ಜಾಣ್ವಕ್ಕಿಗಳ ಪ್ರಣಯ

10 Oct, 2017

*ಶಶಿಧರಸ್ವಾಮಿ ಹಿರೇಮಠ

ಮನುಷ್ಯನ ಮಾತುಗಳನ್ನು ಅನುಕರಿಸುವ ಶಕ್ತಿ ಇರುವ ಪಕ್ಷಿ ಎಂದರೆ ಗಿಳಿ. ಗಿಳಿಗೆ ಮಾತನಾಡುವ ಪಕ್ಷಿ ಎಂತಲೂ ಕರೆಯುತ್ತಾರೆ. ಇದರ ಜಾಣತನಕ್ಕೆ ಮೆಚ್ಚಿದ ಸಂತ ಕನಕದಾಸರು ತಮ್ಮ ಮೋಹನ ತರಂಗಿಣಿ ಕಾವ್ಯದಲ್ಲಿ ಗಿಣಿಯನ್ನು ಜಾಣ್ವಕ್ಕಿ ಎಂದು ಕರೆದಿರುವುದು ಅದರ ಹಿರಿಮೆಯನ್ನು ಎತ್ತಿ ತೋರಿಸುತ್ತದೆ. ಇಂತಹ ಜಾಣ್ವಕ್ಕಿಗಳ ಪ್ರಣಯದ ನೋಟಗಳು ಒಂದು ದೃಶ್ಯಕಾವ್ಯ.

ಅದು ಹಾವೇರಿ ಜಿಲ್ಲೆಯ ಕದರಮಂಡಲಗಿಯ ಹೊಲ. ಒಂಟಿತನಕ್ಕೆ ಮಂಗಳ ಹಾಡಿ ಆ ಎರಡು ಜಾಣ್ವಕ್ಕಿಗಳು ಆಗತಾನೆ ಗಾಂಧರ್ವ ವಿವಾಹ ಮಾಡಿಕೊಂಡು ಧರೆಗಿಳಿದಿದ್ದವು. ಆ ಕಲ್ಪವೃಕ್ಷದ ಮೇಲೆ ಮೊದಲಿಗಳಾಗಿ ನಾಚುತ್ತಾ ಮಧುಮಗಳ ಆಗಮನ. ಸುರಸುಂದರಾಂಗನಾದ ಕೊರಳಲ್ಲಿ ಕೆಂಪನೆ ಹಾರ ಧರಿಸಿದ ವರ ಸಹ ಕ್ಷಣಾರ್ಧದಲ್ಲೇ ಬಂದಿಳಿದ. ಆಗ ಇಬ್ಬರೂ ಪ್ರಣಯ ಕೂಟಕ್ಕೆ ಉತ್ಸುಕವಾಗಿರುವಂತೆ ಭಾಸವಾಗುತ್ತಿತ್ತು. ಆ ಕಲ್ಪವೃಕ್ಷದ ಗರಿಯು ರತ್ನಖಚಿತ ಮಂಚವಲ್ಲದಿದ್ದರೂ, ಮೃದುವಾದ ಹಾಸಿಗೆ, ಹೂವಿನ ಪಕಳೆಗಳ ಝಗಮಗಿಸುವ ಮುತ್ತಿನ ಶೃಂಗಾರ ಅಲ್ಲಿಲ್ಲದಿದ್ದರೂ ಭೂರಮೆಯ ಹಚ್ಚಹಸಿರು, ವಿಶಾಲ ನೀಲಾಕಾಶದ ಶೃಂಗಾರವನ್ನು ನೋಡಿ ಆ ನವದಂಪತಿ ಹಿಗ್ಗಿದರು.

ನಾಚಿದ ಅವಳನ್ನು ನೋಡಿದ ವರ, ಒಂದೊಂದೆ ಹೆಜ್ಜೆ ಹಾಕುತ್ತಾ ಅವಳ ಸನಿಹಕ್ಕೆ ಬಂದು, ಒಮ್ಮೆ ತನ್ನ ಕೊರಳು ಎತ್ತಿ ಅವಳನ್ನು ದಿಟ್ಟಿಸಿ ನೋಡಿ ಇನ್ನೂ ಸನಿಹಕೆ ಬಂದ. ಪ್ರಿಯತಮೆಯ ತಲೆಯನ್ನು ತನ್ನ ಬಾಗಿದ ನುಣುಪಿನ ಕೊಕ್ಕಿನಿಂದ ಮೃದುವಾಗಿ ಹಿಡಿದು ಮುತ್ತಿಟ್ಟು ಸಂತಸಪಟ್ಟ. ಬಾಗಿದ ನುಣುಪಿನ ಗಲ್ಲ ಹಿಡಿದು, ಕೊಂಕಿದ ಕೂದಲನ್ನು ತಿದ್ದಿ, ಕೆಂದುಟಿಯನ್ನು ಮೃದುವಾಗಿ ಕುಕ್ಕಿ ಮತ್ತೊಮ್ಮೆ ಮುತ್ತಿಕ್ಕಿದ. ಸೊಗದ ಸೊನೆ ಈಂಟಿ ಮತ್ತೇರಿದ ಹಾಗೆ ಅವರಿಬ್ಬರು ಕಂಡುಬಂದರು.

ಪ್ರಿಯತಮನು ಚುಂಬಿಸಿದಾಗ ಅವನ ಬಾಯೊಳಕ್ಕೆ ಅರೆಗಳಿಗೆಯಲ್ಲಿ ಹೋಳುಗಳನ್ನು ತುಂಬಿ ದಳು ವಧು. ಚುಂಬನಕ್ಕೆ ಪ್ರತಿ ಚುಂಬನದ ಮುಯ್ಯಿ ತೀರಿಸುವ ತವಕದಲ್ಲಿ ನಲ್ಮೆಯ ಆ ತಾಣದಲ್ಲಿ ಕಾಮಾಂಬು ತುಂಬಿ ತುಳುಕಿತು. ತಳಮಳ ತಬ್ಬಿಬ್ಬುಗಳ ಭ್ರಾಂತಿಗೆ ಒಳಗಾದವಳೊಡನೆ ಕಾಮಕ್ರಾಂತಿಗಿದೇ ಸುಸಮಯವೆಂದು ತಿಳಿದ ವರ ಸೈರಣೆಯಿಂದ ಬಿಗಿದಪ್ಪಿ ಮುದ್ದಾಡಿದ. ಎರಡೂ ದೇಹಗಳು ಒಂದಾಗಿ ಬೆಸೆದು ಕೊಂಡವು. ಅಪ್ಪಿದ ತೋಳುಗಳು ಕಂಬಕ್ಕೆ ಹಬ್ಬಿದ ಲತೆಯಂತೆ ಗೋಚರಿಸಿದವು.

ಗಾಡ ಕೂಟ ಶಕ್ತಿಯಿಂದ ಸುಂದರಾಂಗ ಹಿಂದುಮುಂದು ನೋಡದೆ ಹುಮ್ಮಸ್ಸಿನ ಧ್ವನಿ ಸೂಸುತ್ತಾ ಕೂಟದಲಿ, ಜೊತೆಗಾತಿ ಕೊರಳಿನಲ್ಲಿ ನಸೆಯ ಚೀರ್ದನಿ ತುಸು ಮಾರ್ದನಿಸಿದ. ಮುಚ್ಚಿಕೊಂಡ ಇಬ್ಬರ ಕಣ್ಣುಗಳು, ಸದ್ದುಮಾಡದ ಪಿಸು ಲಲ್ಲೆ ಮಾತುಗಳು, ಜೊತೆಗೆ ಬೆಸುಗೆಗೊಂಡ ಅಪ್ಪುಗೆಯಿಂದ ಮೂರ್ಛೆ ಹೋಗಿ, ಮಳೆಬಂದು ಸುರಿದ ನಂತರ ಭೂತಾಯಿಯ ಸ್ತಬ್ಧದ ಹಾಗೆ ಇವರು ಮೌನಕ್ಕೆ ಒಳಗಾದರು. ಬಳಲಿ ಬೆಂಡಾದ ಕಣ್ಣು, ಬಡಿದುಕೊಳ್ಳುವ ಅಳ್ಳೆಯ ನಿಟ್ಟುಸಿರಿನಿಂದ ಶಕ್ತಿಕುಂದಿದ ಭಾವಪರವಶತೆಯಿಂದ ನವದಂಪತಿ ಮತ್ತೆ ಎಚ್ಚೆತ್ತು ಪ್ರಣಯವನ್ನು ಪೂರ್ಣಗೊಳಿಸಿದರು. ⇒ಚಿತ್ರಗಳು: ಲೇಖಕರವು

***
ಏಕಪತ್ನಿ ವ್ರತಸ್ಥ!

ಗುಲಾಬಿ ಕೊರಳಿನ ಗಿಳಿ, ಗೊರವಂಕ ಗಾತ್ರದ ನೀಳ ಬಾಲದ ಹಸಿರು ಪಕ್ಷಿ. ಗಂಡು ಪಕ್ಷಿಯು, ತುದಿಯಲ್ಲಿ ತುಸು ಬಾಗಿದ ಕೆಂಪು ಮೊಂಡಾದ ಕೊಕ್ಕು, ಕೊರಳಿನ ಸುತ್ತ ಗುಲಾಬಿ-ಕೆಂಪು ವರ್ಣದ ಉಂಗುರ, ಗಿಡ್ಡ ಕಾಲು, ಬೂದು ನೀಳವಾದ ಹಸಿರು ಬಾಲ ಹೊಂದಿರುತ್ತದೆ. ಹೆಣ್ಣಿಗೆ ಕೊರಳಿನಲ್ಲಿ ಕೆಂಪು ಉಂಗುರದ ಪಟ್ಟಿ ಇರುವುದಿಲ್ಲ. ಇವು ಸಾಮಾನ್ಯವಾಗಿ ಜನವಸತಿ ಪ್ರದೇಶ, ಕೃಷಿ ಭೂಮಿ, ತೋಟ, ಕುರುಚಲು ಕಾಡುಗಳಲ್ಲಿ ಕಂಡುಬರುತ್ತವೆ. ಸರ್ವೇಸಾಮಾನ್ಯವಾಗಿ ಇವು ಮಾನವನ ಧ್ವನಿಯನ್ನು ಅನುಕರಿಸಬಲ್ಲವು. ಇವುಗಳಿಗೆ ಧ್ವನಿಪೆಟ್ಟಿಗೆ ಇರುವುದಿಲ್ಲ. ಹೀಗಾಗಿ ಇವು ಹೊರಡಿಸುವ ಧ್ವನಿಯು ಶಿಳ್ಳೆಯಂತೆ ಕಿರ್‍ರ್...ಕಿರ್‍ರ್... ಕಿರ್‍ರ್...ಎಂದು ಕೇಳುತ್ತದೆ.

ಇವುಗಳು ಹಣ್ಣು, ಮಕರಂದ, ಮೊಗ್ಗು ಮತ್ತು ಬೀಜಗಳನ್ನು ಆಹಾರವಾಗಿ ಭಕ್ಷಿಸುತ್ತವೆ, ಸಾಮಾನ್ಯವಾಗಿ ಇವು ಏಕಪತ್ನಿ ವ್ರತಸ್ಥರಂತೆ ಜೀವನಪೂರ್ತಿ ಒಂದೇ ಸಂಗಾತಿಯೊಂದಿಗೆ ಜೀವನ ನಡೆಸುತ್ತವೆ. ಇವುಗಳ ಸಂತಾನೋತ್ಪತ್ತಿ ಕ್ರಿಯೆಯು ಫೆಬ್ರುವರಿಯಿಂದ ಏಪ್ರಿಲ್ ತಿಂಗಳಲ್ಲಿ ನಡೆಯುತ್ತದೆ. ಒಣಗಿದ ಮರಗಳ ಪೊಟರೆಯಲ್ಲಿ ಗೂಡು ಕಟ್ಟಿ 4-6 ಬಿಳಿ ಮೊಟ್ಟೆಗಳನ್ನಿಟ್ಟು ಮರಿ ಮಾಡಿಸಿ ವಂಶಾಭಿವೃದ್ಧಿ ಮಾಡುತ್ತವೆ.

Read More

Comments
ಮುಖಪುಟ

ದಮ್ಮನಿಂಗಲದಿಂದ ಶ್ರೀನಗರದವರೆಗೆ...

ಹೌದು, ವಿಂಧ್ಯಗಿರಿಯ ಆಸುಪಾಸಿನಲ್ಲೇ ಇರುವ ದಮ್ಮನಿಂಗಲ ಎಂಬ ಪುಟ್ಟ ಗ್ರಾಮದಿಂದ ಹಿಡಿದು ದೂರದ ಶ್ರೀನಗರದವರೆಗೆ ಹಲವು ಊರುಗಳು ತಮ್ಮಲ್ಲಿ ಸಿಗುವಂತಹ ಬಲು ವಿಶಿಷ್ಟವಾದ ದ್ರವ್ಯಗಳನ್ನು ಈ ಉತ್ಸವಕ್ಕಾಗಿ ಕೊಡುಗೆಯಾಗಿ ಕೊಟ್ಟಿವೆ.

ಕಳ್ಳರ ಪರಾರಿ ವೇಳೆ ನಿದ್ದೆಯಲ್ಲಿದ್ದ ಕಾವಲುಗಾರ

‘ಪಂಜಾಬ್ ನ್ಯಾಷನಲ್ ಬ್ಯಾಂಕ್ ವಂಚನೆ ಹಗರಣಕ್ಕೆ ಎನ್‌ಡಿಎ ಸರ್ಕಾರವೇ ನೇರ ಹೊಣೆ. ‘ಆಪ್ತ ಬಂಡವಾಳಶಾಹಿಗಳ ಲಾಬಿ’ಗೆ ಪ್ರಧಾನಿ ನರೇಂದ್ರ ಮೋದಿ ಸಾಂಸ್ಥಿಕ ರೂಪ ಕೊಡುತ್ತಿದ್ದಾರೆ’ ಎಂದು ಕಾಂಗ್ರೆಸ್ ಆರೋಪಿಸಿದೆ.

ಭಾವ–ಬಣ್ಣದ ಜುಗಲಬಂದಿ

ಹಾಲಿನ ನಂತರದ ಸರದಿ ಕಲ್ಕಚೂರ್ಣದ್ದು. ಔಷಧಿಯುಕ್ತ ನೀರು ಬಾಹುಬಲಿಯ ಬಿಳುಪನ್ನು ತೊಡೆಯಲು ಪ್ರಯತ್ನಿಸಿತು. ನಂತರದ ಸರದಿ ಅಕ್ಕಿಹಿಟ್ಟಿನದು. ಬೆಳಗಿನ ಇಬ್ಬನಿಯನ್ನೂ ಹಿಮದ ತುಣುಕುಗಳನ್ನೂ ಒಟ್ಟಿಗೆ ಹುಡಿ ಮಾಡಿ ಎರಚಿದಂತೆ ಗೊಮ್ಮಟಮೂರ್ತಿ ಕಂಗೊಳಿಸತೊಡಗಿತು. ಮತ್ತೆ ಭಕ್ತರಿಂದ ಆರಾಧ್ಯದೈವಕ್ಕೆ ಉಘೇ ಉಘೇ.

 

 

ರಾಯರ ಪಾದುಕೆ ಪಟ್ಟಾಭಿಷೇಕ ಮಹೋತ್ಸವ

ಶ್ರೀ ರಾಘವೇಂದ್ರ ಸ್ವಾಮಿಗಳ 397ನೇ ಪಟ್ಟಾಭಿಷೇಕ ಮಹೋತ್ಸವದ ಪ್ರಯುಕ್ತ ರಾಯರ ಮೂಲಪಾದು ಕೆಗಳಿಗೆ, ಮಠದ ಪೀಠಾಧಿಪತಿ ಶ್ರೀಸುಬುಧೇಂದ್ರ ತೀರ್ಥರು ವಿಶೇಷ ಪುಷ್ಪಾರ್ಚನೆ ಹಾಗೂ ಕನಕ ರತ್ನಾಭಿಷೇಕ ನೆರವೇರಿಸಿದರು.

ಸಂಗತ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ?

ಭ್ರಮಾಧೀನ ಮನಸ್ಥಿತಿಯಲ್ಲಿ ಬದುಕುತ್ತಿರುವ ಸಮುದಾಯವನ್ನು ಎಚ್ಚರಿಸಿ ಮುನ್ನಡೆಸಬೇಕಾದ ಜವಾಬ್ದಾರಿ ಸಮಾಜಕ್ಕಿದೆಯಲ್ಲವೇ?

ನಿರುದ್ಯೋಗ ವ್ಯಕ್ತಿಗತ ಸಮಸ್ಯೆಯೇ?

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅರ್ಹತೆಯುಳ್ಳವರಷ್ಟೇ ಅಸ್ತಿತ್ವ ಉಳಿಸಿಕೊಳ್ಳಲು ಸಾಧ್ಯ ಎಂಬ ನಿಲುವು ತಳೆಯುವುದು ಆಷಾಡಭೂತಿತನವಾಗುತ್ತದೆ

ಜಾತಿ ಮತ್ತು ಹಿಂಸಾಚಾರದ ಸಮೀಕರಣ

ಒಂದು ವರ್ಗದ ನೀಚ ಕೃತ್ಯಗಳಿಗೆ ಮತ್ತೊಂದು ವರ್ಗವನ್ನು ಹೊಣೆಯಾಗಿಸುವ ಕೆಸರೆರಚಾಟ ಮುಂದುವರಿಯುತ್ತಿರುವವರೆಗೂ ಅಲ್ಲಿ ಅಸಹಿಷ್ಣುತೆ, ಹಿಂಸೆ ತಡೆಯುವುದು ಕಷ್ಟ.

ಮುಕ್ತಛಂದ

ಅಪ್ಪನ ನೆನಪುಗಳು

ಅಡಿಗರ ವ್ಯಕ್ತಿತ್ವ ಹಾಗೂ ಸಾಹಿತ್ಯಿಕ ಸಾಧನೆಯನ್ನು ಅವರ ನಿಕಟವರ್ತಿಗಳು ಹಾಗೂ ವಿಮರ್ಶಕರು ಸಾಕಷ್ಟು ದಾಖಲಿಸಿದ್ದಾರೆ. ಕೌಟುಂಬಿಕ ವ್ಯಕ್ತಿಯಾಗಿ ಅಡಿಗರು ಹೇಗಿದ್ದರು? ಅವರ ಪುತ್ರ ಪ್ರದ್ಯುಮ್ನ ಗೋಪಾಲಕೃಷ್ಣ ಅಡಿಗ ಅವರ ನೆನಪುಗಳು ಇಲ್ಲಿವೆ.

ಸ್ವಾಭಿಮಾನ ಮತ್ತು ಸಮಗ್ರ ಕಾವ್ಯ!

‘ಪ್ರಾರ್ಥನೆ’ ಕವಿತೆಯ ವಿವಾದದ ಸಂದರ್ಭದಲ್ಲಿ ಅಂದಿನ ಮುಖ್ಯಮಂತ್ರಿ ನಿಜಲಿಂಗಪ್ಪನವರ ಪತ್ರಕ್ಕೆ ಅಡಿಗರು ಬರೆದ ಜವಾಬು ಕವಿಗೆ ಇರಬೇಕಾದ ಸ್ವಾಭಿಮಾನವನ್ನು ಸೂಚಿಸುವಂತಿದೆ. ಸ್ವಾಭಿಮಾನ ಎನ್ನುವುದು ಸೋವಿಯಾಗಿರುವ ಇಂದಿನ ಸಂದರ್ಭದಲ್ಲಿ ಅಡಿಗರ ನಿಲುವು ಹೆಚ್ಚು ಮಹತ್ವದ್ದಾಗಿ ಕಾಣುತ್ತದೆ.

ಕನ್ನಡ ಸಾಹಿತ್ಯಲೋಕದ ವಿಷಕಂಠ

ಎಲಿಯಟ್‌ ಕೂಡ ಒಂದು ಕವನದಲ್ಲಿ ಇಷ್ಟೆಲ್ಲ ಹೇಳಲಿಲ್ಲವಲ್ಲ! ಇದು ಅಡಿಗರ ‘ಭೂಮಿಗೀತ’, ‘ಭೂತ’ ಕವಿತೆಗಳಿಗೆ ಅಮೆರಿಕದ ಕವಿಯೊಬ್ಬರ ಉದ್ಗಾರ. ಆದರೆ, ಅತ್ಯುತ್ತಮ ಕಾವ್ಯ ರಚಿಸಿಯೂ ನಿರಂತರವಾಗಿ ಟೀಕೆಗೆ, ಪ್ರತಿರೋಧಕ್ಕೆ, ಖಂಡನೆಗೆ ಗುರಿಯಾದ ಅಡಿಗರಂಥ ಕವಿ ಇನ್ನೊಬ್ಬರಿಲ್ಲ.

‘ಚಂಡೆ ಮದ್ದಳೆ’ ಕವಿಯ ನಿರಂತರ ‘ವೇಸ್ಟ್ ಲ್ಯಾಂಡ್’

ಎಲಿಯಟ್ ಇಂಗ್ಲಿಷ್‌ನಲ್ಲಿ ಮಾಡಿದುದನ್ನು ಅಡಿಗರು ಕನ್ನಡದಲ್ಲಿ ಮಾಡಿದರು. ತಟಸ್ಥವಾಗಿದ್ದ ಸಾಹಿತ್ಯದಲ್ಲಿ ವಿದ್ಯುತ್ ಸಂಚಲನ ಉಂಟು ಮಾಡಿದರು. ಅಡಿಗರ ನಂತರ ಕನ್ನಡ ಕಾವ್ಯ ಮೊದಲಿನ ಹಾಗೆ ಇರಲಿಲ್ಲ. ಇದುವರೆಗೆ ಕನ್ನಡದಲ್ಲಿ ಇಲ್ಲದ್ದನ್ನು ಅವರು ಸೃಷ್ಟಿಸಿದರು. ಅವರನ್ನು ವಿರೋಧಿಸಿದವರು ಕೂಡ ಅವರ ನುಡಿಗಟ್ಟನ್ನು ಸ್ಪರ್ಶಿಸಿಯೇ ಹಾಗೆ ಮಾಡಬೇಕಾಯಿತು. ಇದಕ್ಕಿಂತಲೂ ಹೆಚ್ಚಿನ ಕೊಡುಗೆಯೊಂದಿದೆಯೇ?