ಮೇಘ ಬಂತು ಮೇಘ...

19 May, 2017
ದುಂಡು ಮುಖ, ಚೂಪು ಗಿಣಿಮೂಗು, ಮಂದಹಾಸ ಸದಾ ನೆಲೆಸಿರುವ ಹೊಳಪಿನ ತುಟಿಗಳು, ದಟ್ಟವಾಗಿ ಹರಡಿಕೊಂಡಿರುವ ತುಂಟ ಕೇಶರಾಶಿ... ಸಾಂಪ್ರದಾಯಿಕ ಮತ್ತು ಆಧುನಿಕ ಎರಡೂ ಪೋಷಾಕಿಗೂ ಸಲ್ಲುವ ಕಾಯ ಮೇಘಶ್ರೀ ಅವರದು.
 
ಮೂಲತಃ ತೀರ್ಥಹಳ್ಳಿಯವರಾದರೂ ಮೇಘಶ್ರೀ ಓದಿದ್ದು ಬೆಳೆದಿದ್ದೆಲ್ಲ ಬೆಂಗಳೂರಿನಲ್ಲಿಯೇ. ಬಾಲ್ಯದಿಂದಲೇ ಸಾಂಸ್ಕೃತಿಕ ಚಟುವಟಿಕೆಗಳ ಗಾಳಿಯನ್ನು ಉಸಿರಾಡುತ್ತಲೇ ಬಂದ ಅವರಿಗೆ ಹೈಸ್ಕೂಲಿನಲ್ಲಿದ್ದಾಗ ರಂಗಭೂಮಿಯ ಗಂಧವೂ ದೊರಕಿತು.
 
ಎಚ್‌.ಎ.ಎಲ್‌.ನವರ ರಂಗತಂಡದ ಮೂಲಕ ರಂಗಭೂಮಿಯಲ್ಲಿ ತೊಡಗಿಕೊಂಡ ಅವರು ಅನೇಕ ನಾಟಕಗಳಲ್ಲಿ ಬಾಲನಟಿಯಾಗಿ ಅಭಿನಯಿಸಿದರು. ಹಾಗೆ ಅಭಿನಯಿಸುತ್ತಲೇ ಕ್ಯಾಮೆರಾ ಕಡೆಗೂ ಆಕರ್ಷಿತರಾದರು. ಸ್ವಪ್ನದೊಂದು ಕರೆಯಂತೆ ಮಾಡೆಲಿಂಗ್‌ ಕೈಬೀಸಿ ಸೆಳೆಯಿತು. 
 
ಮಾಡೆಲಿಂಗ್‌ನಲ್ಲಿ ತೊಡಗಿಕೊಂಡಿದ್ದಾಗಲೇ ಅವರ ಫೋಟೊ ನೋಡಿದ ರೋನಾಲ್ಡ್‌ ರಾಜ್‌ ಎಸ್‌. ವಿಲಿಯಮ್ಸ್‌ ತಮ್ಮ ನಿರ್ದೇಶನದ ‘ಕಾಕಿ’ ಎಂಬ ತೆಲುಗು ಚಿತ್ರಕ್ಕೆ ನಾಯಕಿಯಾಗಿ ನಟಿಸಲು ಅವಕಾಶ ನೀಡಿದರು. ಹೀಗೆ ತೆಲುಗಿನ ಮೂಲಕ ಚಿತ್ರಜಗತ್ತಿಗೆ ಪದಾರ್ಪಣೆ ಮಾಡಿದ ಮೇಘಶ್ರೀ ಅವರಿಗೆ ಈ ಸಿನಿಮಾದಲ್ಲಿನ ಅಭಿನಯ ಇನ್ನೂ ಕೆಲವು ಅವಕಾಶಗಳನ್ನು ನೀಡಿತು. ‘ಅನಗನಗ ಒಕ ಚಿತ್ರಂ’ ಅವರ ಎರಡನೇ ತೆಲುಗು ಚಿತ್ರ.
 
ಮೇಘಶ್ರೀ ಅವರಿಗೆ ಸಾಕಷ್ಟು ಜನಪ್ರಿಯತೆ ತಂದುಕೊಟ್ಟ ಸಿನಿಮಾ ‘ಓ ಮೈ ಗಾಡ್‌’. ಅವರು ನಟಿಸಿರುವ ‘ಆಕ್ಸಿಜನ್‌’ ಇನ್ನೇನು ತೆರೆಕಾಣಲು ಸಜ್ಜಾಗಿದೆ.
ಬೇರೆ ಭಾಷೆ–ಪರಿಸರದಲ್ಲಿ ವೃತ್ತಿ ಬದುಕನ್ನು ಆರಂಭಿಸುವುದು ಅವರಿಗೆ ತ್ರಾಸದಾಯಕ ಅನಿಸಿಲ್ಲ. ಅದಕ್ಕೆ ಕಾರಣ ಅವರಿಗೆ ರಂಗಭೂಮಿಯಲ್ಲಿ ಸಿಕ್ಕ ನಟನಾ ಸಂಸ್ಕಾರ.
 
‘ಮೊದಲ ಸಲ ಕ್ಯಾಮೆರಾ ಎದುರಿಸಿದಾಗ ಭಯವೇನೂ ಆಗಿಲ್ಲ. ಆಗಲೇ ರಂಗಭೂಮಿಯಲ್ಲಿ ಸಾಕಷ್ಟು ನಾಟಕಗಳಲ್ಲಿ ನಟಿಸಿದ್ದೆ. ಆದ್ದರಿಂದ ಅಭಿನಯದ ಕುರಿತು ಆತಂಕವೇನೂ ಇರಲಿಲ್ಲ. ಭಾಷೆ ಬೇರೆಯಾಗಿದ್ದು ಆರಂಭದಲ್ಲಿ ಸ್ವಲ್ಪ ತೊಂದರೆ ಎನಿಸಿದ್ದು ನಿಜ. ನನಗೆ ತೆಲುಗು ಬರುತ್ತಿರಲಿಲ್ಲ. ಆದರೆ ಆರು ತಿಂಗಳಲ್ಲಿ ತೆಲುಗು ಮಾತನಾಡಲು ಕಲಿತುಕೊಂಡೆ. ‘ಓ ಮೈ ಗಾಡ್‌’ ಸಿನಿಮಾದಲ್ಲಿ ನನ್ನ ಪಾತ್ರಕ್ಕೆ ನಾನೇ ಡಬ್‌ ಕೂಡ ಮಾಡಿದೆ’ ಎಂದು ವಿಶ್ವಾಸದಿಂದ ಅವರು ಹೇಳುತ್ತಾರೆ.
 
ತೆಲುಗಿನಲ್ಲಿ ಸಾಕಷ್ಟು ಅವಕಾಶಗಳು ಸಿಗುತ್ತಿದ್ದರೂ ಅವರಿಗೆ ತನ್ನ ಮಾತೃಭಾಷೆಯಲ್ಲಿ ಗುರ್ತಿಸಿಕೊಳ್ಳಬೇಕು, ನನ್ನ ನೆಲದಲ್ಲಿಯೇ ನೆಲೆಯೂರಿ ಬೆಳೆಯಬೇಕು ಎಂಬ ತುಡಿತವಂತೂ ಇತ್ತು. ಆದರೆ ಅದಕ್ಕೆ ತಕ್ಕ ಅವಕಾಶ ಕೂಡಿಬಂದಿರಲಿಲ್ಲ. 
 
ಮೇಘಶ್ರೀ ಅವರ ಒಳಗಿನ ಕನ್ನಡದಲ್ಲಿ ನಟಿಸುವ ಹಸಿವನ್ನು ಮೊದಲು ತೀರಿಸಿದ್ದು ಸುಖೇಶ್‌ ನಾಯಕ್‌. ಸುಖೇಶ್‌ ಅವರಿಗೆ ತಮ್ಮ ನಿರ್ದೇಶನದ ‘ಕೃಷ್ಣ ತುಳಸಿ’ ಸಿನಿಮಾದ ಪಾತ್ರಕ್ಕೆ ಮೇಘಶ್ರೀ ಅವರು ಹೇಳಿ ಮಾಡಿಸಿದಂತಿದ್ದಾರೆ ಎನಿಸಿತ್ತು. ಆದ್ದರಿಂದಲೇ ಚಿತ್ರೀಕರಣದಲ್ಲಿ ಬಿಜಿಯಾಗಿದ್ದ ಮೇಘಶ್ರೀ ಅವರನ್ನು ಚೆನ್ನೈಗೆ ಹೋಗಿ ಭೇಟಿ ಮಾಡಿ ಕಥೆ ಹೇಳಿದರು. 
 
ಒಳ್ಳೆಯ ಕಥೆ, ಅದರಲ್ಲಿ ತಮಗೊಂದು ಸಮರ್ಥ ಪಾತ್ರ ಸಿಕ್ಕಿರುವುದರ ಜೊತೆಗೆ ಈ ಸಿನಿಮಾದಲ್ಲಿ ನಟಿಸಲು ಮೇಘಶ್ರೀಗೆ ಇನ್ನೊಂದು ಪ್ರಬಲ ಕಾರಣವೂ ದೊರಕಿತ್ತು. ಅದು ‘ಕೃಷ್ಣ ತುಳಸಿ’ಯು ನಾಯಕನಾಗಿ ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌ ನಟಿಸುತ್ತಿದ್ದಾರೆ ಎನ್ನುವುದು.
 
ಸರಿಯಾದ ಸಮಯಕ್ಕೆ, ಸರಿಯಾದ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಅಡಿಯಿಟ್ಟಿರುವುದು ಮೇಘಶ್ರೀಗೆ ಸಂತೋಷ ತಂದಿದೆ. ಇಲ್ಲಿಯೇ ನೆಲೆಯೂರಲು ಸಾಧ್ಯ ಎನ್ನುವಂಥ ವಿಶ್ವಾಸವೂ ಬಂದಿದೆ. ಇದಕ್ಕೆ ಪೂರಕ ಎನ್ನುವಂತೆ ‘ಕೃಷ್ಣ ತುಳಸಿ’ ಸಿನಿಮಾದ ಚಿತ್ರೀಕರಣ ನಡೆಯುತ್ತಿರುವಾಗಲೇ ಹಿರಿಯ ನಿರ್ದೇಶಕ ಕೋಡ್ಲು ರಾಮಕೃಷ್ಣ ಅವರ ‘ಮಾರ್ಚ್‌ 22’ ಸಿನಿಮಾ ಆಡಿಷನ್‌ನಲ್ಲಿ ಭಾಗವಹಿಸಿ ಆಯ್ಕೆಯಾಗಿದ್ದಾರೆ. ಇದೀಗ ‘ಮಾರ್ಚ್‌ 22’ ಚಿತ್ರೀಕರಣವೂ ಮುಗಿದಿದೆ. ‘ಕೃಷ್ಣ ತುಳಸಿ’ ಚಿತ್ರದ ಒಂದೆರಡು ದಿನದ ಶೂಟಿಂಗ್ ಅಷ್ಟೇ ಉಳಿದುಕೊಂಡಿದೆ.
 
ಈ ನಡುವೆಯೇ ಅವರಿಗೆ ‘ದಶರಥ’ ಸಿನಿಮಾದಲ್ಲಿಯೂ ರವಿಚಂದ್ರನ್‌ ಅವರ ಮಗಳಾಗಿ ನಟಿಸಲು ಅವಕಾಶ ಸಿಕ್ಕಿರುವುದು ಉತ್ಸಾಹವನ್ನು ಇಮ್ಮಡಿಸಿದೆ. ಈ ಮೂರು ಚಿತ್ರಗಳಿಂದಲೂ ಸಾಕಷ್ಟು ಕಲಿತುಕೊಂಡಿದ್ದಾರೆ ಸಹ.
 
‘ಕನ್ನಡ ನನ್ನ ಭಾಷೆ. ಇಲ್ಲಿಯ ಚಿತ್ರಗಳಲ್ಲಿ ನಟಿಸಬೇಕು ಎನ್ನುವುದು ನನ್ನ ಆಸೆಯಾಗಿತ್ತು. ಕೃಷ್ಣತುಳಸಿ ಈ ಕನಸನ್ನು ನನಸಾಗಿಸಿತು’ ಎನ್ನುವ ಅವರು ಸಹನಟ ಸಂಚಾರಿ ವಿಜಯ್‌ ಅವರ ಸಹಕಾರವನ್ನು ಶ್ಲಾಘಿಸಲು ಮರೆಯುವುದಿಲ್ಲ.
 
‘ವಿಜಯ್‌ ಅವರು ತುಂಬ ಸರಳ ಮನುಷ್ಯ. ಅವರಂಥ ಪ್ರತಿಭಾವಂತ ನಟರ ಜತೆ ನಟಿಸುವುದು ಹೇಗೆ ಎಂಬ ಆತಂಕ ಇತ್ತು. ಆದರೆ ಅವರ ಸಹಕಾರ ಮತ್ತು ಸರಳತೆ ಆ ಆತಂಕವನ್ನು ಹೋಗಲಾಡಿಸಿತು. ಅವರಿಂದ ಅಭಿನಯದ ಕುರಿತು ಸಾಕಷ್ಟು ಕಲಿತುಕೊಂಡಿದ್ದೇನೆ’ ಎನ್ನುವ ಅವರಿಗೆ ಇದುವರೆಗೆ ಕನ್ನಡದಲ್ಲಿ ಸಾಂಪ್ರದಾಯಿಕ ಪಾತ್ರಗಳೇ ಬಂದಿವೆ.
 
‘ಮಾರ್ಚ್‌ 22’ ಸಿನಿಮಾದಲ್ಲಿ ಉತ್ತರ ಕರ್ನಾಟಕದ ಘಾಟಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ.‘ಇದುವರೆಗೆ ನನಗೆ ಬಂದಿರುವ ಪಾತ್ರಗಳೆಲ್ಲವೂ ಸಾಂಪ್ರದಾಯಿಕ ಪಾತ್ರಗಳೇ. ಹಾಗಂತ ಅಂಥ ಪಾತ್ರಗಳನ್ನು ಮಾತ್ರ ಮಾಡುತ್ತೇನೆ ಎಂದೇನಿಲ್ಲ.
 
ಎಲ್ಲ ರೀತಿಯ ಪಾತ್ರಗಳಲ್ಲಿಯೂ ನಟಿಸಬೇಕು ಎನ್ನುವುದು ನನ್ನ ಅಭಿಲಾಷೆ’ ಎನ್ನುವ ಮೇಘಶ್ರೀ ಅವರಿಗೆ, ‘ಆರುಂಧತಿ’ ಸಿನಿಮಾದಲ್ಲಿ ಅನುಷ್ಕಾ ಶೆಟ್ಟಿ, ‘ಆಪ್ತಮಿತ್ರ’ ಚಿತ್ರದಲ್ಲಿ ಸೌಂದರ್ಯಾ ಮಾಡಿದಂಥ ಪಾತ್ರಗಳಲ್ಲಿ ನಟಿಸಬೇಕು ಎಂಬ ಕನಸೂ ಇದೆ. 
 
‘ಕನ್ನಡವೇ ನನ್ನ ಮೊದಲ ಆದ್ಯತೆ’ ಎಂದು ದೃಢವಾಗಿ ನುಡಿಯುತ್ತಾರೆ ಮೇಘಶ್ರೀ. ಸದ್ಯ ಬಿ.ಎ. ಪದವಿ ವಿದ್ಯಾರ್ಥಿನಿಯಾಗಿರುವ ಅವರಿಗೆ ಶಿಕ್ಷಣದ ಕಡೆಗೂ ಗಮನ ಕೊಡಬೇಕಾಗಿದೆ. ‘ಪರೀಕ್ಷೆಗಳಿರುತ್ತವೆ. ಅವುಗಳ ನಡುವೆಯೇ ಸಿನಿಮಾ ಮಾಡಬೇಕು. ಅಲ್ಲಿ ಕನ್ನಡ ಸಿನಿಮಾಗಳಿಗೇ ಮೊದಲ ಆದ್ಯತೆ. ಸಮಯ ಸಿಕ್ಕರೆ, ಒಳ್ಳೆಯ ಅವಕಾಶ ಬಂದರೆ ಬೇರೆ ಭಾಷೆಯ ಸಿನಿಮಾಗಳಲ್ಲಿ ನಟಿಸುತ್ತೇನೆ’ ಎನ್ನುತ್ತಾರೆ ಮೇಘಶ್ರೀ.
 
‘ಕ್ಯಾಮೆರಾ ಮುಂದೆ ಅಭಿನಯಿಸುತ್ತಿದ್ದೇವೆ ಎಂದು ಯಾರಿಗೂ ಅನಿಸಬಾರದು. ಹಾಗೆ ಸಹಜವಾಗಿ ವರ್ತಿಸುವುದೇ ಶ್ರೇಷ್ಠ ಅಭಿನಯದ ವ್ಯಾಖ್ಯಾನ’ ಎಂದು ನಂಬಿರುವ ಅವರ ಬಟ್ಟಲುಗಣ್ಣುಗಳಲ್ಲಿ ‘ಚಂದನವನ’ದ ನೆಲ–ಗಾಳಿಯ ಸತ್ವ ಹೀರಿಕೊಂಡು ಆಕಾಶದೆತ್ತರದ ತಾರಾಲೋಕ ಮುಟ್ಟುವ ಮಹತ್ವಾಕಾಂಕ್ಷೆ ಎದ್ದು ಕಾಣುತ್ತದೆ. 
 
ಸರಿಯಾದ ಸಮಯಕ್ಕೆ, ಸರಿಯಾದ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಅಡಿಯಿಟ್ಟಿರುವುದು ಮೇಘಶ್ರೀಗೆ ಸಂತೋಷ ತಂದಿದೆ. ಇಲ್ಲಿಯೇ ನೆಲೆಯೂರಲು ಸಾಧ್ಯ ಎನ್ನುವಂಥ ವಿಶ್ವಾಸವೂ ಬಂದಿದೆ. ಇದಕ್ಕೆ ಪೂರಕ ಎನ್ನುವಂತೆ ‘ಕೃಷ್ಣ ತುಳಸಿ’ ಸಿನಿಮಾದ ಚಿತ್ರೀಕರಣ ನಡೆಯುತ್ತಿರುವಾಗಲೇ ಹಿರಿಯ ನಿರ್ದೇಶಕ ಕೋಡ್ಲು ರಾಮಕೃಷ್ಣ ಅವರ ‘ಮಾರ್ಚ್‌ 22’ ಸಿನಿಮಾ ಆಡಿಷನ್‌ನಲ್ಲಿ ಭಾಗವಹಿಸಿ ಆಯ್ಕೆಯಾಗಿದ್ದಾರೆ. ಇದೀಗ ‘ಮಾರ್ಚ್‌ 22’ ಚಿತ್ರೀಕರಣವೂ ಮುಗಿದಿದೆ. ‘ಕೃಷ್ಣ ತುಳಸಿ’ ಚಿತ್ರದ ಒಂದೆರಡು ದಿನದ ಶೂಟಿಂಗ್ ಅಷ್ಟೇ ಉಳಿದುಕೊಂಡಿದೆ.

ಈ ನಡುವೆಯೇ ಅವರಿಗೆ ‘ದಶರಥ’ ಸಿನಿಮಾದಲ್ಲಿಯೂ ರವಿಚಂದ್ರನ್‌ ಅವರ ಮಗಳಾಗಿ ನಟಿಸಲು ಅವಕಾಶ ಸಿಕ್ಕಿರುವುದು ಉತ್ಸಾಹವನ್ನು ಇಮ್ಮಡಿಸಿದೆ. ಈ ಮೂರು ಚಿತ್ರಗಳಿಂದಲೂ ಸಾಕಷ್ಟು ಕಲಿತುಕೊಂಡಿದ್ದಾರೆ ಸಹ.

‘ಕನ್ನಡ ನನ್ನ ಭಾಷೆ. ಇಲ್ಲಿಯ ಚಿತ್ರಗಳಲ್ಲಿ ನಟಿಸಬೇಕು ಎನ್ನುವುದು ನನ್ನ ಆಸೆಯಾಗಿತ್ತು. ಕೃಷ್ಣತುಳಸಿ ಈ ಕನಸನ್ನು ನನಸಾಗಿಸಿತು’ ಎನ್ನುವ ಅವರು ಸಹನಟ ಸಂಚಾರಿ ವಿಜಯ್‌ ಅವರ ಸಹಕಾರವನ್ನು ಶ್ಲಾಘಿಸಲು ಮರೆಯುವುದಿಲ್ಲ.

‘ವಿಜಯ್‌ ಅವರು ತುಂಬ ಸರಳ ಮನುಷ್ಯ. ಅವರಂಥ ಪ್ರತಿಭಾವಂತ ನಟರ ಜತೆ ನಟಿಸುವುದು ಹೇಗೆ ಎಂಬ ಆತಂಕ ಇತ್ತು. ಆದರೆ ಅವರ ಸಹಕಾರ ಮತ್ತು ಸರಳತೆ ಆ ಆತಂಕವನ್ನು ಹೋಗಲಾಡಿಸಿತು. ಅವರಿಂದ ಅಭಿನಯದ ಕುರಿತು ಸಾಕಷ್ಟು ಕಲಿತುಕೊಂಡಿದ್ದೇನೆ’ ಎನ್ನುವ ಅವರಿಗೆ ಇದುವರೆಗೆ ಕನ್ನಡದಲ್ಲಿ ಸಾಂಪ್ರದಾಯಿಕ ಪಾತ್ರಗಳೇ ಬಂದಿವೆ.

‘ಮಾರ್ಚ್‌ 22’ ಸಿನಿಮಾದಲ್ಲಿ ಉತ್ತರ ಕರ್ನಾಟಕದ ಘಾಟಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ. ‘ಇದುವರೆಗೆ ನನಗೆ ಬಂದಿರುವ ಪಾತ್ರಗಳೆಲ್ಲವೂ ಸಾಂಪ್ರದಾಯಿಕ ಪಾತ್ರಗಳೇ. ಹಾಗಂತ ಅಂಥ ಪಾತ್ರಗಳನ್ನು ಮಾತ್ರ ಮಾಡುತ್ತೇನೆ ಎಂದೇನಿಲ್ಲ.

ಎಲ್ಲ ರೀತಿಯ ಪಾತ್ರಗಳಲ್ಲಿಯೂ ನಟಿಸಬೇಕು ಎನ್ನುವುದು ನನ್ನ ಅಭಿಲಾಷೆ’ ಎನ್ನುವ ಮೇಘಶ್ರೀ ಅವರಿಗೆ, ‘ಆರುಂಧತಿ’ ಸಿನಿಮಾದಲ್ಲಿ ಅನುಷ್ಕಾ ಶೆಟ್ಟಿ, ‘ಆಪ್ತಮಿತ್ರ’ ಚಿತ್ರದಲ್ಲಿ ಸೌಂದರ್ಯಾ ಮಾಡಿದಂಥ ಪಾತ್ರಗಳಲ್ಲಿ ನಟಿಸಬೇಕು ಎಂಬ ಕನಸೂ ಇದೆ.

‘ಕನ್ನಡವೇ ನನ್ನ ಮೊದಲ ಆದ್ಯತೆ’ ಎಂದು ದೃಢವಾಗಿ ನುಡಿಯುತ್ತಾರೆ ಮೇಘಶ್ರೀ. ಸದ್ಯ ಬಿ.ಎ. ಪದವಿ ವಿದ್ಯಾರ್ಥಿನಿಯಾಗಿರುವ ಅವರಿಗೆ ಶಿಕ್ಷಣದ ಕಡೆಗೂ ಗಮನ ಕೊಡಬೇಕಾಗಿದೆ. ‘ಪರೀಕ್ಷೆಗಳಿರುತ್ತವೆ. ಅವುಗಳ ನಡುವೆಯೇ ಸಿನಿಮಾ ಮಾಡಬೇಕು. ಅಲ್ಲಿ ಕನ್ನಡ ಸಿನಿಮಾಗಳಿಗೇ ಮೊದಲ ಆದ್ಯತೆ. ಸಮಯ ಸಿಕ್ಕರೆ, ಒಳ್ಳೆಯ ಅವಕಾಶ ಬಂದರೆ ಬೇರೆ ಭಾಷೆಯ ಸಿನಿಮಾಗಳಲ್ಲಿ ನಟಿಸುತ್ತೇನೆ’ ಎನ್ನುತ್ತಾರೆ ಮೇಘಶ್ರೀ.

‘ಕ್ಯಾಮೆರಾ ಮುಂದೆ ಅಭಿನಯಿಸುತ್ತಿದ್ದೇವೆ ಎಂದು ಯಾರಿಗೂ ಅನಿಸಬಾರದು. ಹಾಗೆ ಸಹಜವಾಗಿ ವರ್ತಿಸುವುದೇ ಶ್ರೇಷ್ಠ ಅಭಿನಯದ ವ್ಯಾಖ್ಯಾನ’ ಎಂದು ನಂಬಿರುವ ಅವರ ಬಟ್ಟಲುಗಣ್ಣುಗಳಲ್ಲಿ ‘ಚಂದನವನ’ದ ನೆಲ–ಗಾಳಿಯ ಸತ್ವ ಹೀರಿಕೊಂಡು ಆಕಾಶದೆತ್ತರದ ತಾರಾಲೋಕ ಮುಟ್ಟುವ ಮಹತ್ವಾಕಾಂಕ್ಷೆ ಎದ್ದು ಕಾಣುತ್ತದೆ.

Read More

Comments
ಮುಖಪುಟ

ವಿಫಲವಾದ 'ಗುಜರಾತ್ ಮಾದರಿ'; ಗ್ರಾಮಗಳಲ್ಲಿ 'ಕೈ' ಬಲ, ನಗರಗಳಲ್ಲಿ ಅರಳಿದ ಕಮಲ

ನಗರ ಪ್ರದೇಶದಲ್ಲಿ ಬಿಜೆಪಿಗೆ ಜನಮತ ಸಿಕ್ಕಿದ್ದರೂ ಗ್ರಾಮೀಣ ಪ್ರದೇಶಗಳಲ್ಲಿ ಕಾಂಗ್ರೆಸ್‍ಗೆ ಉತ್ತಮ ಬೆಂಬಲ ವ್ಯಕ್ತವಾಗಿದೆ. ಬೂತ್ ಮಟ್ಟದಿಂದಲೇ   ಬಿಜೆಪಿ ಮಾಡಿದ ಶಿಸ್ತಿನ ಕಾರ್ಯ ತಂತ್ರಗಳು ಫಲ ಕಂಡರೆ, ಸರಿಯಾದ ಪೂರ್ವ ಸಿದ್ದತೆ ಇಲ್ಲದೆ...

ಉಭಯ ರಾಜ್ಯಗಳಲ್ಲಿ ಗೆಲುವಿಗೆ ಕಾರಣವಾಗಿದ್ದು ಮೋದಿಯವರ 11 ಗೇಮ್ ಪ್ಲಾನ್!

ಮೋದಿ ಪ್ರಧಾನಿ ಸ್ಥಾನಕ್ಕೇರಿದ ನಂತರ ಮತ್ತು ರಾಹುಲ್ ಕಾಂಗ್ರೆಸ್ ಅಧ್ಯಕ್ಷರಾದ ನಂತರ ನಡೆದ ವಿಧಾನಸಭಾ ಚುನಾವಣೆ ಇದಾಗಿದ್ದು, ಇಬ್ಬರೂ ಗೆಲುವಿಗಾಗಿ ಜಿದ್ದಾಜಿದ್ದಿನ ಹೋರಾಟವನ್ನೇ ನಡೆಸಿದ್ದಾರೆ. ಪ್ರಧಾನಿ ಹುದ್ದೆಯಲ್ಲಿದ್ದರೂ...

ಗುಜರಾತ್‌; ಹಿಮಾಚಲ ಪ್ರದೇಶದಲ್ಲಿ ಮೋದಿ ಪಡೆಗೆ ವಿಜಯ ಮಾಲೆ

ಗುಜರಾತ್‌ನ 182 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 92 ಸ್ಥಾನಗಳ ಅಗತ್ಯವಿದೆ. ಹಿಮಾಚಲ ಪ್ರದೇಶದ 68 ಸ್ಥಾನಗಳ ವಿಧಾನಸಭೆಗೆ ಸರಳ ಬಹುಮತಕ್ಕೆ 35 ಸ್ಥಾನಗಳ ಅಗತ್ಯವಿದೆ. ಈ ಸ್ಥಾನಗಳನ್ನು ಎರಡೂ ರಾಜ್ಯಗಳಲ್ಲಿ ಬಿಜೆಪಿ ಗೆದ್ದುಕೊಂಡಿದೆ.

ಈ ಗೆಲುವು ಬಿಜೆಪಿ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ: ಮೋದಿ

ಗುಜರಾತ್ ಮತ್ತು ಹಿಮಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯ ಈ ಗೆಲುವು ನಮ್ಮ ಸರ್ಕಾರದ ಉತ್ತಮ ಆಡಳಿತ ಮತ್ತು ಅಭಿವೃದ್ಧಿಯ ಫಲ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಸಂಗತ

ಮಕ್ಕಳನ್ನು ಮಾದಕ ವಸ್ತುಗಳಿಂದ ರಕ್ಷಿಸಿ

ತಂದೆ-ತಾಯಿಗಳ ಆರೈಕೆ, ಪೋಷಣೆಯಿಲ್ಲದ ಅನಾಥ ಬೀದಿ ಮಕ್ಕಳು ಇಂತಹ ಕೃತ್ಯಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುತ್ತಾರೆಂಬ ಅಂಶ ಬೆಂಗಳೂರಿನಲ್ಲಿ ನಿಮ್ಹಾನ್ಸ್ ಸಂಸ್ಥೆ ಮತ್ತು ಬೆಂಗಳೂರು ಫೋರಂ ಫಾರ್ ಸ್ಟ್ರೀಟ್ ಅಂಡ್ ವರ್ಕಿಂಗ್ ಚಿಲ್ಡ್ರನ್ ಸಂಸ್ಥೆಗಳು 1998ರಲ್ಲಿ ಕೈಗೊಂಡ ಅಧ್ಯಯನದಿಂದ ತಿಳಿದುಬಂದಿತ್ತು

ನಿರ್ಭಯಾ ನೆನಪು– ವರ್ಮಾ ವರದಿ

ದೌರ್ಜನ್ಯ ತಡೆಯುವ ನಿಟ್ಟಿನಲ್ಲಿ ನ್ಯಾಯಮೂರ್ತಿ ವರ್ಮಾ ವರದಿ ಒಂದು ಅಪರೂಪದ ದಾಖಲೆ. ಒಂದು ಬೃಹತ್ ಆಂದೋಲನದ ಫಲ. ಮಹಿಳಾ ಚಳವಳಿಗಳು ಇಂತಹ ವರದಿಗಳ ಅನುಷ್ಠಾನಕ್ಕೆ ಆಗ್ರಹಿಸಬೇಕು

ಪೇಜಾವರ ಶ್ರೀಗಳಿಗೆ... ಸ್ಪಷ್ಟನೆಗಾಗಿ ಪತ್ರ

ಸಂವಿಧಾನದ ಯಾವ ವಿಧಿಗಳ ಬಗ್ಗೆ ತಮಗೆ ತಕರಾರಿದೆ? ತಾವು ಬಯಸುವ ಬದಲಾವಣೆ ಏನು?

ಭಾರತ–ಬ್ರಿಟನ್‌ ನಡುವೆ ‘ಸಜೀವ ಸೇತುವೆ’

ದ್ವಿಪಕ್ಷೀಯ ಸಂಬಂಧ ವೃದ್ಧಿ ಕ್ರಮ: ಬೆಂಗಳೂರಿನಲ್ಲಿ ವೀಸಾ ಕೇಂದ್ರ

ಆಟಅಂಕ

ರನ್‌ ‘ದಾಹ’...

ಟೆಸ್ಟ್‌ನಲ್ಲಿ ತಂಡವೊಂದು ಮೊದಲ ದಿನವೇ 300 ರಿಂದ 350 ರನ್‌ ಗಳಿಸುವುದೂ ಸಾಮಾನ್ಯವಾಗಿದೆ. ಏಕದಿನ ಕ್ರಿಕೆಟ್‌ನಲ್ಲಿ ತಂಡವೊಂದು 350ರಿಂದ 400 ರನ್‌ ಗಳಿಸಿದರೂ ಗೆಲುವಿನ ಕನಸು ಕಾಣುವಂತಿಲ್ಲ. ಏಕೆಂದರೆ ಈ ಮೊತ್ತವನ್ನು ಎದುರಾಳಿ ತಂಡ ಮುಟ್ಟಿಬಿಡಬಲ್ಲದು. ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ನಡುವಣ ಹಣಾಹಣಿ ಇದಕ್ಕೊಂದು ಉತ್ತಮ ಉದಾಹರಣೆ.

ಅಫ್ಗಾನಿಸ್ತಾನಕ್ಕೆ ಮತ್ತೊಂದು ‘ಟೆಸ್ಟ್‌’...

ಉಗ್ರರ ದಾಳಿ ಭೀತಿಯ ನಡುವೆ ಬದುಕುತ್ತಿರುವ ಅಫ್ಗಾನಿಸ್ತಾನದಲ್ಲಿ ಕ್ರಿಕೆಟ್‌ ಪ್ರೀತಿ ಹೆಮ್ಮರವಾಗಿ ಬೆಳೆಯುತ್ತಿದೆ. ಎಂಟು ವರ್ಷಗಳ ಹಿಂದೆ ಏಕದಿನ ಮಾದರಿ ಆಡಲು ಅರ್ಹತೆ ಪಡೆದ ತಂಡ ಈಗ ಮೊದಲ ಬಾರಿಗೆ ಟೆಸ್ಟ್‌ ಆಡಲು ಅವಕಾಶ ಗಳಿಸಿಕೊಂಡಿದೆ. ಅಲ್ಲಿ ಕ್ರಿಕೆಟ್‌ ಬೆಳೆಯಲು ಕಾರಣವಾದ ಭಾರತದ ಜೊತೆಯೇ ಮೊದಲ ಪಂದ್ಯ ನಡೆಯಲಿರುವುದು ವಿಶೇಷ. ಈ ‘ಟೆಸ್ಟ್‌’ನಲ್ಲಿಯೂ ಅಫ್ಗಾನಿಸ್ತಾನ ತಂಡ ಪಾಸಾಗುವುದೇ? ಇದರ ಬಗ್ಗೆ ಪ್ರಮೋದ ಜಿ.ಕೆ. ವಿಶ್ಲೇಷಿಸಿದ್ದಾರೆ.

ಮಿಕು–ಬಿಎಫ್‌ಸಿಯ ಮಿಂಚು

ವೆನೆಜುವೆಲಾ ರಾಷ್ಟ್ರೀಯ ತಂಡ ಮತ್ತು ಸ್ಪೇನ್‌ನ ವಿವಿಧ ಲೀಗ್‌ಗಳಲ್ಲಿ ಮಿಂಚು ಹರಿಸಿದ ‘ಮಿಕು’ ಇದೇ ಮೊದಲ ಬಾರಿ ಭಾರತದ ಲೀಗ್‌ ಒಂದರಲ್ಲಿ ಆಡುತ್ತಿದ್ದಾರೆ. ಬೆಂಗಳೂರು ಫುಟ್‌ಬಾಲ್ ಕ್ಲಬ್‌ನ (ಬಿಎಫ್‌ಸಿ) ಸ್ಟ್ರೈಕರ್‌ ವಿಭಾಗಕ್ಕೆ ಬಲ ತುಂಬಿರುವ ಅವರು ತಂಡದ ಗೆಲುವಿನ ನಾಗಾಲೋಟಕ್ಕೆ ಪ್ರಮುಖ ಕಾಣಿಕೆ ನೀಡಿದ್ದಾರೆ. ಅವರನ್ನು ವಿಕ್ರಂ ಕಾಂತಿಕೆರೆ ಪರಿಚಯಿಸಿದ್ದಾರೆ

ಪ್ರತಿಮಾರಾವ್ ಸಾಧನೆಯ ಹಾದಿ

ಸಂಸ್ಥೆ (ಕೆಎಸ್‌ಎಲ್‌ಟಿಎ) ಯಲ್ಲಿ ವಾರಾಂತ್ಯದಲ್ಲಿ ಆಡಲು ಸಾಧ್ಯವಾಯಿತು. ಗೂಗಲ್ ಹಾಗೂ ಯೂ ಟ್ಯೂಬ್ ನೋಡಿ ಆಡುವುದನ್ನು ಕಲಿತುಕೊಂಡೆ’ ಎಂದು ಪ್ರತಿಮಾ ತಮ್ಮ ವೃತ್ತಿಬದುಕಿನ ಆರಂಭದ ದಿನಗಳನ್ನು ಮೆಲುಕು ಹಾಕಿದರು.

ಶಿಕ್ಷಣ

ಓದಿಗಿರಲಿ ಟಿಪ್ಪಣಿಯ ಸಾಥ್‌

ಕೈ ಬರಹದಲ್ಲಿ ಪಾಠದ ನೋಟ್ಸ್ (ಟಿಪ್ಪಣಿ) ಮಾಡಿಕೊಳ್ಳುವ ಪದ್ಧತಿಗೆ ಪರ್ಯಾಯವೇ ಇಲ್ಲ! ಇದು ಕಲಿಕೆಯ ಪ್ರಕ್ರಿಯೆಯನ್ನು ಸುಲಭ ಮಾಡುವುದರ ಜೊತೆಗೆ, ನೆನಪಿನ ಶಕ್ತಿಯನ್ನು ಚುರುಕುಗೊಳಿಸುತ್ತದೆ. ಮೊದಲಿಗೆ, ಪಾಠದ ನೋಟ್ಸ್ ಮಾಡಿಕೊಳ್ಳುವುದರ ಪ್ರಯೋಜನಗಳನ್ನು ಪರಿಚಯಿಸಿ, ನಂತರ ವ್ಯವಸ್ಥಿತವಾಗಿ ನೋಟ್ಸ್ ಮಾಡಿಕೊಳ್ಳುವುದು ಹೇಗೆ ಎಂಬ ಅಂಶಗಳನ್ನು ಮನದಟ್ಟು ಮಾಡಿಸುವುದೇ ಈ ಲೇಖನದ ಉದ್ದೇಶ.

ಪರೀಕ್ಷಾ ಭಯವಿಲ್ಲದ ಹೊಸ ವಿಧಾನ

ಶಿಕ್ಷಣ ನಿಂತ ನೀರಲ್ಲ. ಕಾಲದಿಂದ ಕಾಲಕ್ಕೆ ಈ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾವಣೆ, ಸುಧಾರಣೆ, ಬೆಳವಣಿಗೆಗಳು ಆಗಿವೆ. ಆಗುತ್ತಲೂ ಇವೆ. ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಉಂಟಾದ ಬದಲಾವಣೆಗಳು ಶಿಕ್ಷಣ ಕ್ಷೇತ್ರದ ಮೇಲೂ ಪ್ರಭಾವ ಬೀರಿವೆ. ಬೋಧನೆ ಮತ್ತು ಕಲಿಕಾ ವಿಧಾನಗಳಲ್ಲಿ ಸಾಕಷ್ಟು ಹೊಸ ಪ್ರಯೋಗಗಳಿಗೂ ಇವು ದಾರಿ ಮಾಡಿಕೊಟ್ಟಿವೆ.

‘ಎರಡು ರೀತಿ ಹೆಸರು; ಉದ್ಯೋಗಕ್ಕೆ ತೊಂದರೆಯೇ?’

ವಿದ್ಯಾರ್ಥಿಗಳೇ, ವಿದ್ಯಾಭ್ಯಾಸದ ಬಗ್ಗೆ ನಿಮ್ಮಲ್ಲಿ ಸಾಕಷ್ಟು ಸಂದೇಹಗಳು–ಪ್ರಶ್ನೆಗಳು ಇರಬಹುದು. ಶಿಕ್ಷಣವನ್ನು ಕುರಿತಾದ ಎಲ್ಲ ಪ್ರಶ್ನೆಗಳಿಗೂ ನೀವು ‘ಶಿಕ್ಷಣ’ ಪುರವಣಿಯಲ್ಲಿ ಉತ್ತರವನ್ನು ಪಡೆಯಬಹುದು. ಪ್ರಶ್ನೆಗಳನ್ನು ಇಲ್ಲಿಗೆ ಕಳುಹಿಸಿ. ವಿಳಾಸ: ಸಂಪಾದಕರು, ‘ಶಿಕ್ಷಣ ಪುರವಣಿ’, ಪ್ರಜಾವಾಣಿ, ನಂ. 75, ಮಹಾತ್ಮ ಗಾಂಧಿ ರಸ್ತೆ, ಬೆಂಗಳೂರು– 560001 ಇಮೇಲ್‌: shikshana@prajavani.co.in

ಶಿಕ್ಷಣದ ರಾಷ್ಟ್ರೀಕರಣ ಇರಲಿ ಸರ್ಕಾರದ ಗಮನ

ಶಿಕ್ಷಣ ಸಂಶೋಧಕರು ಅನೇಕ ಅಧ್ಯಯನಗಳಲ್ಲಿ ಗುರುತಿಸಿರುವಂತೆ ಶಿಕ್ಷಣ ಕ್ಷೇತ್ರದಲ್ಲಿ ಕಳೆದ ಎರಡು ದಶಕಗಳಲ್ಲಿ ಆಗಿರುವಷ್ಟು ಬದಲಾವಣೆ ಕಳೆದೊಂದು ಶತಮಾನದಲ್ಲಿಯೂ ಆಗಿರಲಿಲ್ಲ. ಶಿಕ್ಷಣಪದ್ಧತಿ, ಹೇಳಿಕೊಡುವ ರೀತಿ – ಒಟ್ಟಾರೆ ಶಾಲಾ ಶೈಕ್ಷಣಿಕ ವ್ಯವಸ್ಥೆಯೇ ಆಮೂಲಾಗ್ರವಾಗಿ ಬದಲಾಗುತ್ತಿದೆ. ಖಾಸಗಿ ನೆಲೆಯಲ್ಲಿ ಇದು ನಾಗಾಲೋಟದಲ್ಲಿ ಸಾಗಿದೆ. ಸರ್ಕಾರಿ ನೆಲೆಯಲ್ಲಿ ಇದು ನಿಧಾನವಾದರೂ ಬದಲಾವಣೆಗೆ ತೆರೆದುಕೊಳ್ಳುತ್ತಿರುವುದು ಸಂತೋಷದ ವಿಷಯ.