ಕರಿಯ 2: ಸವೆದ ದಾರಿಯಲ್ಲಿ ಸಲೀಸು ನಡಿಗೆ

13 Oct, 2017

ಹೆಸರು: ಕರಿಯ 2
ನಿರ್ಮಾಪಕ: ಆನೇಕಲ್‌ ಬಾಲರಾಜ್‌
ನಿರ್ದೇಶಕ: ಪ್ರಭು ಶ್ರೀನಿವಾಸ
ತಾರಾಗಣ: ಸಂತೋಷ್‌ ಬಾಲರಾಜ್‌, ಮಯೂರಿ, ಅಜಯ್‌ ಘೋಷ್‌, ಸಾಧು ಕೋಕಿಲ

ಹಿಂದಿನ ‘ಕರಿಯ’ನಿಗಿಂತ ನಾನು ಬೇರೆ ಥರ ಎಂದು ಹೇಳಿಕೊಂಡು ಬಂದಿರುವ ಚಿತ್ರ ‘ಕರಿಯ 2’. ಆದರೆ ಹಲವು ವಿಷಯಗಳಲ್ಲಿ ಇವನು ಹಳೆ ಕರಿಯನನ್ನು ಹೋಲುತ್ತಾನೆ. ಹಾಗೆಂದು ಅದರ ಮುಂದುವರಿಕೆಯಾಗಲಿ, ಅಥವಾ ಮರುಸೃಷ್ಟಿಯಾಗಲಿ ಖಂಡಿತ ಅಲ್ಲ. ರೌಡಿಸಂ ಕಥೆಯನ್ನು ಇಟ್ಟುಕೊಂಡು ಬಂದಿರುವ ಬಹುತೇಕ ಸಿನಿಮಾಗಳಲ್ಲಿ ಕಾಣಸಿಗುವ ಹಲವು ಸಾಮಾನ್ಯ ಅಂಶಗಳು ಈ ಸಿನಿಮಾದಲ್ಲಿಯೂ ಇವೆ. ಆ ನಿಟ್ಟಿನಲ್ಲಿ ‘ಕರಿಯ 2’ ಕಥೆಯಲ್ಲಾಗಲಿ, ಅದನ್ನು ಹೇಳಿರುವ ರೀತಿಯಲ್ಲಾಗಲಿ ತೀರಾ ವಿಶೇಷವೇನೂ ಇಲ್ಲ. ಈಗಾಗಲೇ ಹಲವು ಸಲ ಬಳಕೆಯಾಗಿರುವ ಯಶಸ್ಸಿನ ಬೇರೆ ಬೇರೆ ಸೂತ್ರಗಳನ್ನೇ  ಕೊಂಚ ಭಿನ್ನವಾಗಿಯೂ, ಸಡಿಲಗೊಳ್ಳದ ಹಾಗೆಯೂ ಹೆಣೆದಿದ್ದಾರೆ ನಿರ್ದೇಶಕ ಪ್ರಭು ಶ್ರೀನಿವಾಸ.

ಅವನು ಕರಿಯಪ್ಪ ಅಲಿಯಾಸ್‌ ಕರಿಯ. ಎದುರಾಳಿಗಳನ್ನು ಹೂವಿನಂತೆ ಎತ್ತಿ, ಕಸದಂತೆ ಬೀಸಿ ಒಗೆಯಬಲ್ಲ ಅಸಮಾನ ಶಕ್ತಿಯೇ ಅವನ ಆಸ್ತಿ. ಅವನು ಒದ್ದರೆ ಅಷ್ಟೆತ್ತರ ಸಿಮೆಂಟ್‌ ಟ್ಯಾಂಕ್‌ ಚಿಂದಿಯಾಗಿ ಸಿಡಿಯುತ್ತದೆ. ಮುಷ್ಟಿಯಿಂದ ಒಂದು ಏಟು ಬಿದ್ದರೆ ದೇಹದ ಅಂಗಾಂಗಗಳೆಲ್ಲ ನುಜ್ಜುಗುಜ್ಜಾಗುತ್ತವೆ. ಹಣಕ್ಕಾಗಿ ಏನು ಬೇಕಾದರೂ ಮಾಡುವ ಒರಟನಾದರೂ ‘ಅಮ್ಮ’ನೆಂಬ ಶಬ್ದ ಕಿವಿಗೆ ಬಿದ್ದರೆ ಕರಗಿ ನೀರಾಗುತ್ತಾನೆ. ಅಮ್ಮನ ಪ್ರೀತಿಯ ನೆನಪಿಸುವ ಗೆಳತಿಗಾಗಿ ಪ್ರಾಣಕೊಡಲೂ ಸಿದ್ಧನಾಗಿರುತ್ತಾನೆ. ಇಂಥ ಒರಟನ ಹೃದಯವನ್ನು, ಸೇಡಿನ ಕಿಡಿಯ ಎದೆಯಲ್ಲಿಟ್ಟುಕೊಂಡ ಜಾನಕಿ ಪ್ರವೇಶಿಸುತ್ತಾಳೆ.

ಪ್ರೀತಿ, ಮೋಸ, ವಂಚನೆ, ಹಣದಾಹ, ತಾಯಿ ಸೆಂಟಿಮೆಂಟ್‌ ಎಲ್ಲವನ್ನೂ ಹದವಾಗಿ ಬೆಸೆದು ಕಥೆ ಕಟ್ಟಿದ್ದಾರೆ ಪ್ರಭು. ಹಲವು ಅಸಂಗತ ಸಂಗತಿಗಳನ್ನಿಟ್ಟುಕೊಂಡೇ ಒಂದು ಸುಸಂಗತ ಸಿನಿಮಾ ರೂಪಿಸಲು ಅವರು ತಕ್ಕಮಟ್ಟಿಗೆ ಯಶಸ್ವಿಯಾಗಿದ್ದಾರೆ. ಇದೊಂದು ರೀತಿಯಲ್ಲಿ ಸವೆದ ದಾರಿಯಲ್ಲಿನ ಸಲೀಸು ಪ್ರಯಾಣ. ಈ ದಾರಿಯ ಪಕ್ಕ ಅಪರೂಕ್ಕೊಮ್ಮೆ ಮನತಣಿಸುವ ನೋಟಗಳಂತೂ ಸಿಗುತ್ತವೆ. ಆದರೆ ಅನಗತ್ಯವಾಗಿ ತುರುಕಿರುವ  ಸಾಧುಕೋಕಿಲ ಅವರ ಮ್ಯಾಟರು– ಮೀಟರಿನ ಕೆಟ್ಟ ಹಾಸ್ಯ, ಸುಗಮ ರಸ್ತೆಯ ಮಧ್ಯ ಅಸಹನೀಯ ಹೊಂಡಗಳಂತೆ ಬಂದು ತ್ರಾಸು ಮಾಡುತ್ತವೆ.

ಹಿಂದಿನ ಸಿನಿಮಾಗಳಿಗೆ ಹೋಲಿಸಿದರೆ ಮಯೂರಿ ಅಭಿನಯದಲ್ಲಿ ಇನ್ನಷ್ಟು ಪಕ್ವವಾಗಿದ್ದಾರೆ.  ಪಟಪಟ ಮಾತಾಡುವ ಚೂಟಿ ಹುಡುಗಿಯಾಗಿ, ತಂದೆಯನ್ನು ಕಳೆದುಕೊಂಡ ದೀನೆಯಾಗಿ ಅವರು ಕೆಲವು ದೃಶ್ಯಗಳಲ್ಲಿ ಆಪ್ತರಾಗುತ್ತಾರೆ. ನಾಯಕ ಸಂತೋಷ್‌ ಬಾಲರಾಜ್‌ ಅವರಿಗೆ ಮಾತೇ ಕಮ್ಮಿ. ಒರಟ ರೌಡಿಯಾಗಿ, ಮಗುವಿನಂಥ ಮನಸ್ಸಿನ ಮುಗ್ಧನಾಗಿ ಎರಡೂ ಛಾಯೆಯ ಪಾತ್ರಗಳಲ್ಲಿಯೂ ಅವರು ಮಿಂಚಿದ್ದಾರೆ.

ಚುರುಕಾಗಿ ಸಾಗುವ ನಿರೂಪಣೆ ಕೊನೆಯ ಹಂತದಲ್ಲಿ ಕೊಂಚ ಎಳೆದಂತೆನಿಸುತ್ತದೆ. ಇನ್ನು ಕೆಲವು ಕಡೆ ಭಾವುಕ ಗುಳಿಗೆಯ ಪರಿಣಾಮ ತುಸು ಅತಿರೇಕ ಅನ್ನಿಸುವುದೂ ಇದೆ. ಅದನ್ನೇ ಇಷ್ಟಪಡುವವರಿಗೆ ಆಗೀಗ ಎದುರಾಗುವ ಹೊಡೆದಾಟದಲ್ಲಿನ ರಕ್ತಸಿಕ್ತ ದೃಶ್ಯಗಳು ಕಿರಿಕಿರಿ ಹುಟ್ಟಿಸಬಹುದು. ಕರಣ್‌ ಬಿ. ಅವರ ಸಂಗೀತ ಸಂಯೋಜನೆಯ ಎರಡು ಹಾಡುಗಳು ಗುನುಗಿಕೊಳ್ಳುವಂತಿವೆ. ಶ್ರೀನಿವಾಸ್‌ ದೇವಮ್‌ಸಂ  ಅವರ ಕ್ಯಾಮೆರಾ ಅಚ್ಚುಕಟ್ಟಾಗಿದೆ.

ರೌಡಿಸಂ ಕಥೆಯ ಹಿಂಸೆಯನ್ನು ಸಹಿಸಿಕೊಳ್ಳಬಲ್ಲವರು, ಭಾವುಕ ಕಥನವನ್ನು ಇಷ್ಟಪಡುವವರು ಒಮ್ಮೆ ನೋಡಬಹುದಾದ ಸಿನಿಮಾ ‘ಕರಿಯ 2’.

Read More

Comments
ಮುಖಪುಟ

ಸುನೀತ್‌, ಯುರೋಪಾಗೆ ಗರಿ

ಸ್ಪರ್ಧೆಯಲ್ಲಿ ಚಾಂಪಿಯನ್‌ ಆಫ್‌ ಚಾಂಪಿಯನ್‌ ಪಟ್ಟ ಮುಡಿಗೇರಿಸಿಕೊಂಡ ಸುನೀತ್‌ ಅವರು ಟ್ರೋಫಿ ಹಾಗೂ ₹ 4 ಲಕ್ಷ ಬಹುಮಾನ ಗೆದ್ದುಕೊಂಡರು. ಯುರೊಪಾ ಭುವನಿಕ್ ಅವರು ಟ್ರೋಫಿಯ ಜೊತೆ ₹ 1.5 ಲಕ್ಷ ನಗದು ಬಹುಮಾನ ಪಡೆದುಕೊಂಡರು...

ಗುಜರಾತ್‌: ಬಿಜೆಪಿಗೆ ಪ್ರಯಾಸದ ಗೆಲುವು

182 ಸ್ಥಾನಗಳನ್ನು ಹೊಂದಿರುವ ಗುಜರಾತಿನಲ್ಲಿ 99 ಸ್ಥಾನಗಳನ್ನು ಪಡೆಯುವ ಮೂಲಕ ಬಿಜೆಪಿ ಸತತ ಆರನೇ ಬಾರಿಗೆ ಅಧಿಕಾರಕ್ಕೆ ಬಂದಿದೆ. 68 ಸ್ಥಾನಗಳನ್ನು ಹೊಂರುವ ಹಿಮಾಚಲ ಪ್ರದೇಶದಲ್ಲಿ 44 ಸ್ಥಾನಗಳನ್ನು ಪಡೆಯುವ ಮೂಲಕ ಬಿಜೆಪಿ ಸರ್ಕಾರ ರಚನೆಗೆ ಮುಂದಾಗಿದೆ...

‘ಸಾಧನಾ ಸಂಭ್ರಮ’ದಲ್ಲಿ ಆತ್ಮವಿಶ್ವಾಸ ಪ್ರದರ್ಶನ

‘ಉತ್ತಮ ಆಡಳಿತವನ್ನು ನೀಡಿದ್ದೇನೆ. ಆದ್ದರಿಂದ ನಮಗೆ ಆಡಳಿತ ವಿರೋಧಿ ಅಲೆ ಇಲ್ಲ. ಮುಂದಿನ ಬಾರಿಯೂ ಕಾಂಗ್ರೆಸ್‌ ಸರ್ಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬರುವುದನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಿಲ್ಲ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ದೃಢವಾಗಿ ಹೇಳಿದರು.

ರಾಜ್ಯದಲ್ಲಿ ಎಲ್ಲ ಕ್ಷೇತ್ರಗಳಲ್ಲೂ ವಿವಿಪಿಎಟಿ ಇವಿಎಂ ಬಳಕೆ

‘ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಮತಪತ್ರ ವ್ಯವಸ್ಥೆ ಜಾರಿ ಪ್ರಶ್ನೆಯೇ ಇಲ್ಲ. ರಾಜ್ಯದ ಎಲ್ಲ ಮತಗಟ್ಟೆಗಳಲ್ಲೂ ವಿವಿಪಿಎಟಿ (Voter Verifiable Paper Audit Trail) ವ್ಯವಸ್ಥೆ ಹೊಂದಿರುವ ಇವಿಎಂಗಳನ್ನೇ ಬಳಸಲಾಗುವುದು’ ಎಂದು ಮುಖ್ಯ ಚುನಾವಣಾಧಿಕಾರಿ ಸಂಜೀವ್‌ಕುಮಾರ್‌ ‘ಪ್ರಜಾವಾಣಿ’ಗೆ ತಿಳಿಸಿದರು.

ಸಂಗತ

ನೈತಿಕ ಚೌಕಟ್ಟು ಮತ್ತು ವರ್ತಮಾನದ ಬಿಕ್ಕಟ್ಟು

ಪಾವಿತ್ರ್ಯ, ಶೀಲ, ಕನ್ಯತ್ವವೆಂಬ ಅಂಶಗಳನ್ನು ತಮ್ಮ ಬದುಕಿನ ಹಾದಿಯಲ್ಲಿ ಜರುಗುವ ಪ್ರೇಮದ ಮೂಲಕ ಮೆಟ್ಟಿನಿಲ್ಲುವ ಯುವ ಸಮುದಾಯ, ಅದೇ ಮದುವೆ ಆಗುವ ವಿಚಾರ ಬಂದಾಗ ‘ಹಿಂದೇನೂ ನಡೆದೇ ಇಲ್ಲ’ವೆಂಬಂತೆ ಮತ್ತದೇ ಜಾತಿ, ಜಾತಕ, ಅಂತಸ್ತು, ಒಳ್ಳೆ ಮನೆತನಗಳೆಂಬ ಸೂತ್ರಕ್ಕೆ ಜೋತು ಬೀಳುವ ವಿಪರ್ಯಾಸವನ್ನೂ ಗಮನಿಸಬಹುದಾಗಿದೆ. 

ಮಕ್ಕಳನ್ನು ಮಾದಕ ವಸ್ತುಗಳಿಂದ ರಕ್ಷಿಸಿ

ತಂದೆ-ತಾಯಿಗಳ ಆರೈಕೆ, ಪೋಷಣೆಯಿಲ್ಲದ ಅನಾಥ ಬೀದಿ ಮಕ್ಕಳು ಇಂತಹ ಕೃತ್ಯಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುತ್ತಾರೆಂಬ ಅಂಶ ಬೆಂಗಳೂರಿನಲ್ಲಿ ನಿಮ್ಹಾನ್ಸ್ ಸಂಸ್ಥೆ ಮತ್ತು ಬೆಂಗಳೂರು ಫೋರಂ ಫಾರ್ ಸ್ಟ್ರೀಟ್ ಅಂಡ್ ವರ್ಕಿಂಗ್ ಚಿಲ್ಡ್ರನ್ ಸಂಸ್ಥೆಗಳು 1998ರಲ್ಲಿ ಕೈಗೊಂಡ ಅಧ್ಯಯನದಿಂದ ತಿಳಿದುಬಂದಿತ್ತು

ನಿರ್ಭಯಾ ನೆನಪು– ವರ್ಮಾ ವರದಿ

ದೌರ್ಜನ್ಯ ತಡೆಯುವ ನಿಟ್ಟಿನಲ್ಲಿ ನ್ಯಾಯಮೂರ್ತಿ ವರ್ಮಾ ವರದಿ ಒಂದು ಅಪರೂಪದ ದಾಖಲೆ. ಒಂದು ಬೃಹತ್ ಆಂದೋಲನದ ಫಲ. ಮಹಿಳಾ ಚಳವಳಿಗಳು ಇಂತಹ ವರದಿಗಳ ಅನುಷ್ಠಾನಕ್ಕೆ ಆಗ್ರಹಿಸಬೇಕು

ಪೇಜಾವರ ಶ್ರೀಗಳಿಗೆ... ಸ್ಪಷ್ಟನೆಗಾಗಿ ಪತ್ರ

ಸಂವಿಧಾನದ ಯಾವ ವಿಧಿಗಳ ಬಗ್ಗೆ ತಮಗೆ ತಕರಾರಿದೆ? ತಾವು ಬಯಸುವ ಬದಲಾವಣೆ ಏನು?

ಕರ್ನಾಟಕ ದರ್ಶನ

ವಿಜಯಪುರದ ಯುದ್ಧತೋಪುಗಳು

ಯುದ್ಧಭೂಮಿಯಲ್ಲಿ ಭೋರ್ಗರೆಯುತ್ತ ಬೆಂಕಿ ಉಗುಳಿದ್ದ ಈ ಆಯುಧಗಳು ಈಗ ಶಾಂತವಾಗಿ ಮಲಗಿ ಎಲ್ಲರನ್ನೂ ಆಕರ್ಷಿಸುತ್ತಿವೆ. ಆದರೆ, ಅವುಗಳ ವೀಕ್ಷಣೆಗೆ ಸರಿಯಾದ ಸೌಕರ್ಯಗಳೇ ಇಲ್ಲವಲ್ಲ?

ಕಟ್ಟೆ ಕಟ್ಟಿದ ಕಥೆ ಹೇಳುವ ಚಿತ್ರಗಳು

ಆಲಮಟ್ಟಿ ಜಲಾಶಯ ಸನ್ನದ್ಧಗೊಂಡು ನಿಲ್ಲಲು 40 ವರ್ಷಗಳೇ ಬೇಕಾದವು. ನಿರ್ಮಾಣ ಹಂತದ ಈ ಇತಿಹಾಸದ ಕಥೆ ಹೇಳುವ ನೂರಾರು ಭಾವಚಿತ್ರಗಳನ್ನು ಆಲಮಟ್ಟಿಯ ಪ್ರಧಾನ ಮುಖ್ಯ ಲೆಕ್ಕಾಧಿಕಾರಿಗಳ ಕಚೇರಿಯ ಆವರಣದ ಗೋಡೆಗಳ ಮೇಲೆ ಇದೀಗ ಅನಾವರಣಗೊಳಿಸಲಾಗಿದೆ.

ಹಾವಿನೊಡನೆ ಆಡುವ ಪೋರಿ!

ಹಾವು ಎಂದರೆ ಹುಲೇಕಲ್‌ ಮನೆತನದವರಿಗೆ ಅಚ್ಚುಮೆಚ್ಚು. ಈ ಮಗುವಿನ ಅಜ್ಜ ಸುರೇಶ ಅವರು ಅರಣ್ಯ ಇಲಾಖೆಯ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸಿದವರು. ಮನೆಗಳಿಗೆ ನುಗ್ಗಿದ ಹಾವುಗಳನ್ನು ರಕ್ಷಣೆ ಮಾಡುತ್ತಿದ್ದವರು. ಪ್ರಶಾಂತ್‌ ಕೂಡ ಹಾವು ಹಿಡಿಯುವುದನ್ನು ಕಲಿತರು. ಈಗ ಅವರ ಎರಡೂವರೆ ವರ್ಷದ ಮಗಳು ಸಹ ಹಾವುಗಳನ್ನು ಹಿಡಿಯುತ್ತಿದ್ದಾಳೆ!

ಕಾಡಂಚಿನಲ್ಲಿ ನೈರ್ಮಲ್ಯದ ಮಿಂಚು!

ನಿತ್ಯ ಬೆಳಗಾದರೆ ಈ ಗ್ರಾಮಗಳಲ್ಲಿ ತಮಟೆ ಹಿಡಿದು ಸ್ವಚ್ಛತಾ ಆಂದೋಲನ ನಡೆಸುವ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ನೇತೃತ್ವದ ತಂಡ, ಮಲಕ್ಕೆ ಮಣ್ಣು ಹಾಕುತ್ತಾ ಸಾಗುತ್ತದೆ. ರಸ್ತೆಯನ್ನು ತೊಳೆದು ಶೌಚಮುಕ್ತಗೊಳಿಸುತ್ತದೆ...

ಕೃಷಿ

ಮೈಲು ಬರೀ ಆರು; ಕೃಷಿಪಾಠ ನೂರಾರು

ತೋವಿನಕೆರೆಯ ಜಯಪದ್ಮಮ್ಮ ಅವರ ಶೂನ್ಯ ಬಂಡವಾಳದ ತೋಟ, ಕಬ್ಬಿಗೆರೆ ಜವರೇಗೌಡರ ಕೃಷಿ ಉಪಕರಣ, ನಂದಿಹಳ್ಳಿಯ ನೀಲಕಂಠಮೂರ್ತಿ ಅವರ ಓದೇಕರ್ ಫಾರಂ, ವಿಜಯ ಕುಮಾರ್ ಅವರ ನಂದಿಫಾರಂ, ಅಕಾಲಿಕವಾಗಿ ಹಣ್ಣು ಬಿಡುವ ಹಲಸಿನಮರ, ಜೋನಿಗರಹಳ್ಳಿಯ ಹೂವಿನ ಬೇಸಾಯ, ಗೊಲ್ಲರ ಹಟ್ಟಿಯ ರೈತರು ಬೆಳೆಯುವ ಸಿರಿ ಧಾನ್ಯ... ಹೀಗೆ ಹುಡುಕಿದಷ್ಟೂ ಮಾದರಿ ತೋಟಗಳು ಇವೆ.

ಗುಡ್ಡದ ಮೇಲೆ ದಾಳಿಂಬೆ ಬೆಳೆದು...

ದಾಳಿಂಬೆ ಕೃಷಿಗಾಗಿ ಇಲ್ಲಿಯವರೆಗೆ ₹8 ಲಕ್ಷ ದವರೆಗೆ ಖರ್ಚು ಮಾಡಿರುವುದಾಗಿ ಹೇಳುತ್ತಾರೆ. ಬೆಳೆ ಸರಿಯಾಗಿ ಬರಲು ಆಕಳ ಸಗಣಿ ಗೊಬ್ಬರವನ್ನು ಹೊಲಕ್ಕೆ ಹಾಕಿದ್ದಾರೆ. ಈಗ ಎಲ್ಲ ಬೆಳೆಯಿಂದ ಉತ್ತಮ ಆದಾಯ ನಿರೀಕ್ಷೆ ಮಾಡಿದ್ದು, ಒಂದು ಟನ್ನಿಗೆ ಸರಾಸರಿ₹60 ಸಾವಿರ ಬರುವ ನಿರೀಕ್ಷೆಯಿದೆ ಎಂದು ವಿವರಿಸುತ್ತಾರೆ.

ಸಿದ್ಧಸಣ್ಣ ಬೆಳೆದು ಇದ್ದ ಸಾಲ ಕಳಕೋ!

ಸೋನಾಮಸೂರಿಗೆ ಸಮನಾಗಬಲ್ಲ ನಾಟಿ ತಳಿ ಭತ್ತವನ್ನು ರಾಜ್ಯಕ್ಕೆ ಪರಿಚಯಿಸಿದ್ದಾರೆ ಮಂಡ್ಯದ ಬೋರೇಗೌಡರು. ರೋಗ ನಿರೋಧಕ ಗುಣ, ಅಧಿಕ ಇಳುವರಿ, ಗುಣಮಟ್ಟದ ಅಕ್ಕಿ... ಈ ತಳಿಯನ್ನು ರೈತರು ಪ್ರೀತಿಸಲು ಕಾರಣ ಹಲವು 

ಚರಂಡಿ ನೀರಿನಲ್ಲಿ ಕೃಷಿ

ಕೊಳವೆ ಬಾವಿಗಳು ಬತ್ತಿದಾಗ ನೀರಿಲ್ಲವೆಂದು ಕೃಷಿ ಕೈಬಿಡುವಂತಿರಲಿಲ್ಲ. ಇದಕ್ಕೆಂದು ಹೊಸ ಪ್ರಯೋಗಕ್ಕೆ ಮುಂದಾದರು ನಾರಾಯಣಸ್ವಾಮಿ. ಏನದು ಪ್ರಯೋಗ?