ಎಲ್ಲರೊಳಗಿರುವ ಹುಲಿರಾಯ!

8 Sep, 2017
ಪದ್ಮನಾಭ ಭಟ್‌

‘ಸಿನಿಮಾ ಕಮರ್ಷಿಯಲ್‌ ಆಗಿಯೂ ಹಿಟ್‌ ಆಗುವುದು ಎಷ್ಟು ಮುಖ್ಯ ಎಂದು ನನಗೀಗ ಚೆನ್ನಾಗಿ ಮನವರಿಕೆ ಆಗಿದೆ’ ಹೀಗೆಂದು ನಕ್ಕರು ನಿರ್ದೇಶಕ ಅರವಿಂದ್‌ ಕೌಶಿಕ್‌. ಅವರ ಮಾತಿನಲ್ಲಿ ಹಳೆ ಸೋಲುಗಳಿಂದ ಕಲಿತ ಪಾಠ ಮತ್ತು ಹೊಸ ಆಲೋಚನೆಯನ್ನು ಜನರಿಗೆ ತಲುಪಿಸುವುದರ ಜತೆಗೆ ತಾನೂ ಬಚಾವಾಗುವ ಜಾಣತನ ಎರಡರ ಸುಳಿವೂ ಇತ್ತು. ಅವರ ಮೂರನೇ ಸಿನಿಮಾ ‘ಹುಲಿರಾಯ’ನನ್ನು ಮುಂದಿನ ತಿಂಗಳ ಮಧ್ಯಭಾಗದಲ್ಲಿ ತೆರೆಗೆ ತರುವ ಸಿದ್ಧತೆಯಲ್ಲಿದ್ದಾರೆ.

ಅರವಿಂದ್‌ ಬೆಂಗಳೂರಿನಲ್ಲಿಯೇ ಹುಟ್ಟಿ ಬೆಳೆದವು. ಮೊದಲಿನಿಂದಲೂ ಬರವಣಿಗೆಯಲ್ಲಿ ಆಸಕ್ತಿ ಇತ್ತು. ಸಣ್ಣ ಕಥೆ, ಕವಿತೆಗಳನ್ನು ಬರೆಯುತ್ತಿದ್ದರು.ಜತೆ ಜತೆಗೇ ಸಿನಿಮಾ ವ್ಯಾಮೋಹವೂ ಕುಡಿಯೊಡೆದಿತ್ತು. ಪಿಯುಸಿ ಮುಗಿಸುವಷ್ಟರಲ್ಲಿ ಓದಿ ಬರೆಯುವ ಅಂಕಗಳ ಪರೀಕ್ಷೆಗಿಂತ, ಬರೆದು ನೋಡುವ – ಜನರ ಎದುರಿಗೆ ತನ್ನ ಸೃಜನಶೀಲತೆಯನ್ನು ಪರೀಕ್ಷೆಗೊಡ್ಡಿಕೊಳ್ಳುವ ಸಿನಿಮಾ ಮಾಧ್ಯಮವೇ ತನಗೆ ಸರಿಹೊಂದುತ್ತದೆ ಎನಿಸಿತು. ಆದರೆ ಮನಸಿಗೆ ಕಂಡಷ್ಟು ಸುಲಭವಾಗಿ ಸಿನಿಮಾ ಮಾಡಿಮುಗಿಸಿಬಿಡುವುದು ಸಾಧ್ಯವಿಲ್ಲ ಎಂಬುದೂ ಅವರಿಗೆ ಚೆನ್ನಾಗಿಯೇ ತಿಳಿದಿತ್ತು. ಸಾಕಷ್ಟು ಪೂರ್ವಿಸಿದ್ಧತೆ ಮಾಡಿಕೊಂಡೇ ಚಿತ್ರರಂಗಕ್ಕೆ ಅಡಿಯಿಡಲು ನಿರ್ಧರಿಸಿ ‘ಕರ್ನಾಟಕ ಫಿಲಂ ಟೆಕ್ನಿಕಲ್‌ ಟ್ರೇನಿಂಗ್‌ ಸೆಂಟರ್‌’ ಸೇರಿಕೊಂಡರು. ಅಲ್ಲಿ ಸಿನಿಮಾ ನಿರ್ದೇಶನದಲ್ಲಿ ಡಿಪ್ಲೋಮಾ ಮಾಡಿದರು. ಈ ನಡುವೆ ಅವರು  ಇಂಗ್ಲೀಷಿನಲ್ಲಿ ಬರೆದ ಸಣ್ಣ ಕಥೆಗಳ ಸಂಕಲನವೂ ಬಿಡುಗಡೆಯಾಯಿತು. ‘ಬರವಣಿಗೆಯೇ ಸಿನಿಮಾ ಮಾಧ್ಯಮದತ್ತ ಆಕರ್ಷಿತವಾಗಲು ಕಾರಣವಾಯಿತು’ ಎಂದು ನೆನಪಿಸಿಕೊಳ್ಳುತ್ತಾರೆ ಅರವಿಂದ್‌. ತಾಂತ್ರಿಕ ತಿಳಿವಳಿಕೆಯನ್ನು ಕಲಿಯುವುದಕ್ಕಾಗಿ ಸಂಕಲನದ ಕೋರ್ಸ್‌ ಕೂಡ ಮಾಡಿಮುಗಿಸಿದರು.

ಅಕಾಡೆಮಿಕ್‌ ತಿಳಿವಳಿಕೆಯ ಜತೆಗೆ ಪ್ರಾಯೋಗಿಕ ಸಿದ್ಧತೆಯೂ ಬೇಕು ಎನ್ನುವ ಕಾರಣಕ್ಕೆ ಹಲವು ಬಿ. ಸುರೇಶ್‌ ಮತ್ತು ಗಿರೀಶ್‌ ಕಾಸರವಳ್ಳಿ ಅವರಂಥ ಖ್ಯಾತ ನಿರ್ದೇಶಕರ ಬಳಿ ಸಹಾಯಕ ನಿರ್ಕಿದೇಶಕರಾಗಿಯೂ ಕೆಲಸ ಮಾಡಿದರು. ಹಾಗೆಯೇ ಹಲವು ಟಿ.ಎನ್‌. ಸೀತಾರಾಮ್‌, ಅಶೋಕ್‌ ಕಶ್ಯಪ್‌, ಫಣಿರಾಮಚಂದ್ರ ಅವರ ಕಿರುತೆರೆ ಧಾರಾವಾಹಿಗಳಲ್ಲಿ ಅರವಿಂದ್‌ ನಟಿಸಿಯೂ ಇದ್ದಾರೆ. ‘ಅಶೋಕ್‌ ಕಶ್ಯಪ್‌ ಅವರ ನಿರ್ದೇಶನದ ನಂದಗೋಕುಲ ಧಾರಾವಾಹಿಯಲ್ಲಿ ನನಗೆ ಒಳ್ಳೆಯ ಅನುಭವ ದೊರಕಿತು’ ಎಂದು ಅವರು ನೆನಪಿಸಿಕೊಳ್ಳುತ್ತಾರೆ.

ಇಷ್ಟು ಅನುಭವ ಪಡೆದ ಅರವಿಂದ್ ಮೊದಲ ಬಾರಿಗೆ ಸಿನಿಮಾ ನಿರ್ದೇಶಕನ ಕ್ಯಾಪ್‌ ಧರಿಸಿದ್ದು 2008ರಲ್ಲಿ ‘ನಮ್‌ ಏರಿಯಾದಲ್ಲಿ ಒಂದಿನ’ ಸಿನಿಮಾದ ಮೂಲಕ. ಇದು ಅನೀಶ್‌ ತೇಜೇಶ್ಚರ್‌ ಮತ್ತು ರಕ್ಷಿತ್‌ ಶೆಟ್ಟಿ ಅವರನ್ನು ಕನ್ನಡ ಚಿತ್ರರಂಗಕ್ಕೆ ಪರಿಚಯಿಸಿದ ಸಿನಿಮಾವೂ ಹೌದು. ನಂತರ 2011ರಲ್ಲಿ ‘ತುಘಲಕ್‌’ ಎನ್ನುವ ಸಿನಿಮಾ ನಿರ್ದೇಶಿಸಿದರು. ರಕ್ಷಿತ್‌ ಶೆಟ್ಟಿಯೇ ಈ ಚಿತ್ರದಲ್ಲಿ ನಾಯಕನಾಗಿದ್ದರು.

ಈ ಎರಡೂ ಚಿತ್ರಗಳಿಗೂ ಭಿನ್ನ ಪ್ರಯೋಗಗಳು ಎಂಬ ಪ್ರಶಂಸೆ ವ್ಯಕ್ತವಾದರೂ ಗಲ್ಲಾಪೆಟ್ಟಿಗೆಯಲ್ಲಿ ಗೆಲ್ಲಲಿಲ್ಲ. ದೊಡ್ಡ ಬಂಡವಾಳ ಬೇಡುವ ಸಿನಿಮಾದಂಥ ಮಾಧ್ಯಮದಲ್ಲಿ ಗೆಲುವು ಎಷ್ಟು ಅವಶ್ಯಕ ಎಂಬುದು ಈ ಎರಡೂ ಸಿನಿಮಾಗಳು ಅವರಿಗೆ ಮನವರಿಕೆ ಮಾಡಿವೆ. ‘ನನ್ನ ಮೊದಲಿನ ಎರಡೂ ಸಿನಿಮಾಗಳಲ್ಲಿ ನಾನು ಸ್ವಲ್ವ ಹೆಚ್ಚೇ ಪ್ರಯೋಗ ಮಾಡಿದ್ದೆ. ಅದು ಜನರಿಗೆ ತಲುಪಲಿಲ್ಲ. ನಾವು ಮಾಡುವ ಪ್ರಯೋಗಗಳು ಜನರಿಗೆ ಅರ್ಥವಾಗುವುದು, ಅವರಿಗೆ ಇಷ್ಟ ಆಗುವುದು ಎಷ್ಟು ಮುಖ್ಯ ಎನ್ನುವುದು ನನಗೀಗ ಗೊತ್ತಾಗಿದೆ. ಆ ಅಂಶಗಳನ್ನು ಮನಸ್ಸಿನಲ್ಲಿಟ್ಟುಕೊಂಡೇ ಹೊಸ ಸಿನಿಮಾವನ್ನು ಮಾಡಿದ್ದೇನೆ’ ಎನ್ನುತ್ತಾರೆ ಅವರು. ‘ಹುಲಿರಾಯ’ ಗಲ್ಲಾಪೆಟ್ಟಿಗೆಯಲ್ಲಿ ಸಾಕಷ್ಟು ಜೋರಾಗಿಯೇ ಗರ್ಜಿಸುತ್ತಾನೆ ಎಂಬ ವಿಶ್ವಾಸ ಅವರಿಗಿದೆ.

(ಹುಲಿರಾಯ ಚಿತ್ರದಲ್ಲಿ ಬಾಲು ನಾಗೇಂದ್ರ)

ಎರಡು ಸಿನಿಮಾಗಳನ್ನು ಮಾಡಿದ್ದರೂ ಮೂರನೇ ಸಿನಿಮಾ ಆರಂಭಿಸುವುದು ಅವರಿಗೆ ಸುಲಭದ ಕೆಲಸವೇನೂ ಆಗಿರಲಿಲ್ಲ. ಬಾಲು ನಾಗೇಂದ್ರ ಈ ಚಿತ್ರಕ್ಕೆ ನಾಯಕ ಎಂದು ಕಥೆ ಬರೆಯುವಾಗಲೇ ನಿರ್ಧಾರವಾಗಿತ್ತು. ಆದ್ದರಿಂದ ಮೊದಲಿಗೆ ಸ್ನೇಹಿತರೆಲ್ಲ ಸೇರಿಕೊಂಡು ತಮ್ಮ ಕಲ್ಪನೆಯನ್ನು ಬಿಂಬಿಸುವ ಒಂದು ಟೀಸರ್‌ ತಯಾರಿಸಿದರು. ಅದು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸದ್ದು ಮಾಡಿತು. ಅದನ್ನು ನೋಡಿದ ನಾಗೇಶ್‌ ಅವರು ಹಣ ಹೂಡಲು ಮುಂದೆ ಬಂದರು.

ಅವರೇ ಹೇಳಿಕೊಳ್ಳುವ ಹಾಗೆ ‘ಹುಲಿರಾಯ’ ಪಕ್ಕಾ ಕಗ್ಗಾಡಿನಲ್ಲಿನ ವಾಸವಾಗುವ ಹುಡುಗನೊಬ್ಬ ಮಹಾನಗರಕ್ಕೆ ಬಂದಾಗ ಏನಾಗುತ್ತದೆ ಎನ್ನುವುದನ್ನು ಹೇಳುವ ಕಥೆ. ಅರವಿಂದ್ ಮಹಾನಗರದಲ್ಲಿಯೇ ಹುಟ್ಟಿ ಬೆಳೆದವರು. ಕಾಡಿನ ಹುಡುಗನ ಬದುಕನ್ನು ಕಟ್ಟಿಕೊಡುವುದು ಹೇಗೆ ಸಾಧ್ಯವಾಯಿತು ಎಂದು ಕೇಳಿದರೆ ‘ನೋಡಿ ಕಂಡಿದ್ದು’ ಎಂದು ಉತ್ತರಿಸುತ್ತಾರೆ.

‘ತುಘಲಕ್‌ ಸಿನಿಮಾ ಆದ ಮೇಲೆ ಒಂದಿಷ್ಟು ಟೆಲಿವಿಷನ್‌ ಪ್ರಾಡಕ್ಟ್ಸ್‌ ಮಾಡುತ್ತಿದ್ದೆವು. ಅದಕ್ಕಾಗಿ ಆರೇಳು ತಿಂಗಳು ಕಾಡಿನಲ್ಲಿಯೇ ಕಳೆಯುವ ಅವಕಾಶ ಬಂದಿತ್ತು. ಅಲ್ಲಿನ ಓಡಾಟದಲ್ಲಿ ನಮ್ಮ ನಗರ ಜೀವನಕ್ಕೂ ಕಾಡಿನಲ್ಲಿ ಸ್ವಚ್ಛಂದವಾಗಿ ಬೆಳೆಯುವ ಹುಡುಗನ ಮನಸ್ಥಿತಿಗೂ ಎಷ್ಟು ಅಜಗಜಾಂತರ ವ್ಯತ್ಯಾಸ ಇರುತ್ತದೆಯಲ್ಲವೇ ಎಂದು ಅನಿಸುತ್ತಿತ್ತು. ನಮ್ಮ ಒತ್ತಡ, ಸಂಕಟ, ಹೊಡೆದಾಟಗಳು ಬೇರೆಯೇ ಆಗಿರುತ್ತವೆ. ಆದರೆ ಪ್ರತಿಯೊಬ್ಬ ಮನುಷ್ಯನ ಮನಸ್ಸೂ ಸ್ವಾತಂತ್ರ್ಯವನ್ನು ಹುಡುಕುತ್ತಿರುತ್ತದೆ. ಅದಕ್ಕೆ ಹಳ್ಳಿ – ಕಾಡು ಎಂದು ಭಿನ್ನತೆ ಇರುವುದಿಲ್ಲ. ಅಂಥ ಸ್ವಾತಂತ್ರ್ಯವನ್ನೇ ಹಂಬಲಿಸಿ ಹಳ್ಳಿಯ ಎಷ್ಟೋ ಜನ ಮಹಾನಗರಕ್ಕೆ ಬರುತ್ತಾರೆ. ಅಲ್ಲಿ ಬೆಟ್ಟ, ನದಿ ಕಾಡಿನ ಮಧ್ಯ ಇದ್ದವರಿಗೆ ಇಲ್ಲಿನ ಜಗತ್ತು ನೋಡಿ ದಿಗ್ಭ್ರಮೆ ಉಂಟಾಗುತ್ತದೆ. ಆದರೂ ಹೇಗೋ ರಾಜಿಯಾಗಿ ಬದುಕುತ್ತಾರೆ. ಅಂಥ ಹಲವು ಮನುಷ್ಯರು ನಗರದಲ್ಲಿ ಕಾಣುತ್ತಾರೆ. ನಮ್ಮ ಕಥೆಯ ನಾಯಕನೂ ಇಂಥದ್ದೇ ಒಂದು ಪಾತ್ರ. ನಮ್ಮ ಸಿನಿಮಾದಲ್ಲಿ ಒಂದು ಸಾಲಿದೆ. ಪ್ರತಿಯೊಬ್ಬ ಹುಡುಗನಲ್ಲಿಯೂ ಒಂದು ಹುಲಿ ಅಡಗಿದೆ ಎಂದು. ಅಂದರೆ ಹುಲಿ ಕಾಡಿನಲ್ಲಿ ಸ್ವಚ್ಛಂದವಾಗಿರಬೇಕು. ಅದು ಪ್ರಾಣಿಸಂಗ್ರಹಾಲಯದಲ್ಲಿ ಪಂಜರದಲ್ಲಿ ಬಂದಿಸಿಟ್ಟರೆ ಹೇಗಿರುತ್ತದೆ? ನಾವೇನೋ ಫೋಟೊ ತೆಗೆದುಕೊಂಡು ಖುಷಿಯಾಗಿ ಹೋಗುತ್ತೇವೆ. ಆದರೆ ಆ ಹುಲಿಯ ಮನಸ್ಥಿತಿ ಹೇಗಿರಬಹುದು ಎಂಬ ಆಲೋಚನೆಯ ಸುತ್ತಲೇ ಈ ಸಿನಿಮಾ ಹೆಣೆದಿದೆ’ ಎಂದು ಸುದೀರ್ಘವಾಗಿ ತಮ್ಮ ಸಿನಿಮಾದ ನೆಲೆಗಟ್ಟಿನ ಬಗ್ಗೆ ಅವರು ಮಾತನಾಡುತ್ತಾರೆ.

ತಾವು ಬೆಳೆದ ವಾತಾವರಣದಿಂದ ಪೂರ್ತಿ ಭಿನ್ನವಾಗಿರುವ ಪಾತ್ರವನ್ನು ಕಲ್ಪಿಸಿಕೊಳ್ಳಲು ಅರವಿಂದ್‌ಗೆ ಸಾಧ್ಯವಾಗಿದ್ದು ಗ್ರಹಿಕೆಯ ಮೂಲಕ. ಕಾಡಿನಲ್ಲಿರುವ ಜನರನ್ನು ಅಲ್ಲಿನ ತರುಣರನ್ನು ಅವರು ತುಂಬ ಸೂಕ್ಷ್ಮವಾಗಿ ಗಮನಿಸಿದ್ದಾರೆ. ನೆಟ್‌ವರ್ಕ್ ಇಲ್ಲದಿದ್ದರೂ ಮೊಬೈಲ್‌ ಇಟ್ಟುಕೊಂಡು ಹಾಡು ಕೇಳುವುದು, ಅಪರೂಪಕ್ಕೆ ಸಿನಿಮಾ ನೋಡಿಬಂದು ಹೀರೊಯಿಸಂ ಬಗ್ಗೆ ಬಗೆ ಬಗೆ ಕಲ್ಪನೆ ಬೆಳೆಸಿಕೊಂಡು ಬದುಕುವುದು ಹೀಗೆ ಅವರು ಕಂಡ ವಿವರಗಳೆಲ್ಲವೂ ‘ಹುಲಿರಾಯ’ನಿಗೆ ರಕ್ತ, ಮಾಂಸಗಳನ್ನು ತುಂಬಿವೆ.

‘ನಗರದಲ್ಲಿ ಹುಟ್ಟಿ ಬೆಳೆದ ನಾನು ಕಾಡಿನಲ್ಲಿ ಪೂರ್ತಿ ಅಪರಿಚಿತ. ಅದೇ ಕಾಡಿನಿಂದ ಬಂದ ತರುಣ ನಗರದಲ್ಲಿ ಪೂರ್ತಿ ಅನಾಮಿಕ. ಹೀಗೆ ಈ ಸಿನಿಮಾ ಅಂಥದ್ದೊಂದು ಪಾತ್ರ ಮತ್ತು ನಿರ್ದೇಶಕನ ನಡುವೆ ಘಟಿಸುವ ಕಥೆ’ ಎಂದೂ ಅವರು ಹೇಳುತ್ತಾರೆ.

ಚಿತ್ರ ಪೂರ್ತಿಯಾದ ಮೇಲೆ ಆಪ್ತರ ಬಳಗಕ್ಕೆ ಸಿನಿಮಾ ತೋರಿಸುವಾಗ ಅರವಿಂದ್, ರಕ್ಷಿತ್‌ ಶೆಟ್ಟಿ ಅವರನ್ನೂ ಕರೆದಿದ್ದರು. ರಕ್ಷಿತ್‌ಗೆ ಈ ಸಿನಿಮಾ ತುಂಬ ಇಷ್ಟವಾಗಿ ‘ಪುಷ್ಕರ್‌ ಮಲ್ಲಿಕಾರ್ಜುನಯ್ಯ ಅವರಿಗೆ ತೋರಿಸೋಣ. ಅವರಿಗೂ ಇಷ್ಟವಾದರೆ ಬಿಡುಗಡೆಯನ್ನು ನಾವೇ ಮಾಡುತ್ತೇವೆ’ ಎಂದು ಆಶ್ವಾಸನೆಯನ್ನೂ ಕೊಟ್ಟರು. ಅಂದುಕೊಂಡಂತೆ ಪುಷ್ಕರ್‌ ಅವರಿಗೂ ಸಿನಿಮಾ ಇಷ್ಟವಾಗಿ ಈಗ ವಿತರಣೆಯ ಜವಾಬ್ದರಿಯನ್ನು ಅವರೇ ವಹಿಸಿಕೊಂಡಿದ್ದಾರೆ.

ಪ್ರಯೋಗದ ದೃಷ್ಟಿಯಿಂದಲೂ ಗಮನಸೆಳೆಯುವಂತಿದ್ದು, ಸ್ಟಾರ್‌ ನಟರಿಗೂ ಸಿನಿಮಾ ಮಾಡಬೇಕು ಎಂಬುದು ಅರವಿಂದ್‌ ಅವರ ಕನಸು. ಅದಕ್ಕಾಗಿ ಅವರು ಹಲವು ಸ್ಕ್ರಿಪ್ಟ್‌ಗಳನ್ನೂ ಅವರು ಬರೆದಿಟ್ಟುಕೊಂಡಿದ್ದಾರೆ. ‘ಹುಲಿರಾಯ’ ಬಿಡುಗಡೆಯಾದ ಮೇಲೆ ಆ ಅವಕಾಶಗಳು ಸಿಗುತ್ತವೆ ಎಂಬ ವಿಶ್ವಾಸವೂ ಅವರಿಗಿದೆ.

Read More

Comments
ಮುಖಪುಟ

ಕಾವೇರಿ: ಮರು ಪರಿಶೀಲನೆ ಅರ್ಜಿ ಸಲ್ಲಿಸಲು ಸಲಹೆ

ಜಲಸಂಪನ್ಮೂಲ ತಾಂತ್ರಿಕ ತಜ್ಞ ವಲಯ ನೀಡಿರುವ ಈ ಸಲಹೆಯನ್ನು ವಿಧಾನಸಭೆಯ ಚುನಾವಣೆಯ ಹೊಸ್ತಿಲಲ್ಲಿರುವ ಈ ಹಂತದಲ್ಲಿ ರಾಜ್ಯ ಸರ್ಕಾರ ಪುರಸ್ಕರಿಸುವುದೇ ಎಂಬುದನ್ನು ಕಾದು ನೋಡಬೇಕಿದೆ.

ಪ್ರಭುತ್ವದ ಕ್ರೌರ್ಯ ಬಿಚ್ಚಿಟ್ಟ ಹೋರಾಟಗಾರರು!

ಪಾಕಿಸ್ತಾನದ ಲೇಖಕಿ ಮತ್ತು ಮಾಜಿ ಸಂಸದೆ ಫರ್ಹಾನಾಜ್‌ ಇಸ್ಫಹಾನಿ, ಮಾಲ್ಡೀವ್ಸ್‌ ಮಾಜಿ ಅಧ್ಯಕ್ಷ ಮೊಹಮದ್ ನಶಿದ್‌ ಹಾಗೂ ಶ್ರೀಲಂಕಾದ ಮಾನವ ಹಕ್ಕು ಹೋರಾಟಗಾರ ಎಸ್‌.ಸಿ. ಚಂದ್ರಹಾಸನ್‌ ತಾವು ಅನುಭವಿಸಿದ, ಅನುಭವಿಸುತ್ತಿರುವ ಕಷ್ಟಕಾರ್ಪಣ್ಯಗಳನ್ನು ಶನಿವಾರ ಬೆಂಗಳೂರಿನಲ್ಲಿ ಹಂಚಿಕೊಂಡರು.

ಭಕ್ತಿಯ ಅಭಿಷೇಕದಲ್ಲಿ ಮಿಂದೆದ್ದ ಗೊಮ್ಮಟೇಶ್ವರ

ವಿರಾಗದ ಮೇರುಮೂರ್ತಿಗೆ ಅಭಿಷೇಕ ಪ್ರಾರಂಭವಾದುದು ಮಧ್ಯಾಹ್ನ 2.30ರ ವೇಳೆಗೆ. ಬೆಳಗಿನ ತಂಪು ಹೊತ್ತಿನಿಂದಲೇ ಜನ ಗೊಮ್ಮಟನ ಸನ್ನಿಧಿಯಲ್ಲಿ ಸೇರತೊಡಗಿದ್ದರು. ಮಧ್ಯಾಹ್ನ ಹನ್ನೆರಡರ ವೇಳೆಗೆ ನೆತ್ತಿಯ ಮೇಲಿನ ಸೂರ್ಯ ಕೆಂಡ ಚೆಲ್ಲುತ್ತಿದ್ದ. ಗೊಮ್ಮಟನ ಅಭಿಷೇಕಕ್ಕೆ ಕಾತರದ ಕಂಗಳಲ್ಲಿ ಸೇರಿದ ಆರು ಸಾವಿರಕ್ಕೂ ಹೆಚ್ಚಿನ ಜನಸ್ತೋಮ ಬೆವರಿನ ಅಭಿಷೇಕದಲ್ಲಿ ಸ್ವಯಂ ತೋಯತೊಡಗಿತು.

ಮೂವರು ಸಿಬಿಐ ಬಲೆಗೆ

ನೀರವ್ ಮೋದಿ ಕಂಪನಿಯ ವಹಿವಾಟು ಜವಾಬ್ದಾರಿ ಹೊತ್ತಿದ್ದ ಹೇಮಂತ್ ಭಟ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ನ(ಪಿಎನ್‌ಬಿ) ನಿವೃತ್ತ ಉಪ ವ್ಯವಸ್ಥಾಪಕ ಗೋಕುಲನಾಥ್ ಶೆಟ್ಟಿ ಮತ್ತು ಪಿನ್‌ಬಿಯ ಮತ್ತೊಬ್ಬ ಅಧಿಕಾರಿ ಮನೋಜ್ ಕಾರಟ್ ಎಂಬುವವರನ್ನು ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ.

ಸಂಗತ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ?

ಭ್ರಮಾಧೀನ ಮನಸ್ಥಿತಿಯಲ್ಲಿ ಬದುಕುತ್ತಿರುವ ಸಮುದಾಯವನ್ನು ಎಚ್ಚರಿಸಿ ಮುನ್ನಡೆಸಬೇಕಾದ ಜವಾಬ್ದಾರಿ ಸಮಾಜಕ್ಕಿದೆಯಲ್ಲವೇ?

ನಿರುದ್ಯೋಗ ವ್ಯಕ್ತಿಗತ ಸಮಸ್ಯೆಯೇ?

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅರ್ಹತೆಯುಳ್ಳವರಷ್ಟೇ ಅಸ್ತಿತ್ವ ಉಳಿಸಿಕೊಳ್ಳಲು ಸಾಧ್ಯ ಎಂಬ ನಿಲುವು ತಳೆಯುವುದು ಆಷಾಡಭೂತಿತನವಾಗುತ್ತದೆ

ಜಾತಿ ಮತ್ತು ಹಿಂಸಾಚಾರದ ಸಮೀಕರಣ

ಒಂದು ವರ್ಗದ ನೀಚ ಕೃತ್ಯಗಳಿಗೆ ಮತ್ತೊಂದು ವರ್ಗವನ್ನು ಹೊಣೆಯಾಗಿಸುವ ಕೆಸರೆರಚಾಟ ಮುಂದುವರಿಯುತ್ತಿರುವವರೆಗೂ ಅಲ್ಲಿ ಅಸಹಿಷ್ಣುತೆ, ಹಿಂಸೆ ತಡೆಯುವುದು ಕಷ್ಟ.

ಮುಕ್ತಛಂದ

ಅಪ್ಪನ ನೆನಪುಗಳು

ಅಡಿಗರ ವ್ಯಕ್ತಿತ್ವ ಹಾಗೂ ಸಾಹಿತ್ಯಿಕ ಸಾಧನೆಯನ್ನು ಅವರ ನಿಕಟವರ್ತಿಗಳು ಹಾಗೂ ವಿಮರ್ಶಕರು ಸಾಕಷ್ಟು ದಾಖಲಿಸಿದ್ದಾರೆ. ಕೌಟುಂಬಿಕ ವ್ಯಕ್ತಿಯಾಗಿ ಅಡಿಗರು ಹೇಗಿದ್ದರು? ಅವರ ಪುತ್ರ ಪ್ರದ್ಯುಮ್ನ ಗೋಪಾಲಕೃಷ್ಣ ಅಡಿಗ ಅವರ ನೆನಪುಗಳು ಇಲ್ಲಿವೆ.

ಸ್ವಾಭಿಮಾನ ಮತ್ತು ಸಮಗ್ರ ಕಾವ್ಯ!

‘ಪ್ರಾರ್ಥನೆ’ ಕವಿತೆಯ ವಿವಾದದ ಸಂದರ್ಭದಲ್ಲಿ ಅಂದಿನ ಮುಖ್ಯಮಂತ್ರಿ ನಿಜಲಿಂಗಪ್ಪನವರ ಪತ್ರಕ್ಕೆ ಅಡಿಗರು ಬರೆದ ಜವಾಬು ಕವಿಗೆ ಇರಬೇಕಾದ ಸ್ವಾಭಿಮಾನವನ್ನು ಸೂಚಿಸುವಂತಿದೆ. ಸ್ವಾಭಿಮಾನ ಎನ್ನುವುದು ಸೋವಿಯಾಗಿರುವ ಇಂದಿನ ಸಂದರ್ಭದಲ್ಲಿ ಅಡಿಗರ ನಿಲುವು ಹೆಚ್ಚು ಮಹತ್ವದ್ದಾಗಿ ಕಾಣುತ್ತದೆ.

ಕನ್ನಡ ಸಾಹಿತ್ಯಲೋಕದ ವಿಷಕಂಠ

ಎಲಿಯಟ್‌ ಕೂಡ ಒಂದು ಕವನದಲ್ಲಿ ಇಷ್ಟೆಲ್ಲ ಹೇಳಲಿಲ್ಲವಲ್ಲ! ಇದು ಅಡಿಗರ ‘ಭೂಮಿಗೀತ’, ‘ಭೂತ’ ಕವಿತೆಗಳಿಗೆ ಅಮೆರಿಕದ ಕವಿಯೊಬ್ಬರ ಉದ್ಗಾರ. ಆದರೆ, ಅತ್ಯುತ್ತಮ ಕಾವ್ಯ ರಚಿಸಿಯೂ ನಿರಂತರವಾಗಿ ಟೀಕೆಗೆ, ಪ್ರತಿರೋಧಕ್ಕೆ, ಖಂಡನೆಗೆ ಗುರಿಯಾದ ಅಡಿಗರಂಥ ಕವಿ ಇನ್ನೊಬ್ಬರಿಲ್ಲ.

‘ಚಂಡೆ ಮದ್ದಳೆ’ ಕವಿಯ ನಿರಂತರ ‘ವೇಸ್ಟ್ ಲ್ಯಾಂಡ್’

ಎಲಿಯಟ್ ಇಂಗ್ಲಿಷ್‌ನಲ್ಲಿ ಮಾಡಿದುದನ್ನು ಅಡಿಗರು ಕನ್ನಡದಲ್ಲಿ ಮಾಡಿದರು. ತಟಸ್ಥವಾಗಿದ್ದ ಸಾಹಿತ್ಯದಲ್ಲಿ ವಿದ್ಯುತ್ ಸಂಚಲನ ಉಂಟು ಮಾಡಿದರು. ಅಡಿಗರ ನಂತರ ಕನ್ನಡ ಕಾವ್ಯ ಮೊದಲಿನ ಹಾಗೆ ಇರಲಿಲ್ಲ. ಇದುವರೆಗೆ ಕನ್ನಡದಲ್ಲಿ ಇಲ್ಲದ್ದನ್ನು ಅವರು ಸೃಷ್ಟಿಸಿದರು. ಅವರನ್ನು ವಿರೋಧಿಸಿದವರು ಕೂಡ ಅವರ ನುಡಿಗಟ್ಟನ್ನು ಸ್ಪರ್ಶಿಸಿಯೇ ಹಾಗೆ ಮಾಡಬೇಕಾಯಿತು. ಇದಕ್ಕಿಂತಲೂ ಹೆಚ್ಚಿನ ಕೊಡುಗೆಯೊಂದಿದೆಯೇ?