‘ಕ್ಲಚ್ಚು ಯಾವ್ದು ಅಂತ್ಲೇ ಗೊತ್ತಿರಲಿಲ್ಲ’

12 Oct, 2017
ಪದ್ಮನಾಭ ಭಟ್‌

ನಾನು ಮೊದಲು ಕಾರ್ ಓಡಿಸಿದ್ದು ಅದ್ದೂರಿ ಸಿನಿಮಾ ಸಮಯದಲ್ಲಿ. ಆ ಸಿನಿಮಾ ಮುಹೂರ್ತ ಆಗಿ ನಿಂತುಹೋಗಿತ್ತು. (ಆ ಸಿನಿಮಾ ಒಟ್ಟು ನಾಲ್ಕು ಸಲ ನಿಂತು ಮತ್ತೆ ಶುರುವಾಗಿ ಪೂರ್ಣಗೊಂಡಿದ್ದು!).

ನಾನೇನೂ ಡ್ರೈವಿಂಗ್ ಸ್ಕೂಲಿಗೆ ಹೋಗಿ ಕಲಿತವನಲ್ಲ. ನನಗೆ ಅಂಥ ಕಾರ್ ಕ್ರೇಜ್ ಇರಲಿಲ್ಲ. ಈಗಲೂ ಕಾರ್ ಬಗ್ಗೆ ಅಂಥ ಕ್ರೇಜ್ ಏನೂ ಇಲ್ಲ. ಬೈಕ್ ಫ್ಯಾನ್ ನಾನು. ಅಲ್ಲಿಯವರೆಗೂ ಬೈಕ್ ಓಡಿಸ್ಕೊಂಡು ಇದ್ದೆ.

ಅವತ್ತೊಂದಿನ ಯಾಕೋ ಮನೆ ಎದುರು ನಿಂತಿದ್ದ ಕಾರು ಓಡಿಸಬೇಕು ಅನಿಸಿತು. ಅದು ಸ್ಯಾಂಟ್ರೊ ಕಾರು. ಸಿನಿಮಾ ನಿಂತುಹೋದ ಬೇಜಾರೋ, ಕಾರ್ ಡ್ರೈವಿಂಗ್ ಬಗ್ಗೆ ಇದ್ದ ಕುತೂಹಲವೋ ಗೊತ್ತಿಲ್ಲ. ಯಾರಿಗೂ ಹೇಳದೇ ಕೇಳದೇ ಸುಮ್ಮನೇ ಕೀ ತೆಗೆದುಕೊಂಡು ಹೋಗಿ ಕಾರ್ ಎತ್ತಾಕೊಂಡು ಹೋಗಿಬಿಟ್ಟಿದ್ದೆ. ಆಗ ನನಗೆ ಕಾರಿನ ಬ್ರೇಕ್ ಯಾವ್ದು, ಕ್ಲಚ್ ಯಾವ್ದು ಅಂತಲೂ ಗೊತ್ತಿರಲಿಲ್ಲ. ಅದೆಲ್ಲ ಗೊತ್ತಾಗಿದ್ದು ಎರಡು ದಿನ ಆದ ಮೇಲೆ. ರಸ್ತೆ ಖಾಲಿ ಖಾಲಿ ಇತ್ತು. ಸುಮ್ಮನೇ ಓಡಿಸಿಕೊಂಡು ಹೋಗಿಬಿಟ್ಟಿದ್ದೆ.

ಮನೆ ಮುಂದಿನ ರಸ್ತೆಯಲ್ಲಿ ಸುತ್ತಿಸಿ ತಂದು ಮತ್ತೆ ಮನೆಯೆದುರಿಗೇ ನಿಲ್ಲಿಸಿದ್ದೆ. ಆದರೆ ಮೊದಲಿನ ಹಾಗೆ ನಿಲ್ಲಿಸಲು ಗೊತ್ತಾಗದೇ ಉಲ್ಟಾ ನಿಲ್ಲಿಸಿಬಿಟ್ಟಿದ್ದೆ. ಮರುದಿನ ಅದನ್ನು ನೋಡಿ ಮನೆಯವರೆಲ್ಲರೂ ಇದೇನು ಕಾರ್ ಹಿಂಗೆ ಅಡ್ಡಡ್ಡ ನಿಂತಿದೆಯಲ್ಲಾ ಎಂದು ತುಂಬಾ ತಲೆಕೆಡಿಸಿಕೊಂಡಿದ್ದರು. ನಾನು ಮಾತ್ರ ಯಾರ ಬಳಿ ಏನೂ ಬಾಯಿಬಿಡಲೇ ಇಲ್ಲ. ಆ ಕಾರನ್ನು ನಾನೇ ಓಡಿಸಿಕೊಂಡು ಹೋಗಿ ನಿಲ್ಲಿಸಿದ್ದು ಎಂಬುದು ಕೊನೆಗೂ ಯಾರಿಗೂ ಗೊತ್ತಾಗಲೇ ಇಲ್ಲ.

ಅದೊಂಥರ ವಿಚಿತ್ರ ಅನುಭವ. ಅದನ್ನು ವಿವರಿಸಲಿಕ್ಕೇ ಆಗಲ್ಲ. ಏನೂ ಅಪಘಾತ ಮಾಡದೇ ಸುರಕ್ಷಿತವಾಗಿ ತಿರುಗಿ ಬಂದು ನಿಲ್ಲಿಸಿದ್ದೇ ಈಗ ಪವಾಡವಾಗಿ ಕಾಣುತ್ತದೆ.

ಹೀಗೆ ನಾನು ಒಮ್ಮಿಂದೊಮ್ಮೆಲೇ ಕಾರ್ ಎತ್ಕೊಂಡೋಗೋದಿಕ್ಕೆ ನನ್ನಲ್ಲಿ ಧೈರ್ಯ ಹುಟ್ಟಿದ್ದು ನಮ್ಮ ಕಿಶೋರ್ ಅಂಕಲ್‍ರಿಂದ. ಅವರು ನಿರ್ದೇಶಕರು. ತುತ್ತಮುತ್ತ ಸಿನಿಮಾ ನಿರ್ದೇಶಕ. ಅವರು ನಮ್ಮ ಗಾಡ್ ಫಾದರ್. ಅವರು ರ್‍ಯಾಲಿಯ ಬ್ಯಾಕ್‍ಅಪ್‌ ಕಾರ್ ಡ್ರೈವ್ ಮಾಡ್ತಿದ್ರು. ಅಂದ್ರೆ ರೇಸ್‍ನ ಕಾರ್ ಕೆಟ್ಟೋದ್ರೆ ಅಂತ ಆ ಕಾರಿನ ಹಿಂದೆ ಅದರಷ್ಟೇ ವೇಗವಾಗಿ ಓಡುವ ಕಾರುಗಳು. ಅವರನ್ನು ನಾವು ಕಾರ್ ಮಾಮ ಅಂತ ಕರೀತಿದ್ವಿ. ಅರ್ಜುನ್ (ಅರ್ಜುನ್ ಸರ್ಜಾ) ಅಂಕಲ್‍ಗೆ ಡಿಶ್ಯೂಂ ಮಾಮ ಅಂತ ಕರೀತಿದ್ವಿ. ಅವರು ಸಿನಿಮಾದಲ್ಲಿ ಫೈಟ್ ಮಾಡ್ತಿದ್ರಲ್ಲಾ ಅದ್ಕೇ ಅವರಿಗೆ ಡಿಶ್ಯೂಂ ಮಾಮ ಅಂತ ಹೆಸರು. ಈ ಹೆಸರುಗಳನ್ನು ಇಟ್ಟಿದ್ದು ನಮ್ಮಣ್ಣ (ಚಿರಂಜೀವಿ ಸರ್ಜಾ).

ಕಿಶೋರ್ ಅಂಕಲ್ ತುಂಬಾ ಫಾಸ್ಟಾಗಿ ಕಾರ್ ಓಡಿಸ್ತಿದ್ರು. ಮತ್ತು ತುಂಬ ಒಳ್ಳೆಯ ಡ್ರೈವರ್ ಆಗಿದ್ರು. ಅವರ ಡ್ರೈವಿಂಗ್ ನೋಡಿಯೇ ನನಗೆ ಕಾರ್ ಡ್ರೈವಿಂಗ್ ಕಲೀಬೇಕು ಅಂತ ಉತ್ಸಾಹ ಬಂದಿದ್ದು. ನಾನು ಯಾರಿಗೂ ಹೇಳದೆ ಕೇಳದೇ ಕಾರ್ ಎತ್ತಾಕೊಂಡು ಹೋಗಲಿಕ್ಕೂ ಅವರೇ ಸ್ಫೂರ್ತಿಯಾಗಿದ್ರು ಅನಿಸುತ್ತೆ. ನಂತರ ನಾನು ಸರಿಯಾಗಿ ಡ್ರೈವಿಂಗ್ ಕಲಿತಿದ್ದೂ ಅವರು ಓಡಿಸುತ್ತಿದ್ದುದನ್ನು ನೋಡುತ್ತಲೇ.

ಈಗ ನಮ್ಮ ಮನೆಯಲ್ಲಿ ಕಾರುಗಳಿವೆ. ಆದ್ರೆ ನಂಗೆ ಕಾರ್ ಶೋಕಿ ಅಷ್ಟೊಂದಿಲ್ಲ. ಆಗಲೇ ಹೇಳಿದ ಹಾಗೆ ನಂಗೆ ಇಂದಿಗೂ ಬೈಕೇ ಇಷ್ಟ. ಅದರಲ್ಲಿಯೂ ಬೇರೆ ದೇಶಗಳ ಬೈಕ್‍ಗಳು ಅಷ್ಟೊಂದು ಇಷ್ಟ ಇಲ್ಲ. ನಮ್ಮ ಭಾರತದ ಆರ್‍ಎಕ್ಸ್, ಬುಲೆಟ್, ರಾಯಲ್ ಎನ್‍ಫೀಲ್ಡ್ ತುಂಬ ಇಷ್ಟ. ನಾನು ಕಾಲೇಜಿಗೆ ಹೋಗುವಾಗಲೂ ನಂಗೆ ರಾಯಲ್ ಎನ್‍ಫೀಲ್ಡ್ ಇಷ್ಟವಾಗಿತ್ತು. ಆ ಗಾಡಿ ಓಡಿಸುವ ಫೀಲೇ ಬೇರೆ. ಈಗಲೂ ಬೈಕ್‍ನಲ್ಲಿ ತುಂಬಾ ಓಡಾಡುತ್ತಿರುತ್ತೇನೆ. ಹೆಲ್ಮೆಟ್ ಹಾಕಿಕೊಂಡು ಹೊರಟುಬಿಡುತ್ತೇನೆ. ಆಗ ನನ್ನನ್ನು ಯಾರೂ ಗುರುತು ಹಿಡಿಯುವುದಿಲ್ಲ. ಹಾಗೆ ಅನಾಮಿಕನಾಗಿ ಅಡ್ಡಾಡುವುದು ನನಗೆ ತುಂಬ ಖುಷಿ ಕೊಡುತ್ತದೆ.⇒v

Read More

Comments
ಮುಖಪುಟ

ಭಕ್ತಿಯ ಅಭಿಷೇಕದಲ್ಲಿ ಮಿಂದೆದ್ದ ಗೊಮ್ಮಟೇಶ್ವರ

ವಿರಾಗದ ಮೇರುಮೂರ್ತಿಗೆ ಅಭಿಷೇಕ ಪ್ರಾರಂಭವಾದುದು ಮಧ್ಯಾಹ್ನ 2.30ರ ವೇಳೆಗೆ. ಬೆಳಗಿನ ತಂಪು ಹೊತ್ತಿನಿಂದಲೇ ಜನ ಗೊಮ್ಮಟನ ಸನ್ನಿಧಿಯಲ್ಲಿ ಸೇರತೊಡಗಿದ್ದರು. ಮಧ್ಯಾಹ್ನ ಹನ್ನೆರಡರ ವೇಳೆಗೆ ನೆತ್ತಿಯ ಮೇಲಿನ ಸೂರ್ಯ ಕೆಂಡ ಚೆಲ್ಲುತ್ತಿದ್ದ. ಗೊಮ್ಮಟನ ಅಭಿಷೇಕಕ್ಕೆ ಕಾತರದ ಕಂಗಳಲ್ಲಿ ಸೇರಿದ ಆರು ಸಾವಿರಕ್ಕೂ ಹೆಚ್ಚಿನ ಜನಸ್ತೋಮ ಬೆವರಿನ ಅಭಿಷೇಕದಲ್ಲಿ ಸ್ವಯಂ ತೋಯತೊಡಗಿತು.

ಮೂವರು ಸಿಬಿಐ ಬಲೆಗೆ

ನೀರವ್ ಮೋದಿ ಕಂಪನಿಯ ವಹಿವಾಟು ಜವಾಬ್ದಾರಿ ಹೊತ್ತಿದ್ದ ಹೇಮಂತ್ ಭಟ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ನ(ಪಿಎನ್‌ಬಿ) ನಿವೃತ್ತ ಉಪ ವ್ಯವಸ್ಥಾಪಕ ಗೋಕುಲನಾಥ್ ಶೆಟ್ಟಿ ಮತ್ತು ಪಿನ್‌ಬಿಯ ಮತ್ತೊಬ್ಬ ಅಧಿಕಾರಿ ಮನೋಜ್ ಕಾರಟ್ ಎಂಬುವವರನ್ನು ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ.

ಭಾವ–ಬಣ್ಣದ ಜುಗಲಬಂದಿ

ಹಾಲಿನ ನಂತರದ ಸರದಿ ಕಲ್ಕಚೂರ್ಣದ್ದು. ಔಷಧಿಯುಕ್ತ ನೀರು ಬಾಹುಬಲಿಯ ಬಿಳುಪನ್ನು ತೊಡೆಯಲು ಪ್ರಯತ್ನಿಸಿತು. ನಂತರದ ಸರದಿ ಅಕ್ಕಿಹಿಟ್ಟಿನದು. ಬೆಳಗಿನ ಇಬ್ಬನಿಯನ್ನೂ ಹಿಮದ ತುಣುಕುಗಳನ್ನೂ ಒಟ್ಟಿಗೆ ಹುಡಿ ಮಾಡಿ ಎರಚಿದಂತೆ ಗೊಮ್ಮಟಮೂರ್ತಿ ಕಂಗೊಳಿಸತೊಡಗಿತು. ಮತ್ತೆ ಭಕ್ತರಿಂದ ಆರಾಧ್ಯದೈವಕ್ಕೆ ಉಘೇ ಉಘೇ.

 

 

ಕಸಾಪ ಅಧ್ಯಕ್ಷರ ಅವಧಿ ಐದು ವರ್ಷಕ್ಕೆ ಹೆಚ್ಚಳ?

‍ಪರಿಷತ್ತಿನ ನಿಬಂಧನೆಗಳಿಗೆ 20 ವರ್ಷಗಳಿಗೊಮ್ಮೆ ತಿದ್ದುಪಡಿ ತರಲು ಅವಕಾಶ ಇದೆ. ಚುನಾವಣೆಗೂ ಮುನ್ನ ನೀಡಿದ್ದ ಭರವಸೆಯಂತೆ ಚುನಾವಣಾ ಸುಧಾರಣೆಗಾಗಿ ತಜ್ಞರ ಸಮಿತಿ ರಚಿಸಲಾಗಿತ್ತು. ಅದರ ವರದಿ ಮತ್ತು ಸಾರ್ವಜನಿಕರ ಅಭಿಪ್ರಾಯ ಆಧರಿಸಿ ಬದಲಾವಣೆ ಮಾಡಲಾಗುತ್ತಿದೆ ಎಂದು ಸಾಪ ಅಧ್ಯಕ್ಷ ಮನು ಬಳಿಗಾರ್ ಸ್ಪಷ್ಪಪಡಿಸಿದರು.

ಸಂಗತ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ?

ಭ್ರಮಾಧೀನ ಮನಸ್ಥಿತಿಯಲ್ಲಿ ಬದುಕುತ್ತಿರುವ ಸಮುದಾಯವನ್ನು ಎಚ್ಚರಿಸಿ ಮುನ್ನಡೆಸಬೇಕಾದ ಜವಾಬ್ದಾರಿ ಸಮಾಜಕ್ಕಿದೆಯಲ್ಲವೇ?

ನಿರುದ್ಯೋಗ ವ್ಯಕ್ತಿಗತ ಸಮಸ್ಯೆಯೇ?

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅರ್ಹತೆಯುಳ್ಳವರಷ್ಟೇ ಅಸ್ತಿತ್ವ ಉಳಿಸಿಕೊಳ್ಳಲು ಸಾಧ್ಯ ಎಂಬ ನಿಲುವು ತಳೆಯುವುದು ಆಷಾಡಭೂತಿತನವಾಗುತ್ತದೆ

ಜಾತಿ ಮತ್ತು ಹಿಂಸಾಚಾರದ ಸಮೀಕರಣ

ಒಂದು ವರ್ಗದ ನೀಚ ಕೃತ್ಯಗಳಿಗೆ ಮತ್ತೊಂದು ವರ್ಗವನ್ನು ಹೊಣೆಯಾಗಿಸುವ ಕೆಸರೆರಚಾಟ ಮುಂದುವರಿಯುತ್ತಿರುವವರೆಗೂ ಅಲ್ಲಿ ಅಸಹಿಷ್ಣುತೆ, ಹಿಂಸೆ ತಡೆಯುವುದು ಕಷ್ಟ.

ಮುಕ್ತಛಂದ

ಅಪ್ಪನ ನೆನಪುಗಳು

ಅಡಿಗರ ವ್ಯಕ್ತಿತ್ವ ಹಾಗೂ ಸಾಹಿತ್ಯಿಕ ಸಾಧನೆಯನ್ನು ಅವರ ನಿಕಟವರ್ತಿಗಳು ಹಾಗೂ ವಿಮರ್ಶಕರು ಸಾಕಷ್ಟು ದಾಖಲಿಸಿದ್ದಾರೆ. ಕೌಟುಂಬಿಕ ವ್ಯಕ್ತಿಯಾಗಿ ಅಡಿಗರು ಹೇಗಿದ್ದರು? ಅವರ ಪುತ್ರ ಪ್ರದ್ಯುಮ್ನ ಗೋಪಾಲಕೃಷ್ಣ ಅಡಿಗ ಅವರ ನೆನಪುಗಳು ಇಲ್ಲಿವೆ.

ಸ್ವಾಭಿಮಾನ ಮತ್ತು ಸಮಗ್ರ ಕಾವ್ಯ!

‘ಪ್ರಾರ್ಥನೆ’ ಕವಿತೆಯ ವಿವಾದದ ಸಂದರ್ಭದಲ್ಲಿ ಅಂದಿನ ಮುಖ್ಯಮಂತ್ರಿ ನಿಜಲಿಂಗಪ್ಪನವರ ಪತ್ರಕ್ಕೆ ಅಡಿಗರು ಬರೆದ ಜವಾಬು ಕವಿಗೆ ಇರಬೇಕಾದ ಸ್ವಾಭಿಮಾನವನ್ನು ಸೂಚಿಸುವಂತಿದೆ. ಸ್ವಾಭಿಮಾನ ಎನ್ನುವುದು ಸೋವಿಯಾಗಿರುವ ಇಂದಿನ ಸಂದರ್ಭದಲ್ಲಿ ಅಡಿಗರ ನಿಲುವು ಹೆಚ್ಚು ಮಹತ್ವದ್ದಾಗಿ ಕಾಣುತ್ತದೆ.

ಕನ್ನಡ ಸಾಹಿತ್ಯಲೋಕದ ವಿಷಕಂಠ

ಎಲಿಯಟ್‌ ಕೂಡ ಒಂದು ಕವನದಲ್ಲಿ ಇಷ್ಟೆಲ್ಲ ಹೇಳಲಿಲ್ಲವಲ್ಲ! ಇದು ಅಡಿಗರ ‘ಭೂಮಿಗೀತ’, ‘ಭೂತ’ ಕವಿತೆಗಳಿಗೆ ಅಮೆರಿಕದ ಕವಿಯೊಬ್ಬರ ಉದ್ಗಾರ. ಆದರೆ, ಅತ್ಯುತ್ತಮ ಕಾವ್ಯ ರಚಿಸಿಯೂ ನಿರಂತರವಾಗಿ ಟೀಕೆಗೆ, ಪ್ರತಿರೋಧಕ್ಕೆ, ಖಂಡನೆಗೆ ಗುರಿಯಾದ ಅಡಿಗರಂಥ ಕವಿ ಇನ್ನೊಬ್ಬರಿಲ್ಲ.

‘ಚಂಡೆ ಮದ್ದಳೆ’ ಕವಿಯ ನಿರಂತರ ‘ವೇಸ್ಟ್ ಲ್ಯಾಂಡ್’

ಎಲಿಯಟ್ ಇಂಗ್ಲಿಷ್‌ನಲ್ಲಿ ಮಾಡಿದುದನ್ನು ಅಡಿಗರು ಕನ್ನಡದಲ್ಲಿ ಮಾಡಿದರು. ತಟಸ್ಥವಾಗಿದ್ದ ಸಾಹಿತ್ಯದಲ್ಲಿ ವಿದ್ಯುತ್ ಸಂಚಲನ ಉಂಟು ಮಾಡಿದರು. ಅಡಿಗರ ನಂತರ ಕನ್ನಡ ಕಾವ್ಯ ಮೊದಲಿನ ಹಾಗೆ ಇರಲಿಲ್ಲ. ಇದುವರೆಗೆ ಕನ್ನಡದಲ್ಲಿ ಇಲ್ಲದ್ದನ್ನು ಅವರು ಸೃಷ್ಟಿಸಿದರು. ಅವರನ್ನು ವಿರೋಧಿಸಿದವರು ಕೂಡ ಅವರ ನುಡಿಗಟ್ಟನ್ನು ಸ್ಪರ್ಶಿಸಿಯೇ ಹಾಗೆ ಮಾಡಬೇಕಾಯಿತು. ಇದಕ್ಕಿಂತಲೂ ಹೆಚ್ಚಿನ ಕೊಡುಗೆಯೊಂದಿದೆಯೇ?