ಒಂದು ನಿಮಿಷದ ನಿರ್ಧಾರ...

18 May, 2017
ಪೃಥ್ವಿರಾಜ್ ಎಂ.ಎಚ್.
ರೇಷ್ಮಾ ಸೌಜಾನಿ
‘ಯಾವ ದೇಶದಲ್ಲಿ ಹೆಣ್ಣು ಮಕ್ಕಳಿಗೆ ಭದ್ರತೆ ಮತ್ತು ಶಿಕ್ಷಣ ಸಮರ್ಪಕವಾಗಿ ದೊರೆಯುತ್ತದೆಯೋ ಆ ದೇಶ ಪರಿಪೂರ್ಣವಾಗಿ ಅಭಿವೃದ್ಧಿ ಹೊಂದಿದ ದೇಶವಾಗಿರುತ್ತದೆ’ ಎಂದು ರೇಷ್ಮಾ ಸೌಜಾನಿ ಅವರು ತಮ್ಮ Women Who Work: Rewriting the Rules for Success ಎಂಬ ಪುಸ್ತಕದಲ್ಲಿ ಬರೆದಿದ್ದಾರೆ. ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪುತ್ರಿ ಇವಾಂಕ ಟ್ರಂಪ್ ಈ ಪುಸ್ತಕವನ್ನು ಓದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
 
ಅಮೆರಿಕದಲ್ಲಿ ನೆಲೆಸಿರುವ ರೇಷ್ಮಾ, ಕಾನೂನು ತಜ್ಞೆಯಾಗಿ ಗುರುತಿಸಿಕೊಂಡಿದ್ದಾರೆ. ನ್ಯೂಯಾರ್ಕ್‌ ಸಿಟಿಯಲ್ಲಿ ವಕೀಲೆಯಾಗಿ ಕೆಲಸ ಮಾಡುತ್ತಿದ್ದಾರೆ. ಇದರ ಜತೆಯಲ್ಲೇ ‘ಗರ್ಲ್ಸ್ ವು ಕೋಡ್’ ಎಂಬ ಲಾಭರಹಿತ ಸ್ವಯಂ ಸೇವಾ ಸಂಸ್ಥೆಯನ್ನು ಸ್ಥಾಪಿಸಿ ಅದರ ಮೂಲಕ ಬಡ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ನೆರವು ನೀಡುತ್ತಿದ್ದಾರೆ. 
 
ಈ ಸಂಸ್ಥೆ ಸ್ಥಾಪನೆಯ ಹಿಂದೆ ಒಂದು  ಕಥೆ ಇದೆ. ‘ಅಪ್ಪ ಅಮ್ಮ ಉಗಾಂಡ ದೇಶದಲ್ಲಿ ಹೆಣ್ಣು ಮಕ್ಕಳು ಅನುಭವಿಸಿದ ಸಂಕಷ್ಟಗಳನ್ನು ನಾನು ಚಿಕ್ಕವಳಿದ್ದಾಗ ನನ್ನ ಬಳಿ ಹೇಳುತ್ತಿದ್ದರು. ಅಂದು ಕೇಳಿದ ಕಥನಗಳೇ ಇಂದಿನ ‘ಗರ್ಲ್ಸ್ ವು ಕೋಡ್’ ಸಂಸ್ಥೆ ಸ್ಥಾಪನೆಗೆ ಸ್ಫೂರ್ತಿ’ ಎಂದು ಸೌಜಾನಿ ಹೇಳುತ್ತಾರೆ.
 
ಇವರ ಕುಟುಂಬ 60ರ ದಶಕದಲ್ಲಿ ಭಾರತದಿಂದ ಉಗಾಂಡ ದೇಶಕ್ಕೆ ವಲಸೆ ಹೋಗಿತ್ತು. 1970ರಲ್ಲಿ ಉಗಾಂಡ ಅಧ್ಯಕ್ಷ ಇದಿ ಅಮೀನ್ ಅವರ ದುರಾಡಳಿತಕ್ಕೆ ಬೇಸತ್ತು 1970ರಲ್ಲಿ ಅಮೆರಿಕಕ್ಕೆ ವಲಸೆ ಬಂದರು. ಅಲ್ಲಿಯೇ ಹುಟ್ಟಿದ ಸೌಜಾನಿ ರಾಜಕೀಯ ಮತ್ತು ಕಾನೂನು ವಿಷಯದಲ್ಲಿ ಪದವಿ ಪಡೆದಿದ್ದಾರೆ. ವೃತ್ತಿಯಲ್ಲಿ ವಕೀಲೆಯಾದರೂ ಪ್ರವೃತ್ತಿಯಲ್ಲಿ ಹೋರಾಟಗಾರ್ತಿ.
 
ಕೇವಲ 6 ವರ್ಷಗಳ ಹಿಂದೆ ‘ಗರ್ಲ್ಸ್ ವು ಕೋಡ್’ ಸಂಸ್ಥೆಯನ್ನು ಸ್ಥಾಪನೆ ಮಾಡಲಾಯಿತು. ಆರಂಭದಲ್ಲಿ ಕೇವಲ 12 ವಿದ್ಯಾರ್ಥಿನಿಯರಿಗೆ ಶೈಕ್ಷಣಿಕ ನೆರವು ನೀಡಲಾಗಿತ್ತು. ಆದರೆ ಇಂದು 40 ಸಾವಿರ ವಿದ್ಯಾರ್ಥಿನಿಯರು ನೆರವು ಪಡೆದಿದ್ದಾರೆ ಎಂದು ಸೌಜಾನಿ ಹೇಳುತ್ತಾರೆ. ಅಮೆರಿಕದ ಪ್ರತಿಷ್ಠಿತ ಕಾರ್ಪೊರೇಟ್ ಕಂಪೆನಿಗಳು ಸಾಕಷ್ಟು ದೇಣಿಗೆ ನೀಡುತ್ತಿವೆ. ಮುಂದಿನ ದಿನಗಳಲ್ಲಿ ಭಾರತದ ಹೆಣ್ಣು ಮಕ್ಕಳಿಗೂ ನೆರವು ನೀಡುವ ಸಂಸ್ಥೆಯೊಂದನ್ನು ಸ್ಥಾಪಿಸುವ ಗುರಿ ಇದೆ ಎಂದು ಅವರು ಹೇಳುತ್ತಾರೆ. reshmasaujani.com/
****
ಅಗ್ನೀಶ್ವರ್ ಜಯಪ್ರಕಾಶ್ 
ಮಾಜಿ ಈಜುಪಟು ಅಗ್ನೀಶ್ವರ್ ಜಯಪ್ರಕಾಶ್ ಅವರ ಸಾಧನೆಯ ಕಥೆ ಇದು. ಅಂತರರಾಷ್ಟ್ರೀಯ ಈಜು ಟೂರ್ನಿಗಳಲ್ಲಿ ಭಾಗವಹಿಸಿ ಭಾರತಕ್ಕೆ ಸಾಕಷ್ಟು ಪದಕಗಳನ್ನು ಗೆದ್ದು ಕೊಟ್ಟಿದ್ದಾರೆ. ಇಂದು ಅಗ್ನಿ ಗ್ರೂಪ್ ಕಂಪೆನಿ ಹಾಗೂ ಇಗ್ನೈಟ್ ಇಂಡಿಯಾ ಎಂಬ ಶಿಕ್ಷಣದ ಸ್ಟಾರ್ಟ್ಅಪ್ ಸ್ಥಾಪಿಸಿ, ಶೈಕ್ಷಣಿಕ ಕ್ಷೇತ್ರದಲ್ಲಿ ಉತ್ತಮ ಸೇವೆ ಮಾಡುತ್ತಿದ್ದಾರೆ.

ಅಗ್ನೀಶ್ವರ್ ಜಯಪ್ರಕಾಶ್ ತಮಿಳುನಾಡಿನವರು. ಅವರ ತಂದೆ ಚೆನ್ನೈನಲ್ಲಿ ಜೆರಾಕ್ಸ್ ಅಂಗಡಿ ಇಟ್ಟುಕೊಂಡು ಉಪಜೀವನ ನಡೆಸುತ್ತಿದ್ದರು. ಅಗ್ನೀಶ್ವರ್ ಅವರಿಗೆ ಬಾಲ್ಯದಲ್ಲಿ ಶ್ವಾಸಕೋಶ ತೊಂದರೆ ಕಾಣಿಸಿಕೊಂಡಿತ್ತು. ಹಾಗಾಗಿ ವೈದ್ಯರು ಸ್ವಿಮ್ಮಿಂಗ್ ಮಾಡಿಸುವಂತೆ ಸೂಚಿಸಿದ್ದರು. ಮೂರು ವರ್ಷದವನಿದ್ದಾಗ ಈಜು ಕಲಿತ ಅಗ್ನೀಶ್ವರ್, ಮುಂದೆ ಭಾರತದ ಖ್ಯಾತ ಈಜುಪಟುವಾಗಿ ಗುರುತಿಸಿಕೊಂಡರು.

ಈಜು ಕ್ರೀಡೆಗೆ ಗುಡ್ ಬೈ ಹೇಳಿದ ಬಳಿಕ ಲಾಭದ ಅಪೇಕ್ಷೆಯಿಲ್ಲದೆ ಅಗ್ನಿ ಗ್ರೂಪ್ ಸ್ಥಾಪನೆ ಮಾಡಿದರು. ಅದರ ಮೂಲಕ ಬಡಮಕ್ಕಳ ಶಿಕ್ಷಣಕ್ಕೆ ಹಣಕಾಸು ನೆರವು, ವೈದ್ಯಕೀಯ ಚಿಕಿತ್ಸೆಗೆ ಧನ ಸಹಾಯ, ನಿರುದ್ಯೋಗಿಗಳಿಗೆ ಸಾಲ ಸೌಲಭ್ಯ, ಮಹಿಳಾ ಸಬಲೀಕರಣಕ್ಕೆ ಒತ್ತು ನೀಡುವಂತಹ ಕೆಲಸಗಳನ್ನು ಮಾಡುತ್ತಿದ್ದಾರೆ. ಭೂಕಂಪ, ಪ್ರವಾಹ ಸಂದರ್ಭಗಳಲ್ಲೂ ಕಾರ್ಯಾಚರಣೆಗೆ ಇಳಿದು ಹಲವರ ಪ್ರಾಣವನ್ನು ರಕ್ಷಿಸಿದ್ದಾರೆ.

ಶೈಕ್ಷಣಿಕ ಸಂಸ್ಥೆಗಳನ್ನು ಸ್ಥಾಪನೆ ಮಾಡಿರುವ ಇವರು, ಬಡ ಮಕ್ಕಳಿಗೆ ವಸತಿ ಸಹಿತ ಗುಣಮಟ್ಟದ ಶಿಕ್ಷಣ ಕೊಡಿಸುತ್ತಿದ್ದಾರೆ. ಎ.ಪಿ.ಜೆ. ಅಬ್ದುಲ್ ಕಲಾಂ ಅವರಿಂದ ಸ್ಫೂರ್ತಿ ಪಡೆದು ಇಗ್ನೈಟ್ ಇಂಡಿಯಾ ಎಂಬ ಸ್ಟಾರ್ಟ್ಅಪ್ ಆರಂಭಿಸಿದ್ದಾರೆ.

ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಸಂಶೋಧನೆ ನಡೆಸುವ, ಹೊಸತನ್ನು ಆವಿಷ್ಕರಿಸುವ ವಿದ್ಯಾರ್ಥಿಗಳಿಗೆ, ಪ್ರಯೋಗಾಲಯ, ಸಂಪನ್ಮೂಲಗಳ ನೆರವು ನೀಡುತ್ತಿದ್ದಾರೆ. ದೇಶದ ಯುವಶಕ್ತಿಯನ್ನು ಸದೃಢಗೊಳಿಸಿ ಬಲಿಷ್ಠ ಭಾರತವನ್ನು ನಿರ್ಮಾಣ ಮಾಡಬೇಕು ಎಂಬ ಕನಸು ಅಗ್ನೀಶ್ವರ್ ಅವರದು. agnishwarjayaprakash.wordpress.com
****
ಲಿಲ್ಲಿ ಸಿಂಗ್
ಕೆನಡಾದಲ್ಲಿ ನೆಲೆಸಿರುವ ಭಾರತೀಯ ಮೂಲದ 28ರ ಹರೆಯದ ಲಿಲ್ಲಿ ಸಿಂಗ್ ಅವರ ಸಾಧನೆಯ ಕಥೆ ಇದು. ಮನಃಶಾಸ್ತ್ರದಲ್ಲಿ ಪದವಿ ಪಡೆದಿರುವ ಲಿಲ್ಲಿ ಸಿಂಗ್ ಸಾಮಾಜಿಕ ಹೋರಾಟಗಾರ್ತಿಯಾಗಿ ಗುರುತಿಸಿಕೊಂಡಿದ್ದು ಅವರು ವಿಶ್ವದಾದ್ಯಂತ ‘ಸೂಪರ್ ವುಮನ್’ ಎಂದೇ ಜನಪ್ರಿಯರಾಗಿದ್ದಾರೆ.

ಲಿಲ್ಲಿ ಅವರಿಗೆ ವಿದ್ಯಾರ್ಥಿ ದೆಸೆಯಿಂದಲೇ ಬಡವರು, ಅನಾಥರು, ದೌರ್ಜನ್ಯಕ್ಕೆ ತುತ್ತಾದವರ ಮೇಲೆ ವಿಶೇಷ ಕಾಳಜಿ! ಅವರಿಗೆ ತಮ್ಮ ಕೈಲಾದ ಸಹಾಯ ಮಾಡುತ್ತ ಸಮಾಜಮುಖಿ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.

ಕೌಟುಂಬಿಕ ದೌರ್ಜನ್ಯ ಅಥವಾ ಸಾಮಾಜಿಕ ಕಾರಣಗಳಿಗಾಗಿ ಖಿನ್ನತೆಯಿಂದ ಬಳಲುತ್ತಿರುವ ಮಹಿಳೆಯರು ಮತ್ತು ದುರ್ಬಲ ಮನಸ್ಸಿನ ಮಕ್ಕಳ ಮಾನಸಿಕ ಚಿಕಿತ್ಸೆಗಾಗಿ ‘ಸೂಪರ್ ವುಮನ್’ ಎಂಬ ಯೂಟ್ಯೂಬ್ ಚಾನೆಲ್ ಅನ್ನು 2010ರಲ್ಲಿ ಆರಂಭಿಸಿದರು.

ಅಲ್ಲಿ ಕಾಮಿಕ್ ವಿಡಿಯೊ ಹಾಗೂ ಆಡಿಯೊಗಳ ಮೂಲಕ ನೊಂದ ಮಹಿಳೆಯರಿಗೆ ಚಿಕಿತ್ಸೆ (ಆಪ್ತ ಸಮಾಲೋಚನೆ) ಹಾಗೂ ಧೈರ್ಯ ತುಂಬುವ ಕೆಲಸ ಮಾಡುತ್ತಿದ್ದಾರೆ. ಈ ಸೂಪರ್ ವುಮನ್ ಚಾನೆಲ್‌ಗೆ ಒಂದು ಕೋಟಿ ಜನ ಚಂದಾದಾರರಾಗಿದ್ದು ಸುಮಾರು 15 ಕೋಟಿ ಜನರು ವಿಡಿಯೊಗಳನ್ನು ವೀಕ್ಷಣೆ ಮಾಡಿದ್ದಾರೆ. ಆ ಮೂಲಕ ಕಳೆದ ಏಳು ವರ್ಷಗಳಲ್ಲಿ 75 ಲಕ್ಷ ರೂಪಾಯಿ ವರಮಾನ ಪಡೆದಿದ್ದಾರೆ. 

ಇತ್ತೀಚೆಗೆ How to Be a Bawse - A Guide to Conquering Life ಎಂಬ ಪುಸ್ತಕವನ್ನು ಬರೆದಿದ್ದಾರೆ. ಅದರಲ್ಲಿ ಮಹಿಳೆಯರು ಸ್ವಾವಲಂಬಿಯಾಗಿ ಬದುಕುವುದು ಹೇಗೆ ಎಂಬುದಕ್ಕೆ ಹಲವು ಸಲಹೆಗಳನ್ನು ನೀಡಿದ್ದಾರೆ. ಸಿನಿಮಾ ಮತ್ತು ಫ್ಯಾಷನ್ ಲೋಕದಲ್ಲೂ ಲಿಲ್ಲಿ ಕೆಲಸ ಮಾಡಿದ್ದಾರೆ. ಎರಡು ಹಾಲಿವುಡ್ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಮಹಿಳಾ ಪ್ರಧಾನ ಚಿತ್ರವನ್ನು ನಿರ್ಮಾಣ ಮಾಡಿ ಆಸ್ಕರ್ ಪ್ರಶಸ್ತಿ ಪಡೆಯುವ ಗುರಿಯನ್ನು ಅವರು ಹೊಂದಿದ್ದಾರೆ. ಭಾರತ ಸೇರಿದಂತೆ ಆಫ್ರಿಕಾ, ಮಧ್ಯಪ್ರಾಚ್ಯ ದೇಶಗಳಿಗೆ ಭೇಟಿ ಕೊಟ್ಟು ಅಲ್ಲಿನ ಬಡ ವಿದ್ಯಾರ್ಥಿಗಳಿಗೆ ಆರ್ಥಿಕ ಸಹಾಯ ಮಾಡುತ್ತಿದ್ದಾರೆ. ಅತಿ ಕಿರಿಯ ವಯಸ್ಸಿಗೆ ಸಮಾಜಮುಖಿ ಚಿಂತನೆಗಳನ್ನು ಮೈಗೂಡಿಸಿಕೊಂಡಿರುವ ಲಿಲ್ಲಿ ಇಂದಿನ ಯುವಪೀಳಿಗೆಗೆ ಮಾದರಿಯಾಗಿದ್ದಾರೆ.  www.youtube.com/user/IISuperwomanII

 
Comments
ಮುಖಪುಟ

ಗೆದ್ದ ಕುಮಾರ; ಸವಾಲು ಸಾವಿರ

ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ವಿಧಾನಸಭೆಯಲ್ಲಿ ವಿಶ್ವಾಸಮತ ಗೆದ್ದ ಬೆನ್ನಲ್ಲೇ, ಜೆಡಿಎಸ್‌– ಕಾಂಗ್ರೆಸ್‌ ಮೈತ್ರಿ ಸರ್ಕಾರಕ್ಕೆ ಸಂಪುಟ ವಿಸ್ತರಣೆ ಕಸರತ್ತು ದೊಡ್ಡ ಸವಾಲಾಗಿ ಪರಿಣಮಿಸಿದೆ.

ಮೊನ್ನೆ ಆ ಕಡೆ, ಇಂದು ಈ ಕಡೆ

ಒಂದೇ ವಾರದಲ್ಲಿ ‘ಅಧಿಕಾರ’ ಮಗ್ಗುಲು ಬದಲಾಯಿಸಿತ್ತು. ಕಳೆದ ಶನಿವಾರ ಸದನದಲ್ಲಿ ಸ್ಪೀಕರ್‌ ಪೀಠದ ಬಲ ಪಾರ್ಶ್ವದಲ್ಲಿ (ಆಡಳಿತ ಪಕ್ಷಕ್ಕೆ ಮೀಸಲು) ವಿರಾಜಮಾನರಾಗಿದ್ದ ನಾಯಕರೆಲ್ಲ ಶುಕ್ರವಾರ ಎಡ ಪಾರ್ಶ್ವದ ಆಸನಗಳಲ್ಲಿ (ವಿರೋಧ ಪಕ್ಷದವರಿಗೆ ಮೀಸಲು) ಕುಳಿತಿದ್ದರು.

ಬೆಂಬಲ ನೀಡಲು ಕೇಳಿದ್ದು ನಿಜ: ಯಡಿಯೂರಪ್ಪ

‘ಸರ್ಕಾರ ರಚಿಸುವ ಬಗ್ಗೆ ಡಿ.ಕೆ. ಶಿವಕುಮಾರ್‌ ಜತೆ ಮಾತುಕತೆಯಾಡಿದ್ದು, ನಮಗೆ ಬೆಂಬಲ ನೀಡಿದರೆ ಸ್ಥಾನ ಮಾನ ನೀಡುವುದಾಗಿ ಕಾಂಗ್ರೆಸ್ ಶಾಸಕರಿಗೆ ಹೇಳಿದ್ದು ನಿಜ’ ಎಂದು ವಿರೋಧ ಪಕ್ಷದ ನಾಯಕ ಬಿ.ಎಸ್‌. ಯಡಿಯೂರಪ್ಪ ವಿಧಾನಸಭೆಯಲ್ಲಿ ಶುಕ್ರವಾರ ತಿಳಿಸಿದರು.

3 ದಿನಗಳಲ್ಲಿ ರಾಜ್ಯಕ್ಕೆ ಮುಂಗಾರು ಪ್ರವೇಶ

ನೈಋತ್ಯ ಮುಂಗಾರು ಇನ್ನು ಮೂರು ದಿನಗಳಲ್ಲಿ ರಾಜ್ಯವನ್ನು ಪ್ರವೇಶಿಸಲಿದೆ. ಅಂಡಮಾನ್‌– ನಿಕೋಬಾರ್‌ ದ್ವೀಪ ಪ್ರದೇಶಗಳಲ್ಲಿ ಮುಂಗಾರು ಪ್ರವೇಶಕ್ಕೆ ಅನುಕೂಲಕರ ಪರಿಸ್ಥಿತಿ ನಿರ್ಮಾಣವಾಗಿದೆ.

ಸಂಗತ

ಇವಿಎಂ ಮತ್ತು ಮುಂದಿನ ಚುನಾವಣೆಗಳು

ಮೇ 12ರಂದು ರಾಜ್ಯದಲ್ಲಿ ನಡೆದ ವಿಧಾನಸಭಾ ಚುನಾವಣೆಯ ಮತದಾನ ಪ್ರಕ್ರಿಯೆಯನ್ನು ಮೇ 13ರ ಸಂಚಿಕೆಯಲ್ಲಿ ಎಲ್ಲಾ ಪತ್ರಿಕೆಗಳು ವಿವರವಾಗಿ ದಾಖಲಿಸಿದ್ದವು. ಆದರೆ, ‘ಪ್ರಜಾವಾಣಿ’ಯಲ್ಲಿ ಬಂದ ವಿವರಗಳಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಎರಡು ಅಂಶಗಳಿದ್ದುವು. ಈ ಅಂಶಗಳನ್ನು ಓದುಗರು

ಪಾರದರ್ಶಕತೆ ಮುಖ್ಯ

ಇವಿಎಂನ ವಿಶ್ವಾಸಾರ್ಹತೆ ಸಾಬೀತುಪಡಿಸಲು ವಹಿಸುವ ಮುತುವರ್ಜಿಯ ಜೊತೆಜೊತೆಗೆ ಅದರ ದುರ್ಬಳಕೆಗೆ ಇರುವ ಅವಕಾಶಗಳತ್ತ ಕೂಡ ಚುನಾವಣಾ ಆಯೋಗ ಮತ್ತು ರಾಜಕೀಯ ಪಕ್ಷಗಳು ಗಮನಹರಿಸುವುದು ಅಗತ್ಯ.

ಪ್ರಜಾಪ್ರಭುತ್ವದ ಹೆಚ್ಚುಗಾರಿಕೆ

ಪ್ರಜಾಪ್ರಭುತ್ವ ಮತ್ತು ಚುನಾವಣೆಯ ಕಾರಣಕ್ಕಾಗಿ ಪುಟ್ಟ ಪುಟ್ಟ ಸಮುದಾಯಗಳಲ್ಲಿ ಸ್ವಾಭಿಮಾನ ಮತ್ತು ಒಟ್ಟುಗೂಡುವಿಕೆಗೆ ಜೀವ ಬಂದಿದೆ

ಸದನದ ಕಲಾಪ: ರಾಜಕೀಯ ಶಿಕ್ಷಣ

ಬಿ.ಎಸ್‌. ಯಡಿಯೂರಪ್ಪ ಅವರು ವಿಧಾನಸಭೆಯಲ್ಲಿ ವಿಶ್ವಾಸಮತ ಕೋರುವ (ಮೇ 19) ಕಲಾಪದ ನೇರ ಪ್ರಸಾರಕ್ಕೆ ನಿರ್ದೇಶಿಸಿ ಸುಪ್ರೀಂ ಕೋರ್ಟ್ ಒಳ್ಳೆಯ ಕೆಲಸ ಮಾಡಿತು. ಸಂಸದೀಯ ಪ್ರಜಾಸತ್ತೆಯಲ್ಲಿ ಜನರಿಗೆ ಅದರ ನಡಾವಳಿಗಳ ಬಗ್ಗೆ ಅರಿವು ಮೂಡಿಸುವ ಅಗತ್ಯವಿದೆ.

ಭೂಮಿಕಾ

ಸ್ಕೂಲು ಶುರುವಾಯಿತು ತಾಯಿಗೂ ಮಗುವಿಗೂ!

ರಜೆ ಮುಗಿದು ಶಾಲೆ ಆರಂಭವಾಗುತ್ತಿದೆ. ಇಷ್ಟು ದಿನ ಮನೆಯಲ್ಲಿ ಸಂತಸದಿಂದ ಇದ್ದ ಮಗು ಇನ್ನು ಮಣಭಾರದ ಬ್ಯಾಗ್‌ ಹೊತ್ತು ಶಾಲೆಗೆ ಹೋಗಬೇಕು. ಶಾಲೆ ಆರಂಭ ಎನ್ನುವುದು ಕೇವಲ ಮಗುವಿಗಷ್ಟೇ ಸೀಮಿತವಾದ ಚಟುವಟಿಕೆ ಅಲ್ಲ, ಅದು ತಾಯಂದಿರಿಗೂ ಬಿಡುವಿಲ್ಲದ ಕೆಲಸದ ಸಮಯವೇ ಹೌದು. ಮಗುವನ್ನು ಶಾಲೆಗೆ ಕಳುಹಿಸುವ ಮುನ್ನ ತಾಯಿಯೂ ಸಿದ್ಧವಾಗಬೇಕಿದೆ...

ಹುಸಿ ನಾಯಕ! ನಿಜ ನಾಯಕಿ...

ಎದುರಾಳಿಯನ್ನು ಹಣಿಯುವುದು, ಆಡಳಿತದ ದರ್ಪ ಪ್ರದರ್ಶಿಸುವುದು ಹಾಗೂ ಅಧಿಕಾರವನ್ನು ಲೋಭಕ್ಕೆ‌ ಬಳಸಿಕೊಳ್ಳುವುದು ಇಂದಿನ ರಾಜಕಾರಣದಲ್ಲಿನ ನಾಯಕರ ಗುಣವಿಶೇಷಣಗಳು! ಅಧಿಕಾರ ಇರುವುದು ಚಲಾಯಿಸಲಲ್ಲ - ಪ್ರೀತಿಯ ಸಾಧನೆಗಾಗಿ, ತಾನು ಪ್ರತಿನಿಧಿಸುವ ಬಳಗದ ಹಿತಸಾಧನೆಗಾಗಿ ಎನ್ನುವ ನಾಯಕತ್ವದ ಪ್ರಾಥಮಿಕ ಪಾಠ ಹಾಗೂ ನಾಯಕನಿಗೆ ಇರಬೇಕಾದ ಸಾವಧಾನ, ವಿನಯ ಹಾಗೂ ತ್ಯಾಗದ ಗುಣಗಳನ್ನು ರಾಜಕಾರಣಿಗಳು ಗೃಹಿಣಿಯರಿಂದ ಕಲಿಯಬೇಕು.

ಅಮ್ಮ ದೇವರಿಗಿಂತ ದೊಡ್ಡವಳು... ದೇವರು ಕೈಗೆ ಸಿಗುವುದಿಲ್ಲ!

ಶ್ರುತಿ ಹರಿಹರನ್ ಕನ್ನಡದ ಪ್ರತಿಭಾವಂತ ಹಾಗೂ ಮಹತ್ವಾಕಾಂಕ್ಷಿ ನಟಿಯರಲ್ಲೊಬ್ಬರು. ಶ್ರುತಿ ಎನ್ನುವುದು ಬರಿ ಹೆಸರಷ್ಟೇ ಅಲ್ಲ, ಅಮ್ಮನ ಅಪೂರ್ಣ ಕನಸಿನ ಅಭಿವ್ಯಕ್ತಿ ಎನ್ನುವ ಶ್ರುತಿ, ‘ಹೌದು, ನನ್ನಮ್ಮನೂ ಹೀಗೆಯೇ ಅಲ್ಲವೇ’ ಎಂದು ಯಾರಿಗಾದರೂ ಎನ್ನಿಸುವಷ್ಟು ತನ್ನಮ್ಮನ ಕುರಿತು ಬರೆದಿರುವ ಇಲ್ಲಿನ ಟಿಪ್ಪಣಿ ಆರ್ದ್ರವಾಗಿದೆ.

ಮಾಯಿಯ ಐದು ಮುಖಗಳು

ಅಮ್ಮ ಮತ್ತು ಮಗುವಿನ ನಂಟಿನಿಂದ ರೂಪುಗಗೊಳ್ಳುವಂತಹದ್ದು ಜೈವಿಕ ತಾಯ್ತನ. ಈ ಕಳ್ಳುಬಳ್ಳಿ ಸಂಬಂಧದಾಚೆಗೂ ಕೆಲವು ಹೆಣ್ಣುಮಕ್ಕಳು ಸಾರ್ವಜನಿಕ ಜೀವನದಲ್ಲಿ ತಾಯ್ತನದ ಛಾಪು ಮೂಡಿಸುತ್ತಾರೆ. ಅಂಥ ನಾಲ್ವರು ಅಮ್ಮಂದಿರ ಕುರಿತು ಈ ತಲೆಮಾರಿನ ಹೆಣ್ಣುಮಕ್ಕಳ ಆಪ್ತ ಸ್ಪಂದನಗಳು ಇಲ್ಲಿವೆ.