ಪ್ರೇಮ ಕಾಶ್ಮೀರದ ‘ಕರ್ಫ್ಯೂ ಮಹಾರಾಜರು’!

18 May, 2017
ಪಿನಾಕ
ಕಳೆದ ವರ್ಷ ಕಾಶ್ಮೀರದಲ್ಲಿ ಪ್ರಕ್ಷುಬ್ಧ ಸ್ಥಿತಿ ನಿರ್ಮಾಣವಾದ ಬಳಿಕ ಅಲ್ಲಿಂದ ಬರೀ ಗಲಭೆಗಳ ಸುದ್ದಿಗಳೇ ಬರುತ್ತಿವೆ. ಗಲಭೆ ಸಂದರ್ಭದ ಅಲ್ಲಿನ ಸಾಮಾಜಿಕ ಬದುಕಿನ ಕುರಿತು ಸಿಗುವ ಮಾಹಿತಿ ತೀರಾ ಅಪರೂಪ. ಗೊತ್ತೆ? ಸುತ್ತಮುತ್ತ ಮದ್ದು ಗುಂಡುಗಳು ಹಾರುತ್ತಿದ್ದರೂ ಕಲ್ಲುಗಳ ತೂರಾಟ ಹೆಚ್ಚಾಗಿದ್ದರೂ ಅಲ್ಲಿ ಪ್ರೇಮಪುಷ್ಪಗಳು ಯಥಾಪ್ರಕಾರ ಅರಳುತ್ತಲೇ ಇವೆ.
 
ಕಾಶ್ಮೀರಿ ಹುಡುಗರು ತಮ್ಮ ಹೃದಯ ಕದ್ದ ಕನ್ನಿಕೆಯರನ್ನು ಬೀದಿಯಲ್ಲಿ ಕದ್ದು–ಮುಚ್ಚಿ ನೋಡುವ ಪರಿಪಾಠ ಕಡಿಮೆ ಆಗಿದ್ದರೂ ಸಾಮಾಜಿಕ ಜಾಲತಾಣಗಳು ಯುವಪ್ರೇಮಿಗಳ ನೆರವಿಗೆ  ಧಾವಿಸಿವೆ. ಮನದನ್ನೆಯೊಂದಿಗೆ ಹರಟಲು ಆ್ಯಪ್‌ಗಳು ಕೂಡ ಬಂದಿವೆ.
 
ಬ್ರೋಕರ್‌ಗಳ ನೆರವಿನಿಂದ ನಡೆಯುವ ಸಾಂಪ್ರದಾಯಿಕ ಮದುವೆಗಳ ಪ್ರಮಾಣವೇ ಇಲ್ಲಿ ಈಗಲೂ ಹೆಚ್ಚಾಗಿದೆ. ಶ್ರೀನಗರದಲ್ಲಿ ನಿತ್ಯ ಬೆಳಗಾದರೆ ಮನೆ–ಮನೆಗೆ ಓಡಾಡುವ ಬ್ರೋಕರ್‌ನನ್ನು ತಡೆದು ನಿಲ್ಲಿಸಿದರೆ ಹುಡುಗ–ಹುಡುಗಿಯರ ವಿವರಗಳು ಬಗಲ ಚೀಲದಲ್ಲಿರುವ ಡೈರಿಯಲ್ಲಿ ತುಂಬಿ ತುಳುಕುತ್ತಿವೆ. 
 
‘ಕಳೆದ ವರ್ಷದಿಂದ ಹೆಚ್ಚು–ಕಡಿಮೆ ಬಿಟ್ಟೂಬಿಡದೆ ಕರ್ಫ್ಯೂ ಇದ್ದೇ ಇದೆ. ಕೆಲಸವೇ ಇಲ್ಲದಿರುವ ಕಾರಣ ಹಿರಿಯರೆಲ್ಲ ಈಗ ವಯಸ್ಸಿಗೆ ಬಂದ ಮಕ್ಕಳ ಮದುವೆ ಕುರಿತು ಯೋಚಿಸುತ್ತಿದ್ದಾರೆ. ರಾತ್ರಿ 8ರಿಂದ ಬೆಳಗಿನ 9ರ ಅವಧಿಯಲ್ಲಿ ಎರಡೂ ಕುಟುಂಬಗಳ ಹಿರಿಯರ ನಡುವೆ ಮದುವೆ ಮಾತುಕತೆಗಳು ನಡೆಯುತ್ತವೆ’ ಎಂದು ಬ್ರೋಕರ್‌ ಮೊಹಮ್ಮದ್‌ ಹೇಳುತ್ತಾರೆ.
 
‘ಪ್ರಕ್ಷುಬ್ಧ ಸ್ಥಿತಿ ನಿರ್ಮಾಣವಾದಾಗ ವರನ ಕಡೆಯವರು ಕನ್ಯೆಯ ಮನೆಗೆ, ಇಲ್ಲವೆ ಕನ್ಯೆಯ ಕಡೆಯವರು ವರನ ಮನೆಗೆ ಬಂದು ಮಾತನಾಡುವುದು ಕಷ್ಟ. ಆಗ ಮೊಬೈಲ್‌ಗಳಲ್ಲೇ ಮಾತುಕತೆಗಳು ನಡೆಯುತ್ತವೆ. ಯುವಕರು ತಮಗೆ ಸರಿಹೊಂದುವ ಜೋಡಿಯನ್ನು ತಾವೇ ಆಯ್ದುಕೊಳ್ಳುವುದು ಈಗೀಗ ಸಾಮಾನ್ಯವಾಗಿದೆ. ಆದರೆ, ನನ್ನ ವ್ಯವಹಾರಕ್ಕೆ ಏನೂ ಹೊಡೆತ ಬಿದ್ದಿಲ್ಲ’ ಎನ್ನುತ್ತಾರೆ.
 
ಗಲಭೆಯಿಂದ ಯಾವುದೇ ಮದುವೆಗೆ ತೊಂದರೆ ಆಗಿಯೇ ಇಲ್ಲ ಎಂದೇನಿಲ್ಲ. ಎಷ್ಟೋ ಮದುವೆಗಳು ಗಡಿಬಿಡಿಯಲ್ಲಿ ಮುರಿದುಬಿದ್ದಿವೆ. ನೂರಾರು ಸಂಖ್ಯೆಯಲ್ಲಿ ಮದುವೆಗಳನ್ನು ಮುಂದೂಡಲಾಗಿದೆ. ವಾರಗಟ್ಟಲೆ ನಡೆಯಬೇಕಿದ್ದ ಮದುವೆ ಸಮಾರಂಭ ಗಲಭೆ ಕಾರಣದಿಂದ ಒಂದು ದಿನಕ್ಕೆ ಇಳಿದಿದೆ. ಮೆನು ಗಾತ್ರವೂ ಕುಗ್ಗಿದೆ. ಕರ್ಫ್ಯೂ ಸಂದರ್ಭದಲ್ಲಿ ಮದುವೆ ಆದವರನ್ನು ‘ಕರ್ಫ್ಯೂ ಮಹಾರಾಣಿ’, ‘ಕರ್ಫ್ಯೂ ಮಹಾರಾಜ’ ಎಂದು ಕರೆಯುವ ಪರಿಪಾಠ ಬೆಳೆದಿದೆ.
 
ಶಾಲಾ–ಕಾಲೇಜುಗಳು ಸರಿಯಾಗಿ ನಡೆಯದಿರುವ ಕಾರಣ ಶ್ರೀನಗರದಲ್ಲಿ ಟ್ಯೂಷನ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಸಹಶಿಕ್ಷಣದ ವ್ಯವಸ್ಥೆ ಈ ಟ್ಯೂಷನ್‌ ಕೇಂದ್ರಗಳಲ್ಲಿದ್ದು, ಯುವಕ–ಯುವತಿಯರು ಸಂಗಮ ಆಗುವುದರಿಂದ ಅವುಗಳು ಪ್ರೇಮಪುಷ್ಪ ಅರಳುವ ತಾಣಗಳಾಗಿವೆ.
 
ಕರ್ಫ್ಯೂ ಇರುವುದರಿಂದ ಉದ್ಯಾನ, ರೆಸ್ಟೊರೆಂಟ್‌, ಸರೋವರದ ಕಡೆಗೆ ಜೋಡಿಗಳು ಹೋಗುವಂತಿಲ್ಲ. ಹೀಗಾಗಿ ಇಂಟರ್ನೆಟ್‌ ರೋಮ್ಯಾನ್ಸ್‌ ಹೊಸ ಖಯಾಲಿಯಾಗಿದೆ. ಆದರೆ, ಇಂಟರ್ನೆಟ್‌ ಹಾಗೂ ಸಾಮಾಜಿಕ ಜಾಲತಾಣಗಳ ಬಳಕೆ ಮೇಲೆ ನಿರ್ಬಂಧ ಹೇರಿದಾಗ ಯುವ ಜೋಡಿಗಳಿಗೆ ಭೂಮಿಯೇ ಕುಸಿದಂತಹ ಅನುಭವ. ಆದರೆ, ತಕ್ಷಣ ಸಿಕ್ಕಿತಲ್ಲ ಹೊಸಹಾದಿ! 
 
‘ಸರ್ಕಾರ ವಾಟ್ಸ್‌ ಆ್ಯಪ್‌ ನಿರ್ಬಂಧಿಸಿದರೆ ನಾವು ಹೈಕ್‌ ಬಳಸತೊಡಗಿದವು. ಅದು ಸ್ನ್ಯಾಪ್‌ಚಾಟ್‌ ಬಳಕೆ ತಡೆಯಿತು, ನಾವು ಇನ್‌ಸ್ಟಾಗ್ರಾಂ ಮೊರೆ ಹೋದೆವು. ಕರ್ಫ್ಯೂ ಕಾರಣದಿಂದ ಕುಳಿತಲ್ಲೇ ಹೆಚ್ಚಿನ ಸಮಯ ಕಳೆಯಬೇಕು ನೋಡಿ, ಹೀಗಾಗಿ ನನ್ನ ಭಾವಿ ಪತ್ನಿಯ ಜತೆಗಿನ ಇಂಟರ್ನೆಟ್‌ ಸಂವಾದ ಹೆಚ್ಚಿದೆ’ ಎನ್ನುತ್ತಾನೆ ಯುವಕನೊಬ್ಬ. ‘ಡೇಟಿಂಗ್‌ ಆ್ಯಪ್‌ಗಳು ಸಹ ಬಂದಿವೆ ಗೊತ್ತಾ’ ಎಂದು ಆತ ಕಣ್ಣು ಮಿಟುಕಿಸುತ್ತಾನೆ. 
Comments
ಮುಖಪುಟ

ಗೆದ್ದ ಕುಮಾರ; ಸವಾಲು ಸಾವಿರ

ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ವಿಧಾನಸಭೆಯಲ್ಲಿ ವಿಶ್ವಾಸಮತ ಗೆದ್ದ ಬೆನ್ನಲ್ಲೇ, ಜೆಡಿಎಸ್‌– ಕಾಂಗ್ರೆಸ್‌ ಮೈತ್ರಿ ಸರ್ಕಾರಕ್ಕೆ ಸಂಪುಟ ವಿಸ್ತರಣೆ ಕಸರತ್ತು ದೊಡ್ಡ ಸವಾಲಾಗಿ ಪರಿಣಮಿಸಿದೆ.

ಮೊನ್ನೆ ಆ ಕಡೆ, ಇಂದು ಈ ಕಡೆ

ಒಂದೇ ವಾರದಲ್ಲಿ ‘ಅಧಿಕಾರ’ ಮಗ್ಗುಲು ಬದಲಾಯಿಸಿತ್ತು. ಕಳೆದ ಶನಿವಾರ ಸದನದಲ್ಲಿ ಸ್ಪೀಕರ್‌ ಪೀಠದ ಬಲ ಪಾರ್ಶ್ವದಲ್ಲಿ (ಆಡಳಿತ ಪಕ್ಷಕ್ಕೆ ಮೀಸಲು) ವಿರಾಜಮಾನರಾಗಿದ್ದ ನಾಯಕರೆಲ್ಲ ಶುಕ್ರವಾರ ಎಡ ಪಾರ್ಶ್ವದ ಆಸನಗಳಲ್ಲಿ (ವಿರೋಧ ಪಕ್ಷದವರಿಗೆ ಮೀಸಲು) ಕುಳಿತಿದ್ದರು.

ಬೆಂಬಲ ನೀಡಲು ಕೇಳಿದ್ದು ನಿಜ: ಯಡಿಯೂರಪ್ಪ

‘ಸರ್ಕಾರ ರಚಿಸುವ ಬಗ್ಗೆ ಡಿ.ಕೆ. ಶಿವಕುಮಾರ್‌ ಜತೆ ಮಾತುಕತೆಯಾಡಿದ್ದು, ನಮಗೆ ಬೆಂಬಲ ನೀಡಿದರೆ ಸ್ಥಾನ ಮಾನ ನೀಡುವುದಾಗಿ ಕಾಂಗ್ರೆಸ್ ಶಾಸಕರಿಗೆ ಹೇಳಿದ್ದು ನಿಜ’ ಎಂದು ವಿರೋಧ ಪಕ್ಷದ ನಾಯಕ ಬಿ.ಎಸ್‌. ಯಡಿಯೂರಪ್ಪ ವಿಧಾನಸಭೆಯಲ್ಲಿ ಶುಕ್ರವಾರ ತಿಳಿಸಿದರು.

3 ದಿನಗಳಲ್ಲಿ ರಾಜ್ಯಕ್ಕೆ ಮುಂಗಾರು ಪ್ರವೇಶ

ನೈಋತ್ಯ ಮುಂಗಾರು ಇನ್ನು ಮೂರು ದಿನಗಳಲ್ಲಿ ರಾಜ್ಯವನ್ನು ಪ್ರವೇಶಿಸಲಿದೆ. ಅಂಡಮಾನ್‌– ನಿಕೋಬಾರ್‌ ದ್ವೀಪ ಪ್ರದೇಶಗಳಲ್ಲಿ ಮುಂಗಾರು ಪ್ರವೇಶಕ್ಕೆ ಅನುಕೂಲಕರ ಪರಿಸ್ಥಿತಿ ನಿರ್ಮಾಣವಾಗಿದೆ.

ಸಂಗತ

ಇವಿಎಂ ಮತ್ತು ಮುಂದಿನ ಚುನಾವಣೆಗಳು

ಮೇ 12ರಂದು ರಾಜ್ಯದಲ್ಲಿ ನಡೆದ ವಿಧಾನಸಭಾ ಚುನಾವಣೆಯ ಮತದಾನ ಪ್ರಕ್ರಿಯೆಯನ್ನು ಮೇ 13ರ ಸಂಚಿಕೆಯಲ್ಲಿ ಎಲ್ಲಾ ಪತ್ರಿಕೆಗಳು ವಿವರವಾಗಿ ದಾಖಲಿಸಿದ್ದವು. ಆದರೆ, ‘ಪ್ರಜಾವಾಣಿ’ಯಲ್ಲಿ ಬಂದ ವಿವರಗಳಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಎರಡು ಅಂಶಗಳಿದ್ದುವು. ಈ ಅಂಶಗಳನ್ನು ಓದುಗರು

ಪಾರದರ್ಶಕತೆ ಮುಖ್ಯ

ಇವಿಎಂನ ವಿಶ್ವಾಸಾರ್ಹತೆ ಸಾಬೀತುಪಡಿಸಲು ವಹಿಸುವ ಮುತುವರ್ಜಿಯ ಜೊತೆಜೊತೆಗೆ ಅದರ ದುರ್ಬಳಕೆಗೆ ಇರುವ ಅವಕಾಶಗಳತ್ತ ಕೂಡ ಚುನಾವಣಾ ಆಯೋಗ ಮತ್ತು ರಾಜಕೀಯ ಪಕ್ಷಗಳು ಗಮನಹರಿಸುವುದು ಅಗತ್ಯ.

ಪ್ರಜಾಪ್ರಭುತ್ವದ ಹೆಚ್ಚುಗಾರಿಕೆ

ಪ್ರಜಾಪ್ರಭುತ್ವ ಮತ್ತು ಚುನಾವಣೆಯ ಕಾರಣಕ್ಕಾಗಿ ಪುಟ್ಟ ಪುಟ್ಟ ಸಮುದಾಯಗಳಲ್ಲಿ ಸ್ವಾಭಿಮಾನ ಮತ್ತು ಒಟ್ಟುಗೂಡುವಿಕೆಗೆ ಜೀವ ಬಂದಿದೆ

ಸದನದ ಕಲಾಪ: ರಾಜಕೀಯ ಶಿಕ್ಷಣ

ಬಿ.ಎಸ್‌. ಯಡಿಯೂರಪ್ಪ ಅವರು ವಿಧಾನಸಭೆಯಲ್ಲಿ ವಿಶ್ವಾಸಮತ ಕೋರುವ (ಮೇ 19) ಕಲಾಪದ ನೇರ ಪ್ರಸಾರಕ್ಕೆ ನಿರ್ದೇಶಿಸಿ ಸುಪ್ರೀಂ ಕೋರ್ಟ್ ಒಳ್ಳೆಯ ಕೆಲಸ ಮಾಡಿತು. ಸಂಸದೀಯ ಪ್ರಜಾಸತ್ತೆಯಲ್ಲಿ ಜನರಿಗೆ ಅದರ ನಡಾವಳಿಗಳ ಬಗ್ಗೆ ಅರಿವು ಮೂಡಿಸುವ ಅಗತ್ಯವಿದೆ.

ಭೂಮಿಕಾ

ಸ್ಕೂಲು ಶುರುವಾಯಿತು ತಾಯಿಗೂ ಮಗುವಿಗೂ!

ರಜೆ ಮುಗಿದು ಶಾಲೆ ಆರಂಭವಾಗುತ್ತಿದೆ. ಇಷ್ಟು ದಿನ ಮನೆಯಲ್ಲಿ ಸಂತಸದಿಂದ ಇದ್ದ ಮಗು ಇನ್ನು ಮಣಭಾರದ ಬ್ಯಾಗ್‌ ಹೊತ್ತು ಶಾಲೆಗೆ ಹೋಗಬೇಕು. ಶಾಲೆ ಆರಂಭ ಎನ್ನುವುದು ಕೇವಲ ಮಗುವಿಗಷ್ಟೇ ಸೀಮಿತವಾದ ಚಟುವಟಿಕೆ ಅಲ್ಲ, ಅದು ತಾಯಂದಿರಿಗೂ ಬಿಡುವಿಲ್ಲದ ಕೆಲಸದ ಸಮಯವೇ ಹೌದು. ಮಗುವನ್ನು ಶಾಲೆಗೆ ಕಳುಹಿಸುವ ಮುನ್ನ ತಾಯಿಯೂ ಸಿದ್ಧವಾಗಬೇಕಿದೆ...

ಹುಸಿ ನಾಯಕ! ನಿಜ ನಾಯಕಿ...

ಎದುರಾಳಿಯನ್ನು ಹಣಿಯುವುದು, ಆಡಳಿತದ ದರ್ಪ ಪ್ರದರ್ಶಿಸುವುದು ಹಾಗೂ ಅಧಿಕಾರವನ್ನು ಲೋಭಕ್ಕೆ‌ ಬಳಸಿಕೊಳ್ಳುವುದು ಇಂದಿನ ರಾಜಕಾರಣದಲ್ಲಿನ ನಾಯಕರ ಗುಣವಿಶೇಷಣಗಳು! ಅಧಿಕಾರ ಇರುವುದು ಚಲಾಯಿಸಲಲ್ಲ - ಪ್ರೀತಿಯ ಸಾಧನೆಗಾಗಿ, ತಾನು ಪ್ರತಿನಿಧಿಸುವ ಬಳಗದ ಹಿತಸಾಧನೆಗಾಗಿ ಎನ್ನುವ ನಾಯಕತ್ವದ ಪ್ರಾಥಮಿಕ ಪಾಠ ಹಾಗೂ ನಾಯಕನಿಗೆ ಇರಬೇಕಾದ ಸಾವಧಾನ, ವಿನಯ ಹಾಗೂ ತ್ಯಾಗದ ಗುಣಗಳನ್ನು ರಾಜಕಾರಣಿಗಳು ಗೃಹಿಣಿಯರಿಂದ ಕಲಿಯಬೇಕು.

ಅಮ್ಮ ದೇವರಿಗಿಂತ ದೊಡ್ಡವಳು... ದೇವರು ಕೈಗೆ ಸಿಗುವುದಿಲ್ಲ!

ಶ್ರುತಿ ಹರಿಹರನ್ ಕನ್ನಡದ ಪ್ರತಿಭಾವಂತ ಹಾಗೂ ಮಹತ್ವಾಕಾಂಕ್ಷಿ ನಟಿಯರಲ್ಲೊಬ್ಬರು. ಶ್ರುತಿ ಎನ್ನುವುದು ಬರಿ ಹೆಸರಷ್ಟೇ ಅಲ್ಲ, ಅಮ್ಮನ ಅಪೂರ್ಣ ಕನಸಿನ ಅಭಿವ್ಯಕ್ತಿ ಎನ್ನುವ ಶ್ರುತಿ, ‘ಹೌದು, ನನ್ನಮ್ಮನೂ ಹೀಗೆಯೇ ಅಲ್ಲವೇ’ ಎಂದು ಯಾರಿಗಾದರೂ ಎನ್ನಿಸುವಷ್ಟು ತನ್ನಮ್ಮನ ಕುರಿತು ಬರೆದಿರುವ ಇಲ್ಲಿನ ಟಿಪ್ಪಣಿ ಆರ್ದ್ರವಾಗಿದೆ.

ಮಾಯಿಯ ಐದು ಮುಖಗಳು

ಅಮ್ಮ ಮತ್ತು ಮಗುವಿನ ನಂಟಿನಿಂದ ರೂಪುಗಗೊಳ್ಳುವಂತಹದ್ದು ಜೈವಿಕ ತಾಯ್ತನ. ಈ ಕಳ್ಳುಬಳ್ಳಿ ಸಂಬಂಧದಾಚೆಗೂ ಕೆಲವು ಹೆಣ್ಣುಮಕ್ಕಳು ಸಾರ್ವಜನಿಕ ಜೀವನದಲ್ಲಿ ತಾಯ್ತನದ ಛಾಪು ಮೂಡಿಸುತ್ತಾರೆ. ಅಂಥ ನಾಲ್ವರು ಅಮ್ಮಂದಿರ ಕುರಿತು ಈ ತಲೆಮಾರಿನ ಹೆಣ್ಣುಮಕ್ಕಳ ಆಪ್ತ ಸ್ಪಂದನಗಳು ಇಲ್ಲಿವೆ.