಕ ಉದ್ದೇಶವನ್ನಿಟ್ಟುಕೊಂಡ ದ್ವೈಮಾಸಿಕ ಪತ್ರಿಕೆಯೊಂದನ್ನು ಪ್ರಕಟಿಸಲು ತಯಾರಿ ನಡೆಸುತ್ತಿರುವಾಗ, ನಮ್ಮಿಬ್ಬರ ಜೊತೆಗೆ ಚಲಂ ಸೇರಿಕೊಂಡ.

ಯಾವ ಮಾಯೆಯೋ ಏನೋ ನನ್ನ, ವಿಜಯನ ಎದೆಯಾಳದಲ್ಲಿ ಚಲಂ ಬೇರುಬಿಟ್ಟು ಮೇಲೆ ಹಸುರಾಗತೊಡಗಿದ. ಆತನನ್ನೇ ‘ಬದುಕು’ ಪತ್ರಿಕೆಯ ಪ್ರಧಾನ ಸಂಪಾದಕನನ್ನಾಗಿ ನೇಮಿಸಿ, ನಾವಿಬ್ಬರೂ ಸಹ ಸಂಪಾದಕರಾದೆವು. ಅಲ್ಲಿಂದ ಈ ಚಲನೆ ನಿಲ್ಲುವವರೆಗೂ ನಾವೆಲ್ಲ ಜೊತೆ ಜೊತೆಯಾಗಿ ಹತ್ತಿರದಲ್ಲೇ ಇದ್ದೆವು.

ಚಲಂ ಸಾಂಪ್ರದಾಯಿಕ ಓದನ್ನು ಓದಿದ್ದು ಕಮ್ಮಿಯೇ. ಅವರ ತಾಯಿ ಸ್ಕೂಲ್ ಟೀಚರ್ ಆಗಿದ್ದವರು. ಆದರೆ, ಚಲಂ ಲೋಕದ ಬೃಹತ್ ಶಾಲೆಯಲ್ಲಿ ಕಲಿತದ್ದೇ ಹೆಚ್ಚು. ಆತನ ಭಾಷಾ ತಿಳಿವಳಿಕೆ ಅಪಾರವಾದದ್ದು. ಧ್ವನಿಪೂರ್ಣ ಕನ್ನಡ ಭಾಷೆಯ ಜೊತೆಗೆ ಇಂಗ್ಲಿಷ್, ತಮಿಳು, ಮಲಯಾಳಿ, ತೆಲುಗು ಭಾಷೆಗಳೂ ಚಲಂ ನಾಲಗೆಯ ಮೇಲೆ ನಲಿದಾಡುತ್ತಿದ್ದವು.

ಆ ಭಾಷಾ ಬಲ, ಅಸಾಧಾರಣ ಧಾರಣಶಕ್ತಿ, ಅದ್ಭುತ ಒಳನೋಟಗಳಿಂದಾಗಿ ವಿದೇಶಗಳಲ್ಲೂ ಆತ ತನ್ನ ಛಾಪನ್ನು ಮೂಡಿಸುವಲ್ಲಿ ಸಫಲನಾಗಿದ್ದ. ವಿಶ್ವವನ್ನು ಸುತ್ತಿ ಸಾಕಷ್ಟು ಲೋಕಜ್ಞಾನವನ್ನು ಸಂಪಾದಿಸಿದ. ಮೂಲತಃ ಚಿತ್ರ ಕಲಾವಿದನಾದ ಚಲಂ, ಆ ಪ್ರಕಾರದಲ್ಲೂ ತನ್ನ ಪ್ರತಿಭೆಯನ್ನು ಅಭಿವ್ಯಕ್ತಗೊಳಿಸಿದ. ನಂತರ ಬೇರೊಂದು ಪ್ರಕಾರದಲ್ಲಿ ತೊಡಗಿಸಿಕೊಂಡ.



ಜಂಗಮ ಬದುಕು
ಎಪ್ಪತ್ತರ ದಶಕದಲ್ಲಿ ಬ್ರಷ್ ಮ್ಯಾನ್ ಎಂಬ ಅಲೆಮಾರಿ ಗುರುವಿನ ಬಳಿ ಪೇಂಟಿಂಗ್ ಕಲಿತ ಚಲಂ, ತನ್ನ ಗುರುವಿನ ಜೊತೆಗೇ ದಾವಣಗೆರೆಯಲ್ಲಿ ಅಂಗಡಿ ಮುಂಗಟ್ಟುಗಳ ಮೇಲೆ ತೂಗಾಡುವ ನಾಮಫಲಕಗಳಿಗೆ ಅತ್ಯಂತ ಆಕರ್ಷಕವಾಗಿ ಅಕ್ಷರ ವಿನ್ಯಾಸವನ್ನು ಮಾಡುತ್ತಾ ಹೊಟ್ಟೆಪಾಡಿನ ದಾರಿ ಕಂಡುಕೊಂಡಿದ್ದ. ನಂತರ ತನ್ನ ಕಾರ್ಯಕ್ಷೇತ್ರವನ್ನು ವಿಸ್ತರಿಸಿಕೊಳ್ಳಲು ಬೆಂಗಳೂರಿಗೆ ಬಂದು ಅಲ್ಲೇ ನೆಲೆ ಕಂಡುಕೊಂಡ.

ಹಗಲು ರಾತ್ರಿ ಎನ್ನದೆ ದುಡಿದು ಸಾಕಷ್ಟು ಸಂಪಾದನೆಯನ್ನೂ ಮಾಡಿದ. ಆದರೆ ‘ಇಂದಿಗೆ, ನಾಳೆಗೆ’ ಎಂದು ಕೂಡಿಡದೆ, ಗಳಿಕೆಯನ್ನು ದಾಸೋಹಗೊಳಿಸುವ ಅಪರೂಪದ ಗುಣವೂ ಆತನಲ್ಲಿತ್ತು.

ಕಥೆ, ಕವಿತೆ, ಲೇಖನಗಳನ್ನೂ ಚಲಂ ಬರೆದಿದ್ದ. ಆದರೆ ಯಥಾಪ್ರಕಾರ ಒಂದೇ ಪ್ರಕಾರಕ್ಕೆ ಅಂಟಿಕೊಳ್ಳದ ಸ್ವಭಾವದಿಂದಾಗಿ ಸಾಹಿತ್ಯ ಕೃಷಿಯನ್ನು ಮೊಟಕುಗೊಳಿಸಿದ. ಹವ್ಯಾಸಿ ಬರಹಗಾರನಂತೆ ಅಪರೂಪಕ್ಕೆ ಆಗೊಂದು ಈಗೊಂದು ಎಂಬಂತೆ ಲೇಖನ, ಅನುವಾದ ಮುಂತಾದ್ದನ್ನು ಮಾಡುತ್ತಿದ್ದರೂ ಅವನ್ನು ಎಲ್ಲೂ ಪ್ರಕಟಿಸುತ್ತಿರಲಿಲ್ಲ.

ಮೊನ್ನೆ ಮೊನ್ನೆ ‘ಕನ್ನಡ ಭಾಷಾ ಭಾರತಿ’ಗಾಗಿ ಅನುವಾದಿಸಿ ಕೊಟ್ಟ ಬರಹಗಳು ಮಾತ್ರ ಆ ಸಂಸ್ಥೆಯೇ ಪ್ರಕಟಿಸಿರುವ ಗ್ರಂಥದಲ್ಲಿ ಬೆಳಕು ಕಂಡಿವೆ. ಕನ್ನಡ ಸಾಹಿತ್ಯದ ದೊಡ್ಡ ಲೇಖಕರೆಲ್ಲ ಚಲಂಗೆ ಪರಿಚಿತರಾಗಿದ್ದರು. ಲಂಕೇಶ್, ಕಿ.ರಂ, ಡಿ.ಆರ್, ದೇವನೂರು ಸೇರಿದಂತೆ ಅನೇಕ ಪ್ರಗತಿಪರ ಚಿಂತಕರೂ ಹತ್ತಿರದವರಾಗಿದ್ದರು.

ಕಿ.ರಂ ಅವರ ಮನೆಗೆ ನನ್ನನ್ನು ಕರೆದುಕೊಂಡು ಹೋಗಿ ಅವರು ನನಗೆ ಮತ್ತಷ್ಟು ನಿಕಟವಾಗುವಂತೆ ಮಾಡಿದ್ದ. ‘ಸಂಸ್ಕಾರ’ ಸಿನಿಮಾದ ಪಟ್ಟಾಭಿ ರಾಮರೆಡ್ಡಿ ಅವರ ಮನೆಗೂ ನನ್ನನ್ನು ಕರೆದೊಯ್ದಿದ್ದ. ಪಟ್ಟಾಭಿ ಅವರಿಗೆ ಚಲಂ ತೀರಾ ಹತ್ತಿರದವರಾಗಿದ್ದರು.

ಬಂಡಾಯ ಸಾಹಿತ್ಯ ಸಂಘಟನೆಯಲ್ಲೂ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದ ಚಲಂ, ಅದರ ಸೃಜನಶೀಲ ಆಯಾಮಕ್ಕೆ ಸಾಕಷ್ಟು ನೆರವಾದದ್ದೂ ಉಂಟು. ಅಲ್ಲಿಂದ ಆತ ಬೇರೊಂದು ರಂಗಕ್ಕೆ, ಮತ್ತಷ್ಟು ವಿಶಾಲವಾದ ರಂಗಕ್ಕೆ, ಅಂದರೆ ಕಿರುಚಿತ್ರಗಳ ನಿರ್ಮಾಣ–ನಿರ್ದೇಶನದತ್ತ ತನ್ನ ಚಿತ್ತವನ್ನು ಹೊರಳಿಸಿದ.

ಚೌಕಟ್ಟುಗಳ ಉಲ್ಲಂಘನೆ
ಚಲಂ ಚಲನಚಿತ್ರ ನಿರ್ಮಾಣದ ಸಾಂಪ್ರದಾಯಕ ಚೌಕಟ್ಟುಗಳನ್ನು ಮೀರಿ ಆ ಕ್ಷೇತ್ರದಲ್ಲಿ ತನ್ನನ್ನು ತೊಡಗಿಸಿಕೊಂಡದ್ದು ಆತನ ಭಿನ್ನಹಾದಿಯನ್ನೇ ಹುಡುಕುವ, ಹೊಸತಿಗಾಗಿ ತುಡಿಯುವ ಮನಃಸ್ಥಿತಿಗೆ, ಸಾಮಾಜಿಕ ಕಾಳಜಿಗೆ ಹಿಡಿದ ಕನ್ನಡಿ.

ನೊಂದವರ, ಕಡು ಬಡವರ, ಹೆಣ್ಣುಮಕ್ಕಳ ಚಿಂತಾಜನಕ ಸ್ಥಿತಿ, ತೃತೀಯ ಲಿಂಗಿಗಳ ಆರ್ತತೆಯಂಥ ವಸ್ತುಗಳನ್ನು ಆಸಕ್ತಿಯಿಂದ ಆಯ್ದುಕೊಂಡು ಕಿರುಚಿತ್ರಗಳನ್ನು ರೂಪಿಸಿದ್ದು ಚಲಂನ ವೈಶಿಷ್ಟ್ಯವನ್ನು, ಭಿನ್ನ ಚಿಂತನಾಕ್ರಮವನ್ನು ತೋರುತ್ತದೆ.

ಪುರುಷ ಪ್ರಧಾನ ವ್ಯವಸ್ಥೆಯಲ್ಲಿ ಬಂದಿಯಾದ ಮಹಿಳೆಗೆ ನ್ಯಾಯವನ್ನು ಕಂಡುಕೊಳ್ಳುವ ನಡೆಗಳನ್ನೇ ಪ್ರಧಾನವಾಗಿ ಕಾಣಿಸುವ ಸಲುವಾಗಿ ‘ಕೋರ್ಟ್ಸ್ ಆಫ್ ವಿಮೆನ್’ ಎಂಬ ಕಿರುಚಿತ್ರವನ್ನು ನಿರ್ದೇಶಿಸಿದ. ಬೆಂಕಿ ಅನಾಹುತಕ್ಕೆ ತುತ್ತಾದ ನೊಂದ ಮಹಿಳೆಯರ ಪರವಾದ ದನಿಯಾಗಿ ‘ಬರ್ನ್ಸ್‌ ಆಫ್ ಸರ್ವೈವರ್’ ಎಂಬ ಕಿರುಚಿತ್ರವನ್ನು ನಿರ್ದೇಶಿಸಿದ್ದು ಆತನ ಹೆಂಗರುಳಿನ ಆಳದ ಕಳಕಳಿ ಯಾವ ತೆರನಾದ್ದು ಎನ್ನುವುದನ್ನು ಕಾಣಿಸುತ್ತದೆ.

ಸ್ವತಂತ್ರ ಸಾಕ್ಷ್ಯಚಿತ್ರಗಳ ಚಳವಳಿಯ ರೂವಾರಿಯಾಗಿ ಅದಕ್ಕೊಂದು ಮಾದರಿಯನ್ನು ರೂಪಿಸಿದ ಕೀರ್ತಿಯೂ ಚಲಂಗೆ ನ್ಯಾಯವಾಗಿಯೇ ಸಲ್ಲಬೇಕು. ಲಾತೂರಿನಲ್ಲಿ ಭೂಕಂಪನದ ಅವಘಡ ಸಂಭವಿಸಿದ ಹಿನ್ನೆಲೆಯಲ್ಲಿ ‘ನಾವು ಎರವರು’ ಎಂಬ ಸಾಕ್ಷ್ಯಚಿತ್ರ ನಿರ್ಮಿಸಿದ.

ತನ್ನ ಗೆಳೆಯ ವಂಗದೇಶದ ಅಮಿತಾವ್ ಚಕ್ರವರ್ತಿ ಅವರೊಂದಿಗೆ, ಬಂಗಾಳದ ಅಪರೂಪದ ಸೂಫಿಗಳಾದ ಬಾವುಲ್ ಜನರ ಬಗ್ಗೆ ‘ಬಿಷಾರ್ಸ್ ಆಫ್ ಬ್ಲೂಸ್’ ಎಂಬ ಅರ್ಥಪೂರ್ಣ ಸಾಕ್ಷ್ಯಚಿತ್ರ ತಯಾರಿಸಿದ್ದು ಆತನ ಆಸಕ್ತಿಯ ವೈವಿಧ್ಯವನ್ನು ಸಾರುತ್ತದೆ. 1998ರಲ್ಲಿ ‘ಸಾಕ್ಷಿ’ ಎಂಬ ಶೀರ್ಷಿಕೆಯಡಿ ‘ಸಾಕ್ಷ್ಯಚಿತ್ರಗಳ ಫಿಲ್ಮ್ ಫೆಸ್ಟಿವಲ್’ ಆಯೋಜಿಸಿದ್ದೂ ಆತನ ಕ್ರಿಯಾಶೀಲತೆಯನ್ನು ಬೊಟ್ಟು ಮಾಡಿ ತೋರುವಂಥದು.

ಪರ್ಯಾಯ ರಾಜಕಾರಣದ ಒಲವು
ಸಮತಾವಾದದ ತುಡಿತ ಇದ್ದರೂ ಚಲಂ ಕಟ್ಟಾ ಕಮ್ಯುನಿಸ್ಟ್ ಆಗಿರಲಿಲ್ಲ. ನಮ್ಮ ಭಾರತೀಯ ಕಮ್ಯುನಿಸ್ಟ್‌ ರಾಜಕಾರಣವನ್ನು ಕಾಂಗ್ರೆಸ್, ಬಿಜೆಪಿಯನ್ನು ಟೀಕಿಸಿದಷ್ಟೇ ಉಗ್ರವಾಗಿ ಟೀಕಿಸುತ್ತಿದ್ದ. ಒಂದರ್ಥದಲ್ಲಿ ‘ಲಿಬರಲ್’ ಅನ್ನುವ ರೀತಿಯ ಕಮ್ಯುನಿಸಂನ ವಕ್ತಾರನಂತಿದ್ದ. ಅದೇ ರೀತಿ ಸಮಾನ ಚಿಂತನೆಯ ಗೆಳೆಯರನ್ನು ದೇಶ ವಿದೇಶಗಳಲ್ಲಿ ಸಂಪಾದಿಸಿದ್ದ.

ಈ ದಿಶೆಯಲ್ಲಿ ತೃತೀಯ ರಾಷ್ಟ್ರಗಳ ಎಡಪಂಥೀಯ ಚಳವಳಿಗಳ ಬಗ್ಗೆ ಅಪಾರ ಕುತೂಹಲಿಯಾಗಿದ್ದ ಮತ್ತು ಅದನ್ನು ಇನ್ನಿಲ್ಲದಂತೆ ಪ್ರೋತ್ಸಾಹಿಸುತ್ತಿದ್ದ. ಶ್ರಮ ಜೀವನ ಮತ್ತು ಶ್ರಮಿಕರ ಬದುಕನ್ನು ಸಹನೀಯವಾಗಿಸುವತ್ತ ಎಡಪಂಥೀಯ ಆಲೋಚನೆಯ ಧುರೀಣರು ಪ್ರಾಮಾಣಿಕವಾಗಿ ಶ್ರಮಿಸುತ್ತಿಲ್ಲ ಎಂಬ ಬೇಸರ ಆತನಲ್ಲಿತ್ತು.

ಅಧಿಕಾರ ರಾಜಕಾರಣಕ್ಕೆ ಸಂಪೂರ್ಣ ವಿಮುಖನಾದಂತಿದ್ದ ಚಲಂ, ರಾಜಕಾರಣದ ಸೃಜನಾತ್ಮಕ ಆಯಾಮವನ್ನು ಕಾಣದೆ ಕಂಗೆಟ್ಟವನಂತೆ ಚಡಪಡಿಸುತ್ತಿದ್ದ. ವಿಲಕ್ಷಣ ಸಂತನಂತೆ ತನ್ನ ಬದುಕನ್ನು ಸರಳವಾಗಿ ಕಟ್ಟಿಕೊಂಡಿದ್ದ ಆತನಲ್ಲಿ ಯಾವುದೇ ಪೂರ್ವಗ್ರಹಗಳಿರಲಿಲ್ಲ.

ಗಾಂಧೀಜಿಯ ಅಹಿಂಸಾ ತತ್ವವನ್ನು ಒಪ್ಪಿ, ನೆಹರೂ ರಾಜಕಾಣದ ಬಗ್ಗೆಯೂ ಅಧಿಕಾರಯುತವಾಗಿ ಚರ್ಚಿಸಬಲ್ಲವನಾಗಿದ್ದ. ಸ್ವಾತಂತ್ರ್ಯಾನಂತರದಲ್ಲಿ ಭಾರತದ ರಾಜಕಾರಣ ತಲುಪಿದ ದುಸ್ಥಿತಿಗೆ ಕೆಂಡವಾಗುತ್ತಿದ್ದ ಚಲಂ ಪರ್ಯಾಯ ರಾಜಕೀಯ ವ್ಯವಸ್ಥೆ ಸಾಧ್ಯವಾಗಬೇಕೆಂದು ಆಶಿಸುತ್ತಿದ್ದ.

ರಾಜಕಾರಣದ ಮೂಲ ಬೇರು ದಯೆ, ಮನುಷ್ಯ ಹಾಗೂ ಸಕಲ ಜೀವಾತ್ಮಗಳ ಪ್ರೀತಿಯೇ ಆಗಬೇಕೆಂಬುದು ಈ ಗೆಳೆಯನ ಆಕಾಂಕ್ಷೆ. ಹೊಳಲ್ಕರೆ ತಾಲೂಕಿನ ಚಿಕ್ಕಜಾಜೂರಿನಲ್ಲಿ ಹುಟ್ಟಿ, ಸಂತೇಬೆನ್ನೂರಿನಂಥ ಮತ್ತೊಂದು ಹಳ್ಳಿಯಲ್ಲಿ ಬೆಳೆದ ಚಲಂ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಮಟ್ಟದ ರಾಜಕೀಯ ಚಿಂತನೆಯ ಮಟ್ಟಕ್ಕೆ ಏರಿದ್ದು ಒಂದು ಸೋಜಿಗ.

ತಳ ಸಮುದಾಯಗಳ ಗೆಳೆಯರನ್ನೇ ಹೆಚ್ಚಾಗಿ ಹೊಂದಿದ್ದ ಚಲಂ ‘ದಸಂಸ’ ಮೂಲರೂಪದ ಪತನಕ್ಕೆ ಅತೀವವಾಗಿ ಮರುಗುತ್ತಿದ್ದ. ಜಾತ್ಯತೀತ, ರೂಢಿಗತ ಧರ್ಮಗಳಾಚೆ ಆರೋಗ್ಯಕರವಾಗಿ ಚಿಂತಿಸಬಲ್ಲ ಮನುಷ್ಯರನ್ನು ಹೊಂದಿರುವ ಬಯಲು ದೇಶವೊಂದರ ಅಸ್ತಿತ್ವವನ್ನು ಕನಸುತ್ತಿದ್ದ ಚಲಂ, ಸಂಪೂರ್ಣ ವಿಕಾಸವನ್ನೇ ಧ್ಯಾನಿಸುತ್ತಿದ್ದ. ಯಾವ ಗ್ರಂಥಗಳನ್ನೂ ಆತ ಪ್ರಕಟಿಸುವ ಗೋಜಿಗೆ ಹೋಗಲಿಲ್ಲ. ಗೆಳೆಯರು ಆತನ ಖಾಸಗಿ ಮಾತುಗಳನ್ನೇ ದಾಖಲಿಸಿದ್ದರೂ ಅದೊಂದು ಅಮೂಲ್ಯ ಗ್ರಂಥವೇ ಆಗುತ್ತಿತ್ತು.

ಸ್ಫುರದ್ರೂಪಿಯಾಗಿದ್ದ ಚಲಂ ನಿಧಾನಕ್ಕೆ ಕೃಶನಾಗುತ್ತಿದ್ದುದನ್ನು ಗಮನಿಸಿದ ನನ್ನಂಥ ಗೆಳೆಯರು, ಆತನ ಹಲವು ವ್ಯಸನಗಳನ್ನು ಹಿಡಿತಕ್ಕೆ ತರಲು ಹೆಣಗಾಡಿದರೂ ಸಫಲರಾಗಲಿಲ್ಲ. ಕಾಲನ ಕ್ರೂರ ಪದಾಘಾತಕ್ಕೆ ಸಿಲುಕಿದ ಚಲಂ ಅಸಹಾಯಕನಾಗಿದ್ದ. ತನ್ನನ್ನು ತಾನೇ ಮರೆಯುತ್ತಿದ್ದ.

ಈಗ ನೋಡಿದರೆ ತನ್ನೆಲ್ಲ ಸುಂದರ ಆಲೋಚನೆಗಳನ್ನೂ, ಸಾಂಸ್ಕೃತಿಕ–ಸಾಮಾಜಿಕ ಚಲನೆಗಳೆಲ್ಲವನ್ನೂ ನಮಗಾಗಿ ಬಿಟ್ಟುಕೊಟ್ಟು ತಾನು ಸ್ತಬ್ಧವಾಗಿಬಿಟ್ಟಿದ್ದಾನೆ. ಆ ಗೆಳೆಯನಿಗೆ ನಮಸ್ಕಾರವೆನ್ನಲೆ? ಗಂಟಲು ಬಿಗಿದು ಬರುವಾಗ ಮಾತಿಗೆಲ್ಲಿ ಪುರುಸೊತ್ತು.

Read More

Comments
ಮುಖಪುಟ

ವಿಫಲವಾದ 'ಗುಜರಾತ್ ಮಾದರಿ'; ಗ್ರಾಮಗಳಲ್ಲಿ 'ಕೈ' ಬಲ, ನಗರಗಳಲ್ಲಿ ಅರಳಿದ ಕಮಲ

ನಗರ ಪ್ರದೇಶದಲ್ಲಿ ಬಿಜೆಪಿಗೆ ಜನಮತ ಸಿಕ್ಕಿದ್ದರೂ ಗ್ರಾಮೀಣ ಪ್ರದೇಶಗಳಲ್ಲಿ ಕಾಂಗ್ರೆಸ್‍ಗೆ ಉತ್ತಮ ಬೆಂಬಲ ವ್ಯಕ್ತವಾಗಿದೆ. ಬೂತ್ ಮಟ್ಟದಿಂದಲೇ   ಬಿಜೆಪಿ ಮಾಡಿದ ಶಿಸ್ತಿನ ಕಾರ್ಯ ತಂತ್ರಗಳು ಫಲ ಕಂಡರೆ, ಸರಿಯಾದ ಪೂರ್ವ ಸಿದ್ದತೆ ಇಲ್ಲದೆ...

ಉಭಯ ರಾಜ್ಯಗಳಲ್ಲಿ ಗೆಲುವಿಗೆ ಕಾರಣವಾಗಿದ್ದು ಮೋದಿಯವರ 11 ಗೇಮ್ ಪ್ಲಾನ್!

ಮೋದಿ ಪ್ರಧಾನಿ ಸ್ಥಾನಕ್ಕೇರಿದ ನಂತರ ಮತ್ತು ರಾಹುಲ್ ಕಾಂಗ್ರೆಸ್ ಅಧ್ಯಕ್ಷರಾದ ನಂತರ ನಡೆದ ವಿಧಾನಸಭಾ ಚುನಾವಣೆ ಇದಾಗಿದ್ದು, ಇಬ್ಬರೂ ಗೆಲುವಿಗಾಗಿ ಜಿದ್ದಾಜಿದ್ದಿನ ಹೋರಾಟವನ್ನೇ ನಡೆಸಿದ್ದಾರೆ. ಪ್ರಧಾನಿ ಹುದ್ದೆಯಲ್ಲಿದ್ದರೂ...

ಗುಜರಾತ್‌; ಹಿಮಾಚಲ ಪ್ರದೇಶದಲ್ಲಿ ಮೋದಿ ಪಡೆಗೆ ವಿಜಯ ಮಾಲೆ

ಗುಜರಾತ್‌ನ 182 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 92 ಸ್ಥಾನಗಳ ಅಗತ್ಯವಿದೆ. ಹಿಮಾಚಲ ಪ್ರದೇಶದ 68 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 35 ಸ್ಥಾನಗಳ ಅಗತ್ಯವಿದೆ. ಈ ಸ್ಥಾನಗಳನ್ನು ಎರಡೂ ರಾಜ್ಯಗಳಲ್ಲಿ ಬಿಜೆಪಿ ಗೆದ್ದುಕೊಂಡಿದೆ.

ಈ ಗೆಲುವು ಬಿಜೆಪಿ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ: ಮೋದಿ

ಗುಜರಾತ್ ಮತ್ತು ಹಿಮಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯ ಈ ಗೆಲುವು ನಮ್ಮ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಸಂಗತ

ಮಕ್ಕಳನ್ನು ಮಾದಕ ವಸ್ತುಗಳಿಂದ ರಕ್ಷಿಸಿ

ತಂದೆ-ತಾಯಿಗಳ ಆರೈಕೆ, ಪೋಷಣೆಯಿಲ್ಲದ ಅನಾಥ ಬೀದಿ ಮಕ್ಕಳು ಇಂತಹ ಕೃತ್ಯಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುತ್ತಾರೆಂಬ ಅಂಶ ಬೆಂಗಳೂರಿನಲ್ಲಿ ನಿಮ್ಹಾನ್ಸ್ ಸಂಸ್ಥೆ ಮತ್ತು ಬೆಂಗಳೂರು ಫೋರಂ ಫಾರ್ ಸ್ಟ್ರೀಟ್ ಅಂಡ್ ವರ್ಕಿಂಗ್ ಚಿಲ್ಡ್ರನ್ ಸಂಸ್ಥೆಗಳು 1998ರಲ್ಲಿ ಕೈಗೊಂಡ ಅಧ್ಯಯನದಿಂದ ತಿಳಿದುಬಂದಿತ್ತು

ನಿರ್ಭಯಾ ನೆನಪು– ವರ್ಮಾ ವರದಿ

ದೌರ್ಜನ್ಯ ತಡೆಯುವ ನಿಟ್ಟಿನಲ್ಲಿ ನ್ಯಾಯಮೂರ್ತಿ ವರ್ಮಾ ವರದಿ ಒಂದು ಅಪರೂಪದ ದಾಖಲೆ. ಒಂದು ಬೃಹತ್ ಆಂದೋಲನದ ಫಲ. ಮಹಿಳಾ ಚಳವಳಿಗಳು ಇಂತಹ ವರದಿಗಳ ಅನುಷ್ಠಾನಕ್ಕೆ ಆಗ್ರಹಿಸಬೇಕು

ಪೇಜಾವರ ಶ್ರೀಗಳಿಗೆ... ಸ್ಪಷ್ಟನೆಗಾಗಿ ಪತ್ರ

ಸಂವಿಧಾನದ ಯಾವ ವಿಧಿಗಳ ಬಗ್ಗೆ ತಮಗೆ ತಕರಾರಿದೆ? ತಾವು ಬಯಸುವ ಬದಲಾವಣೆ ಏನು?

ಭಾರತ–ಬ್ರಿಟನ್‌ ನಡುವೆ ‘ಸಜೀವ ಸೇತುವೆ’

ದ್ವಿಪಕ್ಷೀಯ ಸಂಬಂಧ ವೃದ್ಧಿ ಕ್ರಮ: ಬೆಂಗಳೂರಿನಲ್ಲಿ ವೀಸಾ ಕೇಂದ್ರ

ಆಟಅಂಕ

ರನ್‌ ‘ದಾಹ’...

ಟೆಸ್ಟ್‌ನಲ್ಲಿ ತಂಡವೊಂದು ಮೊದಲ ದಿನವೇ 300 ರಿಂದ 350 ರನ್‌ ಗಳಿಸುವುದೂ ಸಾಮಾನ್ಯವಾಗಿದೆ. ಏಕದಿನ ಕ್ರಿಕೆಟ್‌ನಲ್ಲಿ ತಂಡವೊಂದು 350ರಿಂದ 400 ರನ್‌ ಗಳಿಸಿದರೂ ಗೆಲುವಿನ ಕನಸು ಕಾಣುವಂತಿಲ್ಲ. ಏಕೆಂದರೆ ಈ ಮೊತ್ತವನ್ನು ಎದುರಾಳಿ ತಂಡ ಮುಟ್ಟಿಬಿಡಬಲ್ಲದು. ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ನಡುವಣ ಹಣಾಹಣಿ ಇದಕ್ಕೊಂದು ಉತ್ತಮ ಉದಾಹರಣೆ.

ಅಫ್ಗಾನಿಸ್ತಾನಕ್ಕೆ ಮತ್ತೊಂದು ‘ಟೆಸ್ಟ್‌’...

ಉಗ್ರರ ದಾಳಿ ಭೀತಿಯ ನಡುವೆ ಬದುಕುತ್ತಿರುವ ಅಫ್ಗಾನಿಸ್ತಾನದಲ್ಲಿ ಕ್ರಿಕೆಟ್‌ ಪ್ರೀತಿ ಹೆಮ್ಮರವಾಗಿ ಬೆಳೆಯುತ್ತಿದೆ. ಎಂಟು ವರ್ಷಗಳ ಹಿಂದೆ ಏಕದಿನ ಮಾದರಿ ಆಡಲು ಅರ್ಹತೆ ಪಡೆದ ತಂಡ ಈಗ ಮೊದಲ ಬಾರಿಗೆ ಟೆಸ್ಟ್‌ ಆಡಲು ಅವಕಾಶ ಗಳಿಸಿಕೊಂಡಿದೆ. ಅಲ್ಲಿ ಕ್ರಿಕೆಟ್‌ ಬೆಳೆಯಲು ಕಾರಣವಾದ ಭಾರತದ ಜೊತೆಯೇ ಮೊದಲ ಪಂದ್ಯ ನಡೆಯಲಿರುವುದು ವಿಶೇಷ. ಈ ‘ಟೆಸ್ಟ್‌’ನಲ್ಲಿಯೂ ಅಫ್ಗಾನಿಸ್ತಾನ ತಂಡ ಪಾಸಾಗುವುದೇ? ಇದರ ಬಗ್ಗೆ ಪ್ರಮೋದ ಜಿ.ಕೆ. ವಿಶ್ಲೇಷಿಸಿದ್ದಾರೆ.

ಮಿಕು–ಬಿಎಫ್‌ಸಿಯ ಮಿಂಚು

ವೆನೆಜುವೆಲಾ ರಾಷ್ಟ್ರೀಯ ತಂಡ ಮತ್ತು ಸ್ಪೇನ್‌ನ ವಿವಿಧ ಲೀಗ್‌ಗಳಲ್ಲಿ ಮಿಂಚು ಹರಿಸಿದ ‘ಮಿಕು’ ಇದೇ ಮೊದಲ ಬಾರಿ ಭಾರತದ ಲೀಗ್‌ ಒಂದರಲ್ಲಿ ಆಡುತ್ತಿದ್ದಾರೆ. ಬೆಂಗಳೂರು ಫುಟ್‌ಬಾಲ್ ಕ್ಲಬ್‌ನ (ಬಿಎಫ್‌ಸಿ) ಸ್ಟ್ರೈಕರ್‌ ವಿಭಾಗಕ್ಕೆ ಬಲ ತುಂಬಿರುವ ಅವರು ತಂಡದ ಗೆಲುವಿನ ನಾಗಾಲೋಟಕ್ಕೆ ಪ್ರಮುಖ ಕಾಣಿಕೆ ನೀಡಿದ್ದಾರೆ. ಅವರನ್ನು ವಿಕ್ರಂ ಕಾಂತಿಕೆರೆ ಪರಿಚಯಿಸಿದ್ದಾರೆ

ಪ್ರತಿಮಾರಾವ್ ಸಾಧನೆಯ ಹಾದಿ

ಸಂಸ್ಥೆ (ಕೆಎಸ್‌ಎಲ್‌ಟಿಎ) ಯಲ್ಲಿ ವಾರಾಂತ್ಯದಲ್ಲಿ ಆಡಲು ಸಾಧ್ಯವಾಯಿತು. ಗೂಗಲ್ ಹಾಗೂ ಯೂ ಟ್ಯೂಬ್ ನೋಡಿ ಆಡುವುದನ್ನು ಕಲಿತುಕೊಂಡೆ’ ಎಂದು ಪ್ರತಿಮಾ ತಮ್ಮ ವೃತ್ತಿಬದುಕಿನ ಆರಂಭದ ದಿನಗಳನ್ನು ಮೆಲುಕು ಹಾಕಿದರು.

ಶಿಕ್ಷಣ

ಓದಿಗಿರಲಿ ಟಿಪ್ಪಣಿಯ ಸಾಥ್‌

ಕೈ ಬರಹದಲ್ಲಿ ಪಾಠದ ನೋಟ್ಸ್ (ಟಿಪ್ಪಣಿ) ಮಾಡಿಕೊಳ್ಳುವ ಪದ್ಧತಿಗೆ ಪರ್ಯಾಯವೇ ಇಲ್ಲ! ಇದು ಕಲಿಕೆಯ ಪ್ರಕ್ರಿಯೆಯನ್ನು ಸುಲಭ ಮಾಡುವುದರ ಜೊತೆಗೆ, ನೆನಪಿನ ಶಕ್ತಿಯನ್ನು ಚುರುಕುಗೊಳಿಸುತ್ತದೆ. ಮೊದಲಿಗೆ, ಪಾಠದ ನೋಟ್ಸ್ ಮಾಡಿಕೊಳ್ಳುವುದರ ಪ್ರಯೋಜನಗಳನ್ನು ಪರಿಚಯಿಸಿ, ನಂತರ ವ್ಯವಸ್ಥಿತವಾಗಿ ನೋಟ್ಸ್ ಮಾಡಿಕೊಳ್ಳುವುದು ಹೇಗೆ ಎಂಬ ಅಂಶಗಳನ್ನು ಮನದಟ್ಟು ಮಾಡಿಸುವುದೇ ಈ ಲೇಖನದ ಉದ್ದೇಶ.

ಪರೀಕ್ಷಾ ಭಯವಿಲ್ಲದ ಹೊಸ ವಿಧಾನ

ಶಿಕ್ಷಣ ನಿಂತ ನೀರಲ್ಲ. ಕಾಲದಿಂದ ಕಾಲಕ್ಕೆ ಈ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾವಣೆ, ಸುಧಾರಣೆ, ಬೆಳವಣಿಗೆಗಳು ಆಗಿವೆ. ಆಗುತ್ತಲೂ ಇವೆ. ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಉಂಟಾದ ಬದಲಾವಣೆಗಳು ಶಿಕ್ಷಣ ಕ್ಷೇತ್ರದ ಮೇಲೂ ಪ್ರಭಾವ ಬೀರಿವೆ. ಬೋಧನೆ ಮತ್ತು ಕಲಿಕಾ ವಿಧಾನಗಳಲ್ಲಿ ಸಾಕಷ್ಟು ಹೊಸ ಪ್ರಯೋಗಗಳಿಗೂ ಇವು ದಾರಿ ಮಾಡಿಕೊಟ್ಟಿವೆ.

‘ಎರಡು ರೀತಿ ಹೆಸರು; ಉದ್ಯೋಗಕ್ಕೆ ತೊಂದರೆಯೇ?’

ವಿದ್ಯಾರ್ಥಿಗಳೇ, ವಿದ್ಯಾಭ್ಯಾಸದ ಬಗ್ಗೆ ನಿಮ್ಮಲ್ಲಿ ಸಾಕಷ್ಟು ಸಂದೇಹಗಳು–ಪ್ರಶ್ನೆಗಳು ಇರಬಹುದು. ಶಿಕ್ಷಣವನ್ನು ಕುರಿತಾದ ಎಲ್ಲ ಪ್ರಶ್ನೆಗಳಿಗೂ ನೀವು ‘ಶಿಕ್ಷಣ’ ಪುರವಣಿಯಲ್ಲಿ ಉತ್ತರವನ್ನು ಪಡೆಯಬಹುದು. ಪ್ರಶ್ನೆಗಳನ್ನು ಇಲ್ಲಿಗೆ ಕಳುಹಿಸಿ. ವಿಳಾಸ: ಸಂಪಾದಕರು, ‘ಶಿಕ್ಷಣ ಪುರವಣಿ’, ಪ್ರಜಾವಾಣಿ, ನಂ. 75, ಮಹಾತ್ಮ ಗಾಂಧಿ ರಸ್ತೆ, ಬೆಂಗಳೂರು– 560001 ಇಮೇಲ್‌: shikshana@prajavani.co.in

ಶಿಕ್ಷಣದ ರಾಷ್ಟ್ರೀಕರಣ ಇರಲಿ ಸರ್ಕಾರದ ಗಮನ

ಶಿಕ್ಷಣ ಸಂಶೋಧಕರು ಅನೇಕ ಅಧ್ಯಯನಗಳಲ್ಲಿ ಗುರುತಿಸಿರುವಂತೆ ಶಿಕ್ಷಣ ಕ್ಷೇತ್ರದಲ್ಲಿ ಕಳೆದ ಎರಡು ದಶಕಗಳಲ್ಲಿ ಆಗಿರುವಷ್ಟು ಬದಲಾವಣೆ ಕಳೆದೊಂದು ಶತಮಾನದಲ್ಲಿಯೂ ಆಗಿರಲಿಲ್ಲ. ಶಿಕ್ಷಣಪದ್ಧತಿ, ಹೇಳಿಕೊಡುವ ರೀತಿ – ಒಟ್ಟಾರೆ ಶಾಲಾ ಶೈಕ್ಷಣಿಕ ವ್ಯವಸ್ಥೆಯೇ ಆಮೂಲಾಗ್ರವಾಗಿ ಬದಲಾಗುತ್ತಿದೆ. ಖಾಸಗಿ ನೆಲೆಯಲ್ಲಿ ಇದು ನಾಗಾಲೋಟದಲ್ಲಿ ಸಾಗಿದೆ. ಸರ್ಕಾರಿ ನೆಲೆಯಲ್ಲಿ ಇದು ನಿಧಾನವಾದರೂ ಬದಲಾವಣೆಗೆ ತೆರೆದುಕೊಳ್ಳುತ್ತಿರುವುದು ಸಂತೋಷದ ವಿಷಯ.