ನೂತನ ಮಯೂರ ನರ್ತನ!

13 Oct, 2017
ಪದ್ಮನಾಭ ಭಟ್‌

‘ಹೆತ್ತ ಜೀವಗಳು ನಮ್ಮನ್ನು ಅಗಲಿದಾಗ ಎಂಥ ರಾಕ್ಷಸ ಆದರೂ ಆ ಸಂದರ್ಭದಲ್ಲಿ ಕರಗಿಹೋಗುತ್ತಾನೆ. ಎದೆಗುಂದುತ್ತಾನೆ. ನಾನು ತುಂಬ ಸಾಧಾರಣ ಕುಟುಂಬದಿಂದ ಬಂದವಳು. ಸಾಕಷ್ಟು ಕಷ್ಟ ನೋಡಿದವಳು. ಆದರೆ ಅವೆಲ್ಲವನ್ನೂ ಒಂದು ಧೈರ್ಯದಿಂದಲೇ ಎದುರಿಸುತ್ತ ಬಂದಿದ್ದೆ. ಆದರೆ ಅನಿರೀಕ್ಷಿತವಾಗಿ ನನ್ನ ತಂದೆಯನ್ನು ಕಳೆದುಕೊಂಡ ಸನ್ನಿವೇಶ ಎದುರಾದಾಗ ಮಾತ್ರ ಪೂರ್ತಿ ಕುಸಿದು ಹೋಗಿದ್ದೆ.  ಇದು ನನ್ನ ಬದುಕಿನ ಮುಕ್ತಾಯ ಅನಿಸಿಬಿಟ್ಟಿತ್ತು. ತಂದೆ ಕಳೆದುಕೊಂಡ ದುಃಖ ಒಂದೆಡೆ. ಇಲ್ಲೇ ಇರಬೇಕಾ, ಅಥವಾ ಚಿತ್ರರಂಗ ಬಿಟ್ಟು ಮರಳಿ ನನ್ನೂರು ಹುಬ್ಬಳ್ಳಿಗೆ ಹೋಗಬೇಕಾ? ಅಮ್ಮನನ್ನು ಇಲ್ಲಿಗೆ ಕರೆಸಿಕೊಳ್ಳಬೇಕಾ? ಮುಂದಿನ ಬದುಕು ಹೇಗೆ?  ಇಂಥ ನೂರಾರು ಪ್ರಶ್ನೆಗಳು ನನ್ನನ್ನು ಇರಿಯುತ್ತಿರುವಾಗ ನನಗೆ ಬದುಕಲು ಸ್ಫೂರ್ತಿ ತಂದುಕೊಂಡ ಸಿನಿಮಾ ‘ಕರಿಯ 2’.  ಇದು ವೈಯಕ್ತಿಕ ಬದುಕು ಮತ್ತು ವೃತ್ತಿ ಬದುಕು ಎರಡೂ ರೀತಿಯಿಂದಲೂ ತುಂಬ ವಿಶೇಷ ಸಿನಿಮಾ’ – ಪಟಪಟಪಟ ಎಂದು ಇಷ್ಟು ಹೇಳಿ ಉಸಿರು ತೆಗೆದುಕೊಳ್ಳಲಿಕ್ಕೋ, ನಿಟ್ಟುಸಿರು ಮರೆಮಾಚಲಿಕ್ಕೋ ಸುಮ್ಮನಾಗಿಬಿಟ್ಟರು ಮಯೂರಿ.

ಮಾಡೆಲಿಂಗ್‌, ಕಿರುತೆರೆ, ಚಲನಚಿತ್ರಗಳು ಹೀಗೆ ಸಾಧನೆಯ ಹಾದಿಯಲ್ಲಿ ಹಂತ ಹಂತವಾಗಿ ಮೇಲೇರುತ್ತ ಬಂದಿರುವ  ಹುಡುಗಿ ಮಯೂರಿ. 2015ರಲ್ಲಿ ‘ಕೃಷ್ಣಲೀಲಾ’ ಸಿನಿಮಾ ಮೂಲಕ ನಾಯಕಿಯಾಗಿ ಹಿರಿತೆರೆಗೆ ಅಡಿಯಿಟ್ಟ ಮಯೂರಿ ಅವರ ನಾಲ್ಕನೇ ಸಿನಿಮಾ ‘ಕರಿಯ 2’. ಇಷ್ಟು ಕಮ್ಮಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ಕಾರಣ ಕೇಳಿದರೆ ಅವರದು ಒಂದೇ ಉತ್ತರ; ‘ಹತ್ತು ಸಿನಿಮಾ ಮಾಡಿ ಎಲ್ಲದರಲ್ಲಿಯೂ ಸೋಲುವುದಕ್ಕಿಂತ ಒಂದೊಂದೇ ಮಾಡುತ್ತ ಹೋಗಿ ಎಲ್ಲದರಲ್ಲಿಯೂ ಗೆಲ್ಲುತ್ತಾ ಶಾಶ್ವತವಾಗಿ ಬೆಳೆಯಬೇಕು ಎನ್ನುವುದೇ ನನ್ನ ಪಾಲಿಸಿ’.

’ಎಲ್ಲರೂ ಎಲ್ಲೆಲ್ಲಿಂದಲೋ ಬಂದು ನಮ್ಮ ಚಿತ್ರರಂಗದಲ್ಲಿ ಬೆಳೆಯುತ್ತಾರೆ. ಆದರೆ ನಾನು ಉತ್ತರಕರ್ನಾಟಕದ ಹುಡುಗಿಯಾಗಿ, ಕನ್ನಡದವಳಾಗಿ ನನ್ನ ಅಸ್ಮಿತೆಯನ್ನು ಉಳಿಸಿಕೊಳ್ಳಬೇಕು. ಇಲ್ಲಿ ಗುರುತರ ಮಟ್ಟಕ್ಕೆ ಬೆಳೆಯಬೇಕು ಎಂಬ ಆಸೆ ಮತ್ತು ಛಲ ಎರಡೂ ನನ್ನಲ್ಲಿದೆ’ ಎನ್ನುತ್ತಾರೆ ಮಯೂರಿ.

‘ಕರಿಯ 2’ ಅವರ ಮನಸ್ಸಿಗೆ ಹತ್ತಿರವಾಗಲು ಇನ್ನೂ ಒಂದು ಕಾರಣ ಇದೆ.  ಈ ಚಿತ್ರದಲ್ಲಿನ ಅನೇಕ ಸನ್ನಿವೇಶಗಳು ಅವರ ವೈಯಕ್ತಿಕ ಬದುಕನ್ನೇ ಹೋಲುವಂತಿದೆಯಂತೆ. ‘ಈ ಚಿತ್ರದಲ್ಲಿ ಎಲ್ಲಿಯೂ ನಾನು ಗ್ಲಿಸರಿನ್‌ ಬಳಸಿಯೇ ಇಲ್ಲ. ಕೇವಲ ಒಂದು ತಿಂಗಳ ಹಿಂದೆ ತೀರಿಕೊಂಡಿದ್ದರು. ನಂತರ ನನ್ನ ರೀಲ್‌ ಬದುಕಿನಲ್ಲಿಯೂ ತಂದೆಯ ಶವದ ಮುಂದೆ ಅಳುವ ದೃಶ್ಯಗಳಲ್ಲಿ ನಟಿಸುತ್ತಿದ್ದೆ. ಒಂದೇ ವ್ಯತ್ಯಾಸ. ಇಲ್ಲಿ ಶಾಟ್‌ ಮುಗಿದ ತಕ್ಷಣ ತಂದೆ ಎದ್ದು ಕೂತುಬಿಡುತ್ತಿದ್ದರು. ನಮ್ಮ ಜತೆಗೇ ಟೀ ಕುಡಿಯುತ್ತಿದ್ದರು. ಮಾತಾಡುತ್ತಿದ್ದರು. ನಿಜಜೀವನದಲ್ಲಿಯೂ ಹೀಗೆ ಆಗಿದ್ದಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತಲ್ಲಾ ಅನಿಸುತ್ತಿತ್ತು. ಭಾವುಕಳಾಗಿಬಿಡುತ್ತಿದ್ದೆ’ ಎಂದು ಬಣ್ಣದ ಬದುಕು ವಾಸ್ತವ ಜೀವನದೊಟ್ಟಿಗೆ ಬೆಸೆದುಕೊಂಡ ಪರಿಯನ್ನು ಅವರು ವಿವರಿಸುತ್ತಾರೆ.

ಅಲ್ಲದೇ ಈ ಸಿನಿಮಾದ ಕಥೆ ಮತ್ತು ಅದರಲ್ಲಿ ತಮ್ಮ ಪಾತ್ರಕ್ಕಿರುವ ಮಹತ್ವದ ಬಗ್ಗೆ ಅವರಿಗೆ ತುಂಬ ಖುಷಿಯಿದೆ. ನಿರ್ದೇಶಕ ಪ್ರಭು ಶ್ರೀನಿವಾಸ್‌ ಅವರನ್ನೂ ಅವರ ಪ್ರತಿಭೆಯನ್ನೂ ಮುಕ್ತಕಂಠದಿಂದ ಶ್ಲಾಘಿಸುತ್ತಾರೆ. ಈ ಚಿತ್ರದಲ್ಲಿ ಅವರು ಜಾನಕಿ ಅನ್ನೊ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

‘ಕೋಪ, ರೋಷ, ಪ್ರೀತಿ, ತುಂಟತನ ಎಲ್ಲವೂ ಇರುವ ಪಾತ್ರದಲ್ಲಿ ನಟಿಸಬೇಕು ಎನ್ನುವ ಆಸೆ ಎಲ್ಲ ಕಲಾವಿದರಿಗೂ ಇರುತ್ತದೆ. ಅದರಲ್ಲಿಯೂ ನಟಿಯರಿಗಂತೂ ತಾವೂ ಪಂಚಿಂಗ್‌ ಡೈಲಾಗ್‌ ಹೊಡೀಬೇಕು ಎಂಬ ಬಯಕೆ ಇರುತ್ತದೆ. ಈ ಎಲ್ಲವೂ ಜಾನಕಿಯ ಪಾತ್ರದಲ್ಲಿದೆ. ಅಲ್ಲದೇ ನಾಯಕನಷ್ಟೇ ಮಹತ್ವ ನಾಯಕಿಗೂ ಇದೆ’ ಎಂದು ತಮ್ಮ ಪಾತ್ರದ ಬಗ್ಗೆ ಹೇಳುತ್ತಾರೆ. ಜತೆಗೆ ಅವರು ಈ ಚಿತ್ರದಲ್ಲಿ ಬುಲೆಟ್‌ ಬೈಕ‌್ ಅನ್ನೂ ಓಡಿಸಿದ್ದಾರೆ. ಅದುವರೆಗೂ ಬುಲೆಟ್‌ ಓಡಿಸಿ ಗೊತ್ತಿರದ ಅವರು ವಿಶ್ವಾಸದಿಂದಲೇ ಚಲಾಯಿಸುವುದನ್ನು ಕಂಡ ನಿರ್ದೇಶಕರು ಮತ್ತೂ ಒಂದೆರಡು ಬೈಕ್‌ ಓಡಿಸುವ ದೃಶ್ಯ ಅಳವಡಿಸಿದರಂತೆ! ಹಾಗೆಯೇ ಇವರ ಅಭಿನಯವನ್ನು ನೋಡಿ ಇವರಿಗೆ ಹೆಚ್ಚುವರಿಯಾಗಿ ಒಂದಿಷ್ಟು ಡೈಲಾಗ್‌ಗಳು, ದೃಶ್ಯಗಳನ್ನೂ ಅಳವಡಿಸಿದ್ದಾರಂತೆ.

ದರ್ಶನ್‌ ಅಭಿನಯದ ‘ಕರಿಯ’ ಸಿನಿಮಾದ ನೆರಳು ಈ ಚಿತ್ರದ ಮೇಲೆ ನಕಾರಾತ್ಮಕ ಪರಿಣಾಮ ಮಾಡುವುದಿಲ್ಲವೇ ಎಂಬ ಪ್ರಶ್ನೆಗೆ ಅವರು ಚಿತ್ರದ ಟ್ಯಾಗ್‌ ಲೈನ್‌ ’ಇವ್ನು ಬೇರೆ ಥರ’ ಎಂಬುದನ್ನೇ ಪುನರುಚ್ಚರಿಸುತ್ತಾರೆ.

ಸಂತೋಷ್‌ ಅವರೊಂದಿಗೆ ನಟಿಸಿದ ಅನುಭವದ ಕುರಿತೂ ಅವರು ಉತ್ಸಾಹದಿಂದ ಮಾತನಾಡುತ್ತಾರೆ. ‘ಕರಿಯ 2 ಸಿನಿಮಾ ನಿರ್ಮಾಪಕ ಸಂತೋಷ್‌ ತಂದೆ. ಆದರೆ ಅವರಿಗೆ ನಿರ್ಮಾಪಕನ ಮಗ  ಎಂಬ ಯಾವ ಹಮ್ಮೂ ಇಲ್ಲ. ಎಲ್ಲರ ಜತೆ ಬೆರೆಯುತ್ತ ಖುಷಿಯಾಗಿರುತ್ತಾರೆ. ಅವರ ಪ್ರತಿಭಾಶಕ್ತಿಯಂತೂ ಅದ್ಭುತ. ಕರಿಯ ಸಿನಿಮಾದ ಮೂಲಕ ದರ್ಶನ್‌ ಅವರು ಎಷ್ಟು ಹೆಸರುಗಳಿಸಿದರೋ ಅಷ್ಟೇ ಹೆಸರನ್ನು ಈ ಸಿನಿಮಾದ ಮೂಲಕ ಸಂತೋಷ್‌ ಗಳಿಸಿದರೆ ಅಚ್ಚರಿಯಿಲ್ಲ’ ಎನ್ನುವುದು ಅವರ ಭವಿಷ್ಯನುಡಿ.

ಮುಂದೆಯೂ ಹೀಗೆ ಭಿನ್ನ ಪಾತ್ರಗಳಲ್ಲಿಯೇ ಕಾಣಿಸಿಕೊಳ್ಳಬೇಕು ಎನ್ನುವ ಹಂಬಲ ಅವರದು.

‘ಮುಂದೊಂದು ದಿನ ನಾನು ಹಿಂತಿರುಗಿ ನೋಡಿದಾಗ ನನ್ನ ಬಗ್ಗೆ ನನಗೆ ಆತ್ಮತೃಪ್ತಿ ಮೂಡಬೇಕು. ನಾನು ನಟಿಸಿದ ಎಲ್ಲ ಪಾತ್ರಗಳೂ ನನ್ನ ಹೆಸರಿನೊಟ್ಟಿಗೆ ಸೇರುತ್ತ ಹೋಗಬೇಕು. ನನ್ನ ಪಾತ್ರಗಳ ಹೆಸರೇ ನನ್ನ ಡೆಸಿಗ್ನೇಶನ್‌ ಆಗಬೇಕು. ನಾನು ಮಾಡುವ ಪಾತ್ರಗಳು ಪ್ರೇಕ್ಷಕರು ಏನಾದರೂ ಹೊಸತನ್ನು ಕಲಿಯಬೇಕು’ ಎಂದು ಪ್ರತಿಭೆಯ ಮೂಲಕವೇ ಬೆಳೆಯಬೇಕು ಎಂಬ ತಮ್ಮ ಬದ್ಧತೆಯನ್ನು ಅವರು ವ್ಯಕ್ತಪಡಿಸುತ್ತಾರೆ.

ಹಾಗೆಯೇ ತಮ್ಮ ಪ್ರತಿಭೆಯನ್ನು ಜನರು ಗುರ್ತಿಸಬೇಕು ಎಂಬ ಅಭಿಲಾಷೆಯೂ ಅವರಿಗಿದೆ. ‘ಈ ಗುರ್ತಿಸುವಿಕೆ ಎನ್ನುವುದು ಅವಾರ್ಡ್‌ಗಳ ಮೂಲಕ ಅಲ್ಲ, ರಿವಾರ್ಡ್‌ಗಳ ಮೂಲಕ’ ಎಂದೂ ಅವರು ಸ್ಪಷ್ಟವಾಗಿ ಹೇಳುತ್ತಾರೆ.

ಸದ್ಯಕ್ಕೆ ರಾಮಚಂದ್ರ ಎಂಬ ಹೊಸ ನಿರ್ದೇಶಕರು ನಿರ್ದೇಶಿಸಿರುವ ‘ಆಟಕ್ಕುಂಟು ಲೆಕ್ಕಕ್ಕಿಲ್ಲ’ ಎಂಬ ಸಿನಿಮಾದಲ್ಲಿ ನಟಿಸುತ್ತಿರುವ ಅವರು ಮತ್ತೊಂದು ಭಿನ್ನ ಪಾತ್ರಕ್ಕಾಗಿ ಕಾಯುತ್ತಿದ್ದಾರೆ.

**

ನಾನು ದೇವರಿಗೆ ನಮಸ್ಕಾರ ಮಾಡುವುದನ್ನು ಮರೆತಿರಬಹುದು. ಆದರೆ ನನ್ನ ಕಾಸ್ಟ್ಯೂಮ್‌, ಮೇಕಪ್‌ ಮತ್ತು ಅಮ್ಮನಿಗೆ ನಮಸ್ಕಾರ ಮಾಡುವುದನ್ನು ನಾನು ಒಂದು ದಿನವೂ ಮರೆತಿಲ್ಲ. ಇದು ನನ್ನ ಬದುಕಿನ ಶೈಲಿ.

Read More

Comments
ಮುಖಪುಟ

ಗುಜರಾತ್‌: ಬಿಜೆಪಿಗೆ ಪ್ರಯಾಸದ ಗೆಲುವು

182 ಸ್ಥಾನಗಳನ್ನು ಹೊಂದಿರುವ ಗುಜರಾತಿನಲ್ಲಿ 99 ಸ್ಥಾನಗಳನ್ನು ಪಡೆಯುವ ಮೂಲಕ ಬಿಜೆಪಿ ಸತತ ಆರನೇ ಬಾರಿಗೆ ಅಧಿಕಾರಕ್ಕೆ ಬಂದಿದೆ. 68 ಸ್ಥಾನಗಳನ್ನು ಹೊಂರುವ ಹಿಮಾಚಲ ಪ್ರದೇಶದಲ್ಲಿ 44 ಸ್ಥಾನಗಳನ್ನು ಪಡೆಯುವ ಮೂಲಕ ಬಿಜೆಪಿ ಸರ್ಕಾರ ರಚನೆಗೆ ಮುಂದಾಗಿದೆ...

‘ಸಾಧನಾ ಸಂಭ್ರಮ’ದಲ್ಲಿ ಆತ್ಮವಿಶ್ವಾಸ ಪ್ರದರ್ಶನ

‘ಉತ್ತಮ ಆಡಳಿತವನ್ನು ನೀಡಿದ್ದೇನೆ. ಆದ್ದರಿಂದ ನಮಗೆ ಆಡಳಿತ ವಿರೋಧಿ ಅಲೆ ಇಲ್ಲ. ಮುಂದಿನ ಬಾರಿಯೂ ಕಾಂಗ್ರೆಸ್‌ ಸರ್ಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬರುವುದನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಿಲ್ಲ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ದೃಢವಾಗಿ ಹೇಳಿದರು.

ರಾಜ್ಯದಲ್ಲಿ ಎಲ್ಲ ಕ್ಷೇತ್ರಗಳಲ್ಲೂ ವಿವಿಪಿಎಟಿ ಇವಿಎಂ ಬಳಕೆ

‘ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಮತಪತ್ರ ವ್ಯವಸ್ಥೆ ಜಾರಿ ಪ್ರಶ್ನೆಯೇ ಇಲ್ಲ. ರಾಜ್ಯದ ಎಲ್ಲ ಮತಗಟ್ಟೆಗಳಲ್ಲೂ ವಿವಿಪಿಎಟಿ (Voter Verifiable Paper Audit Trail) ವ್ಯವಸ್ಥೆ ಹೊಂದಿರುವ ಇವಿಎಂಗಳನ್ನೇ ಬಳಸಲಾಗುವುದು’ ಎಂದು ಮುಖ್ಯ ಚುನಾವಣಾಧಿಕಾರಿ ಸಂಜೀವ್‌ಕುಮಾರ್‌ ‘ಪ್ರಜಾವಾಣಿ’ಗೆ ತಿಳಿಸಿದರು.

ಪ್ರಧಾನಿ ಸ್ಪಷ್ಟನೆಗೆ ಪ್ರತಿಪಕ್ಷಗಳ ಪಟ್ಟು

ಪ್ರತಿಪಕ್ಷದ ಸದಸ್ಯರು ಸಭಾಧ್ಯಕ್ಷರ ಪೀಠದ ಎದುರು ಜಮಾಯಿಸಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ವೆಂಕಯ್ಯ ನಾಯ್ಡು, ‘ನಿಮ್ಮ ಈ ವರ್ತನೆಯನ್ನು ಜನರು ನೋಡುವುದನ್ನು ನಾನು ಇಷ್ಟಪಡುವುದಿಲ್ಲ’ ಎಂದು ಹೇಳಿ ದಿನದ ಮಟ್ಟಿಗೆ ಕಲಾಪ ಮುಂದೂಡಿದರು...

ಸಂಗತ

ನೈತಿಕ ಚೌಕಟ್ಟು ಮತ್ತು ವರ್ತಮಾನದ ಬಿಕ್ಕಟ್ಟು

ಪಾವಿತ್ರ್ಯ, ಶೀಲ, ಕನ್ಯತ್ವವೆಂಬ ಅಂಶಗಳನ್ನು ತಮ್ಮ ಬದುಕಿನ ಹಾದಿಯಲ್ಲಿ ಜರುಗುವ ಪ್ರೇಮದ ಮೂಲಕ ಮೆಟ್ಟಿನಿಲ್ಲುವ ಯುವ ಸಮುದಾಯ, ಅದೇ ಮದುವೆ ಆಗುವ ವಿಚಾರ ಬಂದಾಗ ‘ಹಿಂದೇನೂ ನಡೆದೇ ಇಲ್ಲ’ವೆಂಬಂತೆ ಮತ್ತದೇ ಜಾತಿ, ಜಾತಕ, ಅಂತಸ್ತು, ಒಳ್ಳೆ ಮನೆತನಗಳೆಂಬ ಸೂತ್ರಕ್ಕೆ ಜೋತು ಬೀಳುವ ವಿಪರ್ಯಾಸವನ್ನೂ ಗಮನಿಸಬಹುದಾಗಿದೆ. 

ಮಕ್ಕಳನ್ನು ಮಾದಕ ವಸ್ತುಗಳಿಂದ ರಕ್ಷಿಸಿ

ತಂದೆ-ತಾಯಿಗಳ ಆರೈಕೆ, ಪೋಷಣೆಯಿಲ್ಲದ ಅನಾಥ ಬೀದಿ ಮಕ್ಕಳು ಇಂತಹ ಕೃತ್ಯಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುತ್ತಾರೆಂಬ ಅಂಶ ಬೆಂಗಳೂರಿನಲ್ಲಿ ನಿಮ್ಹಾನ್ಸ್ ಸಂಸ್ಥೆ ಮತ್ತು ಬೆಂಗಳೂರು ಫೋರಂ ಫಾರ್ ಸ್ಟ್ರೀಟ್ ಅಂಡ್ ವರ್ಕಿಂಗ್ ಚಿಲ್ಡ್ರನ್ ಸಂಸ್ಥೆಗಳು 1998ರಲ್ಲಿ ಕೈಗೊಂಡ ಅಧ್ಯಯನದಿಂದ ತಿಳಿದುಬಂದಿತ್ತು

ನಿರ್ಭಯಾ ನೆನಪು– ವರ್ಮಾ ವರದಿ

ದೌರ್ಜನ್ಯ ತಡೆಯುವ ನಿಟ್ಟಿನಲ್ಲಿ ನ್ಯಾಯಮೂರ್ತಿ ವರ್ಮಾ ವರದಿ ಒಂದು ಅಪರೂಪದ ದಾಖಲೆ. ಒಂದು ಬೃಹತ್ ಆಂದೋಲನದ ಫಲ. ಮಹಿಳಾ ಚಳವಳಿಗಳು ಇಂತಹ ವರದಿಗಳ ಅನುಷ್ಠಾನಕ್ಕೆ ಆಗ್ರಹಿಸಬೇಕು

ಪೇಜಾವರ ಶ್ರೀಗಳಿಗೆ... ಸ್ಪಷ್ಟನೆಗಾಗಿ ಪತ್ರ

ಸಂವಿಧಾನದ ಯಾವ ವಿಧಿಗಳ ಬಗ್ಗೆ ತಮಗೆ ತಕರಾರಿದೆ? ತಾವು ಬಯಸುವ ಬದಲಾವಣೆ ಏನು?

ಕರ್ನಾಟಕ ದರ್ಶನ

ವಿಜಯಪುರದ ಯುದ್ಧತೋಪುಗಳು

ಯುದ್ಧಭೂಮಿಯಲ್ಲಿ ಭೋರ್ಗರೆಯುತ್ತ ಬೆಂಕಿ ಉಗುಳಿದ್ದ ಈ ಆಯುಧಗಳು ಈಗ ಶಾಂತವಾಗಿ ಮಲಗಿ ಎಲ್ಲರನ್ನೂ ಆಕರ್ಷಿಸುತ್ತಿವೆ. ಆದರೆ, ಅವುಗಳ ವೀಕ್ಷಣೆಗೆ ಸರಿಯಾದ ಸೌಕರ್ಯಗಳೇ ಇಲ್ಲವಲ್ಲ?

ಕಟ್ಟೆ ಕಟ್ಟಿದ ಕಥೆ ಹೇಳುವ ಚಿತ್ರಗಳು

ಆಲಮಟ್ಟಿ ಜಲಾಶಯ ಸನ್ನದ್ಧಗೊಂಡು ನಿಲ್ಲಲು 40 ವರ್ಷಗಳೇ ಬೇಕಾದವು. ನಿರ್ಮಾಣ ಹಂತದ ಈ ಇತಿಹಾಸದ ಕಥೆ ಹೇಳುವ ನೂರಾರು ಭಾವಚಿತ್ರಗಳನ್ನು ಆಲಮಟ್ಟಿಯ ಪ್ರಧಾನ ಮುಖ್ಯ ಲೆಕ್ಕಾಧಿಕಾರಿಗಳ ಕಚೇರಿಯ ಆವರಣದ ಗೋಡೆಗಳ ಮೇಲೆ ಇದೀಗ ಅನಾವರಣಗೊಳಿಸಲಾಗಿದೆ.

ಹಾವಿನೊಡನೆ ಆಡುವ ಪೋರಿ!

ಹಾವು ಎಂದರೆ ಹುಲೇಕಲ್‌ ಮನೆತನದವರಿಗೆ ಅಚ್ಚುಮೆಚ್ಚು. ಈ ಮಗುವಿನ ಅಜ್ಜ ಸುರೇಶ ಅವರು ಅರಣ್ಯ ಇಲಾಖೆಯ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸಿದವರು. ಮನೆಗಳಿಗೆ ನುಗ್ಗಿದ ಹಾವುಗಳನ್ನು ರಕ್ಷಣೆ ಮಾಡುತ್ತಿದ್ದವರು. ಪ್ರಶಾಂತ್‌ ಕೂಡ ಹಾವು ಹಿಡಿಯುವುದನ್ನು ಕಲಿತರು. ಈಗ ಅವರ ಎರಡೂವರೆ ವರ್ಷದ ಮಗಳು ಸಹ ಹಾವುಗಳನ್ನು ಹಿಡಿಯುತ್ತಿದ್ದಾಳೆ!

ಕಾಡಂಚಿನಲ್ಲಿ ನೈರ್ಮಲ್ಯದ ಮಿಂಚು!

ನಿತ್ಯ ಬೆಳಗಾದರೆ ಈ ಗ್ರಾಮಗಳಲ್ಲಿ ತಮಟೆ ಹಿಡಿದು ಸ್ವಚ್ಛತಾ ಆಂದೋಲನ ನಡೆಸುವ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ನೇತೃತ್ವದ ತಂಡ, ಮಲಕ್ಕೆ ಮಣ್ಣು ಹಾಕುತ್ತಾ ಸಾಗುತ್ತದೆ. ರಸ್ತೆಯನ್ನು ತೊಳೆದು ಶೌಚಮುಕ್ತಗೊಳಿಸುತ್ತದೆ...

ಕೃಷಿ

ಮೈಲು ಬರೀ ಆರು; ಕೃಷಿಪಾಠ ನೂರಾರು

ತೋವಿನಕೆರೆಯ ಜಯಪದ್ಮಮ್ಮ ಅವರ ಶೂನ್ಯ ಬಂಡವಾಳದ ತೋಟ, ಕಬ್ಬಿಗೆರೆ ಜವರೇಗೌಡರ ಕೃಷಿ ಉಪಕರಣ, ನಂದಿಹಳ್ಳಿಯ ನೀಲಕಂಠಮೂರ್ತಿ ಅವರ ಓದೇಕರ್ ಫಾರಂ, ವಿಜಯ ಕುಮಾರ್ ಅವರ ನಂದಿಫಾರಂ, ಅಕಾಲಿಕವಾಗಿ ಹಣ್ಣು ಬಿಡುವ ಹಲಸಿನಮರ, ಜೋನಿಗರಹಳ್ಳಿಯ ಹೂವಿನ ಬೇಸಾಯ, ಗೊಲ್ಲರ ಹಟ್ಟಿಯ ರೈತರು ಬೆಳೆಯುವ ಸಿರಿ ಧಾನ್ಯ... ಹೀಗೆ ಹುಡುಕಿದಷ್ಟೂ ಮಾದರಿ ತೋಟಗಳು ಇವೆ.

ಗುಡ್ಡದ ಮೇಲೆ ದಾಳಿಂಬೆ ಬೆಳೆದು...

ದಾಳಿಂಬೆ ಕೃಷಿಗಾಗಿ ಇಲ್ಲಿಯವರೆಗೆ ₹8 ಲಕ್ಷ ದವರೆಗೆ ಖರ್ಚು ಮಾಡಿರುವುದಾಗಿ ಹೇಳುತ್ತಾರೆ. ಬೆಳೆ ಸರಿಯಾಗಿ ಬರಲು ಆಕಳ ಸಗಣಿ ಗೊಬ್ಬರವನ್ನು ಹೊಲಕ್ಕೆ ಹಾಕಿದ್ದಾರೆ. ಈಗ ಎಲ್ಲ ಬೆಳೆಯಿಂದ ಉತ್ತಮ ಆದಾಯ ನಿರೀಕ್ಷೆ ಮಾಡಿದ್ದು, ಒಂದು ಟನ್ನಿಗೆ ಸರಾಸರಿ₹60 ಸಾವಿರ ಬರುವ ನಿರೀಕ್ಷೆಯಿದೆ ಎಂದು ವಿವರಿಸುತ್ತಾರೆ.

ಸಿದ್ಧಸಣ್ಣ ಬೆಳೆದು ಇದ್ದ ಸಾಲ ಕಳಕೋ!

ಸೋನಾಮಸೂರಿಗೆ ಸಮನಾಗಬಲ್ಲ ನಾಟಿ ತಳಿ ಭತ್ತವನ್ನು ರಾಜ್ಯಕ್ಕೆ ಪರಿಚಯಿಸಿದ್ದಾರೆ ಮಂಡ್ಯದ ಬೋರೇಗೌಡರು. ರೋಗ ನಿರೋಧಕ ಗುಣ, ಅಧಿಕ ಇಳುವರಿ, ಗುಣಮಟ್ಟದ ಅಕ್ಕಿ... ಈ ತಳಿಯನ್ನು ರೈತರು ಪ್ರೀತಿಸಲು ಕಾರಣ ಹಲವು 

ಚರಂಡಿ ನೀರಿನಲ್ಲಿ ಕೃಷಿ

ಕೊಳವೆ ಬಾವಿಗಳು ಬತ್ತಿದಾಗ ನೀರಿಲ್ಲವೆಂದು ಕೃಷಿ ಕೈಬಿಡುವಂತಿರಲಿಲ್ಲ. ಇದಕ್ಕೆಂದು ಹೊಸ ಪ್ರಯೋಗಕ್ಕೆ ಮುಂದಾದರು ನಾರಾಯಣಸ್ವಾಮಿ. ಏನದು ಪ್ರಯೋಗ?