ಪ್ರಯೋಗಪ್ರಿಯ ಶಿವ

19 May, 2017
ಪದ್ಮನಾಭ ಭಟ್‌
* ಬಂಗಾರ s/o ಬಂಗಾರದ ಮನುಷ್ಯ’ ಒಪ್ಪಿಕೊಳ್ಳಲು ಮುಖ್ಯ ಕಾರಣ ಏನು?
ಪ್ರತಿ ಸಿನಿಮಾವನ್ನು ಒಪ್ಪಿಕೊಳ್ಳುವಾಗಲೂ ಅದರ ಯಾವುದಾದರೂ ಒಂದು ಅಂಶ ನನಗೆ ಇಷ್ಟವಾಗಿರುತ್ತದೆ. ಆದರೆ ಕೆಲವು ಸಿನಿಮಾಗಳು ಹೃದಯಕ್ಕೆ ತುಂಬ ಹತ್ತಿರವಾಗುತ್ತವೆ. ‘ಬಂಗಾರ s/o ಬಂಗಾರದ ಮನುಷ್ಯ’ ನನಗೆ ಈ ರೀತಿ ಹೃದಯಕ್ಕೆ ಹತ್ತಿರವಾದ ಸಿನಿಮಾ. 
 
ಈ ಸಿನಿಮಾದ ಕಥೆಯ ಹುಡುಕಾಟವೇ ತುಂಬ ವಿಶಿಷ್ಟವಾಗಿದೆ. ನಾವು–ನಮ್ಮತನ, ನಮ್ಮ ಕಥೆ ಹೀಗೆ ನಮ್ಮದು ಅಂತ ಹೋಗುವುದು ಸ್ವಾರ್ಥ ಆಗುತ್ತದೆ. ಆದರೆ ಬೇರೆಯವರ ಕಥೆ, ಬೇರೆಯವರಿಗೋಸ್ಕರ ಮಾಡಿದ ಕಥೆಗೂ ನನ್ನ ಕಥೆಗೂ ಏನು ವ್ಯತ್ಯಾಸ ಇರುತ್ತದೆ ಎನ್ನುವುದನ್ನು ಹುಡುಕುವ ಸಿನಿಮಾ ಇದು. ಇದು ಒಬ್ಬನ ಕಥೆಯಲ್ಲ, ಹಲವಾರು ಕಥೆಗಳು, ಹಲವರ ಕಥೆಗಳು, ಬೇರೆ ಬೇರೆಯವರ ಕಥೆಗಳು ಸೇರಿ ಆದ ಸಿನಿಮಾ. 
 
* ಹಳ್ಳಿ ಕಥೆಗಳು ಇಂದಿನ ಪ್ರೇಕ್ಷಕರಿಗೆ ರುಚಿಸುವುದಿಲ್ಲ ಎಂಬ ಮಾತಿದೆ. ಅಂಥದ್ದರಲ್ಲಿ ‘ಬಂಗಾರ s/o ಬಂಗಾರದ ಮನುಷ್ಯ’ವನ್ನು ಜನರು ಹೇಗೆ ಸ್ವೀಕರಿಸಬಹುದು?
ಇದು ಹಳ್ಳಿ ಕಥೆಯೇ ಎಂಬುದು ಸಿನಿಮಾ ನೋಡಿದಾಗಲೇ ತಿಳಿಯುತ್ತದೆ. ಹಳ್ಳಿ ಕಥೆಯನ್ನು ಜನರು ನೋಡುವುದಿಲ್ಲ ಎನ್ನುವುದು ಸುಳ್ಳು. ಆ ಕುರಿತು ಜನರಲ್ಲಿ ಆಸಕ್ತಿಯನ್ನು ಹುಟ್ಟಿಸಬೇಕು. ಹಾಗೆ ನೋಡಿದರೆ ಸಿಟಿ ಕಥೆಗಳಿರುವ ಸಿನಿಮಾಗಳು ಎಷ್ಟು ಗೆಲ್ಲುತ್ತಿವೆ? ಅದನ್ನು ಹೀಗೆಯೇ ಎಂದು ನಿರ್ಧರಿಸಲು ಸಾಧ್ಯವೇ ಇಲ್ಲ. ಹಾಗೆಯೇ ಹಳ್ಳಿ ಕಥೆ ಎಂದರೆ ಸುಮ್ಮನೇ ಭಾವುಕತೆಯನ್ನೇ ಚಿತ್ರಿಸುವುದಲ್ಲ. ಹಳ್ಳಿಗಳ ಸಮಸ್ಯೆಯನ್ನು ಚಿತ್ರಿಸಬೇಕು.
 
ಅದರ ಗಂಭೀರತೆಯ ಬಗ್ಗೆ ಸಿಟಿಯಲ್ಲಿರುವವರಿಗೂ ತಿಳಿಯಬೇಕು. ಅದನ್ನೇ ನಿರ್ದೇಶಕ ಯೋಗಿ ಜಿ. ರಾಜ್‌ ಅವರು ಈ ಸಿನಿಮಾದಲ್ಲಿ ಪ್ರಯತ್ನಿಸಿದ್ದಾರೆ. ಹಳ್ಳಿಯ ಸಮಸ್ಯೆಗಳಿಗೆ ಇಂದಿನ ನಗರದ ತಂತ್ರಜ್ಞಾನದ ಮೂಲಕ ಯಾವ ರೀತಿ ಪರಿಹಾರ ಕಂಡುಕೊಳ್ಳಬಹುದು ಎಂಬುದನ್ನು ಹುಡುಕಲು ಹೊರಟಿದ್ದಾರೆ. ಆದರೆ ಈ ಸಿನಿಮಾ ಬರೀ ಹಳ್ಳಿ ಕಥೆ ಎಂದು ಹೇಳುವುದೂ ಸರಿಯಲ್ಲ. ಬದಲಿಗೆ ಇದು ಒಂದು ವರ್ಗದ ಕಥೆ. 
 
* ಅಂದರೆ ನಗರದ ಜನರು ಹಳ್ಳಿಗಳತ್ತ ದೃಷ್ಟಿ ಬೀರುವಂತೆ ಮಾಡುವ ಸಿನಿಮಾ ಇದು?
ಹೌದು. ನಮಗಿಂದು “ಹಳ್ಳಿಗಳ ಸಮಸ್ಯೆ’ ಸಮಸ್ಯೆ ಎಂದೇ ಅನಿಸುತ್ತಿಲ್ಲ. ಸಂಪೂರ್ಣ ಮರೆತುಬಿಡುತ್ತಿದ್ದೇವೆ. ಆದರೆ ಎಲ್ಲದಕ್ಕೂ ಹಳ್ಳಿಯೇ ಬೇಕು ನಮಗೆ. ಇಂದು ಏನಾದರೂ ಸ್ವಲ್ಪ ಮರಗಳು, ನೆರಳು ಉಳಿದುಕೊಂಡಿವೆ  ಅಂದರೆ ಅವು ಹಳ್ಳಿಗಳಲ್ಲಿ ಮಾತ್ರ. ಶುದ್ಧ ಗಾಳಿ ಬೇಕು ಅಂದರೆ ಸಿಗುವುದು ಹಳ್ಳಿಗಳಲ್ಲಿಯೇ. ನಾನು ಮೊದಲಿನಿಂದಲೂ ಆಗಾಗ ಅಪ್ಪಾಜಿಯವರ ಹಳ್ಳಿಗೆ ಹೋಗಿ ಬರುತ್ತಿದ್ದೆ. ಅಲ್ಲಿನ ಸೊಗಡು, ನೆನಪು ಎಲ್ಲವನ್ನೂ ಈ ಸಿನಿಮಾದ ಮೂಲಕ ಮತ್ತೆ ಅನುಭವಿಸಿದ್ದೇನೆ. 
 
* ಈ ಚಿತ್ರದಲ್ಲಿ ನಿಮಗೆ ತುಂಬ ಇಷ್ಟವಾದ ಅಂಶ ಯಾವುದು?
ಈ ಸಿನಿಮಾದಲ್ಲಿ ಒಂದು ಸಣ್ಣ ಭಾವನಾತ್ಮಕತೆಯ ಅಂತರ್‌ಹರಿವು ಇದೆ. ಅದು ಜನರನ್ನು ತಟ್ಟುತ್ತದೆ. ಅಪ್ಪಾಜಿ ಅವರ ‘ಬಂಗಾರದ ಮನುಷ್ಯ’ ಜನರನ್ನು ಮುಟ್ಟಿತ್ತು. ಆ ಸಿನಿಮಾದಲ್ಲಿನ ಮೌಲ್ಯಗಳು ಇಲ್ಲಿ ಯಾವ ರೀತಿ ಚಿತ್ರಿತವಾಗುತ್ತವೆ ಎನ್ನುವುದನ್ನು ತೆರೆಯ ಮೇಲೆಯೇ ನೋಡಬೇಕು. ಆ ಸಿನಿಮಾದ ಮಟ್ಟವನ್ನು ನಾವು ಮುಟ್ಟುತ್ತೇವೋ ಇಲ್ಲವೋ ಗೊತ್ತಿಲ್ಲ. ಆದರೆ ಅದರ ಒಂದು ಅಂಶದಷ್ಟಾದರೂ ಮುಟ್ಟುತ್ತೇವೆ ಎಂಬ ವಿಶ್ವಾಸ ಇದೆ.

ಅಪ್ಪಾಜಿ ಅವರ ಜತೆಯಲ್ಲಿ ನಟಿಸಿದ ಹಲವು ನಟರು ಇದರಲ್ಲಿಯೂ ಇದ್ದಾರೆ. ಶಿವರಾಮ್‌, ಜಯಮ್ಮ, ಹೊನ್ನವಳ್ಳಿ ಕೃಷ್ಣ, ಶ್ರೀನಿವಾಸಮೂರ್ತಿ, ಬ್ರಹ್ಮಾವರ, ಅಶ್ವತ್ಥ್‌ನಾರಾಯಣ ಎಲ್ಲರೂ ಇದ್ದಾರೆ. ಅವರ ಜತೆಯಲ್ಲಿ ಸಾಧುಕೋಕಿಲ, ಚಿಕ್ಕಣ್ಣ, ಸುಧಾ ಬೆಳವಾಡಿ ಎಲ್ಲರೂ ಇದ್ದಾರೆ. ನಾಯಕಿ ವಿದ್ಯಾ ಪ್ರದೀಪ್‌ ಅವರೂ ಹೊಸಬರು. ಹೀಗೆ ಹಳೆ–ಹೊಸ ಕಲಾವಿದರ ಸಂಗಮ ಇಲ್ಲಿದೆ. ಭಾವುಕತೆಯ ಜತೆಗೆ ರಂಜನಾತ್ಮಕ ಅಂಶಗಳೂ ಸಾಕಷ್ಟಿವೆ. ಚಿತ್ರಮಂದಿರಕ್ಕೆ ಬಂದ ಪ್ರೇಕ್ಷಕನ್ನು ಚಿತ್ರ ಖಂಡಿತ ನಿರಾಸೆಗೊಳಿಸುವುದಿಲ್ಲ.

*‘ಬಂಗಾರದ ಮನುಷ್ಯ’ ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಂಡ ಚಿತ್ರ. ಸಾಮಾಜಿಕ ಬದಲಾವಣೆಗೂ ಕಾರಣವಾದ ಚಿತ್ರ. ರಾಜಕುಮಾರ್‌ ಅಭಿನಯದ ಆ ಶೀರ್ಷಿಕೆಯನ್ನು ಬಳಸಿಕೊಳ್ಳುವುದು ಭಾರ ಎಂದು ಅನಿಸಲಿಲ್ಲವೇ?
ಭಾರ ಅನಿಸಲಿಲ್ಲ. ಆದರೆ ಒಪ್ಪಿಕೊಳ್ಳುವಾಗ ಕೊಂಚ ಆತಂಕವಂತೂ ಇತ್ತು. ಆದರೂ ಆ ಜವಾಬ್ದಾರಿಯನ್ನು ನಾವು ತೆಗೆದುಕೊಳ್ಳಲೇಬೇಕು. ಏನಾದರೂ ಹೊಸತನ್ನು ಮಾಡಬೇಕು ಮತ್ತು ಮಾಡುತ್ತಲೇ ಇರಬೇಕು. ನನ್ನ ಸಿನಿಮಾಗಳನ್ನು ನೋಡಿದರೆ ನಿಮಗೇ ಗೊತ್ತಾಗುತ್ತದೆ. ನಾನು ಸಾಕಷ್ಟು ಹೊಸ ರೀತಿಯ ಪ್ರಯೋಗಗಳಿಗೆ ನನ್ನನ್ನು ಒಡ್ಡಿಕೊಂಡಿದ್ದೇನೆ.
 
ಕಲಾತ್ಮಕ ಚಿತ್ರಗಳು, ಕಾದಂಬರಿ ಆಧಾರಿತ ಚಿತ್ರಗಳು, ರೌಡಿಸಂ ಚಿತ್ರಗಳು – ಹೀಗೆ ಎಲ್ಲ ರೀತಿಯ ಸಿನಿಮಾಗಳಲ್ಲಿಯೂ ಜನರು ನನ್ನನ್ನು ಸ್ವೀಕರಿಸಿದ್ದಾರೆ. ಒಂದು ಚೌಕಟ್ಟಿಗೆ ನನ್ನನ್ನು ಸೀಮಿತಗೊಳಿಸಿಕೊಂಡಿಲ್ಲ.
 
ಹೊಸ ರೀತಿಯ ಪ್ರಯೋಗಗಳನ್ನು ಮಾಡುತ್ತಲೇ ಇದ್ದೇನೆ.  ಈ ಸಿನಿಮಾ ಅಂಥ ಪ್ರಯೋಗಗಳಲ್ಲಿ ಒಂದು. ‘ಬಂಗಾರದ ಮನುಷ್ಯ’ ಸಿನಿಮಾದ ಹಾಗೆಯೇ ‘ಬಂಗಾರ s/o ಬಂಗಾರದ ಮನುಷ್ಯ’ ಕೂಡ ಒಂದು ರೀತಿಯ ಸಾಮಾಜಿಕ ಬದಲಾವಣೆಗೆ ಕಾರಣ ಆಗಬಲ್ಲದು ಎಂಬ ಭರವಸೆ ಇದೆ.

* ಈ ರೀತಿಯ ಪ್ರಯೋಗಾತ್ಮಕತೆ ನೀವೇ ಉದ್ದೇಶಪೂರ್ವಕವಾಗಿ ಆಯ್ದುಕೊಳ್ಳುವುದೇ?
ಇಲ್ಲ. ಪಾಲಿಗೆ ಬಂದಿದ್ದು ಪಂಚಾಮೃತ ಅನ್ನುವ ರೀತಿಯಲ್ಲಿ ಸ್ವೀಕರಿಸುತ್ತಿದ್ದೇನೆ ಅಷ್ಟೆ. ನಾವು ಬೇರೆ ಭಾಷೆಗಳಲ್ಲಿ ವಿಶಿಷ್ಟ ಸಿನಿಮಾಗಳು ಬಂದಾಗ ನೋಡಿ ಖುಷಿಪಡುತ್ತೇವೆ. ಆದರೆ ನಮ್ಮದೇ ಭಾಷೆಯಲ್ಲಿ ಅಂಥ ಸಿನಿಮಾಗಳನ್ನು ಯಾಕೆ ಮಾಡಬಾರದು? ಹೊಸ ರೀತಿಯ ಪ್ರಯತ್ನಗಳನ್ನು ಮಾಡುತ್ತಲೇ ಇರಬೇಕು ಎನ್ನುವವನು ನಾನು. 
****
ಎಲ್ಲರ ನೋವನು ಬಲ್ಲವನಾದರೆ...
ಸಾಮಾನ್ಯವಾಗಿ ನಾವು ಏನಾದರೂ ಸಮಸ್ಯೆ ಬಂದಾಗ ಅದರ ಒಂದು ಮುಖವನ್ನು ಮಾತ್ರ ನೋಡಿ ಅರ್ಥಮಾಡಿಕೊಳ್ಳುತ್ತಿರುತ್ತೇವೆ. ಆದರೆ ಎಲ್ಲರ ಸಮಸ್ಯೆಗಳನ್ನು ಎಲ್ಲರೂ ಅರ್ಥ ಮಾಡಿಕೊಳ್ಳುವ ವಾತಾವರಣ ನಿರ್ಮಾಣವಾಗಬೇಕು.
 
ನಾವು ನಮ್ಮ ಜನರ ಸಮಸ್ಯೆ, ನಮ್ಮ ವರ್ಗದವರ ಸಮಸ್ಯೆ ಎಂದೆಲ್ಲ ವರ್ಗೀಕರಿಸಿಕೊಂಡು ಬಿಟ್ಟದ್ದೇವೆ. ಅದರ ಬದಲು ಎಲ್ಲರೂ ಸೇರಿ ಪ್ರಯತ್ನಸಿದಾಗ ದೊಡ್ಡ ಗುರಿಯೊಂದನ್ನು ತಲುಪಬಹುದು. ‘ಬಂಗಾರ s/o ಬಂಗಾರದ ಮನುಷ್ಯ’ ಜೀವ ಜೀವಗಳ ನಡುವೆ ಬಾಂಧವ್ಯ ಬೆಸೆಯುವಂಥ ಸಿನಿಮಾ.
 

Read More

Comments
ಮುಖಪುಟ

ವಿಫಲವಾದ 'ಗುಜರಾತ್ ಮಾದರಿ'; ಗ್ರಾಮಗಳಲ್ಲಿ 'ಕೈ' ಬಲ, ನಗರಗಳಲ್ಲಿ ಅರಳಿದ ಕಮಲ

ನಗರ ಪ್ರದೇಶದಲ್ಲಿ ಬಿಜೆಪಿಗೆ ಜನಮತ ಸಿಕ್ಕಿದ್ದರೂ ಗ್ರಾಮೀಣ ಪ್ರದೇಶಗಳಲ್ಲಿ ಕಾಂಗ್ರೆಸ್‍ಗೆ ಉತ್ತಮ ಬೆಂಬಲ ವ್ಯಕ್ತವಾಗಿದೆ. ಬೂತ್ ಮಟ್ಟದಿಂದಲೇ   ಬಿಜೆಪಿ ಮಾಡಿದ ಶಿಸ್ತಿನ ಕಾರ್ಯ ತಂತ್ರಗಳು ಫಲ ಕಂಡರೆ, ಸರಿಯಾದ ಪೂರ್ವ ಸಿದ್ದತೆ ಇಲ್ಲದೆ...

ಉಭಯ ರಾಜ್ಯಗಳಲ್ಲಿ ಗೆಲುವಿಗೆ ಕಾರಣವಾಗಿದ್ದು ಮೋದಿಯವರ 11 ಗೇಮ್ ಪ್ಲಾನ್!

ಮೋದಿ ಪ್ರಧಾನಿ ಸ್ಥಾನಕ್ಕೇರಿದ ನಂತರ ಮತ್ತು ರಾಹುಲ್ ಕಾಂಗ್ರೆಸ್ ಅಧ್ಯಕ್ಷರಾದ ನಂತರ ನಡೆದ ವಿಧಾನಸಭಾ ಚುನಾವಣೆ ಇದಾಗಿದ್ದು, ಇಬ್ಬರೂ ಗೆಲುವಿಗಾಗಿ ಜಿದ್ದಾಜಿದ್ದಿನ ಹೋರಾಟವನ್ನೇ ನಡೆಸಿದ್ದಾರೆ. ಪ್ರಧಾನಿ ಹುದ್ದೆಯಲ್ಲಿದ್ದರೂ...

ಗುಜರಾತ್‌; ಹಿಮಾಚಲ ಪ್ರದೇಶದಲ್ಲಿ ಮೋದಿ ಪಡೆಗೆ ವಿಜಯ ಮಾಲೆ

ಗುಜರಾತ್‌ನ 182 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 92 ಸ್ಥಾನಗಳ ಅಗತ್ಯವಿದೆ. ಹಿಮಾಚಲ ಪ್ರದೇಶದ 68 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 35 ಸ್ಥಾನಗಳ ಅಗತ್ಯವಿದೆ. ಈ ಸ್ಥಾನಗಳನ್ನು ಎರಡೂ ರಾಜ್ಯಗಳಲ್ಲಿ ಬಿಜೆಪಿ ಗೆದ್ದುಕೊಂಡಿದೆ.

ಈ ಗೆಲುವು ಬಿಜೆಪಿ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ: ಮೋದಿ

ಗುಜರಾತ್ ಮತ್ತು ಹಿಮಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯ ಈ ಗೆಲುವು ನಮ್ಮ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಸಂಗತ

ಮಕ್ಕಳನ್ನು ಮಾದಕ ವಸ್ತುಗಳಿಂದ ರಕ್ಷಿಸಿ

ತಂದೆ-ತಾಯಿಗಳ ಆರೈಕೆ, ಪೋಷಣೆಯಿಲ್ಲದ ಅನಾಥ ಬೀದಿ ಮಕ್ಕಳು ಇಂತಹ ಕೃತ್ಯಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುತ್ತಾರೆಂಬ ಅಂಶ ಬೆಂಗಳೂರಿನಲ್ಲಿ ನಿಮ್ಹಾನ್ಸ್ ಸಂಸ್ಥೆ ಮತ್ತು ಬೆಂಗಳೂರು ಫೋರಂ ಫಾರ್ ಸ್ಟ್ರೀಟ್ ಅಂಡ್ ವರ್ಕಿಂಗ್ ಚಿಲ್ಡ್ರನ್ ಸಂಸ್ಥೆಗಳು 1998ರಲ್ಲಿ ಕೈಗೊಂಡ ಅಧ್ಯಯನದಿಂದ ತಿಳಿದುಬಂದಿತ್ತು

ನಿರ್ಭಯಾ ನೆನಪು– ವರ್ಮಾ ವರದಿ

ದೌರ್ಜನ್ಯ ತಡೆಯುವ ನಿಟ್ಟಿನಲ್ಲಿ ನ್ಯಾಯಮೂರ್ತಿ ವರ್ಮಾ ವರದಿ ಒಂದು ಅಪರೂಪದ ದಾಖಲೆ. ಒಂದು ಬೃಹತ್ ಆಂದೋಲನದ ಫಲ. ಮಹಿಳಾ ಚಳವಳಿಗಳು ಇಂತಹ ವರದಿಗಳ ಅನುಷ್ಠಾನಕ್ಕೆ ಆಗ್ರಹಿಸಬೇಕು

ಪೇಜಾವರ ಶ್ರೀಗಳಿಗೆ... ಸ್ಪಷ್ಟನೆಗಾಗಿ ಪತ್ರ

ಸಂವಿಧಾನದ ಯಾವ ವಿಧಿಗಳ ಬಗ್ಗೆ ತಮಗೆ ತಕರಾರಿದೆ? ತಾವು ಬಯಸುವ ಬದಲಾವಣೆ ಏನು?

ಭಾರತ–ಬ್ರಿಟನ್‌ ನಡುವೆ ‘ಸಜೀವ ಸೇತುವೆ’

ದ್ವಿಪಕ್ಷೀಯ ಸಂಬಂಧ ವೃದ್ಧಿ ಕ್ರಮ: ಬೆಂಗಳೂರಿನಲ್ಲಿ ವೀಸಾ ಕೇಂದ್ರ

ಆಟಅಂಕ

ರನ್‌ ‘ದಾಹ’...

ಟೆಸ್ಟ್‌ನಲ್ಲಿ ತಂಡವೊಂದು ಮೊದಲ ದಿನವೇ 300 ರಿಂದ 350 ರನ್‌ ಗಳಿಸುವುದೂ ಸಾಮಾನ್ಯವಾಗಿದೆ. ಏಕದಿನ ಕ್ರಿಕೆಟ್‌ನಲ್ಲಿ ತಂಡವೊಂದು 350ರಿಂದ 400 ರನ್‌ ಗಳಿಸಿದರೂ ಗೆಲುವಿನ ಕನಸು ಕಾಣುವಂತಿಲ್ಲ. ಏಕೆಂದರೆ ಈ ಮೊತ್ತವನ್ನು ಎದುರಾಳಿ ತಂಡ ಮುಟ್ಟಿಬಿಡಬಲ್ಲದು. ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ನಡುವಣ ಹಣಾಹಣಿ ಇದಕ್ಕೊಂದು ಉತ್ತಮ ಉದಾಹರಣೆ.

ಅಫ್ಗಾನಿಸ್ತಾನಕ್ಕೆ ಮತ್ತೊಂದು ‘ಟೆಸ್ಟ್‌’...

ಉಗ್ರರ ದಾಳಿ ಭೀತಿಯ ನಡುವೆ ಬದುಕುತ್ತಿರುವ ಅಫ್ಗಾನಿಸ್ತಾನದಲ್ಲಿ ಕ್ರಿಕೆಟ್‌ ಪ್ರೀತಿ ಹೆಮ್ಮರವಾಗಿ ಬೆಳೆಯುತ್ತಿದೆ. ಎಂಟು ವರ್ಷಗಳ ಹಿಂದೆ ಏಕದಿನ ಮಾದರಿ ಆಡಲು ಅರ್ಹತೆ ಪಡೆದ ತಂಡ ಈಗ ಮೊದಲ ಬಾರಿಗೆ ಟೆಸ್ಟ್‌ ಆಡಲು ಅವಕಾಶ ಗಳಿಸಿಕೊಂಡಿದೆ. ಅಲ್ಲಿ ಕ್ರಿಕೆಟ್‌ ಬೆಳೆಯಲು ಕಾರಣವಾದ ಭಾರತದ ಜೊತೆಯೇ ಮೊದಲ ಪಂದ್ಯ ನಡೆಯಲಿರುವುದು ವಿಶೇಷ. ಈ ‘ಟೆಸ್ಟ್‌’ನಲ್ಲಿಯೂ ಅಫ್ಗಾನಿಸ್ತಾನ ತಂಡ ಪಾಸಾಗುವುದೇ? ಇದರ ಬಗ್ಗೆ ಪ್ರಮೋದ ಜಿ.ಕೆ. ವಿಶ್ಲೇಷಿಸಿದ್ದಾರೆ.

ಮಿಕು–ಬಿಎಫ್‌ಸಿಯ ಮಿಂಚು

ವೆನೆಜುವೆಲಾ ರಾಷ್ಟ್ರೀಯ ತಂಡ ಮತ್ತು ಸ್ಪೇನ್‌ನ ವಿವಿಧ ಲೀಗ್‌ಗಳಲ್ಲಿ ಮಿಂಚು ಹರಿಸಿದ ‘ಮಿಕು’ ಇದೇ ಮೊದಲ ಬಾರಿ ಭಾರತದ ಲೀಗ್‌ ಒಂದರಲ್ಲಿ ಆಡುತ್ತಿದ್ದಾರೆ. ಬೆಂಗಳೂರು ಫುಟ್‌ಬಾಲ್ ಕ್ಲಬ್‌ನ (ಬಿಎಫ್‌ಸಿ) ಸ್ಟ್ರೈಕರ್‌ ವಿಭಾಗಕ್ಕೆ ಬಲ ತುಂಬಿರುವ ಅವರು ತಂಡದ ಗೆಲುವಿನ ನಾಗಾಲೋಟಕ್ಕೆ ಪ್ರಮುಖ ಕಾಣಿಕೆ ನೀಡಿದ್ದಾರೆ. ಅವರನ್ನು ವಿಕ್ರಂ ಕಾಂತಿಕೆರೆ ಪರಿಚಯಿಸಿದ್ದಾರೆ

ಪ್ರತಿಮಾರಾವ್ ಸಾಧನೆಯ ಹಾದಿ

ಸಂಸ್ಥೆ (ಕೆಎಸ್‌ಎಲ್‌ಟಿಎ) ಯಲ್ಲಿ ವಾರಾಂತ್ಯದಲ್ಲಿ ಆಡಲು ಸಾಧ್ಯವಾಯಿತು. ಗೂಗಲ್ ಹಾಗೂ ಯೂ ಟ್ಯೂಬ್ ನೋಡಿ ಆಡುವುದನ್ನು ಕಲಿತುಕೊಂಡೆ’ ಎಂದು ಪ್ರತಿಮಾ ತಮ್ಮ ವೃತ್ತಿಬದುಕಿನ ಆರಂಭದ ದಿನಗಳನ್ನು ಮೆಲುಕು ಹಾಕಿದರು.

ಶಿಕ್ಷಣ

ಓದಿಗಿರಲಿ ಟಿಪ್ಪಣಿಯ ಸಾಥ್‌

ಕೈ ಬರಹದಲ್ಲಿ ಪಾಠದ ನೋಟ್ಸ್ (ಟಿಪ್ಪಣಿ) ಮಾಡಿಕೊಳ್ಳುವ ಪದ್ಧತಿಗೆ ಪರ್ಯಾಯವೇ ಇಲ್ಲ! ಇದು ಕಲಿಕೆಯ ಪ್ರಕ್ರಿಯೆಯನ್ನು ಸುಲಭ ಮಾಡುವುದರ ಜೊತೆಗೆ, ನೆನಪಿನ ಶಕ್ತಿಯನ್ನು ಚುರುಕುಗೊಳಿಸುತ್ತದೆ. ಮೊದಲಿಗೆ, ಪಾಠದ ನೋಟ್ಸ್ ಮಾಡಿಕೊಳ್ಳುವುದರ ಪ್ರಯೋಜನಗಳನ್ನು ಪರಿಚಯಿಸಿ, ನಂತರ ವ್ಯವಸ್ಥಿತವಾಗಿ ನೋಟ್ಸ್ ಮಾಡಿಕೊಳ್ಳುವುದು ಹೇಗೆ ಎಂಬ ಅಂಶಗಳನ್ನು ಮನದಟ್ಟು ಮಾಡಿಸುವುದೇ ಈ ಲೇಖನದ ಉದ್ದೇಶ.

ಪರೀಕ್ಷಾ ಭಯವಿಲ್ಲದ ಹೊಸ ವಿಧಾನ

ಶಿಕ್ಷಣ ನಿಂತ ನೀರಲ್ಲ. ಕಾಲದಿಂದ ಕಾಲಕ್ಕೆ ಈ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾವಣೆ, ಸುಧಾರಣೆ, ಬೆಳವಣಿಗೆಗಳು ಆಗಿವೆ. ಆಗುತ್ತಲೂ ಇವೆ. ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಉಂಟಾದ ಬದಲಾವಣೆಗಳು ಶಿಕ್ಷಣ ಕ್ಷೇತ್ರದ ಮೇಲೂ ಪ್ರಭಾವ ಬೀರಿವೆ. ಬೋಧನೆ ಮತ್ತು ಕಲಿಕಾ ವಿಧಾನಗಳಲ್ಲಿ ಸಾಕಷ್ಟು ಹೊಸ ಪ್ರಯೋಗಗಳಿಗೂ ಇವು ದಾರಿ ಮಾಡಿಕೊಟ್ಟಿವೆ.

‘ಎರಡು ರೀತಿ ಹೆಸರು; ಉದ್ಯೋಗಕ್ಕೆ ತೊಂದರೆಯೇ?’

ವಿದ್ಯಾರ್ಥಿಗಳೇ, ವಿದ್ಯಾಭ್ಯಾಸದ ಬಗ್ಗೆ ನಿಮ್ಮಲ್ಲಿ ಸಾಕಷ್ಟು ಸಂದೇಹಗಳು–ಪ್ರಶ್ನೆಗಳು ಇರಬಹುದು. ಶಿಕ್ಷಣವನ್ನು ಕುರಿತಾದ ಎಲ್ಲ ಪ್ರಶ್ನೆಗಳಿಗೂ ನೀವು ‘ಶಿಕ್ಷಣ’ ಪುರವಣಿಯಲ್ಲಿ ಉತ್ತರವನ್ನು ಪಡೆಯಬಹುದು. ಪ್ರಶ್ನೆಗಳನ್ನು ಇಲ್ಲಿಗೆ ಕಳುಹಿಸಿ. ವಿಳಾಸ: ಸಂಪಾದಕರು, ‘ಶಿಕ್ಷಣ ಪುರವಣಿ’, ಪ್ರಜಾವಾಣಿ, ನಂ. 75, ಮಹಾತ್ಮ ಗಾಂಧಿ ರಸ್ತೆ, ಬೆಂಗಳೂರು– 560001 ಇಮೇಲ್‌: shikshana@prajavani.co.in

ಶಿಕ್ಷಣದ ರಾಷ್ಟ್ರೀಕರಣ ಇರಲಿ ಸರ್ಕಾರದ ಗಮನ

ಶಿಕ್ಷಣ ಸಂಶೋಧಕರು ಅನೇಕ ಅಧ್ಯಯನಗಳಲ್ಲಿ ಗುರುತಿಸಿರುವಂತೆ ಶಿಕ್ಷಣ ಕ್ಷೇತ್ರದಲ್ಲಿ ಕಳೆದ ಎರಡು ದಶಕಗಳಲ್ಲಿ ಆಗಿರುವಷ್ಟು ಬದಲಾವಣೆ ಕಳೆದೊಂದು ಶತಮಾನದಲ್ಲಿಯೂ ಆಗಿರಲಿಲ್ಲ. ಶಿಕ್ಷಣಪದ್ಧತಿ, ಹೇಳಿಕೊಡುವ ರೀತಿ – ಒಟ್ಟಾರೆ ಶಾಲಾ ಶೈಕ್ಷಣಿಕ ವ್ಯವಸ್ಥೆಯೇ ಆಮೂಲಾಗ್ರವಾಗಿ ಬದಲಾಗುತ್ತಿದೆ. ಖಾಸಗಿ ನೆಲೆಯಲ್ಲಿ ಇದು ನಾಗಾಲೋಟದಲ್ಲಿ ಸಾಗಿದೆ. ಸರ್ಕಾರಿ ನೆಲೆಯಲ್ಲಿ ಇದು ನಿಧಾನವಾದರೂ ಬದಲಾವಣೆಗೆ ತೆರೆದುಕೊಳ್ಳುತ್ತಿರುವುದು ಸಂತೋಷದ ವಿಷಯ.