ಅಪ್ಪನ ಆತ್ಮವಿಶ್ವಾಸ; ಮಗನ ಛಲ

11 Sep, 2017
ಗಿರೀಶ ದೊಡ್ಡಮನಿ

‘ಆ ದಿನ ಇಂದಿಗೂ ನೆನಪಿದೆ. ತೇಜಕುಮಾರ್‌ನನ್ನು ಕ್ರಿಕೆಟ್‌ ಆಟ ಬಿಡಿಸಿ ಚೆಸ್‌ ಬೋರ್ಡ್‌ ಮುಂದೆ ಕೂರಿಸಿದ್ದೆ. ಇಂದು ನನ್ನ ಕನಸು ಈಡೇರಿದೆ. ನನ್ನ ಮಗನ ಶ್ರಮ ಹಾಗೂ ತಾಳ್ಮೆಗೆ ತಕ್ಕ ಗೌರವ ಲಭಿಸಿದೆ’– ಗ್ರ್ಯಾಂಡ್‌ಮಾಸ್ಟರ್‌ ಪಟ್ಟ ಗಳಿಸಿದ್ದ ಕರ್ನಾಟಕದ ಮೊದಲ ಚೆಸ್‌ಪಟು ಎಂ.ಎಸ್‌. ತೇಜಕುಮಾರ್ ಅವರ ತಂದೆ ಕೆ.ಆರ್. ಶಿವರಾಮೇಗೌಡರು ಈ ಮಾತುಗಳನ್ನು ಹೇಳುವಾಗ ಗದ್ಗದಿತರಾಗಿದ್ದರು.

ಅವರ ಸಂತಸಕ್ಕೆ ಪಾರವೇ ಇರಲಿಲ್ಲ. ತೇಜಕುಮಾರ್ ಸಾಧನೆಯ ಪಯಣವನ್ನು ‘ಪ್ರಜಾವಾಣಿ’ಯ ಮುಂದೆ ಬಿಚ್ಚಿಟ್ಟರು. ತೇಜ್‌ಕುಮಾರ್‌ಗೆ ಚೆಸ್ ಪಾಠ ಹೇಳಿಕೊಟ್ಟ ಮೊದಲ ಗುರು ಕೂಡ ಅವರೇ. ತಮಗೆ ಗೊತ್ತಿದ್ದ ಅಲ್ಪಸ್ವಲ್ಪ ವಿದ್ಯೆಯನ್ನು ಮಗನಿಗೆ ಕಲಿಸಿಕೊಟ್ಟರು.

‘ಮೂರುವರೆ ದಶಕಗಳ ಹಿಂದೆ ನಾನು ಸ್ವಲ್ಪ ಚೆಸ್ ಕಲಿತಿದ್ದೆ. ಆದರೆ ಅದರಲ್ಲಿ ಅಪಾರ ಆಸಕ್ತಿ ಇತ್ತು. ಮೈಸೂರಿನಲ್ಲಿ ಕೋಳಿ ಫಾರ್ಮ್‌ ತೆರೆಯಲು ತೆಗೆದುಕೊಂಡಿದ್ದ ಜಮೀನು ಸರ್ಕಾರದ ಯೋಜನೆಗಾಗಿ ಕಳೆದುಕೊಂಡೆ. ಆ ನಂತರ ಕೆಲಸವೂ ಇಲ್ಲದೇ, ಜಮೀನು ಇಲ್ಲದೇ ಸಾಕಷ್ಟು ತೊಂದರೆ ಅನುಭವಿಸಿದ್ದೆ. ಆ ನಂತರ ಖಾಸಗಿ ಕಂಪೆನಿಯಲ್ಲಿ ಕೆಲಸ ಮಾಡತೊಡಗಿದೆ. ಇಬ್ಬರೂ ಮಕ್ಕಳು ಬುದ್ಧಿವಂತರಾಗಬೇಕು. ಉತ್ತಮ ಸ್ಥಿತಿವಂತರಾಗಿ ಜೀವನ ನಡೆಸಬೇಕು. ಒಳ್ಳೆಯ ಹೆಸರು ಗಳಿಸಬೇಕು ಎಂಬ ಆಸೆ ಇತ್ತು. ಆಗಲೇ ಅವರಿಗೆ ಚೆಸ್‌ ಕಲಿಸಲು ನಿರ್ಧರಿಸಿದೆ. ಆದ್ದರಿಂದ ಮಕ್ಕಳಿಬ್ಬರನ್ನೂ ಚೆಸ್‌ ಆಡಲು ಹಚ್ಚಿದೆ’ ಎಂದು ನೆನಪಿನಂಗಳಕ್ಕೆ ಜಾರಿದರು.

‘ತೇಜಕುಮಾರ್ ಆಸಕ್ತಿ ಗಮನಿಸಿದ್ದೆ. ತರಬೇತಿಗಾಗಿ ಉಪೇಂದ್ರ ಅವರ ಬಳಿ ಸೇರಿಸಿದೆ. ಒಂದೂವರೆ ತಿಂಗಳಿನ ನಂತರ ಉಪೇಂದ್ರ ಅವರು ನಿಮ್ಮ ಮಗನಿಗೆ ಇನ್ನು ಮುಂದೆ ಹೇಳಿಕೊಡಲು ಸಾಧ್ಯವಿಲ್ಲ. ಕರೆದುಕೊಂಡು ಹೋಗಿಬಿಡಿ ಎಂದಿದ್ದರು. ತೇಜಕುಮಾರ್ ಕಲಿಯಲು ಸಾಧ್ಯವಾಗದಷ್ಟು ದಡ್ಡನೇ ಎಂದು ಆತಂಕದಿಂದ ಪ್ರಶ್ನಿಸಿದ್ದೆ. ಆದಕ್ಕವರು ನಕ್ಕು. ನನಗಿಂತಲೂ ಹೆಚ್ಚಿನ ಕೌಶಲಗಳು ತೇಜ್‌ಕುಮಾರ್‌ಗೆ ಗೊತ್ತಿವೆ. ಉನ್ನತ ದರ್ಜೆಯ ತರಬೇತಿ ಅಗತ್ಯವಿದೆ.

ಚೆನ್ನೈಗೆ ಕರೆದುಕೊಂಡು ಹೋಗಿ ಎಂದರು. ಅಲ್ಲಿ ಒಬ್ಬರ ವಿಳಾಸವನ್ನೂ ಕೊಟ್ಟರು. ಚೆನ್ನೈನಲ್ಲಿ ತರಬೇತಿ ಸೇರಿ ಒಂದೂವರೆ ತಿಂಗಳಿನ ನಂತರ ಓಪನ್ ಟೂರ್ನಿಯೊಂದರಲ್ಲಿ ಮೊದಲ ಪ್ರಶಸ್ತಿ ಪಡೆದ ತೇಜ್‌ಕುಮಾರ್  ಹಿಂತಿರುಗಿ ನೋಡಲಿಲ್ಲ. ಶಾಲೆ, ಕಾಲೇಜು, ವಿಶ್ವವಿದ್ಯಾಲಯಗಳಲ್ಲಿ ಜಯ ಒಲಿಯಿತು. ರಾಷ್ಟ್ರೀಯ ಫಿಡೆ ರೇಟಿಂಗ್‌ ಚಾಂಪಿಯನ್‌ಷಿಪ್‌ಗಳಲ್ಲಿ ಗೆದ್ದ ತೇಜ್ ಪಾಯಿಂಟ್‌ಗಳನ್ನು ಕಲೆಹಾಕಿದರು.

2008ರಲ್ಲಿ ಇಂಟರ್‌ನ್ಯಾಷನಲ್ ಮಾಸ್ಟರ್‌ (ಐಎಂ) ದರ್ಜೆಗೆ ಏರಿದರು. ನಂತರ ನೈರುತ್ಯ ರೈಲ್ವೆಯಲ್ಲಿ ಉದ್ಯೋಗ ಲಭಿಸಿದಾಗ ಆರ್ಥಿಕವಾಗಿ ಸುಧಾರಿಸಿಕೊಳ್ಳಲು ಸಾಧ್ಯವಾಯಿತು’ ಎಂದು ಶಿವರಾಮೇಗೌಡ ಆ ದಿನಗಳನ್ನು ಮೆಲುಕು ಹಾಕಿದರು.

‘2009ರಲ್ಲಿ ವಿದೇಶದಲ್ಲಿ ಟೂರ್ನಿ ಆಡಲು ತೆರಳಬೇಕಿತ್ತು. ಆದರೆ ವೀಸಾ ದೊರೆಯಲಿಲ್ಲ. ಆರ್ಥಿಕ ಸಂಕಷ್ಟವೂ ಎದುರಾಗಿತ್ತು. ಆದರೆ ತೇಜ್ ತನ್ನ ಛಲ ಬಿಡಲಿಲ್ಲ. ಗ್ರ್ಯಾಂಡ್‌ಮಾಸ್ಟರ್‌ ಆಗುವ ಕನಸಿಗೆ ನೀರೆದರು. ಅದೃಷ್ಟವೂ ಅವರಿಗೆ ಒಲಿದಿತ್ತು. ಮೈಸೂರಿನ ಕ್ರೀಡಾ ಪ್ರೇಮಿ ಮುರಳೀಧರ್ ಮತ್ತು ಅಮೆರಿಕದಲ್ಲಿ ನೆಲೆಸಿರುವ ಮೈಸೂರಿನವರಾದ ಯಶಸ್ವಿ ಶಂಕರ್ ಅವರು ತಮ್ಮ ಸಂಸ್ಥೆಯ ಮೂಲಕ ಬೆಂಬಲಕ್ಕೆ ನಿಂತರು. ಅವರೊಂದಿಗೆ ಇನ್ನೂ ಹಲವಾರು ಜನರ ಪ್ರೋತ್ಸಾಹದ ನೆರವಿನ ಫಲವಾಗಿ ತೇಜ್‌ಕುಮಾರ್ ಸಾಧನೆ ಮಾಡಿದ್ದಾರೆ.

ನನ್ನ ಪತ್ನಿ ಲಕ್ಷ್ಮಮ್ಮ, ಸೊಸೆ ಜಯಶ್ರೀ ಅವರ ಬೆಂಬಲವೂ ಮಹತ್ವದ್ದಾಗಿತ್ತು. ಇತ್ತೀಚೆಗಷ್ಟೇ ತೇಜ್‌ ಗಂಡುಮಗುವಿನ ತಂದೆಯಾದ ಸಂಭ್ರಮ ಮನೆಯಲ್ಲಿದೆ. ಈಗ ನಮ್ಮ ಖುಷಿ ಇಮ್ಮಡಿಸಿದೆ. ನಾನು ಗ್ರ್ಯಾಂಡ್‌ಫಾದರ್‌ (ಅಜ್ಜ) ಆದೆ, ನನ್ನ ಮಗ ಗ್ರ್ಯಾಂಡ್‌ಮಾಸ್ಟರ್‌ ಆಗಿದ್ದಾನೆ’ ಎಂದು ನಗುವಿನೊಂದಿಗೆ ಮಾತು ಮುಗಿಸಿದರು.

Read More

Comments
ಮುಖಪುಟ

ಉಕ್ರೇನ್ ರಾಯಭಾರಿ ಕೆಂಪುಕೋಟೆ ಬಳಿ ಫೋಟೊ ಕ್ಲಿಕ್ಕಿಸುತ್ತಿದ್ದಾಗ ಫೋನ್ ಕಿತ್ತು ಪರಾರಿ

ಪೊಲೀಖಾ ಅವರು ಬೆಳಗ್ಗೆ 9.15ರ ಹೊತ್ತಿಗೆ ದೆಹಲಿಯ ಕೆಂಪುಕೋಟೆ ಬಳಿ ಫೋಟೊ ತೆಗೆದುಕೊಳ್ಳುತ್ತಿದ್ದ ವೇಳೆ ಆಗಂತುಕನೊಬ್ಬ ಫೋನ್ ಕಿತ್ತು ಪರಾರಿಯಾಗಿದ್ದಾನೆ.

ಪ್ರಾಚೀನ ಭಾರತದಲ್ಲಿ ದುರ್ಗೆ ರಕ್ಷಣಾ ಸಚಿವೆ, ಲಕ್ಷ್ಮಿ ಹಣಕಾಸು ಮಂತ್ರಿ: ವೆಂಕಯ್ಯನಾಯ್ಡು

ವಿದ್ಯಾರ್ಥಿಗಳು ನಮ್ಮ ಪರಂಪರೆಯ ಬಗ್ಗೆ ಹೆಮ್ಮೆ ಪಡಬೇಕು. ರಾಮರಾಜ್ಯ ಎನ್ನುವುದು ಇಂದಿಗೂ ನಮ್ಮ ಇತಿಹಾಸದ ಶ್ರೇಷ್ಠ ಕಾಲಘಟ್ಟವಾಗಿದೆ. ಅದಕ್ಕೆ ಕಾರಣ ಆ ಆಡಳಿತ ವ್ಯವಸ್ಥೆಯಲ್ಲಿದ್ದ ಆದರ್ಶಗಳು. ಆದರೆ ಇತ್ತೀಚಿನ ದಿನಗಳು ಅದನ್ನು ಕೋಮು ಭಾವ ದೃಷ್ಟಿಯಲ್ಲಿ ನೋಡಲಾಗುತ್ತಿದೆ.

ಆರ್‍ಎಸ್ಎಸ್ ಭಾರತವನ್ನು ಹಿಂದೂ, ಹಿಂದಿ, ಹಿಂದೂಸ್ತಾನವನ್ನಾಗಿಸಲು ಯತ್ನಿಸುತ್ತಿದೆ

ಆರ್‍ಎಸ್ಎಸ್ ರಾಜ್ಯ ಸರ್ಕಾರಗಳನ್ನು ದುರ್ಬಲವಾಗಿಸಲು ಯತ್ನಿಸುತ್ತಿವೆ. ಇದಕ್ಕಾಗಿ ಅವರು ಒಕ್ಕೂಟವಾದವನ್ನು ಒಡೆದು ಹಿಂದಿ, ಹಿಂದೂ, ಹಿಂದೂಸ್ತಾನವನ್ನಾಗಿಸುವ ಉದ್ದೇಶವನ್ನು ಹೇರುತ್ತಿದ್ದಾರೆ. ಬಿಜೆಪಿಯೂ ಇದೇ ರೀತಿ ಮಾಡುತ್ತಿದ್ದು ಅವರ ಈ ಯತ್ನವನ್ನು ವಿಫಲಗೊಳಿಸಬೇಕಿದೆ

‘ಗುಮ್ನಾಮಿ ಬಾಬಾ ಅವರೇ ನೇತಾಜಿ ಎಂದು ಹೆಚ್ಚು ಜನ ನಂಬಿದ್ದರು’

‘ಆಯೋಗದ ಮುಂದೆ ಖುದ್ದಾಗಿ ಇಲ್ಲವೇ ಪತ್ರ ಮುಖೇನ ಮಾಹಿತಿ ನೀಡಿರುವ ಬಹುತೇಕರು ಗುಮ್ನಾಮಿ ಬಾಬಾ ಅವರೇ ನೇತಾಜಿ ಆಗಿದ್ದರು ಎಂದು ಹೇಳಿದ್ದಾರೆ...

ಸಂಗತ

ಆರೋಗ್ಯ ಬೇಕೇ? ಸ್ವಚ್ಛತೆ ಕಾಪಾಡಿ

ಮನುಷ್ಯ ಹಣ ಗಳಿಕೆಗಾಗಿ ಗುಣ ಹಾಗೂ ಆರೋಗ್ಯ ಎರಡನ್ನೂ ಪಣಕ್ಕಿಟ್ಟು ದುಡಿಯುತ್ತಿದ್ದಾನೆ. ಹಾಗೇ ಇವೆರಡನ್ನೂ ಕಳೆದುಕೊಳ್ಳುತ್ತಿದ್ದಾನೆ.

ವಸ್ತುನಿಷ್ಠತೆ ಮೆರೆಯೋಣ

ವ್ಯಕ್ತಿ ನಿಂದೆ ಮಾಡದೆಯೂ ಗಾಂಧಿ ಚಿಂತನೆಗಳ ಪುನರ್ ವ್ಯಾಖ್ಯಾನ ಮಾಡಲು ಸಾಧ್ಯವಿಲ್ಲವೇ? ನಕಾರಾತ್ಮಕ ದೃಷ್ಟಿಯ ಬರವಣಿಗೆಯಿಂದ ಯುವಕರನ್ನು ಹಾದಿ ತಪ್ಪಿಸಿದಂತಾಗುತ್ತದೆ.

ಕರ್ಮಸಿದ್ಧಾಂತ, ಕಾಯಕಸಿದ್ಧಾಂತ ಪೂರ್ಣ ಬೇರೆ

ವೇದವನೋದಿದ ವಿಪ್ರರು ಹೊನಲಲ್ಲಿ ಹೋದ ಕೇಡ ನೋಡಿರೇ!

ಭರ್ಗೋ ದೇವಸ್ಯ ಧೀಮಹಿ ಎಂಬರು

ಒಬ್ಬರಿಗಾಗಿ ವಿಚಾರವಿಲ್ಲ ನೋಡಿರೇ

ಕೂಡಲಸಂಗಮದೇವಾ.

ಇಳೆಯ ನರಳಿಕೆಗೆ ಚಿಕಿತ್ಸೆ

ನಮಗಿರುವುದು ಒಂದೇ ಭೂಮಿ. ಅದನ್ನು ಸೊರಗಿಸಿದರೆ ಬಳಲುವವರು ನಾವೇ ಎನ್ನುವ ಪ್ರಜ್ಞೆ ಮೂಡುವವರೆಗೆ ನರಳಿಕೆ ತಪ್ಪಿದ್ದಲ್ಲ

ಚಂದನವನ

ಹಬ್ಬುವ ಹೆಬ್ಬಯಕೆಯ ಚಿಗುರು ಲತೆ

ಉತ್ತರ ಕನ್ನಡದ ಶಿರಸಿಯಲ್ಲಿ ಹುಟ್ಟಿ ನ್ಯೂಜಿಲೆಂಡ್‌ನಲ್ಲಿ ಬೆಳೆದು ಮತ್ತೀಗ ಚಿತ್ರರಂಗದ ಮೂಲಕ ತವರಿನಲ್ಲಿಯೇ ಬೇರೂರಿ ಬೆಳೆಯುವ ಹಂಬಲದಲ್ಲಿರುವ ಸುಂದರಿ ಲತಾ ಹೆಗಡೆ. ಮಹೇಶ್‌ ಬಾಬು ನಿರ್ದೇಶನದ ‘ಅತಿರಥ’ ಸಿನಿಮಾದ ಮೂಲಕ ಚಂದನವನಕ್ಕೆ ಪದಾರ್ಪಣೆ ಮಾಡಿರುವ ಇವರಿಗೆ ಒಳ್ಳೆಯ ಅವಕಾಶಗಳು ಸಿಕ್ಕರೆ ಇಲ್ಲಿಯೇ ನೆಲೆಯೂರುವ ಬಯಕೆ ಇದೆ.

‘ಹೀರೊಯಿನ್‌’ ಹಾಡು ಪಾಡು

ಹಾಸ್ಯದ ರೂಪದಲ್ಲಿ ಒಂದು ಸಂದೇಶವನ್ನೂ ನೀಡಿದ್ದೇವೆ. ಬದುಕಿನಲ್ಲಿ ಬರುವ ಕಷ್ಟಗಳನ್ನು ಕಾಮಿಡಿಯ ದೃಷ್ಟಿಕೋನದಿಂದಲೇ ನೋಡುವ ಪ್ರಯತ್ನ ಇದು’ ಎಂದು ಬಾಹುಬಲಿ ವಿವರಿಸಿದರು.

ಪೊಲೀಸ್ ದಿರಿಸಿನಲ್ಲಿ ಹುಚ್ಚ ವೆಂಕಟ್

ಈ ಸಿನಿಮಾದಲ್ಲಿ ವೆಂಕಟ್ ಅವರು ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ‘ಪೊಲೀಸರಿಗೆ ಜನ ಬೆಲೆ ಕೊಡುವುದು ಅವರ ಖಾಕಿ ಬಟ್ಟೆ ನೋಡಿ ಅಲ್ಲ. ಬೆಲೆ ಕೊಡುವುದು ಅವರ ಧರಿಸುವ ಪೊಲೀಸ್ ಕ್ಯಾಪ್ ನೋಡಿ’ ಎನ್ನುತ್ತ ಮಾತಿಗೆ ಇಳಿದರು ವೆಂಕಟ್.

ಮತ್ತೆ ಬರುತ್ತಿದ್ದಾನೆ ‘ಕೌರವ’

ಮುಂದಿನ ತಿಂಗಳ 13ರಂದು ಸಿನಿಮಾ ಬಿಡುಗಡೆ ಮಾಡುವ ಉದ್ದೇಶ ಇದೆ. ನಾನು ಹಣ ಮಾಡುವ ಉದ್ದೇಶದಿಂದ ಈ ರಂಗಕ್ಕೆ ಬಂದವನಲ್ಲ. ಒಳ್ಳೆಯ ಸಿನಿಮಾ ಮಾಡಬೇಕು ಎಂಬುದಷ್ಟೇ ನನ್ನ ಉದ್ದೇಶ’ ಎಂದು ನರೇಶ್ ಹೇಳಿಕೊಂಡರು.