ಸೋಲಿನ ಗಲ್ಲಿಗೆ ನುಗ್ಗಿ ಹೊಡೆಯುವ ಟೈಗರ್‌!

12 Oct, 2017

‘ಗಂಟೆ ಹೊಡೆದ್ರೆ ಶಿವ, ತಮಟೆ ಹೊಡೆದ್ರೆ ಯಮ...’ ಹೀಗೆ ಏರುದನಿಯಲ್ಲಿ ಸಾಗುತ್ತಿದ್ದ ಪಂಚಿಂಗ್‌ ಡೈಲಾಗ್‌ಗಳ ತೀವ್ರತೆ ಒಂದೇ ಸಮನೆ ಏರುತ್ತಲೇ ಇತ್ತು. ನಾಯಕ ಅಷ್ಟೇ ಅಲ್ಲ, ಹೀಗೆ ಬಂದು ಹಾಗೆ ಹೋಗುವ ಮಹಿಳಾ ಪೊಲೀಸ್‌, ಕೈಯಲ್ಲಿನ ಸುತ್ತಿಗೆ ಎತ್ತಿಕೊಂಡು ಎದ್ದುನಿಲ್ಲುವ ರೋಷದ ಮಹಿಳಾ ಜಡ್ಜ್‌ ಎಲ್ಲರದೂ ಪರಸ್ಪರರನ್ನು ಮೀರಿಸುವ ಅಬ್ಬರ. ಮಧ್ಯೆ ಒಂದಿಷ್ಟು ತಾಯಿ ಸೆಂಟಿಮೆಂಟ್‌, ನೆಂಚಿಕೊಳ್ಳಲು ರೊಮ್ಯಾಂಟಿಕ್‌ ಸಾಂಗ್‌... ‘ಟೈಗರ್‌ ಗಲ್ಲಿ’ ಹೆಸರಿನಲ್ಲಿ ಇರುವ ಕಮರ್ಷಿಯಲ್‌ ಧಂ ಸಿನಿಮಾದಲ್ಲಿಯೂ ಇದೆ ಎಂಬುದಕ್ಕೆ ಟ್ರೈಲರ್‌ ಪುರಾವೆಯಂತಿತ್ತು.

ಪರದೆ ಆರಿದರೆ ಆ ಆಕ್ರೋಶವೆಲ್ಲ ವಿನಯವಾಗಿ ರೂಪಾಂತರಗೊಂಡಂತೆ ಸತೀಶ್‌ ವೇದಿಕೆಯ ಮೇಲೆ ಕೂತಿದ್ದರು. ಪಕ್ಕ ಕೊಂಚ ಬಾಗಿಯೇ ಕೂತ ರವಿ ಶ್ರೀವತ್ಸ ಹಳೆಯ ನೆನಪುಗಳಿಗೆ ಜಾರುವ ತವಕದಲ್ಲಿದ್ದಂತೆ ಕಾಣುತ್ತಿತ್ತು. ಸತೀಶ್‌ ಕೂಡ ಭಾವುಕಗೊಂಡಿರುವುದನ್ನು ಕಣ್ಣುಗಳು ಹೇಳುತ್ತಿದ್ದವು. ನ್ಯಾಯಾಧೀಶರ ಪಾತ್ರದಲ್ಲಿ ಮಿಂಚಿದ್ದ ಪೂಜಾ ಅವರ ಮುಖದಲ್ಲಿಯೂ ‘ಹೇಳುವುದು ಏನೋ ಉಳಿದಿದೆ’ ಎಂಬ ಭಾವ ಇಣುಕುತ್ತಿದ್ದವು. ಮೈಕ್‌ ಕೈಗೆ ಸಿಕ್ಕಿದ್ದೇ ಒಬ್ಬರ ನಂತರ ಒಬ್ಬರು ಮಾತಿಗಿಳಿದರು.

‘ಒಬ್ಬ ನಿರ್ದೇಶಕನ ಸಿನಿಮಾ ಸೋತಿತು ಅಂದ ತಕ್ಷಣ ಆ ನಿರ್ದೇಶಕ ಸತ್ತ ಎಂದು ಗಾಂಧಿನಗರ ಪರಿಗಣಿಸುತ್ತದೆ. ಅದು ಗಾಂಧಿನಗರದ ರಿವಾಜು. ಹಾಗೆ ಸತ್ತವನು ಎಂದು ಪರಿಗಣಿತನಾದ ಕರಾಳತೆಯಲ್ಲಿ ಕಳೆದ ನಾಲ್ಕು ವರ್ಷಗಳನ್ನು ಕಳೆದಿದ್ದೇನೆ’ ಎನ್ನುವಾಗ ಅವರ ಸ್ವರ ಮೆಲ್ಲಗೇ ಕಂಪಿಸುತ್ತಿತ್ತು. ಕಳೆದ ದಿನಗಳ ನೋವನ್ನು ದಾಟಿ ಹೊಸ ಸಿನಿಮಾದ ಕುರಿತು ಮಾತು ಹೊರಳಿಕೊಂಡಿದ್ದೇ ವಿಶ್ವಾಸ ತುಂಬಿಕೊಂಡಿತು. ‘ಕಳೆದ ಹತ್ತು ವರ್ಷಗಳ ನಿರ್ದೇಶನದ ಬದುಕಿನಲ್ಲಿ ‘ಟೈಗರ್‌ ಗಲ್ಲಿ’ ತುಂಬ ಮಹತ್ವದ ಸಿನಿಮಾ.

ಸಾಮಾನ್ಯವಾಗಿ ನನ್ನ ಚಿತ್ರಗಳು ಒನ್‌ ಸೈಡೆಡ್‌ ಆಗಿರುತ್ತಿದ್ದವು. ಅಲ್ಲಿ ಮನರಂಜನೆಗೆ ಅಷ್ಟೊಂದು ಒತ್ತು ಇರುತ್ತಿರಲಿಲ್ಲ. ಒಂದು ಎಮೋಶನ್‌ ಇಟ್ಟುಕೊಂಡು ಸಿನಿಮಾ ಮಾಡುತ್ತಿದ್ದೆ. ಆದರೆ ನಿರ್ಮಾಪಕ ಎನ್‌. ಕುಮಾರ್‌ ಅವರು ಈ ಕೊರತೆಯ ಕುರಿತು ಹೇಳಿದರು. ಅವರ ಜತೆ ಒಂದು ದಿನ ಎರಡು ಗಂಟೆ ಕೂತು ಚರ್ಚಿಸಿದೆ. ನಂತರ ‘ಟೈಗರ್‌ ಗಲ್ಲಿ’ ಚಿತ್ರಕಥೆಯನ್ನು ಬರೆದುಕೊಂಡು ಹೋಗಿ ಕೊಟ್ಟೆ. ಅವರು ಅದನ್ನು ಓದಿ ತುಂಬ ಖುಷಿಪಟ್ಟರು. ಈ ಕಥೆ ಹೀಗೆ ಇರಲಿ. ಯಾರು ಏನೇ ಹೇಳಿದರೂ ಬದಲಾಯಿಸಬೇಡಿ ಎಂದು ಬೆನ್ನು ತಟ್ಟಿದರು’ – ಹೀಗೆ ಟೈಗರ್‌ಗಲ್ಲಿ ಹುಟ್ಟಿಕೊಂಡ ಬಗೆಯನ್ನು ವಿವರಿಸಿದರು ರವಿ.

ಆದರೆ ಚಿತ್ರಕಥೆ ಬರೆದದ್ದಕ್ಕಿಂತ ನಾಯಕನಟನನ್ನು ಹುಡುಕುವುದು ಅವರಿಗೆ ಇನ್ನಷ್ಟು ಕಷ್ಟವಾಗಿ ಪರಿಣಮಿಸಿತ್ತಂತೆ. ಮೂರು ಜನಪ್ರಿಯ ನಾಯಕನಟರನ್ನು ಸಂಪರ್ಕಿಸಿದಾಗಲೂ ಚಿತ್ರಕಥೆ ಬದಲಿಸಿದರೆ ಮಾತ್ರ ನಟಿಸುವುದಾಗಿ ಷರತ್ತು ಹಾಕಿದರಂತೆ. ಆ ನಾಯಕನಟರು ಯಾರು ಎನ್ನುವುದನ್ನು ಮಾತ್ರ ಅವರು ಹೇಳಲಿಲ್ಲ. ‘ಅವರು ಯಾರೇ ಆಗಿದ್ದರೂ ಅಕ್ಟೋಬರ್‌ 27ರ (ಟೈಗರ್‌ ಗಲ್ಲಿ ಬಿಡುಗಡೆಯ ದಿನ) ಸಂಜೆ ತಾವು ಈ ಅವಕಾಶವನ್ನು ಕಳೆದುಕೊಂಡೆವೆಲ್ಲ ಎಂದು ಕೈ ಕೈ ಹಿಸುಕಿಕೊಳ್ಳುತ್ತಾರೆ’ ಎಂದು ತುಂಬು ವಿಶ್ವಾಸದಿಂದಲೇ ಹೇಳಿದರು.

ಸತೀಶ್‌ ಅವರಿಗೆ ಕಥೆ ಹೇಳಿದಾಗ ಅವರು ಕಥೆಯನ್ನು ತುಂಬ ಇಷ್ಟಪಟ್ಟು, ‘ನನಗೆ ಈ ಪಾತ್ರದಲ್ಲಿ ನಟಿಸಲು ಸಾಧ್ಯವಾ?’ ಎಂದು ಕೊಂಚ ಆತಂಕದಿಂದಲೇ ಪ್ರಶ್ನಿಸಿದರಂತೆ. ‘ಕಥೆ ಇಷ್ಟವಾಯ್ತಲ್ಲಾ. ಮುಂದಿನದು ನನಗೆ ಬಿಡಿ’ ಎಂದು ಅವತ್ತು ನಿರ್ದೇಶಕರು ಹೇಳಿದ ಧೈರ್ಯದ ಪರಿಣಾಮವಾಗಿ ಇಂದು ಟೈಗರ್‌ ಗಲ್ಲಿ ಘರ್ಜಿಸಲು ಸಿದ್ಧವಾಗಿ ನಿಂತಿದೆ.

ಈ ಹುಲಿಘರ್ಜನೆಯ ಹಿಂದೆ ರವಿ ಶ್ರೀವತ್ಸ ನೋವಷ್ಟೇ ಅಲ್ಲ, ಸತೀಶ್‌ ರೋಷವೂ ಇದೆ ಎಂಬುದು ತಿಳಿದಿದ್ದು ಅವರು ಮಾತಿಗೆ ತೊಡಗಿದಾಗಲೇ.

‘ಇದು ನನ್ನ ಸೆಕೆಂಡ್‌ ಇನ್ನಿಂಗ್ಸ್‌’ ಎಂದು ಹೇಳುತ್ತಲೇ ಸತೀಶ್‌ ಸ್ವಲ್ಪ ಹೊತ್ತು ಸುಮ್ಮನಾಗಿ ರಾಕೆಟ್‌ ನೆಲಕಚ್ಚಿದ ಕಹಿನೆನಪಿಗೆ ಹೊರಳಿದರು. ‘ಕೋಟ್ಯಂತರ ರೂಪಾಯಿ ಹಣ ಹಾಕಿ ರಾಕೆಟ್‌ ಸಿನಿಮಾ ಮಾಡಿದೆ. ಹಣ ಕಳೆದುಕೊಂಡೆ. ಅದಕ್ಕಾಗಿ ತುಂಬ ಕಷ್ಟಪಟ್ಟಿದ್ದೆ. ಸಿನಿಮಾ ಸೋತಾಗ ಒಂದು ತಿಂಗಳು ಮನೆಗೂ ಹೋಗದೇ ಆಫೀಸಿನಲ್ಲೇ ಕೂತು ಅತ್ತಿದ್ದೇನೆ. ಆಗಲೇ ನಾನು ಸಿನಿಮಾವನ್ನು ಎಷ್ಟು ಪ್ರೀತಿಸುತ್ತೇನೆ ಎಂಬುದು ತಿಳಿದಿದ್ದು. ಜಗತ್ತಿನ ಬೇರೆ ಬೇರೆ ಭಾಷೆ ದೇಶಗಳ ಅತ್ಯುತ್ತಮ ಸಿನಿಮಾಗಳನ್ನು ನೋಡಿದೆ. ನಾನು ಎಲ್ಲಿದ್ದೇನೆ ಎಂದು ಕೇಳಿಕೊಂಡೆ. ಅದೊಂದು ದುಃಖಕರ ಸಂದರ್ಭ. ಆ ಸಮಯದಲ್ಲಿ ನನಗೆ ಬಂದ ಮೊದಲ ಅವಕಾಶ ‘ಬ್ಯೂಟಿಫುಲ್‌ ಮನಸುಗಳು’. ಅದಾದ ನಂತರ ಬಂದ ಸಿನಿಮಾವೇ ‘ಟೈಗರ್‌ ಗಲ್ಲಿ’.

ನಾನು ಕಷ್ಟದಲ್ಲಿದ್ದಾಗ ಕೈ ಹಿಡಿದ ಸಿನಿಮಾ ಇದು. ರಾಕೆಟ್‌ನಲ್ಲಿ ಆದ ನೋವು, ಅವಮಾನ ಎಲ್ಲವನ್ನೂ ಒಕ್ಕೂಡಿಸಿಕೊಂಡು ಗೆಲ್ಲಲೇಬೇಕು. ಗೆಲುವಿಗಾಗಿ ಏನು ಬೇಕಾದರೂ ಮಾಡ್ತೀನಿ ಎಂಬ ರೋಷದಲ್ಲಿಯೇ ಈ ಸಿನಿಮಾ ಮಾಡಿದ್ದೇನೆ. ಅದಕ್ಕಾಗಿ ಜ್ವರ ಬಂದಾಗ, ಗಾಯಗಳಾದಾಗ ಯಾವುದನ್ನೂ ಲೆಕ್ಕಕ್ಕೆ ತೆಗೆದುಕೊಳ್ಳದೇ ಹಗಲು ರಾತ್ರಿ ಕೆಲಸ ಮಾಡಿದ್ದೇವೆ. ಟೈಗರ್‌ ಗಲ್ಲಿ ನಮ್ಮೆಲ್ಲರ ಛಲದ ಫಲ. ಒಂದು ರೀತಿಯಲ್ಲಿ ನುಗ್ಗಿ ಹೊಡಿಯುವುದು ಅಂತಾರಲ್ಲಾ ಹಾಗೆ ಮಾಡಿದ ಸಿನಿಮಾ. ನಾವು ಬಡವರ ಮಕ್ಕಳು. ಸಿನಿಮಾವನ್ನೇ ನಂಬಿರುವವರು. ಇಂದಲ್ಲಾ ನಾಳೆ ಬಡತನವನ್ನು ಮೀರಿ ಗೆದ್ದೇ ಗೆಲ್ತೀವಿ’ ಎಂದು ಸಿನಿಮಾ ಡೈಲಾಗ್‌ನಷ್ಟೇ ರೋಷದಿಂದ ಮಾತುದುರಿಸುತ್ತ ಹೋದರು ಸತೀಶ್‌.

ಹನ್ನೆರಡು ವರ್ಷಗಳ ನಂತರ ಈ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಮರಳಿದ್ದಾರೆ. ‘ಕನ್ನಡದವರು ಯಾರೋ ನನ್ನನ್ನು ಒಪ್ಪಿಕೊಳ್ಳಲೇ ಇಲ್ಲ. ಆದರೆ ತಮಿಳಿನವರು ಅದ್ಭುತವಾಗಿ ಸ್ವಾಗತಿಸಿದರು. ಕನ್ನಡ ಚಿತ್ರದಲ್ಲಿ ನಟಿಸಬಾರದು ಎಂದು ನಿರ್ಧರಿಸಿದ್ದೆ. ಆದರೆ ಈ ಕಥೆ ಕೇಳಿದಾಗ ನಟಿಸದೇ ಇರಲಾಗಲಿಲ್ಲ. ಹಾಗಾಗಿ ಒಪ್ಪಿಕೊಂಡೆ. ಕೊನೆಯ ಇಪ್ಪತ್ತು ನಿಮಿಷಗಳಲ್ಲಿ ಬರುವುದಾದರೂ ತುಂಬ ಮುಖ್ಯವಾದ ಪಾತ್ರ ಇದು’ ಎಂದರು ಪೂಜಾ. ಪೊಲೀಸ್‌ ಅಧಿಕಾರಿಯಾಗಿ ಮೈಸೂರಿನ ಹುಡುಗಿ ರೋಶಿನಿ ಪ್ರಕಾಶ್‌ ಕಾಣಿಸಿಕೊಂಡಿದ್ದಾರೆ. ಹಾಗೆಯೇ ಭಾವನಾ ಕೂಡ ಇನ್ನೋರ್ವ ನಾಯಕಿಯ ಪಾತ್ರದಲ್ಲಿ ನಟಿಸಿದ್ದಾರೆ.

ಗಿರಿರಾಜ್‌, ಅಯ್ಯಪ್ಪ, ಶಿವಮಣಿ, ಯಮುನಾ ಶ್ರೀನಿಧಿ, ಸಾಯಿಕೃಷ್ಣ ಮುಂತಾದವರು ಚಿತ್ರದ ಮುಖ್ಯಭೂಮಿಕೆಯಲ್ಲಿದ್ದಾರೆ. ಎನ್‌. ಕುಮಾರ್ ಅವರ ಮಗ ಯೋಗೀಶ್‌ ಕುಮಾರ್‌ ಈ ಚಿತ್ರದ ಮೂಲಕ ನಿರ್ಮಾಪಕನಾಗುತ್ತಿದ್ದಾರೆ. ಇದೇ ತಿಂಗಳ 27ರಂದು ಬಿಡುಗಡೆಯಾಗುತ್ತಿರುವ ‘ಟೈಗರ್‌ ಗಲ್ಲಿ’ಯ ವಿತರಣೆಯ ಜವಾಬ್ದಾರಿಯನ್ನು ಜಾಕ್‌ ಮಂಜು ವಹಿಸಿಕೊಂಡಿದ್ದಾರೆ.

Read More

Comments
ಮುಖಪುಟ

ರೈತ ನಾಯಕ, ಶಾಸಕ ಪುಟ್ಟಣ್ಣಯ್ಯ ವಿಧಿವಶ

ಮೇಲುಕೋಟೆ ವಿಧಾನಸಭಾ ಕ್ಷೇತ್ರದ ಶಾಸಕ ಕೆ.ಎಸ್‌.ಪುಟ್ಟಣ್ಣಯ್ಯ (69) ಭಾನುವಾರ ರಾತ್ರಿ 10.45ಕ್ಕೆ ಹೃದಯಾಘಾತದಿಂದ ಇಲ್ಲಿ ನಿಧನರಾದರು.

ಪಿಎನ್‌ಬಿ ವಂಚನೆ ಹಗರಣ: ಮತ್ತಷ್ಟು ಸುಳಿವು ಬಯಲು

ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ (ಪಿಎನ್‌ಬಿ) ವಜ್ರಾಭರಣ ಉದ್ಯಮಿ ನೀರವ್‌ ಮೋದಿ ಅವರು ₹11,400 ಕೋಟಿ ವಂಚನೆ ಮಾಡಿದ ಪ್ರಕರಣದ ತನಿಖೆ ತೀವ್ರಗೊಂಡಿದೆ.

ಶ್ರವಣಬೆಳಗೊಳ: ಬೆಟ್ಟದಿಂದ ಬೆಟ್ಟಕ್ಕೆ ಭಕ್ತಿಸೇತು

ವಿಂಧ್ಯಗಿರಿಯ ಬೆಟ್ಟದ ಮೇಲೆ ಬಾಹುಬಲಿಯ ಮಹಾಮಸ್ತಕಾಭಿಷೇಕ ನಡೆಯುತ್ತಿದ್ದರೆ, ಅದರ ಸಂಭ್ರಮದ ಅಲೆಯೊಂದು ಚಂದ್ರಗಿರಿಯ ನೆತ್ತಿಯ ಮೇಲೆ ಅನುರಣಗೊಳ್ಳುತ್ತಿತ್ತು.

ಯುವಕನ ಮೇಲೆ ಶಾಸಕ ಹ್ಯಾರಿಸ್ ಪುತ್ರನ ದಬ್ಬಾಳಿಕೆ

ಊಟ ಮಾಡುತ್ತಿದ್ದ ವೇಳೆ ಕಾಲು ತಗುಲಿತು ಎಂಬ ಕಾರಣಕ್ಕೆ ಕಾಂಗ್ರೆಸ್ ಶಾಸಕ ಎನ್‌.ಎ.ಹ್ಯಾರಿಸ್ ಪುತ್ರ ಮೊಹಮದ್ ನಲಪಾಡ್‌ (24) ಮತ್ತು ಅವರ ಸ್ನೇಹಿತರು ಯುವಕನೊಬ್ಬನ ಮೇಲೆ ಮನಸೋ ಇಚ್ಛೆ ಹಲ್ಲೆ ಮಾಡಿದ್ದಾರೆ.

ಸಂಗತ

ಅರಣ್ಯ ಪರಿಸ್ಥಿತಿ ವರದಿ ಮತ್ತು ನೈಜ ಸ್ಥಿತಿ

ಅರಣ್ಯ ಪ್ರದೇಶ ಹೆಚ್ಚಳದ ಹಿಂದಿನ ಹಾಗೂ ಸಮಾಜೋ-–ಆರ್ಥಿಕ ಆಯಾಮಗಳು ಮತ್ತು ಇಲಾಖೆಯ ಆಡಳಿತಾತ್ಮಕ ಜವಾಬ್ದಾರಿಯನ್ನು ವರದಿ ಚರ್ಚಿಸುವುದಿಲ್ಲ

ಮಾಲ್ಡೀವ್ಸ್‌ನ ರಾಜಕೀಯ ಬಿಕ್ಕಟ್ಟು–ಪರಿಹಾರ

ಭಾರತಕ್ಕೆ ಉಳಿದಿರುವ ದಾರಿಯೆಂದರೆ, ವಿಶ್ವಸಂಸ್ಥೆ ಮತ್ತು ಅಮೆರಿಕದ ಜೊತೆಗೂಡಿ ರಾಜತಾಂತ್ರಿಕ ಮಾರ್ಗದ ಮೂಲಕ ಮಾಲ್ಡೀವ್ಸ್‌ ಬಿಕ್ಕಟ್ಟನ್ನು ಪರಿಹರಿಸಲು ಶ್ರಮಿಸುವುದು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ?

ಭ್ರಮಾಧೀನ ಮನಸ್ಥಿತಿಯಲ್ಲಿ ಬದುಕುತ್ತಿರುವ ಸಮುದಾಯವನ್ನು ಎಚ್ಚರಿಸಿ ಮುನ್ನಡೆಸಬೇಕಾದ ಜವಾಬ್ದಾರಿ ಸಮಾಜಕ್ಕಿದೆಯಲ್ಲವೇ?

ನಿರುದ್ಯೋಗ ವ್ಯಕ್ತಿಗತ ಸಮಸ್ಯೆಯೇ?

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅರ್ಹತೆಯುಳ್ಳವರಷ್ಟೇ ಅಸ್ತಿತ್ವ ಉಳಿಸಿಕೊಳ್ಳಲು ಸಾಧ್ಯ ಎಂಬ ನಿಲುವು ತಳೆಯುವುದು ಆಷಾಡಭೂತಿತನವಾಗುತ್ತದೆ

ಆಟಅಂಕ

ವಿಶ್ವಕಪ್‌ ಹಾದಿಯಲ್ಲಿ...

ಏಕದಿನ ವಿಶ್ವಕಪ್‌ನಲ್ಲಿ ಭಾರತ ಎರಡು ಬಾರಿ ಪ್ರಶಸ್ತಿ ಗೆದ್ದ ಹಿರಿಮೆ ಹೊಂದಿದೆ. 2019ರಲ್ಲಿ ನಡೆಯುವ ಟೂರ್ನಿಯಲ್ಲಿ ವಿರಾಟ್‌ ಕೊಹ್ಲಿ ಬಳಗ ಟ್ರೋಫಿ ಜಯಿಸುವ ನೆಚ್ಚಿನ ತಂಡ ಎನಿಸಿದೆ. ಈ ಹಾದಿಯಲ್ಲಿ ತಂಡದ ಮುಂದಿರುವ ಸವಾಲುಗಳ ಬಗ್ಗೆ ಜಿ.ಶಿವಕುಮಾರ ಬರೆದಿದ್ದಾರೆ.

ಅಂಧರ ಚೆಸ್‌ನ ‘ಅಜೇಯ ಸಾಧಕ’

ಕರ್ನಾಟಕದ ಕಿಶನ್‌ ಗಂಗೊಳ್ಳಿ ಅಂಧೇರಿ ಕ್ರೀಡಾ ಕಾಂಪ್ಲೆಕ್ಸ್‌ನಲ್ಲಿ ನಡೆದ ಈ ಬಾರಿಯ ಚಾಂಪಿಯನ್‌ಷಿಪ್‌ನಲ್ಲೂ ‘ರಾಜ’ನಾಗಿ ಮೆರೆದರು. ಅವರು 2013ರಿಂದ 2018ರವರೆಗೆ ಐದು ಬಾರಿ ಚಾಂಪಿಯನ್‌ ಆಗಿದ್ದಾರೆ.

ಧಾರವಾಡದ ಪೈಲ್ವಾನರ ಪದಕದ ಸಾಧನೆ...

ಭಾರತ ಕ್ರೀಡಾ ಪ್ರಾಧಿಕಾರದ ಧಾರವಾಡ ಕೇಂದ್ರದಲ್ಲಿ ತರಬೇತಿ ಪಡೆಯುತ್ತಿರುವ ಕುಸ್ತಿಪಟುಗಳು ಇತ್ತೀಚಿನ ವರ್ಷಗಳಲ್ಲಿ ರಾಜ್ಯ ಮತ್ತು ರಾಷ್ಟ್ರ ಮಟ್ಟದ ಸ್ಪರ್ಧೆಗಳಲ್ಲಿ ಹೆಚ್ಚು ಪದಕಗಳನ್ನು ಗೆಲ್ಲುತ್ತಿದ್ದಾರೆ. ಇದು ಹೊಸ ಭರವಸೆಗೆ ಕಾರಣವಾಗಿದೆ. ಇದರ ಬಗ್ಗೆ ಪ್ರಮೋದ ಜಿ.ಕೆ. ಬರೆದಿದ್ದಾರೆ.

ಪಂಜಾಕುಸ್ತಿಯಲ್ಲಿ ರಾಜು ಮಿಂಚು...

‘ಮೊದಲು ನಾನು ಕುಸ್ತಿ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದೆ. ಆಮೇಲೆ ದೇಹದಾರ್ಢ್ಯ ಸ್ಪರ್ಧೆಗಳಲ್ಲಿ ಪಾಲ್ಗೊಂಡು ಪ್ರಶಸ್ತಿ ಕೂಡ ಜಯಿಸಿದ್ದೆ. ಬಳಿಕ ಪಂಜಾಕುಸ್ತಿ ಮೇಲೆ ಆಸಕ್ತಿ ಮೂಡಿತು.

ಶಿಕ್ಷಣ

ಶಾಲಾಮಕ್ಕಳ ಮೇಲೆ ಇರಲಿ ನಿಗಾ!

ಮಕ್ಕಳು ಶಾಲೆಗೆ ಹೋಗಲು ಹಟ ಮಾಡುತ್ತಿದ್ದಾರೆ ಎಂದರೆ ಅದಕ್ಕೆ ಕಾರಣಗಳು ಹಲವು ಇರಬಹುದು. ಶಾಲೆಗೆ ಹೋಗಲು ನಿರಾಕರಿಸುವುದು ಬೇರೆ, ತರಗತಿಗಳಿಗೆ ಗೈರು ಹಾಜರಾಗುವುದು ಬೇರೆ. ಹಟ ಮಾಡುವವರಿಗೆ ಭಾವನಾತ್ಮಕ ಕಾರಣಗಳಿರಬಹುದು. ಆದರೆ ಶಾಲೆಗೇ ಹೋಗದೆ, ಅದನ್ನು ಪಾಲಕರಿಗೂ ಹೇಳದೆ ಮುಚ್ಚಿಡುವವರ ದಾರಿ ಬೇರೆಯೇ ಆಗಿರುತ್ತದೆ. ಈ ಎರಡು ಮಾನಸಿಕತೆಗಳಿಗೂ ವ್ಯತ್ಯಾಸವಿದೆ.

ಪರೀಕ್ಷೆ ಮತ್ತು ಮಕ್ಕಳ ಮನೋವಿಜ್ಞಾನ

ಭಯ ನಿವಾರಣೆಯ ಬಗ್ಗೆ ಪಾಲಕರು ಮತ್ತು ಶಿಕ್ಷಕರು ಮಕ್ಕಳಿಗೆ ನೆರವಾಗಬೇಕು. ಪರೀಕ್ಷೆ ಹತ್ತಿರವಾಗಿರುವಾಗ ಪಾಲಕರ ವರ್ತನೆ ಮಕ್ಕಳೊಂದಿಗೆ ಮತ್ತಷ್ಟು ಆತ್ಮೀಯವಾಗಿರಬೇಕು. ಮಕ್ಕಳ ಸಾಧನೆಯೇ ಪೋಷಕರ ಪ್ರೀತಿಗೆ ಕಾರಣವಾಗಿರಬಾರದು.

ಅತ್ಯುನ್ನತ ಶಿಕ್ಷಣ ಸಂಸ್ಥೆಗಳು ಎನ್ನುವ ಹೊಸ ಪ್ರಯೋಗ

ಒಂದೆರಡು ಐಐಟಿಗಳು ಮತ್ತು ಭಾರತೀಯ ವಿಜ್ಞಾನ ಸಂಸ್ಥೆಯಂತಹ ಉನ್ನತ ಶಿಕ್ಷಣ ಕೇಂದ್ರಗಳನ್ನು ಹೊರತುಪಡಿಸಿ, ಭಾರತದ ಯಾವ ಉನ್ನತ ಶಿಕ್ಷಣ ಸಂಸ್ಥೆಯೂ ಅಂತರರಾಷ್ಟ್ರೀಯ ರ‍್ಯಾಂಕಿಂಗ್‌ ಪಟ್ಟಿಗಳಲ್ಲಿ ಸ್ಥಾನ ಪಡೆದಿಲ್ಲ ಎನ್ನುವುದು ನಮ್ಮ ಶಿಕ್ಷಣ ವ್ಯವಸ್ಥೆಯ ಪ್ರತಿಫಲನವೇ ಆಗಿದೆ. ಭಾರತ ಸರ್ಕಾರವು ‘ಇನ್‌ಸ್ಟಿಟ್ಯೂಷನ್‌ ಆಫ್ ಎಮಿನೆನ್ಸ್’ ಎನ್ನುವ ಹೊಸದೊಂದು ಯೋಜನೆಯನ್ನು ರೂಪಿಸಿದೆ. ಭವಿಷ್ಯದಲ್ಲಿ ಇದು ನಮ್ಮ ದೇಶದ ಶೈಕ್ಷಣಿಕ ಗುಣಮಟ್ಟವನ್ನು ಹೆಚ್ಚಿಸೀತೆ?

ಎಂಬಿಎ ಎಚ್‌ಆರ್‌ಗೆ ಬೆಲೆ ಇದೆಯೇ?

ರಾಜ್ಯಮಟ್ಟದ ಪರೀಕ್ಷೆಗಳು ಇವೆ. ಕೆಇಎ (KEA) ಇವರು ಕರ್ನಾಟಕದಲ್ಲಿ MBA ಕಾಲೇಜುಗಳ ಪ್ರವೇಶಕ್ಕೆ PGCET ನಡೆಸುತ್ತಾರೆ. 2 ವರ್ಷಗಳ ಕೆಲಸದ ಅನುಭವ ಬೇಕು. ನಂತರ GMAT ಮತ್ತು TOEFL ಪರೀಕ್ಷೆ ಬರೆದರೆ ಅಮೆರಿಕದಲ್ಲಿ ಉನ್ನತ MBA ವ್ಯಾಸಂಗ ಸಹ ಮಾಡಬಹುದು.