ಬೆತ್ತದೇಟಿನ ಮಹಿಮೆ ನಾನೂ ಅರಿತೆ

14 Sep, 2017

ಕೈಯಲ್ಲಿ ಬಡಿಗೆ ಇದೆ ಎಂದರೆ, ಓ ಇವರು ಶಿಕ್ಷಕರು ಎಂದು ಅಂದಾಜಿಸುವ ಕಾಲವೊಂದಿತ್ತು.  ನಾನು ಆಗ ಪ್ರಾಥಮಿಕ ಶಾಲಾ ವಿದ್ಯಾರ್ಥಿ. ನಮಗೊಬ್ಬರು ಮೇಷ್ಟ್ರು ಪರಗೊಂಡಪ್ಪ ಅಂತ. ಬಿಳಿ ಧೋತಿ, ನೆಹರು ಶರ್ಟ್‌ ಅವರ ಉಡುಪು. ಸರಳ ವ್ಯಕ್ತಿತ್ವ. ಆದರೆ ಕೋಪ ಬಂದರೆ ಮುಗೀತು. ಒಂದು ಭಾನುವಾರ ಮಧ್ಯಾಹ್ನ ಅವರು ವಿಶ್ರಾಂತಿ ಪಡೆಯುವ ಸಮಯ.

ಓಣಿಯ ಕೆಲವು ಮಕ್ಕಳು ಸೇರಿ ಅವರ ಮನೆ ಹತ್ತಿರ ಆಟ ಚೀರಾಟ ಮಾಡುತ್ತಾ ಗಲಾಟೆ ಮಾಡುತ್ತಿದ್ದರು. ಕೋಪಗೊಂಡ ಮೇಷ್ಟ್ರು ಎದ್ದು ಬಂದಾಗ ಹುಡುಗರೆಲ್ಲ ಅಲ್ಲಿಂದ ಪರಾರಿ. ಆ ಹುಡುಗರು ಯಾರ‍್ಯಾರೆಂಬುದು ಅವರಿಗೆ ತಿಳಿಯಲಿಲ್ಲ.

ಮರುದಿನ ಶಾಲಾ ಪ್ರಾರ್ಥನೆ ಸಮಯ ನಿನ್ನೆಯ ದಿನ ಗಲಾಟೆ ಮಾಡಿದ ಹುಡುಗರ ಪರೇಡ್‌ಗೆ ಆದೇಶ ನೀಡಿದರು. ಇದನ್ನೆಲ್ಲ ಅರಿತಿದ್ದ ಆ ಗಲಾಟೆ ಹುಡುಗರು ಮಾತ್ರ ನಾಪತ್ತೆ. ಅವರ ದೃಷ್ಟಿ ಬಿದ್ದಿದ್ದು ನನ್ನ ಮೇಲೆ. ನಾನು ಕನಸಿನಲ್ಲಿಯೂ ಊಹಿಸಿರಲಿಲ್ಲ.

ನಿರಪರಾಧಿಯಾದ ನನಗೆ ಈ ಪರಿ ಶಿಕ್ಷೆ ಆಗುತ್ತೆ ಅಂತ. ನನ್ನನ್ನು ಎಳೆದುಕೊಂಡು ಹೋಗಿ ಕಾಲು ಹಿಡಿದು ತಲೆ ಕೆಳಗೆ ಮಾಡಿ ಹಿಡಿದು ಬೆನ್ನ ಮೇಲೆ ಛಡಿ ಏಟಿನ ಚಿತ್ತಾರ ಬಿಡಿಸಿಯೇಬಿಟ್ಟರು. ಮೈಚಳಿ ಬಿಟ್ಟು ಬಡಿದು ಬಿಸಾಕಿದರು. ಇಂದಿಗೂ ಅವರನ್ನು ಕಂಡೊಡನೆ ಆ ಘಟನೆ ಕಣ್ಣ ಮುಂದೆ ಕುಣಿಯುತ್ತದೆ.

ಇನ್ನೊಂದು ಘಟನೆ. ಗಣಿತ ವಿಷಯವೋ ನಮಗೆ ಪರದೇಶಿ ಪರಿಚಿತ. ಗಣಿತ ಮೇಷ್ಟ್ರು ಉಗ್ರ ನರಸಿಂಹ. ಹೀಗೆ ಒಂದು ದಿನ ಗಣಿತ ಲೆಕ್ಕ ಬಿಡಿಸಲು ಹೇಳಿದಾಗ ಮೊದಲ ಬೆಂಚಿನ ವಿದ್ಯಾರ್ಥಿಯಾದ ನಾನು ಹೇಗೋ ಒದ್ದಾಡಿ ಗುದ್ದಾಡಿ ಲೆಕ್ಕ ಬಿಡಿಸಿದೆ. ನನ್ನ ದುರದೃಷ್ಟಕ್ಕೆ ಮೇಷ್ಟ್ರು ನನ್ನ ನೋಟ್‍ಬುಕ್ ಕೈಗೆತ್ತಿಕೊಂಡ ತಕ್ಷಣ ಪೇಜು ಹರಿದು ಅವರ ಕೈ ಸೇರಿತು.

ಅವರ ಕಣ್ಣು ಕೆಂಪಾದವು, ‘ಏನೋ ಇದೇನು ಎಣ್ಣೆ ಚೀಟಿಯಾ?’ ಎಂದು ಹೇಳಿದ್ದೆ ತಡ, ದಪ್ಪನೆಯ ಕೋಲಿನಿಂದ ತಲೆ ಮೇಲೆ ಟಣ್ ಅಂತ ಬಿದ್ದ ಏಟಿಗೆ ಕಣ್ಣು ಕತ್ತಲಾಯಿತು. ಮೆದುಳಿನಿಂದ ಗಣಿತ ಓಡಿ ಹೋಯಿತು, ಮೊದಲ ಬೆಂಚಿನ ಸಹವಾಸ ಬಿಟ್ಟೆ, ಇದೆಲ್ಲದರ ಪರಿಣಾಮ 10ನೇ ತರಗತಿಯಲ್ಲಿ ಗಣಿತ ಬುಡಮೇಲಾಯಿತು. ಆ ಒಂದು ಅಪಜಯದಿಂದ ನಾನು ಅನುಭವಿಸಿದ ನೋವು, ಅವಮಾನ ನನ್ನಲ್ಲಿ ಛಲ ತುಂಬಿತು. ಮುಂದೆ ನಾನು ಚೆನ್ನಾಗಿ ಓದಿ ಶಿಕ್ಷಕನಾದೆ. ಅದೊಂದು ಘಟನೆ ನನ್ನ ಜೀವನಕ್ಕೆ ತಿರುವು ಕೊಟ್ಟಿತ್ತು.

ಕೆಲವು ಬಾರಿ ನಮ್ಮನ್ನು ಗೋಡೆಗೆ ನೇತು ಹಾಕಿ ಕೆಳಗೆ ಮುಳ್ಳು ಕಂಟಿ ಇಟ್ಟು ಶಿಕ್ಷಿಸಿದ್ದೂ ಉಂಟು. ಕೈ ಬಿಟ್ಟರೆ ಕೆಳಗೆ ಮುಳ್ಳು, ಕೈ ಹಿಡಿದುಕೊಂಡರೆ ನೋವು, ಅಬ್ಬಾ! ಭಯಂಕರ. 10 ವರ್ಷಗಳಿಂದ ಶಿಕ್ಷಕನಾಗಿ ಕೆಲಸ ಮಾಡುತ್ತಿರುವ ನಾನು ಈಗ ಸಾಮಾನ್ಯವಾಗಿ ಶಿಕ್ಷಕರಿಗೆ ಕೋಪ ಏಕೆ ಬರುತ್ತದೆ ಎಂಬ ಅಂಶ ಮನದಟ್ಟು ಮಾಡಿಕೊಂಡಿದ್ದೇನೆ. ಶಿಕ್ಷಕರ ಬೆತ್ತದೇಟಿನ ಮಹಿಮೆಯನ್ನು ನಾನೂ ಅರಿತುಕೊಂಡಿದ್ದೇನೆ.
–ಗಂಗಾಧರ ಗು ಹಿರೇಮಠ ಕೂಡಲಸಂಗಮ

*
ಬರ್ಲಿನ ಭಯದಿಂದ ಪಾಸಾದೆ
ಅದೇ ತಾನೆ ಪ್ರಾಥಮಿಕ ಶಿಕ್ಷಣ ಮುಗಿಸಿ ಪ್ರೌಢ ಶಾಲೆಗೆ ಹಾಜರಾದೆ. ಉಂಡಾಡಿ ಗುಂಡನಂತಿದ್ದ ನಾನು, ಶಾಲೆಗೆ ಹೋಗೋಣ, ಮನೆಗೆ ಬರೋಣ ಅಷ್ಟೇ. ಗೊತ್ತಿರೋ ಈ ಎರಡು ವಿದ್ಯೆಗಳು ಬಹಳ ದಿನ ಉಳಿದು ಬೆಳೆಯಲಿಲ್ಲ. ಕಾರಣ ಹೈಸ್ಕೂಲಲ್ಲಿ ನೀಡುತ್ತಿದ್ದ ಛಡೀಯೇಟುಗಳು.

ಅಂದು ಶನಿವಾರ ಸಾಮೂಹಿಕ ಕವಾಯತು ತೆಗೆದುಕೊಂಡಿದ್ದ ದೈಹಿಕ ಶಿಕ್ಷಕರು ಅಶಿಸ್ತಿನ ನನ್ನ ವರ್ತನೆಗೆ ವಿಷಲ್ ಹಾಕಿಕೊಂಡ ವೈರಿಂದ ಕೊಟ್ಟ ಏಟುಗಳು ಹೇಗಿದ್ದವೆಂದರೆ ಮರಳಿ ಓಡಿಹೋಗುವಷ್ಟು. ಜೋರಾಗಿ ‘ಎವ್ವಾ’ ಎಂದು ಕೂಗಿದೆ. ಮತ್ತೆರಡು ಬಿದ್ದವು. ಮತ್ತೆ ಕೂಗಿದರೆ ಮತ್ತೆ ಮತ್ತೆ ಬೀಳುತ್ತವೆಂದು ಖಚಿತವಾಯಿತು.

ನೋವನ್ನು ಒತ್ತಿ ಹಿಡಿದುಕೊಂಡು ಅವರ ಕಟ್ಟಾಜ್ಞೆಯನ್ನು ಪಾಲಿಸಿದೆ. ಮನೆಗೆ ಹೋದಾಗಲೂ ಕೊಟ್ಟ ಏಟುಗಳು ಆಗಾಗ ನೆನಪಿಸುವಂತಿತ್ತು. ಈ ವಿಷಯ ಮನೆಯಲ್ಲಿ ಹೇಳುವಂತಿರಲಿಲ್ಲ. ಹೇಳಿದರೆ ಅವ್ವನಿಂದ ಬೈಗುಳದ ಉಡುಗೊರೆ. ಏನೂ ಆಗಿಯೇ ಇಲ್ಲವೆಂಬಂತೆ ಇರಬೇಕಿತ್ತು.

ಹೀಗೆ ಆರಂಭವಾದ ಪ್ರೌಢ ಶಿಕ್ಷಣದ ಶಿಕ್ಷೆ ಪ್ರತಿ ವಿಷಯದ ಶಿಕ್ಷಕರಿಂದಲೂ ಸಿಗುತ್ತಿದ್ದವು. ಒಬ್ಬೊಬ್ಬರ ಕೈ ರುಚಿ ಒಂದೊಂದು ರೀತಿ. ಆದರೆ ಎಲ್ಲವೂ ಬಾಡದೂಟಗಳೇ. ಅರಗಿಸಿಕೊಳ್ಳಲು ವಾರಗಳೇ ಬೇಕಾಗಿದ್ದವು. ಒಬ್ಬೊಬ್ಬರಿಗೆ ಒಂದೊಂದು ಕೋಲು, ಹಸಿ ಬರ್ಲು ಸಾಕಾಗುತ್ತಿರಲಿಲ್ಲ. ಅವು ಮುರಿಯುವವರೆಗೂ ಶಿಕ್ಷೆ ನಿಲ್ಲುತ್ತಿರಲೇ ಇಲ್ಲ. ಶಿಕ್ಷೆಯ ಪ್ರಮಾಣ ಏರುತ್ತಿದ್ದಂತೆ ನನ್ನ ವಿದ್ಯಾಭ್ಯಾಸವು ಕೊಂಚ ಕೊಂಚ ಏರಿಕೆಯಾಗುತ್ತಾ ಸಾಗತೊಡಗಿತು.

ಫೇಲಾಗುವ ವಿದ್ಯಾರ್ಥಿಯಾಗಿದ್ದ ನಾನು ಹತ್ತನೇ ತರಗತಿ ಪಾಸಾದೆ ಎಂದರೆ ಅದು ಶಿಕ್ಷೆಯ ಭಯದಿಂದಲೇ. ಈಗ ನಾನೂ ಶಿಕ್ಷಕನಾಗಿದ್ದೇನೆ. ಇದಕ್ಕೆಲ್ಲ ಕಾರಣ ನಾನು ಪಡೆದ ಛಡೀಯೇಟಲ್ಲದೆ ಇನ್ನೇನಲ್ಲ.
– ವೆಂಕಟೇಶ ಬಂಡೇರ,ಹಾವೇರಿ

*
ಪೆಟ್ಟುಗಳು ತಿದ್ದಿದ ಬದುಕು
ನನ್ನೂರು ತೂಬಿನಕೆರೆಯಿಂದ ಸುಮಾರು ನಾಲ್ಕೈದು ಕಿ.ಮೀ.ಗಳ ದೂರದಲ್ಲಿರುವ ಮಾಯಣ್ಣನ ಕೊಪ್ಪಲು. ಮಳೆ ಬಿಸಿಲೆನ್ನದೆ ಕಾಲುದಾರಿಯಲ್ಲಿ ನಡೆದು ಹೋಗಿ ಗುಡಿಸಲಿನ ತರಗತಿಗಳಲ್ಲಿ ಕಲಿತ ಕಠಿಣ ಶಿಕ್ಷಣ ನನ್ನ ಬದುಕನ್ನ ಕಟ್ಟಿಕೊಳ್ಳಲು ಪೂರಕ ಹಾಗೂ ಪ್ರೇರಕವಾಯ್ತು.

ನನ್ನ ಗಲಾಟೆ, ತಲೆಹರಟೆ ಹಾಗೂ ಓದು ಬರಹದೆಡೆಗಿನ ತಾತ್ಸಾರದಿಂದ ನನಗೆ ಆಗಾಗ ಬೆತ್ತದ ಹಾಗೂ ಮಾತಿನ ಪೆಟ್ಟನ್ನು ನೀಡಿ ತಿದ್ದಿರುವ ಗುರುವೃಂದ ಹೃದಯಾಂತರಾಳದಲ್ಲಿ ಇಂದಿಗೂ ದೊಡ್ಡ ಸ್ಥಾನ ಪಡೆದಿದೆ.

ಲೆಕ್ಕದ ತಪ್ಪಿನಿಂದಾಗಿ ಸಿಟ್ಟಿನಿಂದ ಕೊಟ್ಟ ಭಾರೀ ಪೆಟ್ಟಿನಿಂದ ತಲೆಯಿಂದ ಚಿಮ್ಮಿದ ರಕ್ತವನ್ನು ತಡೆಯಲು ಟೇಬಲ್‌ ಮೇಲೆ ಮಲಗಿಸಿ ಸೀಮೆಸುಣ್ಣದ ಪುಡಿ ಮೆತ್ತಿ ಸಂತೈಸಿದ ಗಣಿತದ ಮೇಷ್ಟ್ರ ಕಲಿಕಾ ಮತ್ತು ಸೇವಾ ಗುಣವನ್ನು ನಾನಿನ್ನೂ ಮರೆತಿಲ್ಲ.

ಅಂಗೈ ಮಡಚಿ ಮುಂಗೈ ಮೇಲ್ಭಾಗದ ಬೆರಳುಗಳಿಗೆ ಬಲವಾಗಿ ಬಡಿಯುತ್ತಿದ್ದ ವಿಜ್ಞಾನದ ಗುರುಗಳು, ಬೆತ್ತದ ಪೆಟ್ಟಿಗಿಂತ ಮಾತಿನ ಪೆಟ್ಟಿನಿಂದಲೇ ಚುರುಕು ಮುಟ್ಟಿಸಿ ತಿದ್ದಿದ ಕನ್ನಡ ಮತ್ತು ಸಮಾಜ ಗುರುಗಳು, ಎನ್‌.ಸಿ.ಸಿ. ಪಥ ಸಂಚಲನದಲ್ಲಿ ತಪ್ಪಾದಾಗ ಅಟ್ಟಾಡಿಸಿ ಒಡೆಯುತ್ತಿದ್ದ ಪಾಲ್‌ ಮಾಸ್ಟರ್‌ ಇವರೆಲ್ಲರೂ ನನ್ನ ಭವಿಷ್ಯ ರೂಪಿಸಿದ ರೂವಾರಿಗಳೆಂದರೆ ಉತ್ಪ್ರೇಕ್ಷೆಯಾಗಲಾರದು.

ಬೆತ್ತದ ಹಾಗೂ ಮಾತಿನ ಪೆಟ್ಟನ್ನು ನೀಡಿ ಸನ್ಮಾರ್ಗ ತೋರಿದ ಗುರುಗಳು ಒಂದೆಡೆಯಾದರೆ, ಮನೆಯಲ್ಲಿ ಆಗಾಗ ಪೊರಕೆ ಏಟನ್ನು ಕೊಟ್ಟು ತಿದ್ದಿದ ನನ್ನವ್ವ ನಿಂಗಮ್ಮ ನನ್ನ ಪಾಲಿನ ಆದರ್ಶ ಗುರು.
–ತೂಬಿನಕೆರೆ ಲಿಂಗರಾಜು, ಮಂಡ್ಯ

Read More

Comments
ಮುಖಪುಟ

ಸಾರ್ವಜನಿಕವಾಗಿ ಸುಳ್ಳು ಹೇಳಿದ ಶಾ

‘ಕಾಂಗ್ರೆಸ್ ಶಾಸಕ ಎನ್‌.ಎ.ಹ್ಯಾರಿಸ್‌ ಮಗ ಮೊಹಮದ್‌ ನಲಪಾಡ್‌ನಿಂದ ಹಲ್ಲೆಗೊಳಗಾಗಿರುವ ವಿದ್ವತ್‌ ನಮ್ಮ ಕಾರ್ಯಕರ್ತ’ ಎಂದು ಮಂಗಳವಾರ ಮಧ್ಯಾಹ್ನ ಬಿ.ಸಿ.ರೋಡ್‌ನಲ್ಲಿ ಹೇಳಿಕೆ ನೀಡಿದ್ದ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ, ಸಂಜೆಯ ವೇಳೆಗೆ ಸುರತ್ಕಲ್‌ನಲ್ಲಿ ಅದನ್ನು ಹಿಂಪಡೆದು ಉದ್ದೇಶಪೂರ್ವಕ ವಾಗಿ ಸುಳ್ಳು ಹೇಳಿರುವುದಾಗಿ ಸ್ಪಷ್ಟನೆ ನೀಡಿದರು.

ಅಧಿಕ ಶುಲ್ಕ ವಸೂಲಿ: ಖಾಸಗಿ ಆಸ್ಪತ್ರೆಗಳ ಹಗಲು ದರೋಡೆ

ಔಷಧ, ವೈದ್ಯಕೀಯ ಸಲಕರಣೆಗಳಿಗಾಗಿ ಅಸಹಾಯಕ ರೋಗಿಗಳಿಂದ ಶೇ 1,192 ರಷ್ಟು ಹೆಚ್ಚಿಗೆ ಹಣವನ್ನು ಖಾಸಗಿ ಆಸ್ಪತ್ರೆಗಳು ಲೂಟಿ ಮಾಡಿವೆ ರಾಷ್ಟ್ರೀಯ ಔಷಧ ಬೆಲೆ ನಿಯಂತ್ರಣ ಪ್ರಾಧಿಕಾರ (ಎನ್‌ಪಿಪಿಎ) ವರದಿ ಹೇಳಿದೆ.

ಮುಖ್ಯ ಕಾರ್ಯದರ್ಶಿ ಮೇಲೆ ಎಎಪಿ ಶಾಸಕರ ಹಲ್ಲೆ?

ದೆಹಲಿ ಮುಖ್ಯಮಂತ್ರಿ ಅರವಿಂದ್‌ ಕೇಜ್ರಿವಾಲ್‌ ನಿವಾಸದಲ್ಲಿ ಸೋಮವಾರ ರಾತ್ರಿ ಆಮ್‌ ಆದ್ಮಿ ಪಕ್ಷದ(ಎಎಪಿ) ಇಬ್ಬರು ಶಾಸಕರು ತಮ್ಮ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ದೆಹಲಿ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಅಂಶು ಪ್ರಕಾಶ್‌ ಆರೋಪಿಸಿದ್ದಾರೆ.

ಪಾಲಿಕೆ ಕಚೇರಿಯಲ್ಲಿ ಕಾಂಗ್ರೆಸ್ ಮುಖಂಡನ ದರ್ಪ

ವಿವಾದಿತ ಜಮೀನಿಗೆ ಖಾತೆ ಮಾಡಿಕೊಡದ ಕಾರಣಕ್ಕೆ ಹೊರಮಾವು ಬಿಬಿಎಂಪಿ ಕಚೇರಿಗೆ ನುಗ್ಗಿ ದಾಂದಲೆ ನಡೆಸಿರುವ ಕಾಂಗ್ರೆಸ್‌ನ ಕೆ.ಆರ್‌.ಪುರ ಬ್ಲಾಕ್‌ ಮಾಜಿ ಅಧ್ಯಕ್ಷ ನಾರಾಯಣಸ್ವಾಮಿ, ದಾಖಲೆಗಳ ಮೇಲೆ ಪೆಟ್ರೋಲ್ ಎರಚಿ ಬೆಂಕಿ ಹಚ್ಚಲು ಯತ್ನಿಸಿದ್ದಾರೆ.

ಸಂಗತ

ಮಾರುತ್ತರ ನೀಡಲು ಸಾಧ್ಯವೇ?

ನುಡಿಯ ಬಗೆಗೆ ಸಚಿವ ಅನಂತಕುಮಾರ ಹೆಗಡೆ ಹೇಳಿಕೆ ನೀಡುವ ಮೊದಲು ತಾವು ಪ್ರತಿನಿಧಿಸುವ ಕ್ಷೇತ್ರವಾದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ತಮಗೆ ಮತ ನೀಡಿದ ಜನರು ಬಳಸುತ್ತಿರುವ ವಿವಿಧ ಬಗೆಯ ಉಪಭಾಷೆಗಳ ಬಗೆಗೆ ಮಾಹಿತಿಯನ್ನಾದರೂ ಪಡೆದಿದ್ದರೆ ಚೆನ್ನಾಗಿರುತ್ತಿತ್ತು

ಅಸಾಮಾನ್ಯ ಅಸಭ್ಯರು

ಹಿಂದೊಮ್ಮೆ ರೈತರು ಹಾಗೂ ಶರಣರೂ ಎರಡೂ ಆಗಿದ್ದ ಯಡಿಯೂರಪ್ಪನವರು ನಿಮ್ಮ ಮಾತನ್ನು ಖಂಡಿತವಾಗಿ ಕೇಳಿಸಿಕೊಂಡಾರು. ಒಟ್ಟು ಕತೆಯ ನೀತಿಯೆಂದರೆ ಭಾರತೀಯ ರಾಜಕಾರಣವನ್ನು ಯುಬಿ ಸಿಟಿ ಬಾರುಗಳಿಂದ ಕೆಳಗಿಳಿಸಿ ತರಬೇಕಾದ ಜರೂರು ತುಂಬ ಇದೆ!

ಅರಣ್ಯ ಪರಿಸ್ಥಿತಿ ವರದಿ ಮತ್ತು ನೈಜ ಸ್ಥಿತಿ

ಅರಣ್ಯ ಪ್ರದೇಶ ಹೆಚ್ಚಳದ ಹಿಂದಿನ ಹಾಗೂ ಸಮಾಜೋ-–ಆರ್ಥಿಕ ಆಯಾಮಗಳು ಮತ್ತು ಇಲಾಖೆಯ ಆಡಳಿತಾತ್ಮಕ ಜವಾಬ್ದಾರಿಯನ್ನು ವರದಿ ಚರ್ಚಿಸುವುದಿಲ್ಲ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ವಾಣಿಜ್ಯ

‘ಟಿಟಿಕೆ ಪ್ರೆಸ್ಟೀಜ್’ ಯಶೋಗಾಥೆ

ಟಿಟಿಕೆ ಗ್ರೂ‍ಪ್‌ನ ಅಂಗಸಂಸ್ಥೆಯಾಗಿರುವ ‘ಟಿಟಿಕೆ ಪ್ರೆಸ್ಟೀಜ್‌’, ಬರೀ ಪ್ರೆಷರ್‌ ಕುಕ್ಕರ್‌ ತಯಾರಿಕೆ ಸಂಸ್ಥೆ ಎನ್ನುವ ಗ್ರಾಹಕರ ನಂಬಿಕೆ ಬದಲಿಸಲು ಸಾಕಷ್ಟು ಶ್ರಮಪಟ್ಟಿದೆ. ಪ್ರೆಷರ್‌ ಕುಕ್ಕರ್‌ನಿಂದ ಹಿಡಿದು ವೈವಿಧ್ಯಮಯ ಉತ್ಪನ್ನಗಳ ಮೂಲಕ ಗ್ರಾಹಕರ ಮನ ಗೆದ್ದಿದೆ.

ಗುಂಪು ವಿಮೆ: ಜತೆಗಿರಲಿ ಇನ್ನೊಂದು ವಿಮೆ

ಕಾರ್ಪೊರೇಟ್‌ ಗುಂಪು ಆರೋಗ್ಯ ವಿಮೆ ಖಂಡಿತವಾಗಿಯೂ ಒಳ್ಳೆಯ ಉಪಕ್ರಮ.  ಹೆಚ್ಚುತ್ತಿರುವ ಆರೋಗ್ಯ ವೆಚ್ಚಗಳನ್ನು ನಿಭಾಯಿಸಲು  ಗುಂಪು ವಿಮೆಯ ಫಲಾನುಭವಿಗಳು  ಪ್ರತ್ಯೇಕ ಸ್ವತಂತ್ರ ವಿಮೆ ಮಾಡಿಸುವುದರಿಂದ ದೊರೆಯುವ ಪ್ರಯೋಜನಗಳನ್ನು ಇಲ್ಲಿ ವಿವರಿಸಲಾಗಿದೆ.

‘ಎಸ್‍ಎಂಇ’ಗಳ ಡಿಜಿಟಲೀಕರಣಕ್ಕೆ ಸೂಕ್ತ ಸಮಯ

ತಂತ್ರಜ್ಞಾನ ಸ್ಟಾರ್ಟ್‌ಅಪ್‍ಗಳ ಚಿಗುರೊಡೆಯುವಿಕೆ ಹಾಗೂ ಡಿಜಿಟಲ್ ಪಾವತಿಯ ಅಳವಡಿಕೆ ವಿಷಯದಲ್ಲಿ ದಕ್ಷಿಣ ಭಾರತ  ಮುಂಚೂಣಿಯಲ್ಲಿದೆ. ತಂತ್ರಜ್ಞಾನದ ಬೆಂಬಲದಿಂದ  ಇಲ್ಲಿಯ ಹಲವು ಉದ್ಯಮಗಳು  ತಮ್ಮ ವ್ಯವಹಾರವನ್ನು ವಿಸ್ತರಿಸಿವೆ.

ಹಣಕಾಸು ಯೋಜನೆ ಮೇಲೆ ಬಜೆಟ್‌ ಪರಿಣಾಮ

ಕೇಂದ್ರ ಸರ್ಕಾರದ ಬಜೆಟ್‌ ನಿಮ್ಮ ಹಣಕಾಸಿನ ಯೋಜನೆಗಳನ್ನು ಬದಲಾಯಿಸುತ್ತದೆಯೇ ಎನ್ನುವ ಅನುಮಾನಗಳಿಗೆ ಸಂಬಂಧಿಸಿದಂತೆ ವೈಭವ್‌ ಅಗರ್‌ವಾಲ್‌ ವಿವರಗಳನ್ನು ನೀಡಿದ್ದಾರೆ.

ತಂತ್ರಜ್ಞಾನ

ವಾಟ್ಸ್ ಆ್ಯಪ್‌ನಲ್ಲಿ ಹೀಗೂ ಇವೆ ಸುಲಭ ಉಪಾಯಗಳು

ವಾಟ್ಸ್‌ಆ್ಯಪ್‌ನಲ್ಲಿ ಫೋಟೊ ಕಳಿಸಿದರೆ ರೆಸೊಲ್ಯೂಷನ್ ಹೊರಟು ಹೋಗುತ್ತದೆ ಎಂದು ಹೇಳುವುದನ್ನು ಕೇಳಿದ್ದೇವೆ. ಆದರೆ ರೆಸೊಲ್ಯೂಷನ್ ಕಡಿಮೆಯಾಗದಂತೆ ಫೋಟೊಗಳನ್ನು ವಾಟ್ಸ್ ಆ್ಯಪ್ ನಲ್ಲಿಯೂ ಕಳುಹಿಸಬಹುದು.

ಮಾತೇ ಮಂತ್ರವಾದಾಗ!

ನಿತ್ಯ ಬಳಸುವ ಸಾಧನಗಳು ಮತ್ತು ಉಪಕರಣಗಳ ಜತೆ ಮಾತನಾಡಿಸುವಷ್ಟು ತಂತ್ರಜ್ಞಾನ ಅಭಿವೃದ್ಧಿಯಾಗಿದೆ. ಇಷ್ಟು, ದಿನ ಬಳಸುತ್ತಿದ್ದ ಟೆಕ್ಸ್ಟ್... ಕಮಾಂಡ್‌... ಟಚ್‌ಸ್ಕ್ರೀನ್ ತಂತ್ರಜ್ಞಾನಗಳನ್ನೂ ಮೀರಿ ಈಗ ಮಾತುಗಳೇ ಇನ್‌ಪುಟ್ಸ್‌ ಆಗಿ ಬದಲಾಗಿವೆ.

ಫೇಕ್‍ ನ್ಯೂಸ್ ಬಗ್ಗೆ ಎಚ್ಚರವಿರಲಿ

ಸುಳ್ಳು ಸುದ್ದಿಗಳು ಹೆಚ್ಚಾಗಿ ಆಕರ್ಷಕ ಶೀರ್ಷಿಕೆಗಳನ್ನು ಹೊಂದಿರುತ್ತವೆ. ಈ ಸುದ್ದಿಗಳ ಶೀರ್ಷಿಕೆಗಳು ನೋಡಿದ ಕೂಡಲೇ ಓದುಗರಲ್ಲಿ ಕುತೂಹಲ ಹುಟ್ಟಿಸುವಂತಿದ್ದು, ಒಳಗಿರುವ ಸುದ್ದಿಯಲ್ಲಿ ಶೀರ್ಷಿಕೆಯಲ್ಲಿ ಹೇಳಿದಂತೆ ಇರುವ ವಿಷಯಗಳು ಇರುವುದಿಲ್ಲ.

ಕಣ್ಣೀರಿನಿಂದ ಮಧುಮೇಹ ನಿಯಂತ್ರಣ?

ದೇಹದಲ್ಲಿರುವ ಸಕ್ಕರೆ ಅಂಶವನ್ನು ನಿಯಂತ್ರಣದಲ್ಲಿಡುವುದಕ್ಕಾಗಿ, ಇನ್ಸುಲಿನ್ ಚುಚ್ಚು ಮದ್ದು ಬಳಸುವುದು ಅನಿವಾರ್ಯವಾಗಿರುತ್ತದೆ.