ಸಂಕೀರ್ಣ ಇತಿಹಾಸದ ಸರಳೀಕರಣ

10 Jan, 2018
ಡಿ.ಎಸ್. ನಾಗಭೂಷಣ

ಇತ್ತೀಚಿನ ಭೀಮಾ ಕೋರೆಗಾಂವ್ ಪ್ರಕರಣದ ಹಿಂದಿನ ಹಿಂಸಾಚಾರಕ್ಕೆ ಯಾರೇ ಕಾರಣರಾಗಿರಲಿ, ಅವರು ದುಷ್ಟರೇ ಸರಿ ಮತ್ತು ಅವರನ್ನು ವಿಚಾರಣೆಗೆ ಒಳಪಡಿಸಿ ಸೂಕ್ತ ಶಿಕ್ಷೆ ನೀಡಬೇಕೆಂಬುದರಲ್ಲಿ ಎರಡು ಮಾತಿಲ್ಲ. ಆದರೆ ಈ ಪ್ರಕರಣವನ್ನು ನೆಪ ಮಾಡಿಕೊಂಡು ಜಾತಿ ಭಾವನೆಗಳನ್ನು ಕೆರಳಿಸುವ ಪ್ರಯತ್ನ ಮಾಡುವುದು ಉಚಿತವಲ್ಲ. ಈ ದೃಷ್ಟಿಯಿಂದ ಡಿ. ಉಮಾಪತಿಯವರ ‘ಕೋರೆಗಾಂವ್ ವಿಜಯೋತ್ಸವ ದೇಶದ್ರೋಹದ್ದೇ?’ ಎಂಬ ಲೇಖನ (ಪ್ರ.ವಾ., ಜ.8) ಈ ಪ್ರಕರಣದ ಹಿಂದಿನ ಸಂಕೀರ್ಣ ಇತಿಹಾಸ ಕಥನವನ್ನು ಸರಳೀಕರಿಸಿ ಪ್ರಸ್ತುತಪಡಿಸಿದೆ ಎನ್ನದೆ ವಿಧಿಯಿಲ್ಲ.

1818ರಲ್ಲಿ ನಡೆದ ಭೀಮಾ ಕೋರೆಗಾಂವ್ ಯುದ್ಧವನ್ನು ಪೇಶ್ವೆಗಳ ಬ್ರಾಹ್ಮಣಶಾಹಿ ವಿರುದ್ಧ ಮಹಾರರು ನಡೆಸಿದ ಹೋರಾಟ ಅಥವಾ ಗಳಿಸಿದ ಜಯ ಎಂದು ಅದು ನಡೆದ ಒಂದು ಶತಮಾನಕ್ಕೂ ಹೆಚ್ಚಿನ ಕಾಲದ ನಂತರ ಮೊದಲಿಗೆ ನಿರೂಪಿಸಿದವರು ಡಾ. ಬಿ.ಆರ್. ಅಂಬೇಡ್ಕರ್ ಎಂದು ಹೇಳಲಾಗುತ್ತದೆ. ಅದಕ್ಕೆ ಮುನ್ನ ಇತಿಹಾಸದಲ್ಲಿ ಅದು ಬ್ರಿಟಿಷರಿಗೂ ಭಾರತದ ರಾಜಸಂಸ್ಥಾನವೊಂದಕ್ಕೂ ನಡೆದ ಒಂದು ಯುದ್ಧವೆಂದು ಮಾತ್ರವಲ್ಲದೆ, ಭಾರತ ಪೂರ್ಣ ಬ್ರಿಟಿಷರ ಕೈವಶವಾದುದನ್ನು ಸಂಕೇತಿಸುವ ಯುದ್ಧವೆಂದೂ ಗುರುತಿಸಲಾಗುತ್ತಿತ್ತು. ಅಂಬೇಡ್ಕರ್ ಆ ಯುದ್ಧಕ್ಕೆ ಪೇಶ್ವೆ ವಿರುದ್ಧದ ಮಹಾರರ ಹೋರಾಟ ಮತ್ತು ವಿಜಯ ಎಂಬ ವ್ಯಾಖ್ಯಾನ ನೀಡಲು, ಅವರು ಆ ಕಾಲದಲ್ಲಿ ಕೈಗೆತ್ತಿಕೊಂಡಿದ್ದ ಜಾತಿ ವಿಶಿಷ್ಟ ರಾಜಕೀಯ ಹೋರಾಟದ ಸಂದರ್ಭದ ಒತ್ತಡಗಳು ಕಾರಣವಾಗಿರಬಹುದು. ಆದರೆ ಇಂದಿನ ಸಂದರ್ಭದಲ್ಲಿಯೂ ಈ ಯುದ್ಧವನ್ನು ಹಾಗೆ ಜಾತಿ ಸಂಘರ್ಷದ ಕಥೆಯಾಗಿ ನೋಡಲು ಅವಕಾಶವಿದೆಯೇ, ಅದು ಎಷ್ಟು ಸಾಧು ಎಂಬ ಪ್ರಶ್ನೆಗಳನ್ನೂ ನಾವು ಕೇಳಿಕೊಳ್ಳಬೇಕಲ್ಲವೇ?

ಮೊನ್ನೆಯ ಗಲಭೆಗೆ ಕಾರಣವಾದ ಈ ಯುದ್ಧದ ದ್ವಿಶತಮಾನೋತ್ಸವ ಆಚರಣೆಗೆ ಸಂಬಂಧಿಸಿದಂತೆ ದಲಿತ ಚಿಂತಕ (ಮತ್ತು ಅಂಬೇಡ್ಕರ್ ಕುಟುಂಬಕ್ಕೇ ಸೇರಿದ) ಆನಂದ ತೇಲ್ತುಂಬ್ಡೆ ಬರೆದಿರುವ ಲೇಖನವೊಂದರಲ್ಲಿ (ದಿ ವೈರ್, ಜ. 2) ಈ ಯುದ್ಧವನ್ನು ಹಾಗೆ ಗ್ರಹಿಸಲು ಯಾವ ಆಧಾರಗಳೂ ಇಲ್ಲ ಎನ್ನುತ್ತಾರೆ. ಪೇಶ್ವೆಗಳ ವಿರುದ್ಧ ಯುದ್ಧ ಮಾಡಿದ ಬ್ರಿಟಿಷ್ ಸೇನೆಯ ಒಂದು ತುಕಡಿಯಲ್ಲಿ ಮಾತ್ರ ಮಹಾರರು ಗಣನೀಯ ಸಂಖ್ಯೆಯಲ್ಲಿದ್ದರೆಂದೂ, ಆ ಯುದ್ಧದಲ್ಲಿ ಮರಣ ಹೊಂದಿದ ಸೈನಿಕರಲ್ಲಿ ಮಹಾರರಗಿಂತ ಇತರೆ ಜಾತಿಯ ಸೈನಿಕರೇ ಹೆಚ್ಚಿದ್ದರೆಂದೂ ಹೇಳುತ್ತಾರೆ. ಜೊತೆಗೆ ಆ ಕಾಲದ ಎಲ್ಲ ಸೈನ್ಯಗಳಲ್ಲಿದ್ದಂತೆ ಬ್ರಿಟಿಷರ ಮತ್ತು ಪೇಶ್ವೆಗಳ ರಾಜ್ಯದ ಸೈನ್ಯಗಳಲ್ಲೂ ಎಲ್ಲ ಜಾತಿಯ ಜನರೂ ಇದ್ದರೆನ್ನುತ್ತಾರೆ. ಹೇಗೆ ಬ್ರಿಟಿಷರ ಪರವಾಗಿ ಮಹಾರರ ತುಕಡಿ ವೀರಾವೇಶದಿಂದ ಹೋರಾಡಿತೋ ಹಾಗೇ ಪೇಶ್ವೆಗಳ ಪರವಾಗಿ ಅರಬ್ಬರಿಂದ ಕೂಡಿದ ತುಕಡಿ ಹೋರಾಡಿತೆಂದೂ, ಆ ಕಾರಣಕ್ಕೆ ಮುಸ್ಲಿಮರಾದ ಅರಬ್ಬರು ಪೇಶ್ವೆಗಳ ಬ್ರಾಹ್ಮಣಶಾಹಿಯ ಉತ್ಕರ್ಷಕ್ಕಾಗಿ ಹೋರಾಡಿದರು ಎಂದು ಹೇಳಲಾಗುವುದೇ ಎಂದು ಪ್ರಶ್ನಿಸುತ್ತಾರೆ. ಹಾಗೇ ಅವರು ಹೇಳುವ ಇನ್ನೊಂದು ಸಂಗತಿ ಎಂದರೆ, ಆ ಯುದ್ಧ ನಡೆದ ಹೊತ್ತಿಗೆ ಮಹಾರರಲ್ಲಿ ಜಾತಿ ಅಸಮಾನತೆ ಅಥವಾ ಶೋಷಣೆಯ ಬಗೆಗೆ ಯಾವುದೇ ಪ್ರಜ್ಞಾಪೂರ್ವಕತೆ ಜಾಗೃತವಾಗಿದ್ದ ಯಾವ ಸಾಕ್ಷ್ಯಗಳೂ ಇಲ್ಲ ಎಂಬುದು.

ಇನ್ನು ಇದೇ 5ರ ‘ದ ಹಿಂದೂ’ ಪತ್ರಿಕೆಯಲ್ಲಿ ‘ಪ್ರಗತಿಪರ’ ಎಂದು ಕರೆಯಲಾಗುವ ಇನ್ನೋರ್ವ ಚಿಂತಕ ಶಿವ ವಿಶ್ವನಾಥನ್, ಇದೇ ಸಂಬಂಧವಾಗಿ ಬರೆದಿರುವ ಲೇಖನವೊಂದರಲ್ಲಿ ಪೇಶ್ವೆಗಳಿಗೂ ಬ್ರಿಟಿಷರಿಗೂ ಮೊದಲ ಯುದ್ಧವಾದಾಗ ಮಹಾರರು ಪೇಶ್ವೆಗಳ ಸೈನ್ಯದಲ್ಲಿ ಸೇವೆ ಸಲ್ಲಿಸಲು ಮುಂದಾಗಿದ್ದರೆಂದೂ, ಆದರೆ ಪೇಶ್ವೆಗಳು ಅದನ್ನು ಬೇಡವೆಂದದ್ದರಿಂದ ಅವರು ಮುಂದಿನ ಯುದ್ಧದ ಹೊತ್ತಿಗೆ ಬ್ರಿಟಿಷ್ ಸೇನೆಗೆ ಸೇರಿಕೊಂಡರೆಂಬ ಮಹಾರರಲ್ಲಿನ ಸ್ಮೃತಿ ಕಥನವೊಂದನ್ನು ಪ್ರಸ್ತಾಪಿಸುತ್ತಾರೆ. ಈ ಮೂಲಕ ಅವರು ಸೂಚಿಸುವುದೇನೆಂದರೆ ಮಹಾರರು ಮೂಲತಃ ಯೋಧ ಗುಣದವರಾಗಿದ್ದು, ಯಾವುದೇ ಸೇನೆಯಲ್ಲಿ ಯುದ್ಧ ಮಾಡಲು ಸಿದ್ಧರಿರುತ್ತಿದ್ದರು ಎಂಬುದು.

ಹೀಗಾಗಿ ಬ್ರಿಟಿಷರು ಭಾರತದ ಮೇಲಿನ ತಮ್ಮ ಸಂಪೂರ್ಣ ಪ್ರಭುತ್ವವನ್ನು ಸಾರಲು ಕೋರೆಗಾಂವ್‍ನಲ್ಲಿ ಸ್ಥಾಪಿಸಿದ ವಿಜಯಸ್ತಂಭವನ್ನು ತಮ್ಮ ವಿಜಯದ ಸಂಕೇತವೆಂದು ಆಧುನಿಕ ಭಾರತದ ಪ್ರಜೆಗಳಾದ ಮಹಾರರು ಗೌರವಿಸುವ ಆಚರಣೆ ಈ ಎರಡು ಶತಮಾನಗಳ ಇತಿಹಾಸ ಪ್ರವಾಹವನ್ನೇ, ಈ ಅವಧಿಯಲ್ಲಿ ಜಾತಿ ಸಂಬಂಧಗಳಲ್ಲಿ ಆಗಿರುವ ಗಣನೀಯ ಬದಲಾವಣೆಗಳನ್ನೇ, ಅದಕ್ಕೆ ಕಾರಣರಾದ ಪ್ರಮುಖರಲ್ಲೊಬ್ಬರಾದ ಅಂಬೇಡ್ಕರ್ ಅವರ ಕೊಡುಗೆಯನ್ನೇ ನಿರಾಕರಿಸಿದಂತೆ ಅಲ್ಲವೇ? ಉಮಾಪತಿಯವರು ಈ ಸಂಬಂಧದ ತಮ್ಮ ಲೇಖನವನ್ನು ಪರಿಣಾಮಕಾರಿ ಮಾಡಲೋ ಎಂಬಂತೆ ಜಾತಿ ಪದ್ಧತಿಯ ವಿರುದ್ಧ ಧ್ವನಿ ಎತ್ತದವರೆಂದು ತಥಾಕಥಿತ ಮೇಲ್ಜಾತಿ ಮತ್ತು ಮಧ್ಯಮ ವರ್ಗೀಯರನ್ನು ಸಾರ್ವತ್ರಿವಾಗಿ ದೂಷಿಸುತ್ತಾ ಅವರನ್ನೂ ಈ ವಿವಾದದಲ್ಲಿ ಅಪರಾಧಿಗಳನ್ನಾಗಿ ಮಾಡಿದ್ದಾರೆ. ಆದರೆ ಇಂತಹ ಸ್ಥೂಲ ಹೇಳಿಕೆಗಳು ಜನಪ್ರಿಯ ರೋಚಕತೆಯ ಹೊರತಾಗಿ ಇನ್ನಾವ ಪರಿಣಾಮವನ್ನೂ ಉಂಟು ಮಾಡುವುದಿಲ್ಲ. ಜಾತಿ ಪದ್ಧತಿಯನ್ನು ಮಾನ್ಯ ಮಾಡದವರು ವರ್ಷದಲ್ಲಿ ಎಷ್ಟು ಬಾರಿ ಯಾವಾಗ, ಎಲ್ಲಿಗೆ ಬಂದು ಸಾರ್ವಜನಿಕವಾಗಿ ಜಾತಿ ವಿರುದ್ಧ ಕೂಗು ಹಾಕಿ ಹಾಜರಿ ದಾಖಲಿಸಬೇಕೆಂಬುದನ್ನು ಉಮಾಪತಿಯವರು ನಿಗದಿ ಮಾಡಿದರೆ ಒಳ್ಳೆಯದು.

***

ಎಡಪಂಥೀಯರ ಷಡ್ಯಂತ್ರ

ಜಾತಿ ವ್ಯವಸ್ಥೆ ದೇಶದ್ರೋಹದ ಕೆಲಸವಾಗಿದ್ದರೆ ಅದನ್ನು ಪೊಷಿಸುವವರು ಯಾರು?

ಹಿಂದುತ್ವವಾದಿಗಳ ಮೇಲೆ ಜಾತಿವಾದದ ಆರೋಪವನ್ನು ಮಾಡಿ ಹಿಂದೂಗಳು ಒಂದಾಗದಂತೆ ತಡೆಯುವುದು ಎಡಪಂಥಿಯರ ಹಾಗೂ ತಮ್ಮನ್ನು ತಾವೇ ಬುದ್ಧಿಜೀವಿಗಳು ಎಂದುಕೊಳ್ಳುವವರ ಷಡ್ಯಂತ್ರ. ತಮ್ಮ ಜಾತಿಗೆ ಮೀಸಲಾತಿ ಬೇಕು, ತಮ್ಮ ಜಾತಿಯನ್ನು ಆ ಪಂಗಡಕ್ಕೆ ಸೇರಿಸಬೇಕು, ತಮ್ಮ ಜಾತಿಗೆ ಪ್ರತ್ಯೇಕ ಧರ್ಮದ ಸ್ಥಾನ ನೀಡಬೇಕು ಎನ್ನುವವರು ಜಾತಿವಾದಿಗಳೇ ಹೊರತು ಹಿಂದುತ್ವವಾದಿಗಳಲ್ಲ.

ಪ್ಲಾಸಿ ಕಾಳಗದಲ್ಲಿಯೂ ಬ್ರಿಟಿಷರ ಸೈನ್ಯದಲ್ಲಿ ಬಂಗಾಲದ ದಲಿತರಿದ್ದರು. ಕೋರೆಗಾಂವ್‌ ಯುದ್ದವು ಪೇಶ್ವೆಗಳ ವಿರುದ್ಧವಾಗಿತ್ತು ಅದಕ್ಕಾಗಿ ಸಂಭ್ರಮವೇ? ಔರಂಗಜೇಬನು ಶಿವಾಜಿಯ ಮೊಮ್ಮಗನಾದ ಸಾಹುವನ್ನು ಸೆರೆಮನೆಯಲ್ಲಿಟ್ಟು ಆಳಲು ಅಯೋಗ್ಯನನ್ನಾಗಿ ಮಾಡಿ ಬಿಡುಗಡೆ ಮಾಡಿದಾಗ ಅವನನ್ನು ರಾಜನನ್ನಾಗಿ ಸಾತಾರಾದಲ್ಲಿ ಕೂಡಿಸಿ ಮಂತ್ರಿಗಳಾದ ಪೇಶ್ವೆಗಳು ಕಠಿಣ ಪರಿಸ್ಥಿತಿಯಲ್ಲಿ ರಾಜ್ಯವನ್ನು ರಕ್ಷಿಸಿ ಬೆಳೆಸಿದರು. 3ನೇ ಪಾಣಿಪತ್‌ ಕದನದ ನಂತರ ಅನೇಕ ಸ್ವತಂತ್ರ ರಾಜ್ಯಗಳಾಗಿ ವಿಭಜನೆಗೊಂಡ ಸಾಮ್ರಾಜ್ಯವನ್ನು ಬ್ರಿಟಿಷರು ಹಂತಹಂತವಾಗಿ ಗೆದ್ದುಕೊಂಡರು. ಈ ಸಂದರ್ಭದಲ್ಲಿ ಬ್ರಿಟಿಷರು ದಲಿತರಿಗೆ ಅಧಿಕಾರ ಹಸ್ತಾಂತರಿಸಿದರೇ? ಅವರಿಗೆ ಮೀಸಲಾತಿ ನೀಡಿದರೇ? ದಲಿತರು ಸೈನ್ಯಕ್ಕೆ ಅಯೋಗ್ಯರು ಎನ್ನುವ ಬಿರುದನ್ನು ನೀಡಿ ಮಹಾರ ರೆಜಿಮೆಂಟನ್ನು ರದ್ದುಪಡಿಸಿದರು.

ಬುದ್ಧಿಜೀವಿಗಳಿಗೆ ಮೊಗಲರು, ಬ್ರಿಟಿಷರು ಒಳ್ಳೆಯವರು. ಬ್ರಾಹ್ಮಣರು ಮಾತ್ರ ದುಷ್ಟರು. ಹಿಂದೂಗಳಲ್ಲಿ ಶೇ 4ರಷ್ಟಿರುವ ಬ್ರಾಹ್ಮಣರೇ ಸಮಸ್ಯೆಯಾಗಿದ್ದರೆ, ಬ್ರಾಹ್ಮಣರನ್ನು ಹಿಂದೂ ಧರ್ಮದಿಂದ ಹೊರಹಾಕಿ ಉಳಿದ ಶೇ 96ರಷ್ಟು ಹಿಂದೂಗಳನ್ನು ಉದ್ಧಾರ ಮಾಡುವ ಜವಾಬ್ದಾರಿಯನ್ನು ಬುದ್ಧಿಜೀವಿಗಳು ಹೊತ್ತುಕೊಳ್ಳಲಿ.

ಡಾ. ದೇವಿದಾಸ ಪ್ರಭು, ಭಟ್ಕಳ

Read More

Comments
ಮುಖಪುಟ

ವಿಶ್ವದ ಯೋಶೋಗಾಥೆಯಾದ ಕೊಪ್ಪಳದ ತ್ರಿವಳಿಗಳು !

ಹುಟ್ಟುವಾಗಲೇ ‘ಯಮಪಾಶ’ ಕ್ಕೆ ಸಿಲುಕಿದ್ದ ಈ ಮೂರು ಕಂದಮ್ಮಗಳನ್ನು ಬದುಕಿಸಿದ್ದು ಅಮ್ಮನ ಅದಮ್ಯ ಇಚ್ಛಾ ಶಕ್ತಿ. ಈ ಕಥೆಯೀಗ ವಿಶ್ವದ ‘ಯಶೋಗಾಥೆ’ ಆಗಿದೆ. ಈ ತ್ರಿವಳಿಗಳ ಮರುಜನ್ಮದ ವೃತ್ತಾಂತವನ್ನು ವಿಶ್ವ ಆರೋಗ್ಯ ಸಂಸ್ಥೆ ಜಗದೆಲ್ಲೆಡೆ ಸಾರಲು ಮುಂದಾಗಿದೆ!

ಶಮನವಾಗದ ಬಿಕ್ಕಟ್ಟು

ಸುಪ್ರೀಂ ಕೋರ್ಟ್‌ನಲ್ಲಿ ಉಂಟಾಗಿದ್ದ ಬಿಕ್ಕಟ್ಟು ಇನ್ನೂ ಶಮನವಾಗಿಲ್ಲ. ಆದರೆ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ಪ್ರಯತ್ನ ಮುಂದುವರಿದಿದೆ.

ಸಾಕ್ಷಿಯನ್ನು ಖರೀದಿಸಿಲ್ಲ

ಮಹದಾಯಿ ನ್ಯಾಯಮಂಡಳಿ ಮುಂದೆ ಹಾಜರಾಗಲು ಸಾಕ್ಷಿಯಾಗಿರುವ ಪ್ರೊ. ಎ.ಕೆ. ಗೋಸಾಯಿ ಅವರಿಗೆ ಕರ್ನಾಟಕ ಸರ್ಕಾರ ಹಣ ನೀಡಿದೆ ಎಂದು ಗೋವಾದ ಜಲಸಂಪನ್ಮೂಲ ಸಚಿವ ವಿನೋದ್‌ ಪಾಲ್ಯೇಕರ್‌ ಆರೋಪಿಸಿದ್ದಾರೆ.

ಇಂದಿರಾ ಕ್ಯಾಂಟೀನ್‌ ರೀತಿ ಮರಳು ವಿತರಿಸಿ

‘ರಾಜ್ಯದಲ್ಲಿ ಜಾರಿಯಲ್ಲಿರುವ ಮರಳು ಹರಾಜು ನೀತಿ ಅವೈಜ್ಞಾನಿಕ ಹಾಗೂ ಅವಾಸ್ತವಿಕವಾಗಿದೆ’ ಎಂದು ಹೈಕೋರ್ಟ್‌ ಕಿಡಿ ಕಾರಿದೆ.

ಸಂಗತ

ಮೈಸೂರು ‘ಸಿನಿಮಾ ಭಾಗ್ಯ’ ವಂಚನೆ ಅಕ್ಷಮ್ಯ

ಸಿನಿಮಾ ಎಂಬುದು ಇಪ್ಪತ್ತನೇ ಶತಮಾನದಲ್ಲಿ ತಂತ್ರಜ್ಞಾನ, ದೃಶ್ಯ-ಶಬ್ದ ಕಲೆಗಾರಿಕೆಯ ಹೆಣಿಗೆಯಲ್ಲಿ ಕಲಾಭಿವ್ಯಕ್ತಿಯಾಗಿಯೂ, ರಂಜನೆಯ ಮಾಧ್ಯಮವಾಗಿಯೂ ರೂಪ ಪಡೆಯಿತು. ಬೇರೆಲ್ಲಾ ಕಲಾಭಿವ್ಯಕ್ತಿ ಹಾಗೂ ರಂಜನೋದ್ಯಮಗಳಿಗಿಂತ ಹೆಚ್ಚು ವೇಗವಾಗಿ ಜಗತ್ತಿನಾದ್ಯಂತ ಹರಡಿಕೊಂಡು,

ತಿಳಿವಳಿಕೆ ಕೊರತೆ ಮತ್ತು ಪರಿಣಾಮ

ಪ್ರಚಲಿತ ವಿದ್ಯಮಾನಗಳು ಹಾಗೂ ತಮ್ಮ ಮೂಲಭೂತ ಹಕ್ಕುಗಳ ಬಗ್ಗೆ ಜನಸಾಮಾನ್ಯರು ಹೊಂದಿರುವ ತಿಳಿವಳಿಕೆಯ ಮಟ್ಟವನ್ನು ಹೆಚ್ಚಿಸುವಲ್ಲಿ, ರಾಜಕೀಯ ಚರ್ಚೆಗಳಲ್ಲಿ ಬಳಕೆಯಾಗುವ ಪದಗಳು ಮಹತ್ವದ ಪಾತ್ರ ವಹಿಸಿವೆ.

ನಾವು ಮತ್ತು ನಮ್ಮ ದೇಶ

ಹಿಂದೂ ಧರ್ಮ ಇತ್ತೀಚಿನದು ಎನ್ನುವುದಾದರೆ ಇದಕ್ಕೂ ಮೊದಲು ಸಾವಿರಾರು ವರ್ಷಗಳಿಂದ ಇಲ್ಲಿ ಬದುಕಿದ ಜನರಿಗೆ ಯಾವ ಧರ್ಮವೂ ಇರಲೇ ಇಲ್ಲವೇ? ವೇದ ಕಾಲದಲ್ಲಿ ಯಾವ ಧರ್ಮವಿತ್ತು?

ವೈಚಾರಿಕ ಸ್ಪಷ್ಟತೆ ಇಲ್ಲದ ವಾದ

ಭಾರತದ ಅನೇಕ ರಾಜರು ಸೋತದ್ದು ಕುದುರೆಗಳ ಕೊರತೆಯಿಂದಾಗಿ. ಕುದುರೆ ಸೈನ್ಯದ ಕೊರತೆಯಿಂದಾಗಿ ಆನೆಗಳ ಸೈನ್ಯವಿಟ್ಟುಕೊಂಡು, ಕುದುರೆ ಸೈನ್ಯವನ್ನೇ ಹೊಂದಿದ್ದ ಮುಸ್ಲಿಂ ಅರಸರ ಸೈನ್ಯದಿಂದ. ಹಾಗಿರುವಾಗ ಕುದುರೆಯನ್ನು ಕೊಲ್ಲಬಾರದೆಂದಿದ್ದೂ ಸಹಜವೇ.

ವಾಣಿಜ್ಯ

ಬರಲಿವೆ ಅದ್ಭುತ ತಂತ್ರಜ್ಞಾನಗಳು

ಸೃಷ್ಟಿಗೆ ಪ್ರತಿಸೃಷ್ಟಿ ಮಾಡುವ ಕೆಲಸದಲ್ಲಿ ಮಾನವ ಸದಾ ಮಗ್ನನಾಗಿರುತ್ತಾನೆ. ಹೊಸ ಆವಿಷ್ಕಾರಗಳೊಂದಿಗೆ ಬದಲಾಗಿ, ಜೀವನದಲ್ಲಿ ಬದಲಾವಣೆ ತಂದು, ಅಸಾಧ್ಯ ಎನಿಸಿದ್ದನ್ನೂ ಸಾಧ್ಯ ಮಾಡಲು ಪ್ರಯತ್ನಿಸುತ್ತಾನೆ. ಪ್ರಮುಖ ಬದಲಾವಣೆ ತರುವಂತಹ ಭವಿಷ್ಯದ ತಂತ್ರಜ್ಞಾನಗಳ ಕುರಿತಾದ ಒಂದು ಇಣುಕು ನೋಟು ಇಲ್ಲಿದೆ.

ಬದಲಾವಣೆ ಹಾದಿಯಲ್ಲಿ ಜಿಎಸ್‌ಟಿ

ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಗೆ ಬಂದು ಆರು ತಿಂಗಳು ಪೂರ್ಣಗೊಂಡಿದ್ದು, ಹಲವು ಏರಿಳಿತಗಳ ಹೊರತಾಗಿಯೂ ಹೊಸ ಪರೋಕ್ಷ ತೆರಿಗೆ ವ್ಯವಸ್ಥೆಯು ನಿಧಾನವಾಗಿ ಸುಸ್ಥಿರಗೊಳ್ಳುತ್ತಿದೆ. ವರ್ತಕರು, ಉದ್ಯಮಿಗಳ ವಹಿವಾಟು ಸರಳೀಕರಣಕ್ಕೆ ಜಿಎಸ್‌ಟಿ ಮಂಡಳಿಯು ಹಲವಾರು ನಿಯಮಗಳಿಗೆ ತಿದ್ದುಪಡಿ ತಂದಿದೆ. ಅವುಗಳನ್ನು ಇಲ್ಲಿ ಹಜರತಅಲಿ ದೇಗಿನಾಳ ಅವರು ವಿವರಿಸಿದ್ದಾರೆ.

ವೈರ್‌ಲೆಸ್‌ ಮೊಬೈಲ್ ಚಾರ್ಜರ್

ಮನೆಗಳಲ್ಲಿ ಐದಾರು ಮೊಬೈಲ್ ಇದ್ದು, ಒಂದೋ-ಎರಡೋ ಚಾರ್ಜರ್ ಇದ್ದವರ ಪರದಾಟ ಮತ್ತು ಚಾರ್ಜಿಂಗ್ ತಾಕಲಾಟಕ್ಕೆ ಈ ನಿಸ್ತಂತು ಚಾರ್ಜರ್ ಇತಿಶ್ರೀ ಹಾಡಲಿದೆ.  ಕ್ರೌಡ್ ಫಂಡಿಂಗ್ ಮೂಲಕ ಈ ಸಾಧನವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಇದನ್ನು ತಯಾರಿಸಿರುವ ಕಂಪನಿ ತಿಳಿಸಿದೆ.

ಈಗ ಸ್ಮಾರ್ಟ್‌ಹೋಂ ಸಮಯ

ಮನೆಯ ಆವರಣ, ಹಿಂಬಾಗಿಲು ಅಥವಾ ಮುಖ್ಯದ್ವಾರದ ಬಳಿ ಕೆಲಸದಾಳು ಅಥವಾ ಯಾರೇ ಸುಳಿದಾಡಿದರೂ, ತಕ್ಷಣ ಮಾಲೀಕನ ಮೊಬೈಲ್‌ಗೆ ಎಚ್ಚರಿಕೆ ಸಂದೇಶ ರವಾನೆಯಾಗುತ್ತದೆ.

ತಂತ್ರಜ್ಞಾನ

ಬರಲಿವೆ ಹೊಸ ತಂತ್ರಜ್ಞಾನಗಳು

ಕೃತಕ ಬುದ್ಧಿಮತ್ತೆ ಮನೆಗಷ್ಟೇ ಅಲ್ಲ ದೇಹಕ್ಕೂ ಆವರಿಸುತ್ತಿದೆ. ಸಂವಹನ ಕ್ಷೇತ್ರದ ಮತ್ತೊಂದು ಮೈಲುಗಲ್ಲು 5ಜಿ ತಂತ್ರಜ್ಞಾನ ಬಳಕೆಗೆ ಸನಿಹವಾಗುತ್ತಿದೆ. ರೋಗಗಳಿಗೆ ಹೊಸ ತಂತ್ರಜ್ಞಾನ ಆಧಾರಿತ ಚಿಕಿತ್ಸೆ ದೊರೆಯಲಿದೆ. ಈ ವರ್ಷ ಬಳಕೆಗೆ ಬರಲಿರುವ ಕೆಲವು ವಿಶೇಷ ತಂತ್ರಜ್ಞಾನಗಳ ಮಾಹಿತಿ ಇಲ್ಲಿದೆ.

ಚಾಲಕನಿಲ್ಲದ ಕಾರು ಸವಾಲುಗಳೇನು?

ತಂತ್ರಜ್ಞಾನದಲ್ಲಿನ ಬದಲಾವಣೆಯೊಂದಿಗೆ ಸಮೂಹ ಸಾರಿಗೆ ವ್ಯವಸ್ಥೆಯೂ ಬದಲಾಗುತ್ತಿದೆ. ಸಾರಿಗೆ ವಾಹನಗಳಿಂದ ವಾಯುಮಾಲಿನ್ಯ ಹೆಚ್ಚಳವಾಗುತ್ತಿರುವುದು ಮುಂದುವರಿದ ದೇಶಗಳನ್ನೂ ಕಾಡುತ್ತಿದೆ.

ಜಪಾನ್‌ನಲ್ಲಿ ಮಡಚುವ ಕಾರು

‘ಆ ಜಾಗಕ್ಕೇನೋ ಕಾರಿನಲ್ಲಿ ಹೋಗಬಹುದು. ಆದರೆ, ಕಾರನ್ನು ಎಲ್ಲಿ ಪಾರ್ಕಿಂಗ್ ಮಾಡುವುದು’ ಇದು ಮಹಾನಗರಗಳಲ್ಲಿನ ಕಾರು ಮಾಲೀಕರ ದಿನ ನಿತ್ಯದ ಗೋಳು. ಕಾರಿಗೊಂದು ಸರಿಯಾದ ಜಾಗ ಪತ್ತೆಹಚ್ಚುವುದೇ ಹರಸಾಹಸದ ಕೆಲಸ. ಕಾರು ನಿಲ್ಲಿಸಲು ಜಾಗ ಸಿಕ್ಕರೂ ಅದರ ಭದ್ರತೆ ಕುರಿತು ಆತಂಕವಿರುತ್ತದೆ.

ಫೇಸ್‍‍ಬುಕ್‍‍ನಲ್ಲಿ ಸ್ಲೈಡ್‍ ಶೋ ರಚಿಸಿ

ಫೇಸ್‍‍ಬುಕ್ ಆ್ಯಪ್‍‍ ತೆರೆಯಿರಿ. ‘ಇಲ್ಲಿ ಏನಾದರೂ ಬರೆಯಿರಿ’ ಎಂಬಲ್ಲಿ ಕ್ಲಿಕ್‍‍ ಮಾಡಿ. ಈಗ ಕಾಣುವ ಆಯ್ಕೆಗಳಲ್ಲಿ Slideshow ಎಂಬಲ್ಲಿ ಕ್ಲಿಕ್ಕಿಸಿ. ಈಗ ADD PHOTOS ಎಂಬಲ್ಲಿ ಕ್ಲಿಕ್ ಮಾಡಿ. ಈಗ ನಿಮ್ಮ ಫೋನ್‍‍ನಲ್ಲಿರುವ ಚಿತ್ರಗಳ ಪೈಕಿ ಯಾವ ಚಿತ್ರಗಳನ್ನು ಸ್ಲೈಡ್ ಶೋ ಮಾಡಬೇಕೋ ಆಯಾ ಚಿತ್ರಗಳ ಮೇಲೆ ಕ್ಲಿಕ್ ಮಾಡುತ್ತಾ ಹೋಗಿ.