ಕಡಲೂರಿನ ಬೆಡಗಿ ಸಿನೋಲ್‌!

8 Sep, 2017
ವಿಜಯ್‌ ಜೋಶಿ

ಇವರು ಸಿನೋಲ್ ಮಿನೇಜಸ್. ಕಡಲ ತಡಿಯ ಮಂಗಳೂರಿನ ಬೆಡಗಿ ಇವರು. ತುಳು-ಕೊಂಕಣಿ ಸಿನಿಮಾವೊಂದರಲ್ಲಿ ಈಗಾಗಲೇ ಅಭಿನಯಿಸಿದ್ದಾರೆ. ಅಲ್ಲದೆ, ಟೆಲಿಸಿನಿಮಾ, ಧಾರಾವಾಹಿಗಳಲ್ಲಿ ಕೂಡ ಬಣ್ಣ ಹಚ್ಚಿದ್ದಾರೆ. ಈಗ ಇವರು ಮಂಜು ಹಾಸನ ನಿರ್ದೇಶನದ ‘ಕುಲ್ಫಿ’ ಚಿತ್ರದ ಮೂಲಕ ಕನ್ನಡ ಚಿತ್ರ ಲೋಕಕ್ಕೆ ಪ್ರವೇಶ ಕೊಟ್ಟಿದ್ದಾರೆ. ಇವರ ಜೊತೆ ಮಾತನಾಡಿದೆ ‘ಚಂದನವನ’ ತಂಡ. ಈ ಪುಟ್ಟ ಮಾತುಕತೆಯ ವೇಳೆ ಸಿನೋಲ್ ಅವರು ಸಿನಿಮಾ ಕುರಿತ ತಮ್ಮ ಪ್ರೀತಿ, ಆಸಕ್ತಿಯನ್ನು ಚಿಕ್ಕ ಚಿಕ್ಕ ಮಾತುಗಳ ಮೂಲಕವೇ ಹಂಚಿಕೊಂಡಿದ್ದಾರೆ.

* ಸಿನಿಮಾ ಬಗ್ಗೆ ಆಸಕ್ತಿ ಮೂಡಿದ್ದು ಹೇಗೆ? ಅಭಿನಯದ ಕಡೆ ಸೆಳೆತ ಬಂದಿದ್ದು ಏಕೆ?

ಸಿನಿಮಾ ರಂಗ ಪ್ರವೇಶಿಸಬೇಕು ಎಂಬ ಕನಸು ನನಗೆ ಸಣ್ಣ ವಯಸ್ಸಿನಿಂದಲೇ ಇತ್ತು. ಚಿಕ್ಕವಳಿದ್ದಾಗ, ಅಂದರೆ ನಾನು ಪ್ರೌಢಶಾಲೆಯಲ್ಲಿ ಓದುತ್ತಿದ್ದ ಸಮಯದಲ್ಲೇ, ಇಂಥದ್ದೊಂದು ಆಸೆ ಇತ್ತು. ನಾನು ನಾಟಕಗಳಲ್ಲಿ ಅಲ್ಲೊಂದು ಇಲ್ಲೊಂದು ಪಾತ್ರ ನಿಭಾಯಿಸುತ್ತಿದ್ದೆ. ಆ ಮೂಲಕ ಅಭಿನಯದ ಆಸಕ್ತಿ ಮೂಡಿತು.

ಸಿನಿಮಾಗಳನ್ನು ವೀಕ್ಷಿಸುವಾಗ, ನಾನೂ ದೊಡ್ಡ ಪರದೆಯ ಮೇಲೆ ಕಾಣಿಸಿಕೊಳ್ಳಬೇಕು ಎಂಬ ಆಸೆಗಳು ಮೂಡಿದ್ದವು. ಹೀಗಿದ್ದ ನನಗೆ ಒಂದು ಟೆಲಿಸಿನಿಮಾದಲ್ಲಿ ಅಭಿನಯಿಸುವ ಅವಕಾಶ ಸಿಕ್ಕಿತು. ‘ಮಾನಸ’ ಎಂಬುದು ಅದರ ಹೆಸರು. ಅದನ್ನು ನೀವು ಈಗ ಯೂಟ್ಯೂಬ್ ಮೂಲಕ ವೀಕ್ಷಿಸಬಹುದು. ಎರಡು ಲಕ್ಷಕ್ಕೂ ಹೆಚ್ಚು ಜನ ಅದನ್ನು ಇದುವರೆಗೆ ವೀಕ್ಷಿಸಿದ್ದಾರೆ. ಅದರ ಮೂಲಕ ನಾನು ಅಭಿನಯ ಲೋಕಕ್ಕೆ ಸಣ್ಣದೊಂದು ಪ್ರವೇಶ ಪಡೆದೆ. ನಂತರ ನನಗೆ ಒಂದು ಆಲ್ಬಂ ಹಾಡಿನಲ್ಲಿ ಅವಕಾಶ ಸಿಕ್ಕಿತು.

ಹಾಗೆಯೇ, ಡೈಜಿ ವರ್ಲ್ಡ್ ಎಂಬ ವೆಬ್‌ಸೈಟ್‌ನಲ್ಲಿ ಪ್ರಸಾರವಾಗುವ ಕೊಂಕಣಿ ಧಾರಾವಾಹಿಯೊಂದರಲ್ಲಿ ಅವಕಾಶ ಗಿಟ್ಟಿಸಿಕೊಂಡೆ. ಅದರೆ ‘ಕುಲ್ಫಿ’ ಸಿನಿಮಾ ಚಿತ್ರೀಕರಣ ಆರಂಭವಾದ ಕಾರಣ ನಾನು ಆ ಧಾರಾವಾಹಿಯನ್ನು ಮಧ್ಯದಲ್ಲೇ ಕೈಬಿಟ್ಟು ಬೆಂಗಳೂರಿಗೆ ಬರಬೇಕಾಯಿತು.

* ಕೊಂಕಣಿ ಅಥವಾ ತುಳು ಸಿನಿಮಾಗಳಲ್ಲಿ ಅಭಿನಯಿಸಿದ್ದೀರಾ?

ಕೊಂಕಣಿ ಮತ್ತು ತುಳುವಿನಲ್ಲಿ ಬಂದ ‘ಇಂಚ ಆಂಡ್‌ ಏಂಚ’ ಸಿನಿಮಾದಲ್ಲಿ ನಾನು ನಾಯಕಿಯಾಗಿ ಅಭಿನಯಿಸಿದೆ. ಅದಾದ ತಕ್ಷಣ ದೊರೆತಿದ್ದು ‘ಕುಲ್ಫಿ’ ಸಿನಿಮಾ ಅವಕಾಶ.

* ಈ ಸಿನಿಮಾ ಅವಕಾಶ ದೊರೆತಿದ್ದು ಹೇಗೆ?

ನಾನು ಮಂಜು ಹಾಸನ ಅವರೆದುರು ಆಡಿಷನ್ ನೀಡಿ, ಅವಕಾಶ ಪಡೆದುಕೊಂಡೆ. ತುಳು, ಕೊಂಕಣಿ ಹಾಗೂ ಕನ್ನಡ ಸಿನಿಮಾಗಳು ಒಂದರ್ಥದಲ್ಲಿ ಬೇರೆ ಬೇರೆ ಅನುಭವ ನೀಡುತ್ತವೆ. ಮಂಜು ಅವರಿಗೆ ನನ್ನ ಅಭಿನಯ ಇಷ್ಟವಾಯಿತು. ಅವರು ಹುಡುಕುತ್ತಿದ್ದಂತಹ ಅಭಿನಯ ಅವರಿಗೆ ನನ್ನಲ್ಲಿ ಸಿಕ್ಕಿತು. ನನ್ನ ಪಾಲಿಗೆ ಕನ್ನಡ ಸಿನಿಮಾ ಜಗತ್ತಿನ ಮೊದಲ ಅವಕಾಶ ‘ಕುಲ್ಫಿ’.

* ನಿಮ್ಮ ಕುಟುಂಬದಲ್ಲಿ ಯಾರಾದರೂ ಅಭಿನಯದ ಹಿನ್ನೆಲೆ ಹೊಂದಿದ್ದಾರಾ?

ನನ್ನ ಅಣ್ಣ ಸ್ಥಳೀಯ ಕೊಂಕಣಿ ನಾಟಕಗಳಲ್ಲಿ ಅಭಿನಯಿಸಿದ್ದ, ಅಷ್ಟೇ. ಇಷ್ಟನ್ನು ಹೊರತುಪಡಿಸಿದರೆ, ಕುಟುಂಬದ ಸದಸ್ಯರಲ್ಲಿ ಯಾರೂ ಅಭಿನಯಿಸಿದವರಲ್ಲ.

* ಗ್ಲಾಮರ್ ಸೇರಿದಂತೆ ಯಾವ ಬಗೆಯ ಪಾತ್ರಗಳು ನಿಮಗೆ ಇಷ್ಟ?

ನನಗೆ ಜೋರು ಅನಿಸುವ, ರೂಡ್ ಅನಿಸುವ, ಆfಯಕ್ಷನ್ ಇರುವ ಪಾತ್ರಗಳು ಇಷ್ಟ. ಮೃದು ವ್ಯಕ್ತಿತ್ವದ ಪಾತ್ರಗಳಿಗಿಂತಲೂ ಅವು ಹೆಚ್ಚು ಇಷ್ಟ ನನಗೆ. ಯಾಕೆ ಇಷ್ಟ ಅಂದರೆ, ಅವು ನನಗೆ ಹೆಚ್ಚು ಸೂಕ್ತವಾಗುತ್ತವೆ ಎಂದು ಅನಿಸುತ್ತದೆ. ಮುಂದೆ ಕೂಡ ಅಂತಹ ಪಾತ್ರಗಳನ್ನು ಹುಡುಕುವೆ. 'ಕುಲ್ಫಿ'ಯಲ್ಲಿ ಕೂಡ ಅಂತಹ ಒಂದು ಪಾತ್ರ ನನ್ನದು.

ಒಂದು ಹೆಣ್ಣು ಹೇಗೆಲ್ಲ ಇರುತ್ತಾಳೆ ಎಂಬುದನ್ನು ಕುಲ್ಫಿಯಲ್ಲಿನ ನನ್ನ ಪಾತ್ರ ಹೇಳುತ್ತದೆ. ಹಾಗಾಗಿಯೇ ಆ ಪಾತ್ರ ನನಗೆ ಬಹಳ ಇಷ್ಟವೂ ಆಯಿತು.

* ಕಮರ್ಷಿಯಲ್, ಪ್ರಯೋಗಾತ್ಮಕ ಸಿನಿಮಾಗಳಲ್ಲಿ ಯಾವುದು ಇಷ್ಟ?

ನಾನು ಸ್ಕ್ರಿಪ್ಟ್‌ ನೋಡಿ ಇಷ್ಟವೋ ಇಲ್ಲವೋ ಎಂಬುದನ್ನು ನಿರ್ಧರಿಸುವವಳು. ನನಗೆ ಒಳ್ಳೆಯ ಕಥಾಹಂದರ ಇರುವ ಪ್ರಯೋಗಾತ್ಮಕ ಸಿನಿಮಾಗಳು ಇಷ್ಟ.

ಆ್ಯಕ್ಷನ್ ಆಧಾರಿತ ಸಿನಿಮಾಗಳಲ್ಲಿ ಪಾತ್ರ ನಿಭಾಯಿಸಬೇಕು ಎಂಬ ಆಸೆ ಇದೆ - ಮಾಲಾಶ್ರೀ ತರಹ! ಅದನ್ನು ಹೊರತುಪಡಿಸಿದರೆ, ಎಲ್ಲ ಬಗೆಯ ಪಾತ್ರಗಳನ್ನೂ ನಿಭಾಯಿಸುವ ಆಸೆ ಇದೆ. ಅದು ಕೂಡ ಸ್ಕ್ರಿಪ್ಟ್‌ ನೋಡಿ ತೀರ್ಮಾನಿಸಬೇಕು.

* ಸಿನಿಮಾ ಹೊರತುಪಡಿಸಿದರೆ ನಿಮ್ಮ ವೃತ್ತಿ ಏನು?

ನಾನು ವೃತ್ತಿಯಿಂದ ಮನಶಾಸ್ತ್ರಜ್ಞೆ. ನಾನು ಮಂಗಳೂರಿನಲ್ಲಿ ಶಾಲೆಯೊಂದರಲ್ಲಿ ಕೆಲಸ ಮಾಡಿದ್ದೇನೆ. ಇಲ್ಲಿ (ಬೆಂಗಳೂರಿನಲ್ಲಿ) ಕೂಡ ಶಾಲೆಯಲ್ಲಿ ಮನಶಾಸ್ತ್ರಜ್ಞೆಯಾಗಿ ಕೆಲಸ ಮಾಡುತ್ತಿರುವೆ. ಸಿನಿಮಾ ನನಗೆ ಪ್ಯಾಷನ್. ಪಾತ್ರಗಳ ವಿಚಾರದಲ್ಲಿ ನಾನು ಚೂಸಿ ಆಗಿಯೇ ಇರುವೆ. ನನಗೆ ಇಷ್ಟವಾದರೆ ಮಾತ್ರ ಒಪ್ಪಿಕೊಳ್ಳುವೆ.

Read More

Comments
ಮುಖಪುಟ

ಆಣೆ ಮಾಡಲು ಸಿದ್ದರಾಮಯ್ಯ ದೇವೇಗೌಡರನ್ನು ದತ್ತು ತೆಗೆದುಕೊಂಡಿದ್ದಾರೆಯೇ?: ಕುಮಾರಸ್ವಾಮಿ

ನನಗೆ ನಾಟಕವಾಡಲು ಬರುವುದಿಲ್ಲ ನಾನು ಭಾವಜೀವಿ. ರೈತರು ಮಾಡಿದ ಸಾಲನ್ನು ಮನ್ನಾ ಮಾಡಲು ನಾನು ಬದ್ಧವಾಗಿದ್ದೇನೆ. ಆರೂವರೆ ಕೋಟಿ ಕನ್ನಡಿಗರ ತೆರಿಗೆ ಹಣದಿಂದ ನಾನು ರೈತರ ಸಾಲ ಮನ್ನಾ ಮಾಡುವೆ ಎಂದು ಹೇಳಿದ ಎಚ್‍ಡಿ ಕುಮಾರಸ್ವಾಮಿ.

ಮೋದಿ ಸಲಹೆ ಮೇರೆಗೆ ಪಳನಿಸ್ವಾಮಿ ಜತೆ ಕೈಜೋಡಿಸಿದೆ: ಪನ್ನೀರಸೆಲ್ವಂ

‘ಪಕ್ಷದ ಉಳಿವಿಗಾಗಿ ನೀವು(ಪನ್ನೀರಸೆಲ್ವಂ) ಒಂದಾಗಬೇಕು ಎಂದು ಅವರು(ನರೇಂದ್ರ ಮೋದಿ) ನನಗೆ ಸಲಹೆ ನೀಡಿದ್ದರು’ ಎಂದಿದ್ದಾರೆ. ಆದರೆ ತಾವು ಮೋದಿ ಅವರೊಂದಿಗೆ ಯಾವಾಗ ಮಾತುಕತೆ ನಡೆಸಿದ್ದರು ಎಂಬುದನ್ನು ತಿಳಿಸಿಲ್ಲ.

ಕಾಲೇಜ್ ಬಸ್ಸಿನಲ್ಲಿ ವಿದ್ಯಾರ್ಥಿನಿ ಎದುರು ಹಸ್ತಮೈಥುನ: ಆರೋಪಿಯನ್ನು ಹುಡುಕಿ ಕೊಟ್ಟವರಿಗೆ ₹25 ಸಾವಿರ ಬಹುಮಾನ

ಆರೋಪಿಯ ಬಗ್ಗೆ ಮಾಹಿತಿ ನೀಡಿದ್ದಲ್ಲಿ ಅಥವಾ ಹಿಡಿದು ಕೊಟ್ಟಲ್ಲಿ ಅವರಿಗೆ 25 ಸಾವಿರ ಬಹುಮಾನ ನೀಡಲಾಗುವುದು. ಅಲ್ಲದೇ ಮಾಹಿತಿ ನೀಡಿದ ವ್ಯಕ್ತಿಯ ಹೆಸರನ್ನು ಗೌಪ್ಯವಾಗಿ ಇಡಲಾಗುವುದು’ ಎಂದು ಪೊಲೀಸರು ಹೇಳಿದ್ದಾರೆ.

ಇನ್ನು ಮುಂದೆ ವಿಶೇಷ ರೈಲು, ಬೋಗಿಗಳನ್ನು ಆನ್‍ಲೈನ್ ಮೂಲಕ ಕಾಯ್ದಿರಿಸಬಹುದು!

ವಿವಾಹ, ತೀರ್ಥಯಾತ್ರೆ ಮೊದಲಾದ ಅಗತ್ಯಗಳಿಗಾಗಿ ರೈಲಿನಲ್ಲಿ ಬೋಗಿ ಕಾಯ್ದಿರಿಸುವುದಾದರೆ ಇನ್ನು ಮುಂದೆ ಆನ್‍ಲೈನ್‍ನಲ್ಲಿ ಈ ಕಾರ್ಯವನ್ನು ಮಾಡಬಹುದು.

ಸಂಗತ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ?

ಭ್ರಮಾಧೀನ ಮನಸ್ಥಿತಿಯಲ್ಲಿ ಬದುಕುತ್ತಿರುವ ಸಮುದಾಯವನ್ನು ಎಚ್ಚರಿಸಿ ಮುನ್ನಡೆಸಬೇಕಾದ ಜವಾಬ್ದಾರಿ ಸಮಾಜಕ್ಕಿದೆಯಲ್ಲವೇ?

ನಿರುದ್ಯೋಗ ವ್ಯಕ್ತಿಗತ ಸಮಸ್ಯೆಯೇ?

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅರ್ಹತೆಯುಳ್ಳವರಷ್ಟೇ ಅಸ್ತಿತ್ವ ಉಳಿಸಿಕೊಳ್ಳಲು ಸಾಧ್ಯ ಎಂಬ ನಿಲುವು ತಳೆಯುವುದು ಆಷಾಡಭೂತಿತನವಾಗುತ್ತದೆ

ಜಾತಿ ಮತ್ತು ಹಿಂಸಾಚಾರದ ಸಮೀಕರಣ

ಒಂದು ವರ್ಗದ ನೀಚ ಕೃತ್ಯಗಳಿಗೆ ಮತ್ತೊಂದು ವರ್ಗವನ್ನು ಹೊಣೆಯಾಗಿಸುವ ಕೆಸರೆರಚಾಟ ಮುಂದುವರಿಯುತ್ತಿರುವವರೆಗೂ ಅಲ್ಲಿ ಅಸಹಿಷ್ಣುತೆ, ಹಿಂಸೆ ತಡೆಯುವುದು ಕಷ್ಟ.

ಮುಕ್ತಛಂದ

ಅಪ್ಪನ ನೆನಪುಗಳು

ಅಡಿಗರ ವ್ಯಕ್ತಿತ್ವ ಹಾಗೂ ಸಾಹಿತ್ಯಿಕ ಸಾಧನೆಯನ್ನು ಅವರ ನಿಕಟವರ್ತಿಗಳು ಹಾಗೂ ವಿಮರ್ಶಕರು ಸಾಕಷ್ಟು ದಾಖಲಿಸಿದ್ದಾರೆ. ಕೌಟುಂಬಿಕ ವ್ಯಕ್ತಿಯಾಗಿ ಅಡಿಗರು ಹೇಗಿದ್ದರು? ಅವರ ಪುತ್ರ ಪ್ರದ್ಯುಮ್ನ ಗೋಪಾಲಕೃಷ್ಣ ಅಡಿಗ ಅವರ ನೆನಪುಗಳು ಇಲ್ಲಿವೆ.

ಸ್ವಾಭಿಮಾನ ಮತ್ತು ಸಮಗ್ರ ಕಾವ್ಯ!

‘ಪ್ರಾರ್ಥನೆ’ ಕವಿತೆಯ ವಿವಾದದ ಸಂದರ್ಭದಲ್ಲಿ ಅಂದಿನ ಮುಖ್ಯಮಂತ್ರಿ ನಿಜಲಿಂಗಪ್ಪನವರ ಪತ್ರಕ್ಕೆ ಅಡಿಗರು ಬರೆದ ಜವಾಬು ಕವಿಗೆ ಇರಬೇಕಾದ ಸ್ವಾಭಿಮಾನವನ್ನು ಸೂಚಿಸುವಂತಿದೆ. ಸ್ವಾಭಿಮಾನ ಎನ್ನುವುದು ಸೋವಿಯಾಗಿರುವ ಇಂದಿನ ಸಂದರ್ಭದಲ್ಲಿ ಅಡಿಗರ ನಿಲುವು ಹೆಚ್ಚು ಮಹತ್ವದ್ದಾಗಿ ಕಾಣುತ್ತದೆ.

ಕನ್ನಡ ಸಾಹಿತ್ಯಲೋಕದ ವಿಷಕಂಠ

ಎಲಿಯಟ್‌ ಕೂಡ ಒಂದು ಕವನದಲ್ಲಿ ಇಷ್ಟೆಲ್ಲ ಹೇಳಲಿಲ್ಲವಲ್ಲ! ಇದು ಅಡಿಗರ ‘ಭೂಮಿಗೀತ’, ‘ಭೂತ’ ಕವಿತೆಗಳಿಗೆ ಅಮೆರಿಕದ ಕವಿಯೊಬ್ಬರ ಉದ್ಗಾರ. ಆದರೆ, ಅತ್ಯುತ್ತಮ ಕಾವ್ಯ ರಚಿಸಿಯೂ ನಿರಂತರವಾಗಿ ಟೀಕೆಗೆ, ಪ್ರತಿರೋಧಕ್ಕೆ, ಖಂಡನೆಗೆ ಗುರಿಯಾದ ಅಡಿಗರಂಥ ಕವಿ ಇನ್ನೊಬ್ಬರಿಲ್ಲ.

‘ಚಂಡೆ ಮದ್ದಳೆ’ ಕವಿಯ ನಿರಂತರ ‘ವೇಸ್ಟ್ ಲ್ಯಾಂಡ್’

ಎಲಿಯಟ್ ಇಂಗ್ಲಿಷ್‌ನಲ್ಲಿ ಮಾಡಿದುದನ್ನು ಅಡಿಗರು ಕನ್ನಡದಲ್ಲಿ ಮಾಡಿದರು. ತಟಸ್ಥವಾಗಿದ್ದ ಸಾಹಿತ್ಯದಲ್ಲಿ ವಿದ್ಯುತ್ ಸಂಚಲನ ಉಂಟು ಮಾಡಿದರು. ಅಡಿಗರ ನಂತರ ಕನ್ನಡ ಕಾವ್ಯ ಮೊದಲಿನ ಹಾಗೆ ಇರಲಿಲ್ಲ. ಇದುವರೆಗೆ ಕನ್ನಡದಲ್ಲಿ ಇಲ್ಲದ್ದನ್ನು ಅವರು ಸೃಷ್ಟಿಸಿದರು. ಅವರನ್ನು ವಿರೋಧಿಸಿದವರು ಕೂಡ ಅವರ ನುಡಿಗಟ್ಟನ್ನು ಸ್ಪರ್ಶಿಸಿಯೇ ಹಾಗೆ ಮಾಡಬೇಕಾಯಿತು. ಇದಕ್ಕಿಂತಲೂ ಹೆಚ್ಚಿನ ಕೊಡುಗೆಯೊಂದಿದೆಯೇ?