ಸಿನಿಮಾದೊಳಗೊಂದು ಸಿನಿಮಾ

19 May, 2017
‘ರಂಗಿತರಂಗ’, ‘ಯೂ ಟರ್ನ್‌’ ರೀತಿಯ ದೆವ್ವದ ಸಿನಿಮಾಗಳ ಗುಂಗಿನಿಂದ ಕೊಂಚ ಹೊರಗೆ ಕಾಲು ಚಾಚಿರುವ ರಾಧಿಕಾ ಚೇತನ್‌ ಕ್ರೈಂ, ಥ್ರಿಲ್ಲರ್‌, ಸಸ್ಪೆನ್ಸ್‌ ಎಲ್ಲವೂ ಮಿಶ್ರಿತಗೊಂಡಿರುವ ‘ಬಿಬಿ5’ ಮೂಲಕ  ತಮ್ಮ ನಟನಾ ಪ್ರತಿಭೆಯ ಇನ್ನೊಂದು ಆಯಾಮ ತೋರಿಸುವ ಉತ್ಸಾಹದಲ್ಲಿದ್ದಾರೆ. 
 
ಸಿನಿಮಾದ ಶೀರ್ಷಿಕೆಯಂತೆ ಇದರಲ್ಲಿ ರಾಧಿಕಾ ಅವರ ಪಾತ್ರವೂ ವಿಶಿಷ್ಟವಾಗಿಯೇ ಇರಲಿದೆಯಂತೆ. ಇತ್ತೀಚೆಗೆ ಚಿತ್ರತಂಡದವರು ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಅವರು ಈ ಸಂಗತಿಯನ್ನು ಖುಷಿಯಿಂದ ಹೇಳಿಕೊಂಡರು.
 
 
‘ಯೂ ಟರ್ನ್‌, ರಂಗಿತರಂಗ ಸಿನಿಮಾಗಳಲ್ಲಿ ನನ್ನದು ಗಂಭೀರ ಪಾತ್ರವಾಗಿತ್ತು. ಆದರೆ ಈ ಚಿತ್ರದಲ್ಲಿ ಮಾತಿನಮಲ್ಲಿ, ಲವ್ಲೀ, ತುಂಟ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಪಾತ್ರ ಅಷ್ಟೇ ನಿಗೂಢವೂ ಆಗಿದೆ’ ಎಂದು ಕುತೂಹಲದ ಎಳೆಯನ್ನಷ್ಟೇ ತೋರಿ ಸುಮ್ಮನಾದರು ರಾಧಿಕಾ. ಪತ್ರಿಕಾಗೋಷ್ಠಿಯಲ್ಲಿ ತಂಡದ ಉಳಿದ ಸದಸ್ಯರು ಮಾಡಿದ್ದೂ ಅದನ್ನೇ. 
 
ದಶಕಗಳ ಕಾಲ ಸಾಫ್ಟ್‌ವೇರ್‌ ಉದ್ಯೋಗದಲ್ಲಿದ್ದ ಜನಾರ್ದನ್‌ ಎನ್‌. ಈ ಸಿನಿಮಾಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ‘ಬಿಬಿ5 ಒಬ್ಬ ನಿರ್ದೇಶಕ ಮತ್ತು ಕಥೆಗಾರನ ನಡುವಿನ ಸಂಘರ್ಷದ ಕಥೆ.
 
ಬಿಬಿ5 ಎಂದು ಹೆಸರಿಡಲು ಮುಖ್ಯ ಕಾರಣವಿದೆ. ಅದೊಂದು ಕೋಡ್‌. ಅದರ ಅರ್ಥ ಏನು ಎಂಬುದನ್ನು ಸಿನಿಮಾದಲ್ಲಿಯೇ ನೋಡಿ’ ಎಂದು ಮನಸಲ್ಲಿ ಮೂಡಿದ್ದ ಕುತೂಹಲಕ್ಕೆ ಒಗ್ಗರಣೆ ಹಾಕಿದರು ಜನಾರ್ದನ್‌. ಜತೆಗೆ ‘ಬೆಂಗಳೂರಿನಲ್ಲಿ ನಡೆಯುವ ಒಂದು ಜೋಡಿ ಕೊಲೆಯ ಸುತ್ತ ನಡೆಯುವ ಕಥೆ’ ಎಂದು ಸಿನಿಮಾದಲ್ಲಿನ ಕ್ರೈಂ ಎಳೆಯನ್ನೂ ಬಿಡಿಸಿಟ್ಟರು. 
 
 
ಇದು ಸಿನಿಮಾದೊಳಗೊಂದು ಸಿನಿಮಾ ಇರುವ ಕಥೆ ಎನ್ನುವುದು ನಿರ್ದೇಶಕರ ಮಾತಿನಿಂದಲೇ ತಿಳಿಯಿತು. ಇದನ್ನು ದೃಢೀಕರಿಸಿದರು ಪೂರ್ಣಚಂದ್ರ ಮೈಸೂರು. ರಂಗಭೂಮಿ ಮತ್ತು ಕಿರುಚಿತ್ರಗಳ ನಟನೆಯಲ್ಲಿ ತೊಡಗಿಕೊಂಡಿದ್ದ ಅವರು ಈ ಚಿತ್ರದ ಮೂಲಕ ನಾಯಕನಟನ ಪಟ್ಟ ಗಿಟ್ಟಿಸಿಕೊಳ್ಳುತ್ತಿದ್ದಾರೆ.
 
‘ನಾನು ಈ ಚಿತ್ರದಲ್ಲಿ ಬರಹಗಾರನ ಪಾತ್ರದಲ್ಲಿ ನಟಿಸುತ್ತಿದ್ದೇನೆ. ಹಿರಿಯ ನಿರ್ದೇಶಕನೊಬ್ಬನ ಬಳಿ ಕೆಲಸ ಕೇಳಿಕೊಂಡು ಹೋಗುವ ಬರಹಗಾರ ಎದುರಿಸುವ ಸಂಗತಿಗಳು ಕುತೂಹಲಕಾರಿಯಾಗಿವೆ’ ಎಂದರು.
 
ನಟ ರಾಜೇಶ್‌ ನಟರಂಗ ಈ ಸಿನಿಮಾದಲ್ಲಿ ನಿರ್ದೇಶಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ‘ತಮ್ಮ ವೃತ್ತಿ ಬದುಕಿನಲ್ಲಿ ಇದೊಂದು ವಿಶಿಷ್ಟ ಪಾತ್ರ. ಇಡೀ ಜಗತ್ತಿನ ಚಿತ್ರರಂಗವೇ ಕನ್ನಡದತ್ತ ಹೊರಳಿ ನೋಡುವಂತಾಗಬೇಕು ಎಂಬ ಮಹತ್ವಾಕಾಂಕ್ಷೆ ಇರುವ ನಿರ್ದೇಶಕ. ಈ ಹೊಸಬರ ತಂಡದೊಂದಿಗೆ ಕೆಲಸ ಮಾಡಿದ್ದು ಖುಷಿ ನೀಡಿದೆ’ ಎಂದರು ರಾಜೇಶ್‌.
 
ಇದುವರೆಗೆ ಕಿರುತೆರೆಯಲ್ಲಿ ನಟಿಸುತ್ತಿದ್ದ ರಶ್ಮಿ ಪ್ರಭಾಕರ್‌ ’ಬಿಬಿ5’ ಮೂಲಕ ಹಿರಿತೆರೆಗೆ ಜಿಗಿಯುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರದು ಕಾಲೇಜು ಹುಡುಗಿಯ ಪಾತ್ರ. ‘ನಾಯಕನ ಗೆಳತಿಯಾಗಿ ನಟಿಸಿದ್ದೇನೆ.
 
ಕಥೆ ಸಾಗಿದಂತೆಲ್ಲ ನನ್ನ ಪಾತ್ರಕ್ಕೆ ನೆಗೆಟೀವ್‌ ಶೇಡ್‌ ಬರುತ್ತ ಹೋಗುತ್ತದೆ’ ಎಂದ ಅವರಿಗೆ, ಈ ಚಿತ್ರದ ಪಾತ್ರ ತಮಗೆ ಇನ್ನಷ್ಟು ಅವಕಾಶಗಳನ್ನು ತಂದುಕೊಡುತ್ತದೆ ಎಂಬ ವಿಶ್ವಾಸವೂ ಇದೆ. ಇನ್ನೊಬ್ಬ ನಟಿ ಅಂಕಿತಾ ಕೂಡ ಈ ಚಿತ್ರದ ಮೂಲಕ ಸಿನಿ ಬದುಕನ್ನು ಆರಂಭಿಸಲಿದ್ದಾರೆ.
 
ಸೌಮ್ಯಾ ಬಿ.ಜಿ. ಅವರು ಈ ಚಿತ್ರಕ್ಕೆ ಹಣ ಹೂಡಿದ್ದಾರೆ. ಚೇತನ್‌ ಕುಮಾರ್‌ ಶಾಸ್ತ್ರಿ ಸಂಗೀತ, ವಿಕ್ರಮ್‌ ಮತ್ತು ಚೇತನ್‌ ರಾಯ್‌ ಛಾಯಾಗ್ರಹಣ ‘ಬಿಬಿ5’ಗಿದೆ. ಇದೇ ತಿಂಗಳ 26ರಂದು ಚಿತ್ರ ಬಿಡುಗಡೆ ಮಾಡಲು ತಂಡ ಸಿದ್ಧತೆ ನಡೆಸಿಕೊಂಡಿದೆ.
 

Read More

Comments
ಮುಖಪುಟ

ಮಾಲಿನ್ಯಕ್ಕೆ 26 ಲಕ್ಷ ಬಲಿ

ದೇಶದ 75 ಸ್ಥಳಗಳಲ್ಲಿ ಕ್ಷೇತ್ರಕಾರ್ಯ ನಡೆಸಿ ಮತ್ತು ದತ್ತಾಂಶಗಳನ್ನು ಕಲೆ ಹಾಕಿ ಅಧ್ಯಯನ ನಡೆಸಲಾಗಿದೆ. ಈ 75 ಸ್ಥಳಗಳಲ್ಲಿ ಕರ್ನಾಟಕದ 17 ಸ್ಥಳಗಳು ಸೇರಿವೆ. ಈ ಸ್ಥಳಗಳಲ್ಲಿನ ಗಾಳಿ ಮತ್ತು ನೀರಿನಲ್ಲಿನ ಮಾಲಿನ್ಯಕಾರಕ ಅಂಶಗಳನ್ನು ಪತ್ತೆ ಮಾಡಲಾಗಿದೆ.

₹150 ಕೋಟಿ ಆಸ್ತಿ ಒಡೆಯನಿಗೂ ಬಗರ್‌ಹುಕುಂ ಜಾಗ!

‘2002–03ರಲ್ಲಿ ಗುತ್ತಿಗೆದಾರ ಬಸವರಾಜು ಅವರಿಗೆ 2 ಎಕರೆ 15 ಗುಂಟೆ, 2005–06ರಲ್ಲಿ ಸೌಧಾಮಿನಿ ಕಲ್ಯಾಣ ಮಂಟಪದ ಮಾಲೀಕರಾಗಿರುವ ಶಾರದಮ್ಮ ಅವರಿಗೆ 3 ಎಕರೆ, ಯಲಚೇನಹಳ್ಳಿಯ ಕಾರ್ತಿಕ್‌ (ಬಿಬಿಎಂಪಿ ಪಾಲಿಕೆಯ ಸದಸ್ಯರ ಹತ್ತಿರದ ಸಂಬಂಧಿ) ಅವರಿಗೆ 4 ಎಕರೆ ಮಂಜೂರು ಮಾಡಿತ್ತು’ ಎಂದು ವರದಿಯಲ್ಲಿ ತಿಳಿಸಲಾಗಿದೆ...

ಒಂದು ವರ್ಷ ಮೀರುವಂತಿಲ್ಲ: ಕೋರ್ಟ್‌

‘ಉದ್ದೇಶಿತ ಅಂತಿಮ ಅಧಿಸೂಚನೆ ಒಂದು ವರ್ಷದ ಅವಧಿಯ ಒಳಗೇ ಇರಬೇಕು. ಇಲ್ಲದಿದ್ದರೆ ಅದು ಭೂ ಸ್ವಾಧೀನ ಕಾಯ್ದೆ–1894ರ ಕಲಂ 4 (1) ಮತ್ತು ಕಲಂ 6 (1)ರ ನಡುವಿನ ವಿವರಣೆಗೆ ವಿರುದ್ಧವಾಗುತ್ತದೆ. ಒಂದು ವೇಳೆ ಅವಧಿ ಮೀರಿದರೆ ಅದನ್ನು ಜಮೀನಿನ ಮಾಲೀಕರಿಗೆ ಬಿಟ್ಟುಕೊಡಬೇಕು’ ಎಂದು ಆದೇಶದಲ್ಲಿ ವಿವರಿಸಲಾಗಿದೆ.

ಉತ್ತರ ಕರ್ನಾಟಕದಿಂದ ಸಿ.ಎಂ. ಸ್ಪರ್ಧೆ?

ಎಚ್‌.ವೈ.ಮೇಟಿ ಅವರ ಬಾಗಲಕೋಟೆ, ಚಿಮ್ಮನಕಟ್ಟಿ ಆಯ್ಕೆಯಾಗಿರುವ ಬದಾಮಿ, ಜೆ.ಟಿ.ಪಾಟೀಲರ ಬೀಳಗಿ ಅಥವಾ ರಾಘವೇಂದ್ರ ಹಿಟ್ನಾಳ ಅವರ ಕೊಪ್ಪಳ ಕ್ಷೇತ್ರದಿಂದ ಕಣಕ್ಕಿಳಿಯುವಂತೆ ಮುಖ್ಯಮಂತ್ರಿ ಮೇಲೆ ನಿರಂತರ ಒತ್ತಡ ಹೇರಲಾಗುತ್ತಿದೆ.

ಸಂಗತ

‘ಗುಂಡಿ ಗೇಟ್‌’ಗಳು ಬೇಕು

ಬೆಂಗಳೂರಿನ ಗುಂಡಿಭರಿತ ರಸ್ತೆಯಲ್ಲಿ ಹಾದು ಈ ಗೇಟ್‌ಗಳ ಮೂಲಕ ಸಾಗುವ ಪ್ರತೀ ವಾಹನಕ್ಕೆ ಸರ್ಕಾರ ನಷ್ಟ ತುಂಬಿಕೊಡುವಂತೆ ಆಗಬೇಕು

ಅರ್ಚಕರಾದರಷ್ಟೇ ಸಾಲದು...

ದಲಿತರು ಇಂದು ತಮ್ಮ ವಿಮೋಚನೆಗೆ ಅಂಬೇಡ್ಕರರ ಮಾರ್ಗವೇ ಸೂಕ್ತ ಎಂದು ನಂಬಿದ್ದಾರೆ. ಇಷ್ಟರ ಮೇಲೂ ಸರ್ಕಾರಕ್ಕೆ ದಲಿತರನ್ನು ಪುರೋಹಿತರನ್ನಾಗಿ ಮಾಡುವ ಇಚ್ಛೆ ಇದ್ದಲ್ಲಿ, ತಡವಾಗಿಯಾದರೂ ಸರಿಯೇ ತಾಲ್ಲೂಕಿಗೊಂದು ಬೌದ್ಧ ವಿಹಾರ ನಿರ್ಮಿಸಿ ಅಲ್ಲಿ ದಲಿತರನ್ನು ಭಂತೇಜಿಗಳನ್ನಾಗಿ ಆಯ್ಕೆ ಮಾಡಲಿ.

ಮೀಸಲಾತಿ ಏರಿಕೆಗೆ ಆಧಾರವೇನು?

ಪರಿಶಿಷ್ಠ ಜಾತಿ ಮತ್ತು ಪಂಗಡದವರಿಗೆ ಜನಸಂಖ್ಯೆಯಲ್ಲಿ ಅವರ ಪ್ರಮಾಣಕ್ಕೆ ಅನುಗುಣವಾಗಿ ಮೀಸಲಾತಿ ಒದಗಿಸಬೇಕೆಂದು ಸಂವಿಧಾನದಲ್ಲಿಯೇ ಹೇಳಲಾಗಿದೆ. ಆದ್ದರಿಂದ ಅವರಿಗೆ ಮೀಸಲಾತಿಯಲ್ಲಿ ಅದೇ ಪ್ರಮಾಣದಲ್ಲಿ ಏರಿಕೆ ಮಾಡುವುದು ಅನಿವಾರ್ಯ

ಸುಲಭವೂ ಹೌದು ಕಷ್ಟವೂ ಹೌದು

ಮೀಸಲಾತಿ ಏರಿಕೆಗೆ ಕಷ್ಟಗಳು ಇರುವುದು ನಿಜ. ಆದರೆ, ಜನಶಕ್ತಿ ಮನಸ್ಸು ಮಾಡಿದರೆ ಅದೇನೂ ದೊಡ್ಡ ವಿಚಾರ ಅಲ್ಲ...

ಭೂಮಿಕಾ

ಗಾಸಿಗೊಂಡಿರುವೆ ‘ನಾನು ಸಹ’

ಹಾಲಿವುಡ್‍ ನಿರ್ಮಾಪಕ ಹಾರ್ವೇ ವೈನ್‍ಸ್ಟಿನ್‍ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿರುವ ಅಮೆರಿಕದ ನಟಿ ಆ್ಯಲಿಸ್ ಅವರ ಒಂದು ಟ್ವಿಟರ್‌ನಿಂದ ಆರಂಭವಾದ ’ಮೀ ಟೂ’ (ನಾನು ಸಹ) ಅಭಿಯಾನ ಸಾಮಾಜಿಕ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ಹಬ್ಬುತ್ತಿದೆ. ಲೈಂಗಿಕ ಕಿರುಕುಳದಿಂದ ಘಾಸಿಗೊಂಡೂ ಸುಮ್ಮನಿದ್ದವರೆಲ್ಲ ತಮ್ಮ ಕರಾಳ ನೆನಪುಗಳನ್ನು ‘ಮೀ ಟೂ’ ಎಂಬ ಹೆಸರಿನಡಿಯಲ್ಲಿ ಬಿಚ್ಚಿಡಲಾರಂಭಿಸಿದ್ದಾರೆ. ಸ್ತ್ರೀಜಗತ್ತಿನ ಈ ಒಳಕುದಿಯ ಹಲವು ಆಯಾಮಗಳನ್ನು ವಿಶ್ಲೇಷಿಸುವ ಲೇಖನ ಇಲ್ಲಿದೆ.

ಕಾಣದ ಒಡಲಿಗೆ!

ಮನೆಯಲ್ಲಿ ಹಬ್ಬವೆಂದರೆ ಅದರ ಸಂಭ್ರಮವೇ ಬೇರೆ. ಎಂದೋ ವರ್ಷದ ಹಿಂದೆ ಕಂಡ ಸಂಬಂಧಿಕರು ಮತ್ತೆ ಕಾಣ ಸಿಗುವುದು ಹಬ್ಬದ ದಿನವೇ. ಆದರೆ ಹಾಸ್ಟೆಲ್ – ಪಿಜಿಗಳಲ್ಲಿ ಹಬ್ಬದ ಸಂಭ್ರಮವೇ ಬೇರೆ. ಎಲ್ಲಿಂದಲ್ಲೋ ಬಂದು ಜೊತೆಯಾದ ಜೀವಗಳೇ ಅಲ್ಲೇ ಸಂಬಂಧಿಗಳಾಗುತ್ತಾರೆ. ಮನೆಯವರು ಜೊತೆಗಿಲ್ಲದಿದ್ದರು ನಾನು ನಿನಗೆ, ನೀನು ನನಗೆ ಎಂದುಕೊಂಡು ಬಂಧುಗಳಂತೆ ಸಂಭ್ರಮದಿಂದ ಹಬ್ಬವನ್ನು ಆಚರಿಸುತ್ತಾರೆ.

‘ಸಮಾಜದ ಪರಿವರ್ತನೆಗೆ ಸನ್ಯಾಸಿಯಾಗಬೇಕೇ?’

ನಾನು  ಬಿ.ಎ. ಮೊದಲನೇ ವರ್ಷದಲ್ಲಿ ಓದುತ್ತಿದ್ದೇನೆ. ನನಗೆ ಎಲ್ಲರಂತೆ ಖುಷಿಯಿಂದ ಇರಲು ಸಾಧ್ಯವಾಗುತ್ತಿಲ್ಲ. ಏನೋ ಕಳೆದುಕೊಂಡಂತೆ ಇರುತ್ತೀನಿ ಅಂತ ಗೆಳೆಯರು ಹೇಳ್ತಾರೆ. ನನ್ನ ಮನಸಿನಲ್ಲಿ ಖಿನ್ನತೆ. ಏನನ್ನು ಮಾಡಲೂ ಒಂದು ವಿಧದ ಬೇಜಾರಾಗುತ್ತದೆ. ನನಗೆ ಯಾರಾದರೂ ಮನಸ್ಸಿಗೆ ನೋವು ಆಗುವ ರೀತಿಯಲ್ಲಿ ಮಾತನಾಡಿದರೆ ತುಂಬ ಯೋಚನೆಗಳು ಶುರು ಆಗುತ್ತವೆ.

ಮಡಿಲು ಮತ್ತು ತೊಟ್ಟಿಲು

ತಾಯಿ ಮಗುವನ್ನು ತನ್ನ ಮಡಿಲಲ್ಲೇ ಇರಿಸಿಕೊಂಡು ಜತನ ಮಾಡುತ್ತಾಳೆ. ತನಗೇನೇ ನೋವಿರಲಿ ತನ್ನ ಮಗುವನ್ನು ಮಾತ್ರ ಮಡಿಲಲ್ಲಿ ಇರಿಸಿಕೊಂಡು ಕೂರುವ ತಾಯಿಗೆ ಜೊತೆಯಾಗುವ ಇನ್ನೊಂದು ಮಡಿಲು ತೊಟ್ಟಿಲು. ತಾಯಿಯ ಮಡಿಲಿಗೆ ಮಗು ಭಾರವೆನ್ನಿಸಿದ ಕ್ಷಣ ತೊಟ್ಟಿಲು ಆ ಭಾರವನ್ನು ಹೊರುತ್ತದೆ.
'ನನ್ನ ಮಗುವನ್ನು ನಾನು ಮಲಗಿಸಿಕೊಂಡರೆ ಇದಕ್ಕೇನು ಧಾಡಿ?' ತೊಟ್ಟಿಲಿಗೆ ಮಡಿಲಿನ 'ಭಾರ' ಅರ್ಥವಾಯಿತು. ಮಡಿಲಿಗೆ ಮಗುವನ್ನು ಎಷ್ಟು ನೋಡಿದರೂ ತೃಪ್ತಿಯಿಲ್ಲ.