ಕೋರೆಗಾಂವ್ ಸಂಕಥನ ಹಾಗೂ ಸಾಮಾಜಿಕ ಬದ್ಧತೆ

9 Jan, 2018
ಡಾ. ರಾಜೇಗೌಡ ಹೊಸಹಳ್ಳಿ

ಮಹಾರಾಷ್ಟ್ರ ಉರಿಯುತ್ತಿದೆ. ಇದು, ವರ್ತಮಾನವು ಚಾತುರ್ವರ್ಣವೆಂಬ ಸಾವಿರಾರು ವರ್ಷಗಳ ಒಳಕಿಂಡಿಯಲ್ಲಿ ಗಾಳಿಯಾಡಿಸಿ ಏಳಿಸುತ್ತಿರುವ ಉರಿ. ಮೊನ್ನೆ ಚಿಕ್ಕಮಗಳೂರಿನಲ್ಲಿ ಗುಜರಾತಿನ ದಲಿತ ಯುವ ಶಾಸಕ ಜಿಗ್ನೇಶ್ ಮೆವಾನಿ ಹೇಳಿದ ಮಾತನ್ನು ಗಮನಿಸಬೇಕು. ‘ಮುಖ್ಯಮಂತ್ರಿ, ಪ್ರಧಾನಮಂತ್ರಿ ಸೇರಿ ಕೆಲವು ಮುಖಂಡರು ಅದೆಷ್ಟೇ ಶಂಖ ಊದಿದರೂ ನಾನು ಇಪ್ಪತ್ತು ಸಾವಿರ ಮತಗಳ ಅಂತರದಿಂದ ಗೆಲ್ಲಲು ಈ ಚುನಾವಣೆಯಲ್ಲಿ ದಲಿತರು ಹಾಗೂ ಮುಸ್ಲಿಮರು ಒಂದಾಗಿದ್ದೇ ಕಾರಣ’ ಎನ್ನುತ್ತಾ, ಅಂದೊಮ್ಮೆ ಗುಜರಾತ್ ಹತ್ಯಾಕಾಂಡದಲ್ಲಿ ಮುಸ್ಲಿಮರ ವಿರುದ್ಧ ದಲಿತರು ಮತ್ತು ಹಿಂದುಳಿದವರು ನಿಂತಿದ್ದ ಬಗೆಯನ್ನು ಸಹಾ ವಿವರಿಸಿದರು. ಅಂದರೆ ದೇಶದಲ್ಲಿ ಆದ ತಪ್ಪನ್ನು ತಿದ್ದಿಕೊಂಡ ಅಲ್ಪಸಂಖ್ಯಾತರು, ಹಿಂದುಳಿದವರು ಮತ್ತು ದಲಿತರು ಒಗ್ಗೂಡುವ ರೀತಿ ಇದಾಗಿದೆಯೇ?

ಈ ದೇಶದ ಸಾಂಸ್ಕೃತಿಕ ಚರಿತ್ರೆಯ ಆಳ ಅರಿಯುವುದಿರಲಿ, ಈಸ್ಟ್ ಇಂಡಿಯಾ ಕಂಪನಿಯು ವ್ಯಾಪಾರದ ಗಜಕಡ್ಡಿ ಹಿಡಿದು ದೇಶವನ್ನು ಅಳತೆ ಮಾಡುವ ಕಾಲಕ್ಕೆ ಇದನ್ನು ಹಿಡಿದು ನೋಡಿದರೆ ಇಂದಿನ ಮಹಾರಾಷ್ಟ್ರದ ಉರಿಯ ಹಿಂದೆ ಯಾವ ಚರಿತ್ರೆ ಇದೆ ಎಂಬುದನ್ನು ಅರಿಯಬಹುದು.

1757ರ ಪ್ಲಾಸಿ ಕದನದಲ್ಲಿ ಬಂಗಾಳದಲ್ಲಿ ಸಿರಾಜುದ್ದೀನನ್ನು ಸೋಲಿಸಿ ಜಾಗ ಮಾಡಿಕೊಂಡ ಬ್ರಿಟಿಷರಿಗೆ ಈ ದೇಶದ ಶಕ್ತಿಯನ್ನು ಹೇಗೆ ಯುಕ್ತಿಯಾಗಿ ಬಳಸಿಕೊಳ್ಳಬಹುದೆಂಬುದು ಅರಿವಿಗೆ ಬಂತು. ಹಾಗಾಗಿ ಚಿತ್ಪಾವನ ಬ್ರಾಹ್ಮಣ ದೊರೆಗಳಾದ ಪೇಶ್ವೆಗಳನ್ನು ಸೋಲಿಸಲು ಸ್ಥಳೀಯ ಮಹಾರ್ ಜನಕ್ಕೆ ಸೈನಿಕರ ಹುದ್ದೆ ನೀಡಿ ಒಗ್ಗೂಡಿಸಿ ಮರಾಠಾ ಸಾಮ್ರಾಜ್ಯ ಹಿಡಿಯುವುದರೊಡನೆ ಬ್ರಿಟಿಷ್ ಸಾಮಾಜ್ಯಕ್ಕೆ 1818ರಲ್ಲಿ ಅಡಿಗಲ್ಲು ಹಾಕಿದರು. ಅದು ಕೋರೆಗಾಂವ್ ಕಾಳಗ ಎಂದೇ ಪ್ರಸಿದ್ಧಿಯಾಯಿತು.

ಅಂಬೇಡ್ಕರ್ ಹೇಳಿರುವಂತೆ ‘ಇಂಡಿಯಾವನ್ನು ಪರಕೀಯರು ಸೋಲಿಸಿ ತಮ್ಮ ಅಧೀನಕ್ಕೆ ತೆಗೆದುಕೊಳ್ಳಲಿಲ್ಲ. ಇಂಡಿಯಾ ತನ್ನನ್ನು ತಾನೇ ಸೋಲಿಸಿಕೊಂಡಿತು, ಅಷ್ಟೇ’. ಅದೂ ಅಲ್ಲದೆ ಅಂದಿನ ಯುರೋಪಿನ ವಾಟರ್ ಲೂ   ಮುಂತಾದ ಕಾಳಗಗಳು ಈ ದೇಶಕ್ಕೆ ಕಾಲಿರಿಸಿದ್ದ ಯುರೋಪಿಯನ್ನರಿಗೆ ಸಹಾಯ ಒದಗಿಸುವ ಸ್ಥಿತಿಯಲ್ಲಿರಲಿಲ್ಲ. ಮುಂದೆ 1857ರ ಸಿಪಾಯಿ ದಂಗೆಯ ನಂತರ ಮಹಾರ್ ರೆಜಿಮೆಂಟ್ ಸೈನ್ಯ ಪದ್ಧತಿಯನ್ನು ಅತ್ತ ಸರಿಸಿ, ಸಿಖ್‌- ಡೋಗ್ರಾ- ಗೂರ್ಖಾ, ರಜಪೂತ ಇತ್ಯಾದಿ ಸವರ್ಣೀಯರ ತುಕಡಿಗಳನ್ನು ಜೋಡಿಸಿಕೊಂಡ ಬ್ರಿಟಿಷರ ನೀತಿಯು ಈ ದೇಶದ ವರ್ಣ ಪದ್ಧತಿಯನ್ನು ಪೋಷಿಸುತ್ತಾ, ರಾಜಕೀಯ ಲಾಭಕ್ಕಾಗಿ ಅಬಲರನ್ನು ಸೈನ್ಯ ಹಾಗೂ ಸರ್ಕಾರಿ ನೌಕರಿಯಿಂದ ದೂರ ಇಡುತ್ತಾ ಬಂತು.

ಇದಲ್ಲದೆ ಒಡೆದಾಳಲು ಬಡಿಗೆ, ದೊಣ್ಣೆ ನೀಡಿ ಹಿಂದೂ ಮಹಾಸಭಾ ಹಾಗೂ ಮುಸ್ಲಿಂ ಲೀಗ್ ಸಾರಥಿಗಳಿಗೆ ಬ್ರಿಟಿಷರು ಮಣೆ ಹಾಕಿದರು. ಇದರಲ್ಲಿ ಒಂದು, ಮಹಾರಾಷ್ಟ್ರದಲ್ಲಿ ಬುಡ ಭದ್ರ ಮಾಡಿಕೊಂಡರೆ, ಮತ್ತೊಂದು ತನ್ನ ಪಾಲು ತೆಗೆದುಕೊಂಡು ನೆರೆ ದೇಶವಾಯಿತು. ಈ ಮೇಲಿನ ಚರಿತ್ರೆಯ ಪುಟಗಳನ್ನು ಅಂಬೇಡ್ಕರ್ ಹಾಗೂ ಗಾಂಧೀಜಿ ಬಲ್ಲವರಾಗಿದ್ದರು. ಆದರೆ ಒಬ್ಬರು ದಲಿತ ಬೆಂಕಿಯಿಂದ ಬಂದವರಾಗಿದ್ದರು. ಮತ್ತೊಬ್ಬರು ಉರಿಯುತ್ತಿರುವ ಬೆಂಕಿಯನ್ನು ನೋಡಿ ಮರುಗುವವರಾಗಿದ್ದರು. ಈ ಎರಡೂ ಚೇತನಗಳು ಸಹಾ ಏಕಉದ್ದೇಶಕ್ಕಾಗಿಯೇ ಪರಾಧೀನ ಭಾರತದಲ್ಲಿ ಆಳುವ ಹಾಗೂ ವಿರೋಧ ಪಕ್ಷಗಳ ನಾಯಕರಂತೆ ಅಹಿಂಸಾ ಸಮರ ಮಾಡುತ್ತಿದ್ದರು.

ಲೋಹಿಯಾ ಅವರು ಈ ಇಬ್ಬರಿಗೂ ಒಲಿದಿದ್ದವರು. 1955ರ ಡಿ. 10ರಂದು ಅಂಬೇಡ್ಕರ್ ಅವರಿಗೆ ನೇರವಾಗಿ ಪತ್ರ ಬರೆದು ‘ಕನಿಕರವೂ ಕ್ರೋಧವೂ ಜೊತೆಗೂಡಿರಬೇಕು. ನೀವು ಪರಿಶಿಷ್ಟ ಜಾತಿಗಳ ನಾಯಕರಾಗಿರದೆ ಇಡೀ ಭಾರತೀಯರ ನಾಯಕರಾಗಿರಬೇಕೆಂದು ಈಗಲೂ ತುಂಬಾ ಇಚ್ಛಿಸುತ್ತೇನೆ’ ಎಂದು ಹೇಳಿದ್ದರು. ಅಂಬೇಡ್ಕರ್ ನಿಧನಾನಂತರ ಲೋಹಿಯಾ ಅವರು ಮಧು ಲಿಮಯೆ ಅವರಿಗೆ ಬರೆದ ಪತ್ರದಲ್ಲಿ ‘ಕಹಿತನವಿಲ್ಲದ ಸ್ವಾತಂತ್ರ್ಯವನ್ನು ಹೊಂದಿದ, ಹರಿಜನರ ನಾಯಕರಷ್ಟೆ ಎನಿಸದೆ ಅಖಿಲ ಭಾರತೀಯ ನಾಯಕರೆಂದು ಪರಿಗಣಿಸಬಹುದಾದ ಡಾ. ಅಂಬೇಡ್ಕರ್ ಅವರನ್ನು ಗೌರವ ಹಾಗೂ ಅನುಕರಣೆಗಳ ಸಂಕೇತವೆಂದೇ ಪರಿಭಾವಿಸಬೇಕು. ಅದನ್ನು ನಾನು ಬಯಸುತ್ತೇನೆ’ ಎಂದಿದ್ದರು.

ಅಂಬೇಡ್ಕರ್ ಅವರಿಗೆ ಆಗ ಅವಕಾಶಗಳು ಸಿಗದೇ ಇರಲು ಚಾತುರ್ವರ್ಣದ ಸಮೂಹ ಅವರಿಗೆ ಅಡ್ಡಿಯಾದದ್ದೇ ಕಾರಣ. ಈಗ ಸ್ವಾತಂತ್ರ್ಯ ಬಂದು ಏಳು ದಶಕಗಳು ಕಳೆದಿವೆ. ಆದರೂ ಪರಿಸ್ಥಿತಿ ಬದಲಾದಂತೆ ಕಾಣುತ್ತಿಲ್ಲ. ‘ಸ್ವರಾಜ್ಯವು ಅಸ್ಪೃಶ್ಯರನ್ನು ಬಲಹೀನಗೊಳಿಸಿ, ಹಿಂದೂಗಳಿಗೆ ಹೆಚ್ಚಿನ ಆರ್ಥಿಕ ಶಕ್ತಿ ಒದಗಿಸುವಲ್ಲಿ ಸಹಕಾರಿಯಾಗುತ್ತದೆ’ ಎಂಬ ಅಂಬೇಡ್ಕರ್‌ ಅವರ ಆಗಿನ ಆತಂಕದ ಮಾತು ಈಗಲೂ ನಿಜವಾಗುತ್ತಿದೆ.

ಎರಡು ಶತಮಾನಗಳ ಕೋರೆಗಾಂವ್ ನೆನಪಿನ ಸಡಗರ ಮಹಾರಾಷ್ಟ್ರದಲ್ಲಿ ಈಗ ಯಾಕೆ ಬಂತು, ಯಾಕೆ ಉರಿಗೆ ಪ್ರಚೋದನೆ ನೀಡಿತು ಎಂಬುದಕ್ಕೆ ಉತ್ತರವನ್ನು ಕಂಡುಕೊಳ್ಳಬೇಕೆ ವಿನಾ ಅನ್ಯಥಾ ಭಾವಿಸುವುದರಲ್ಲಿ ಅರ್ಥವಿಲ್ಲ. ದಲಿತ ಸಂಕಥನಗಳನ್ನು ಅರ್ಥ ಮಾಡಿಕೊಳ್ಳುವಾಗ ಈ ದೇಶದಲ್ಲಿ ಆಗಿಹೋದ ಚರಿತ್ರೆಯನ್ನು ತಿದ್ದಿಕೊಳ್ಳಬೇಕಾದುದು ಸಾಮಾಜಿಕ ಬದ್ಧತೆ. ಒಂದು ದೇಶದ ಬಲವೇ ಜನಸಮೂಹ. ಜನರನ್ನು ವಿಭಜಿಸಿದರೆ ದೇಶ ಎಂದೂ ಬಲಿಷ್ಠ ಆಗುವುದಿಲ್ಲ. ರಾಷ್ಟ್ರೀಯತೆ ಎಂಬ ಹುಸಿ ತತ್ವಕ್ಕೂ ದೇಶವನ್ನು ಶಕ್ತಿಶಾಲಿ ಮಾಡುವ ಸಾಮರ್ಥ್ಯ ಇಲ್ಲ.

ಅಂದು ಕೋರೆಗಾಂವ್ ಕಾಳಗ ಮೂಲಕ ದೇಶವನ್ನು ಒಮ್ಮೆ ಪರಂಗಿಯವರಿಗೆ ಒಪ್ಪಿಸಿ ಅಹಿಂಸಾ ಸಮರದಲ್ಲಿ ಪುನಃ ಹಿಂಪಡೆಯಲಾಗಿದೆ. ಅಸ್ಪೃಶ್ಯತೆ ಎಂಬುದು ಈಗಲೂ ವಿಮೋಚನೆಯಾಗದೆ ಉಳಿದಿದೆ ಎಂದರೆ ಅದು ಸಮಾಜಕ್ಕೆ, ದೇಶಕ್ಕೆ ಕೇಡು. ಲೋಹಿಯಾ ಸೂಚಿಸಿರುವಂತೆ ಅಖಿಲ ಭಾರತೀಯ ನಾಯಕರೆಂದು ಪರಿಗಣಿಸುವ ದಲಿತ ನಾಯಕರನ್ನು ಗೌರವಿಸುವುದು ಪ್ರಜಾಪ್ರಭುತ್ವದ ಕರ್ತವ್ಯವಾಗಿದೆ. ಈ ದೇಶಕ್ಕೆ ಅಹಿಂಸೆ ಎಂಬುದೊಂದು ತತ್ವ. ಅದು ಬುದ್ಧನ ತತ್ವ. ಗಾಂಧೀಜಿ ಆರಿಸಿಕೊಂಡ ಜಗತ್ ತತ್ವ. ಅಂಬೇಡ್ಕರ್ ಎಷ್ಟೇ ಉರಿಯನ್ನು ಹೊಟ್ಟೆ ಒಳಗೆ ಅಡಗಿಸಿಕೊಂಡಿದ್ದರೂ ಹಿಂಸೆಯ ಮಾರ್ಗವನ್ನು ಬೋಧಿಸಲಿಲ್ಲ. ಅವರು ಅನುಸರಿಸಿದ್ದು ಬುದ್ಧನ ಮಾರ್ಗ.

ಕೋರೆಗಾಂವ್ ಕಾಳಗದ ನೆನಪು ಒಂದು ಅಸ್ತ್ರ. ದೇಶದ ಒಳಗಿನ ಪಿಡುಗನ್ನು ಎದುರಿಸಬಲ್ಲೆವು ಎಂಬುದರ ಸಂಕೇತ. ಅದೇ ಹೊತ್ತಿನಲ್ಲಿ ವಿದೇಶಿಯರ ಹುನ್ನಾರಕ್ಕೆ ಬಲಿಯಾದ ಸಂಕೇತವೂ ಹೌದು. ಆಧುನಿಕ ಶಿಕ್ಷಣ ಮತ್ತು ಆಧುನಿಕ ಬದುಕಿನ ರೀತಿ–ನೀತಿಗಳೆಲ್ಲವೂ ಚಾತುರ್ವರ್ಣದ ರೀತಿ–ನೀತಿಗಳಿಗೆ, ಕಂದಾಚಾರಗಳಿಗೆ ಬಲಿಯಾಗುತ್ತಿರುವುದು ಸಹಾ ಕೇಡು ಎಂಬುದನ್ನು ದಲಿತರಾದಿಯಾಗಿ ಎಲ್ಲರೂ ಅರಿತು ಬಾಳಬೇಕು. ‘ಮಾನವ ಜಾತಿ ತಾನೊಂದೆ ವಲಂ’ ಎಂಬ ವಿಶ್ವಮಾನವ ನಡೆ ಮಾತ್ರ ಭಾರತವನ್ನು ರಕ್ಷಿಸಬಲ್ಲದು. ಅಂತಹ ನಡೆಯ ಯುವ ಸಮೂಹವನ್ನು ಸೃಷ್ಟಿಸುವತ್ತ ದೇಶವು ಜಾತಿ– ಮತ ಮೀರಿ ಆಲೋಚಿಸಲೇಬೇಕಿದೆ. ಅದೇ ನಿಜವಾದ ಪ್ರಜಾಪ್ರಭುತ್ವ.

Read More

Comments
ಮುಖಪುಟ

ವಿಶ್ವದ ಯೋಶೋಗಾಥೆಯಾದ ಕೊಪ್ಪಳದ ತ್ರಿವಳಿಗಳು !

ಹುಟ್ಟುವಾಗಲೇ ‘ಯಮಪಾಶ’ ಕ್ಕೆ ಸಿಲುಕಿದ್ದ ಈ ಮೂರು ಕಂದಮ್ಮಗಳನ್ನು ಬದುಕಿಸಿದ್ದು ಅಮ್ಮನ ಅದಮ್ಯ ಇಚ್ಛಾ ಶಕ್ತಿ. ಈ ಕಥೆಯೀಗ ವಿಶ್ವದ ‘ಯಶೋಗಾಥೆ’ ಆಗಿದೆ. ಈ ತ್ರಿವಳಿಗಳ ಮರುಜನ್ಮದ ವೃತ್ತಾಂತವನ್ನು ವಿಶ್ವ ಆರೋಗ್ಯ ಸಂಸ್ಥೆ ಜಗದೆಲ್ಲೆಡೆ ಸಾರಲು ಮುಂದಾಗಿದೆ!

ಶಮನವಾಗದ ಬಿಕ್ಕಟ್ಟು

ಸುಪ್ರೀಂ ಕೋರ್ಟ್‌ನಲ್ಲಿ ಉಂಟಾಗಿದ್ದ ಬಿಕ್ಕಟ್ಟು ಇನ್ನೂ ಶಮನವಾಗಿಲ್ಲ. ಆದರೆ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ಪ್ರಯತ್ನ ಮುಂದುವರಿದಿದೆ.

ಸಾಕ್ಷಿಯನ್ನು ಖರೀದಿಸಿಲ್ಲ

ಮಹದಾಯಿ ನ್ಯಾಯಮಂಡಳಿ ಮುಂದೆ ಹಾಜರಾಗಲು ಸಾಕ್ಷಿಯಾಗಿರುವ ಪ್ರೊ. ಎ.ಕೆ. ಗೋಸಾಯಿ ಅವರಿಗೆ ಕರ್ನಾಟಕ ಸರ್ಕಾರ ಹಣ ನೀಡಿದೆ ಎಂದು ಗೋವಾದ ಜಲಸಂಪನ್ಮೂಲ ಸಚಿವ ವಿನೋದ್‌ ಪಾಲ್ಯೇಕರ್‌ ಆರೋಪಿಸಿದ್ದಾರೆ.

ಇಂದಿರಾ ಕ್ಯಾಂಟೀನ್‌ ರೀತಿ ಮರಳು ವಿತರಿಸಿ

‘ರಾಜ್ಯದಲ್ಲಿ ಜಾರಿಯಲ್ಲಿರುವ ಮರಳು ಹರಾಜು ನೀತಿ ಅವೈಜ್ಞಾನಿಕ ಹಾಗೂ ಅವಾಸ್ತವಿಕವಾಗಿದೆ’ ಎಂದು ಹೈಕೋರ್ಟ್‌ ಕಿಡಿ ಕಾರಿದೆ.

ಸಂಗತ

ಮೈಸೂರು ‘ಸಿನಿಮಾ ಭಾಗ್ಯ’ ವಂಚನೆ ಅಕ್ಷಮ್ಯ

ಸಿನಿಮಾ ಎಂಬುದು ಇಪ್ಪತ್ತನೇ ಶತಮಾನದಲ್ಲಿ ತಂತ್ರಜ್ಞಾನ, ದೃಶ್ಯ-ಶಬ್ದ ಕಲೆಗಾರಿಕೆಯ ಹೆಣಿಗೆಯಲ್ಲಿ ಕಲಾಭಿವ್ಯಕ್ತಿಯಾಗಿಯೂ, ರಂಜನೆಯ ಮಾಧ್ಯಮವಾಗಿಯೂ ರೂಪ ಪಡೆಯಿತು. ಬೇರೆಲ್ಲಾ ಕಲಾಭಿವ್ಯಕ್ತಿ ಹಾಗೂ ರಂಜನೋದ್ಯಮಗಳಿಗಿಂತ ಹೆಚ್ಚು ವೇಗವಾಗಿ ಜಗತ್ತಿನಾದ್ಯಂತ ಹರಡಿಕೊಂಡು,

ತಿಳಿವಳಿಕೆ ಕೊರತೆ ಮತ್ತು ಪರಿಣಾಮ

ಪ್ರಚಲಿತ ವಿದ್ಯಮಾನಗಳು ಹಾಗೂ ತಮ್ಮ ಮೂಲಭೂತ ಹಕ್ಕುಗಳ ಬಗ್ಗೆ ಜನಸಾಮಾನ್ಯರು ಹೊಂದಿರುವ ತಿಳಿವಳಿಕೆಯ ಮಟ್ಟವನ್ನು ಹೆಚ್ಚಿಸುವಲ್ಲಿ, ರಾಜಕೀಯ ಚರ್ಚೆಗಳಲ್ಲಿ ಬಳಕೆಯಾಗುವ ಪದಗಳು ಮಹತ್ವದ ಪಾತ್ರ ವಹಿಸಿವೆ.

ನಾವು ಮತ್ತು ನಮ್ಮ ದೇಶ

ಹಿಂದೂ ಧರ್ಮ ಇತ್ತೀಚಿನದು ಎನ್ನುವುದಾದರೆ ಇದಕ್ಕೂ ಮೊದಲು ಸಾವಿರಾರು ವರ್ಷಗಳಿಂದ ಇಲ್ಲಿ ಬದುಕಿದ ಜನರಿಗೆ ಯಾವ ಧರ್ಮವೂ ಇರಲೇ ಇಲ್ಲವೇ? ವೇದ ಕಾಲದಲ್ಲಿ ಯಾವ ಧರ್ಮವಿತ್ತು?

ವೈಚಾರಿಕ ಸ್ಪಷ್ಟತೆ ಇಲ್ಲದ ವಾದ

ಭಾರತದ ಅನೇಕ ರಾಜರು ಸೋತದ್ದು ಕುದುರೆಗಳ ಕೊರತೆಯಿಂದಾಗಿ. ಕುದುರೆ ಸೈನ್ಯದ ಕೊರತೆಯಿಂದಾಗಿ ಆನೆಗಳ ಸೈನ್ಯವಿಟ್ಟುಕೊಂಡು, ಕುದುರೆ ಸೈನ್ಯವನ್ನೇ ಹೊಂದಿದ್ದ ಮುಸ್ಲಿಂ ಅರಸರ ಸೈನ್ಯದಿಂದ. ಹಾಗಿರುವಾಗ ಕುದುರೆಯನ್ನು ಕೊಲ್ಲಬಾರದೆಂದಿದ್ದೂ ಸಹಜವೇ.

ವಾಣಿಜ್ಯ

ಬರಲಿವೆ ಅದ್ಭುತ ತಂತ್ರಜ್ಞಾನಗಳು

ಸೃಷ್ಟಿಗೆ ಪ್ರತಿಸೃಷ್ಟಿ ಮಾಡುವ ಕೆಲಸದಲ್ಲಿ ಮಾನವ ಸದಾ ಮಗ್ನನಾಗಿರುತ್ತಾನೆ. ಹೊಸ ಆವಿಷ್ಕಾರಗಳೊಂದಿಗೆ ಬದಲಾಗಿ, ಜೀವನದಲ್ಲಿ ಬದಲಾವಣೆ ತಂದು, ಅಸಾಧ್ಯ ಎನಿಸಿದ್ದನ್ನೂ ಸಾಧ್ಯ ಮಾಡಲು ಪ್ರಯತ್ನಿಸುತ್ತಾನೆ. ಪ್ರಮುಖ ಬದಲಾವಣೆ ತರುವಂತಹ ಭವಿಷ್ಯದ ತಂತ್ರಜ್ಞಾನಗಳ ಕುರಿತಾದ ಒಂದು ಇಣುಕು ನೋಟು ಇಲ್ಲಿದೆ.

ಬದಲಾವಣೆ ಹಾದಿಯಲ್ಲಿ ಜಿಎಸ್‌ಟಿ

ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಗೆ ಬಂದು ಆರು ತಿಂಗಳು ಪೂರ್ಣಗೊಂಡಿದ್ದು, ಹಲವು ಏರಿಳಿತಗಳ ಹೊರತಾಗಿಯೂ ಹೊಸ ಪರೋಕ್ಷ ತೆರಿಗೆ ವ್ಯವಸ್ಥೆಯು ನಿಧಾನವಾಗಿ ಸುಸ್ಥಿರಗೊಳ್ಳುತ್ತಿದೆ. ವರ್ತಕರು, ಉದ್ಯಮಿಗಳ ವಹಿವಾಟು ಸರಳೀಕರಣಕ್ಕೆ ಜಿಎಸ್‌ಟಿ ಮಂಡಳಿಯು ಹಲವಾರು ನಿಯಮಗಳಿಗೆ ತಿದ್ದುಪಡಿ ತಂದಿದೆ. ಅವುಗಳನ್ನು ಇಲ್ಲಿ ಹಜರತಅಲಿ ದೇಗಿನಾಳ ಅವರು ವಿವರಿಸಿದ್ದಾರೆ.

ವೈರ್‌ಲೆಸ್‌ ಮೊಬೈಲ್ ಚಾರ್ಜರ್

ಮನೆಗಳಲ್ಲಿ ಐದಾರು ಮೊಬೈಲ್ ಇದ್ದು, ಒಂದೋ-ಎರಡೋ ಚಾರ್ಜರ್ ಇದ್ದವರ ಪರದಾಟ ಮತ್ತು ಚಾರ್ಜಿಂಗ್ ತಾಕಲಾಟಕ್ಕೆ ಈ ನಿಸ್ತಂತು ಚಾರ್ಜರ್ ಇತಿಶ್ರೀ ಹಾಡಲಿದೆ.  ಕ್ರೌಡ್ ಫಂಡಿಂಗ್ ಮೂಲಕ ಈ ಸಾಧನವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಇದನ್ನು ತಯಾರಿಸಿರುವ ಕಂಪನಿ ತಿಳಿಸಿದೆ.

ಈಗ ಸ್ಮಾರ್ಟ್‌ಹೋಂ ಸಮಯ

ಮನೆಯ ಆವರಣ, ಹಿಂಬಾಗಿಲು ಅಥವಾ ಮುಖ್ಯದ್ವಾರದ ಬಳಿ ಕೆಲಸದಾಳು ಅಥವಾ ಯಾರೇ ಸುಳಿದಾಡಿದರೂ, ತಕ್ಷಣ ಮಾಲೀಕನ ಮೊಬೈಲ್‌ಗೆ ಎಚ್ಚರಿಕೆ ಸಂದೇಶ ರವಾನೆಯಾಗುತ್ತದೆ.

ತಂತ್ರಜ್ಞಾನ

ಬರಲಿವೆ ಹೊಸ ತಂತ್ರಜ್ಞಾನಗಳು

ಕೃತಕ ಬುದ್ಧಿಮತ್ತೆ ಮನೆಗಷ್ಟೇ ಅಲ್ಲ ದೇಹಕ್ಕೂ ಆವರಿಸುತ್ತಿದೆ. ಸಂವಹನ ಕ್ಷೇತ್ರದ ಮತ್ತೊಂದು ಮೈಲುಗಲ್ಲು 5ಜಿ ತಂತ್ರಜ್ಞಾನ ಬಳಕೆಗೆ ಸನಿಹವಾಗುತ್ತಿದೆ. ರೋಗಗಳಿಗೆ ಹೊಸ ತಂತ್ರಜ್ಞಾನ ಆಧಾರಿತ ಚಿಕಿತ್ಸೆ ದೊರೆಯಲಿದೆ. ಈ ವರ್ಷ ಬಳಕೆಗೆ ಬರಲಿರುವ ಕೆಲವು ವಿಶೇಷ ತಂತ್ರಜ್ಞಾನಗಳ ಮಾಹಿತಿ ಇಲ್ಲಿದೆ.

ಚಾಲಕನಿಲ್ಲದ ಕಾರು ಸವಾಲುಗಳೇನು?

ತಂತ್ರಜ್ಞಾನದಲ್ಲಿನ ಬದಲಾವಣೆಯೊಂದಿಗೆ ಸಮೂಹ ಸಾರಿಗೆ ವ್ಯವಸ್ಥೆಯೂ ಬದಲಾಗುತ್ತಿದೆ. ಸಾರಿಗೆ ವಾಹನಗಳಿಂದ ವಾಯುಮಾಲಿನ್ಯ ಹೆಚ್ಚಳವಾಗುತ್ತಿರುವುದು ಮುಂದುವರಿದ ದೇಶಗಳನ್ನೂ ಕಾಡುತ್ತಿದೆ.

ಜಪಾನ್‌ನಲ್ಲಿ ಮಡಚುವ ಕಾರು

‘ಆ ಜಾಗಕ್ಕೇನೋ ಕಾರಿನಲ್ಲಿ ಹೋಗಬಹುದು. ಆದರೆ, ಕಾರನ್ನು ಎಲ್ಲಿ ಪಾರ್ಕಿಂಗ್ ಮಾಡುವುದು’ ಇದು ಮಹಾನಗರಗಳಲ್ಲಿನ ಕಾರು ಮಾಲೀಕರ ದಿನ ನಿತ್ಯದ ಗೋಳು. ಕಾರಿಗೊಂದು ಸರಿಯಾದ ಜಾಗ ಪತ್ತೆಹಚ್ಚುವುದೇ ಹರಸಾಹಸದ ಕೆಲಸ. ಕಾರು ನಿಲ್ಲಿಸಲು ಜಾಗ ಸಿಕ್ಕರೂ ಅದರ ಭದ್ರತೆ ಕುರಿತು ಆತಂಕವಿರುತ್ತದೆ.

ಫೇಸ್‍‍ಬುಕ್‍‍ನಲ್ಲಿ ಸ್ಲೈಡ್‍ ಶೋ ರಚಿಸಿ

ಫೇಸ್‍‍ಬುಕ್ ಆ್ಯಪ್‍‍ ತೆರೆಯಿರಿ. ‘ಇಲ್ಲಿ ಏನಾದರೂ ಬರೆಯಿರಿ’ ಎಂಬಲ್ಲಿ ಕ್ಲಿಕ್‍‍ ಮಾಡಿ. ಈಗ ಕಾಣುವ ಆಯ್ಕೆಗಳಲ್ಲಿ Slideshow ಎಂಬಲ್ಲಿ ಕ್ಲಿಕ್ಕಿಸಿ. ಈಗ ADD PHOTOS ಎಂಬಲ್ಲಿ ಕ್ಲಿಕ್ ಮಾಡಿ. ಈಗ ನಿಮ್ಮ ಫೋನ್‍‍ನಲ್ಲಿರುವ ಚಿತ್ರಗಳ ಪೈಕಿ ಯಾವ ಚಿತ್ರಗಳನ್ನು ಸ್ಲೈಡ್ ಶೋ ಮಾಡಬೇಕೋ ಆಯಾ ಚಿತ್ರಗಳ ಮೇಲೆ ಕ್ಲಿಕ್ ಮಾಡುತ್ತಾ ಹೋಗಿ.