ದುಬಾರಿ ಬೈಕುಗಳ ದರ್ಬಾರು

11 Jan, 2018
ನೇಸರ ಕಾಡನಕುಪ್ಪೆ

2017ರಲ್ಲಿ ಮೋಟಾರ್‌ಸೈಕಲ್‌ಗಳ ಹವಾ ಅಷ್ಟೇನೂ ಹೆಚ್ಚಿರಲಿಲ್ಲ. ಹಳೆಯ ಬೈಕುಗಳ ಹೊಸ ಅವತಾರ ಕಂಡವಷ್ಟೇ. ಆದರೆ, 2018 ಹಾಗಿಲ್ಲ; ಸಾಕಷ್ಟು ಹೊಸತನ ಇರಲಿದೆ. ಈ ವರ್ಷ ವಿದೇಶಿ ದುಬಾರಿ ಬೈಕುಗಳು ದರ್ಬಾರು ನಡೆಸಲಿವೆ.

ಭಾರತೀಯರ ಕೊಳ್ಳುವ ಸಾಮರ್ಥ್ಯ ಹೆಚ್ಚಿರುವ ಹಿನ್ನೆಲೆಯಲ್ಲೇ ವಿದೇಶಿ ಬೈಕ್‌ ಕಂಪನಿಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಅವುಗಳ ಪೈಕಿ ಪ್ರಮುಖವಾದವು ಹಾರ್ಲಿ ಡೇವಿಡ್‌ಸನ್, ಡಿಎಸ್‌ಕೆ ಬನೆಲ್ಲಿ. ಈ ವರ್ಷ ಈ ಸಾಲಿಗೆ ಬಿಎಂಡಬ್ಲ್ಯೂ, ಟ್ರಿಂಫ್‌, ಹೋಂಡಾ ಕವಾಸಾಕಿ ಸೇರಲಿವೆ. ಈ ಕಂಪನಿಗಳ ದೈತ್ಯ ಬೈಕುಗಳು ರಸ್ತೆಗಳ ಮೇಲೆ ಸದ್ದು ಮಾಡಲಿವೆ. ₹ 10 ಲಕ್ಷ ಒಳಗಿನ ಸೂಪರ್‌ ಬೈಕ್‌ಗಳ ಬಗ್ಗೆ ಮಾತ್ರ ಇಲ್ಲಿ ಪರಿಚಯ ನೀಡಲಾಗಿದೆ.

ಹೋಂಡಾ ಸಿಬಿ 500ಎಕ್ಸ್‌: ಈ  ಬೈಕ್‌ ಭಾರತ ದಲ್ಲಿ ಇನ್ನೂ ಬಿಡುಗಡೆಯಾಗಿಲ್ಲ. ವಿದೇಶದಲ್ಲಿ ಹೆಸರು ಗಳಿಸಿರುವ ಬೈಕ್‌ ಇದು. ಇದರಲ್ಲಿ 500 ಸಿಸಿ ಲಿಕ್ವಿಡ್‌ ಕೂಲ್ಡ್ ಎಂಜಿನ್ ಇದೆ. 47 ಬಿಎಚ್‌ಪಿ, 43 ಎನ್‌ಎಂ ಟಾರ್ಕ್‌ ಈ ಬೈಕಿನಲ್ಲಿದೆ. 60 ಕಿ.ಮೀ ವೇಗವನ್ನು ಇದು ಕೇವಲ 3.2 ಸೆಕೆಂಡ್‌ಗಳಲ್ಲಿ ಮುಟ್ಟಬಲ್ಲದು. ಇದರ ಬೆಲೆ ₹ 5.5 ಲಕ್ಷದಿಂದ ₹ 7 ಲಕ್ಷ ಇರಲಿದೆ.

ಕವಾಸಾಕಿ ಜೆಡ್‌ 900 ಆರ್‌ಎಸ್: ಕೊಂಚ ಕ್ರೂಸರ್ ಶೈಲಿಯಲ್ಲಿ ನೇಕಡ್‌ ಬೈಕ್‌ ಇದು. ಅಂದರೆ, ಸ್ಪೋರ್ಟ್ಸ್‌ ಬೈಕ್‌ಗಳಂತೆ ಇದಕ್ಕೆ ಎಂಜಿನ್‌ ಮುಚ್ಚಿಕೊಂಡಿರುವುದಿಲ್ಲ. ಹಾಗಾಗಿ, ಇದರಲ್ಲಿ ಗಾಳಿಯಿಂದ ಎಂಜಿನ್‌ ತಂಪಾಗುವ, ಜತೆಗೆ ದ್ರವದ ಮೂಲಕ ತಂಪಾಗಿಸುವ ಸೌಲಭ್ಯಗಳೆರಡೂ ಇರುತ್ತದೆ. 900 ಸಿಸಿ ಎಂಜಿನ್‌ ಇರಲಿದೆ. ಅದಕ್ಕೆ ತಕ್ಕಂತೆ 110 ಬಿಎಚ್‌ಪಿ, 98 ಎನ್‌ಎಂ ಟಾರ್ಕ್‌ ಇದರಲ್ಲಿದೆ. 60 ಕಿ.ಮೀ. ವೇಗವನ್ನು ಕೇವಲ 3 ಸೆಕೆಂಡ್‌ಗಳಲ್ಲಿ ಮುಟ್ಟುತ್ತದೆ. ₹8 ಲಕ್ಷದಿಂದ ಬೆಲೆ ಆರಂಭ.

ಬನೆಲ್ಲಿ ಟಿಆರ್‌ಕೆ 502: 500ಸಿಸಿ ಎಂಜಿನ್‌ ಇರುವ ಈ ಸೂಪರ್ ಬೈಕ್‌, ‘ಆಲ್‌ ಟೆರೈನ್‌ ಬೈಕ್‌’ ಪ್ರಭೇದಕ್ಕೆ ಸೇರುತ್ತದೆ. ಅಂದರೆ, ನಯವಾದ ರಸ್ತೆಯಿಂದ–ಕಚ್ಚಾ ರಸ್ತೆಯವರೆಗೂ ಸರಾಗವಾಗಿ ಚಲಿಸಬಲ್ಲ ಸಾಮರ್ಥ್ಯ ಹೊಂದಿರುತ್ತದೆ. 6 ಸ್ಪೀಡ್‌ ಗಿಯರ್‌ ಬಾಕ್ಸ್ ಇದರಲ್ಲಿದೆ. 47 ಬಿಎಚ್‌ಪಿ ಹಾಗೂ 45 ಎನ್‌ಎಂ ಟಾರ್ಕ್‌ ಇದೆ. 19 ಇಂಚಿನ ವಿಶಾಲ ಮುಂಭಾಗದ ಹಾಗೂ 17 ಇಂಚಿನ ಹಿಂಭಾಗದ ಚಕ್ರಗಳು ಒಳ್ಳೆಯ ರಸ್ತೆ ಹಿಡಿತವನ್ನು ನೀಡುತ್ತವೆ. 20 ಲೀಟರ್‌ ಇಂಧನ ಸಾಮರ್ಥ್ಯದ ಪೆಟ್ರೋಲ್‌ ಟ್ಯಾಂಕ್‌ ಇದ್ದು, ದೂರದ ಪ್ರಯಾಣಕ್ಕೆ ತುಂಬಾ ಅನುಕೂಲಕಾರಿ. ಬೆಲೆ ತೀರಾ ಹೆಚ್ಚೇನೂ ಅಲ್ಲ.

₹ 6 ಲಕ್ಷ. ಈ ಬೈಕಿನ ವಿಶೇಷವೆಂದರೆ, ಇದರ ಜತೆಗೆ ಸಿಗಲಿರುವ ಅಕ್ಸೆಸರೀಸ್‌. ಬಟ್ಟೆ ಇಟ್ಟುಕೊಳ್ಳಲು ಬೀಗ ಇರುವ ಸದೃಢ ಜೋಡಿ ಡಬ್ಬಿ, ವಿಂಡ್‌ ಶೀಲ್ಡ್‌ ಮೋಹಕವಾಗೂ ಇವೆ, ಉಪಯೋಗಕಾರಿಯೂ ಆಗಿವೆ.

ಬಿಎಂಡಬ್ಲ್ಯೂ ಎಫ್‌ 750 ಜಿಎಸ್‌: ಮೇಲೆ ಉಲ್ಲೇಖಿಸಿದ ಬೈಕ್‌ ಮಾದರಿಯ ಸೂಪರ್ ಲಕ್ಷುರಿ ಬೈಕ್‌ ಇದು. ಬಿಎಂಡಬ್ಲ್ಯೂ ಕಂಪನಿಯ ಎಂಜಿನ್‌ಗಳು ಸರ್ವಶ್ರೇಷ್ಠ ಎಂಬ ಮಾತಿದೆ. ಅದರಂತೆಯೇ ಬೆಲೆಯೂ ಹೆಚ್ಚಿರುತ್ತದೆ. ₹10 ಲಕ್ಷದಿಂದ ಆರಂಭ. ಅತ್ಯುತ್ತಮ 750 ಸಿಸಿ ಎಂಜಿನ್ ಇದರಲ್ಲಿ ಇರಲಿದೆ. ಅತಿ ಎತ್ತರದ ನಿಲುವು ದೂರದ ಪ್ರಯಾಣಕ್ಕೆ ಹೇಳಿ ಮಾಡಿಸಿ‌ದಂತಿದೆ. ಶ್ರೇಷ್ಠವಾದ 80 ಬಿಎಚ್‌ಪಿ ಶಕ್ತಿ ಈ ಬೈಕಿಗಿರುವುದು ವಿಶೇಷ. 60 ಕಿ.ಮೀ. ವೇಗವನ್ನು ಈ ಬೈಕ್‌ ಕೇವಲ 3 ಸೆಕೆಂಡ್‌ಗಳಲ್ಲಿ ಮುಟ್ಟುತ್ತದೆ.

ಟ್ರಿಂಫ್‌ ಬಾನ್‌ವಿಲ್‌ ಟಿ120: ಇದು ಬ್ರಿಟಿಷ್‌ ಮೋಟಾರ್‌ಸೈಕಲ್. ಸದೃಢ ಮೈಕಟ್ಟಿಗೆ ಟ್ರಿಂಫ್ ಹೆಸರುವಾಸಿ. ಬಾನ್‌ವಿಲ್‌ ಟಿ 120 ಅತ್ಯುತ್ತಮ ಬೈಕ್‌ಗಳಲ್ಲಿ ಒಂದು. ಬರೋಬ್ಬರಿ 1200 ಸಿಸಿ ಎಂಜಿನ್‌ ಇದರಲ್ಲಿದೆ. 105 ಎನ್‌ಎಂ ಶಕ್ತಿಯ 6 ಸ್ಪೀಡ್‌ ಗಿಯರ್‌ ಬಾಕ್ಸ್ ಉಳ್ಳ ಬಲಶಾಲಿ ಹೃದಯ ಇದಕ್ಕಿದೆ. ಬಲಶಾಲಿ ಸಸ್ಪೆನ್ಷನ್‌ ವ್ಯವಸ್ಥೆ ಇದ್ದು, ಕುಲುಕಾಟವಿಲ್ಲದ ಪ್ರಯಾಣದ ಭರವಸೆ ನೀಡುತ್ತದೆ. ಅತಿ ಚಿಕ್ಕನೆ ದೇಹ, ಕಠಿಣ ತಿರುವುಗಳಲ್ಲಿ ಉತ್ತಮ ನಿಯಂತ್ರಣ ನೀಡುವುದು ಇದರ ಖ್ಯಾತಿ. ಬೆಲೆ ₹ 7.5 ಲಕ್ಷದಿಂದ ಆರಂಭ.

ಡುಕಾಟಿ ಮಾನ್‌ಸ್ಟರ್‌ 821: ಹೆಸರೇ ಹೇಳುವಂತೆ ಇದು ದೈತ್ಯ ಬೈಕ್‌. ಡುಕಾಟಿ ಬೈಕ್‌ಗಳು ಮೂಲತಃ ರೇಸ್‌ ಉದ್ದೇಶಕ್ಕಾಗಿ ತಯಾರಾದವು. ಆದರೆ, ಈಗ ನಾಗರಿಕ ರಸ್ತೆಗಳಲ್ಲೂ ಪ್ರಸಿದ್ಧ. ಈ ಬೈಕಿಗೆ 821 ಸಿಸಿ ಎಂಜಿನ್‌ ಇದೆ. 108 ಪಿಎಚ್‌ ಶಕ್ತಿ ಹಾಗೂ 86 ಎನ್‌ಎಂ ಟಾರ್ಕ್‌ ಈ ಬೈಕಿಗಿದ್ದು, ಉತ್ತಮ ವೇಗವನ್ನು ನೀಡುತ್ತದೆ. ಇದು ಕಾರ್ಯಕ್ಷಮತೆ ಜತೆಗೆ ಇದರ ನೋಟಕ್ಕೂ ಹೆಚ್ಚು ಪ್ರಸಿದ್ಧ. ನೇಕೆಡ್‌ ವಿಭಾಗದ ಈ ಬೈಕ್‌ ಯುವಕರ ಮೆಚ್ಚುಗೆ ಗಳಿಸಿದೆ. ಇದರ ಬೆಲೆ ₹ 10 ಲಕ್ಷದಿಂದ ಆರಂಭ.⇒v

Read More

Comments
ಮುಖಪುಟ

ವಿಶ್ವದ ಯೋಶೋಗಾಥೆಯಾದ ಕೊಪ್ಪಳದ ತ್ರಿವಳಿಗಳು !

ಹುಟ್ಟುವಾಗಲೇ ‘ಯಮಪಾಶ’ ಕ್ಕೆ ಸಿಲುಕಿದ್ದ ಈ ಮೂರು ಕಂದಮ್ಮಗಳನ್ನು ಬದುಕಿಸಿದ್ದು ಅಮ್ಮನ ಅದಮ್ಯ ಇಚ್ಛಾ ಶಕ್ತಿ. ಈ ಕಥೆಯೀಗ ವಿಶ್ವದ ‘ಯಶೋಗಾಥೆ’ ಆಗಿದೆ. ಈ ತ್ರಿವಳಿಗಳ ಮರುಜನ್ಮದ ವೃತ್ತಾಂತವನ್ನು ವಿಶ್ವ ಆರೋಗ್ಯ ಸಂಸ್ಥೆ ಜಗದೆಲ್ಲೆಡೆ ಸಾರಲು ಮುಂದಾಗಿದೆ!

ಶಮನವಾಗದ ಬಿಕ್ಕಟ್ಟು

ಸುಪ್ರೀಂ ಕೋರ್ಟ್‌ನಲ್ಲಿ ಉಂಟಾಗಿದ್ದ ಬಿಕ್ಕಟ್ಟು ಇನ್ನೂ ಶಮನವಾಗಿಲ್ಲ. ಆದರೆ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ಪ್ರಯತ್ನ ಮುಂದುವರಿದಿದೆ.

ಸಾಕ್ಷಿಯನ್ನು ಖರೀದಿಸಿಲ್ಲ

ಮಹದಾಯಿ ನ್ಯಾಯಮಂಡಳಿ ಮುಂದೆ ಹಾಜರಾಗಲು ಸಾಕ್ಷಿಯಾಗಿರುವ ಪ್ರೊ. ಎ.ಕೆ. ಗೋಸಾಯಿ ಅವರಿಗೆ ಕರ್ನಾಟಕ ಸರ್ಕಾರ ಹಣ ನೀಡಿದೆ ಎಂದು ಗೋವಾದ ಜಲಸಂಪನ್ಮೂಲ ಸಚಿವ ವಿನೋದ್‌ ಪಾಲ್ಯೇಕರ್‌ ಆರೋಪಿಸಿದ್ದಾರೆ.

ಇಂದಿರಾ ಕ್ಯಾಂಟೀನ್‌ ರೀತಿ ಮರಳು ವಿತರಿಸಿ

‘ರಾಜ್ಯದಲ್ಲಿ ಜಾರಿಯಲ್ಲಿರುವ ಮರಳು ಹರಾಜು ನೀತಿ ಅವೈಜ್ಞಾನಿಕ ಹಾಗೂ ಅವಾಸ್ತವಿಕವಾಗಿದೆ’ ಎಂದು ಹೈಕೋರ್ಟ್‌ ಕಿಡಿ ಕಾರಿದೆ.

ಸಂಗತ

ಮೈಸೂರು ‘ಸಿನಿಮಾ ಭಾಗ್ಯ’ ವಂಚನೆ ಅಕ್ಷಮ್ಯ

ಸಿನಿಮಾ ಎಂಬುದು ಇಪ್ಪತ್ತನೇ ಶತಮಾನದಲ್ಲಿ ತಂತ್ರಜ್ಞಾನ, ದೃಶ್ಯ-ಶಬ್ದ ಕಲೆಗಾರಿಕೆಯ ಹೆಣಿಗೆಯಲ್ಲಿ ಕಲಾಭಿವ್ಯಕ್ತಿಯಾಗಿಯೂ, ರಂಜನೆಯ ಮಾಧ್ಯಮವಾಗಿಯೂ ರೂಪ ಪಡೆಯಿತು. ಬೇರೆಲ್ಲಾ ಕಲಾಭಿವ್ಯಕ್ತಿ ಹಾಗೂ ರಂಜನೋದ್ಯಮಗಳಿಗಿಂತ ಹೆಚ್ಚು ವೇಗವಾಗಿ ಜಗತ್ತಿನಾದ್ಯಂತ ಹರಡಿಕೊಂಡು,

ತಿಳಿವಳಿಕೆ ಕೊರತೆ ಮತ್ತು ಪರಿಣಾಮ

ಪ್ರಚಲಿತ ವಿದ್ಯಮಾನಗಳು ಹಾಗೂ ತಮ್ಮ ಮೂಲಭೂತ ಹಕ್ಕುಗಳ ಬಗ್ಗೆ ಜನಸಾಮಾನ್ಯರು ಹೊಂದಿರುವ ತಿಳಿವಳಿಕೆಯ ಮಟ್ಟವನ್ನು ಹೆಚ್ಚಿಸುವಲ್ಲಿ, ರಾಜಕೀಯ ಚರ್ಚೆಗಳಲ್ಲಿ ಬಳಕೆಯಾಗುವ ಪದಗಳು ಮಹತ್ವದ ಪಾತ್ರ ವಹಿಸಿವೆ.

ನಾವು ಮತ್ತು ನಮ್ಮ ದೇಶ

ಹಿಂದೂ ಧರ್ಮ ಇತ್ತೀಚಿನದು ಎನ್ನುವುದಾದರೆ ಇದಕ್ಕೂ ಮೊದಲು ಸಾವಿರಾರು ವರ್ಷಗಳಿಂದ ಇಲ್ಲಿ ಬದುಕಿದ ಜನರಿಗೆ ಯಾವ ಧರ್ಮವೂ ಇರಲೇ ಇಲ್ಲವೇ? ವೇದ ಕಾಲದಲ್ಲಿ ಯಾವ ಧರ್ಮವಿತ್ತು?

ವೈಚಾರಿಕ ಸ್ಪಷ್ಟತೆ ಇಲ್ಲದ ವಾದ

ಭಾರತದ ಅನೇಕ ರಾಜರು ಸೋತದ್ದು ಕುದುರೆಗಳ ಕೊರತೆಯಿಂದಾಗಿ. ಕುದುರೆ ಸೈನ್ಯದ ಕೊರತೆಯಿಂದಾಗಿ ಆನೆಗಳ ಸೈನ್ಯವಿಟ್ಟುಕೊಂಡು, ಕುದುರೆ ಸೈನ್ಯವನ್ನೇ ಹೊಂದಿದ್ದ ಮುಸ್ಲಿಂ ಅರಸರ ಸೈನ್ಯದಿಂದ. ಹಾಗಿರುವಾಗ ಕುದುರೆಯನ್ನು ಕೊಲ್ಲಬಾರದೆಂದಿದ್ದೂ ಸಹಜವೇ.

ವಾಣಿಜ್ಯ

ಬರಲಿವೆ ಅದ್ಭುತ ತಂತ್ರಜ್ಞಾನಗಳು

ಸೃಷ್ಟಿಗೆ ಪ್ರತಿಸೃಷ್ಟಿ ಮಾಡುವ ಕೆಲಸದಲ್ಲಿ ಮಾನವ ಸದಾ ಮಗ್ನನಾಗಿರುತ್ತಾನೆ. ಹೊಸ ಆವಿಷ್ಕಾರಗಳೊಂದಿಗೆ ಬದಲಾಗಿ, ಜೀವನದಲ್ಲಿ ಬದಲಾವಣೆ ತಂದು, ಅಸಾಧ್ಯ ಎನಿಸಿದ್ದನ್ನೂ ಸಾಧ್ಯ ಮಾಡಲು ಪ್ರಯತ್ನಿಸುತ್ತಾನೆ. ಪ್ರಮುಖ ಬದಲಾವಣೆ ತರುವಂತಹ ಭವಿಷ್ಯದ ತಂತ್ರಜ್ಞಾನಗಳ ಕುರಿತಾದ ಒಂದು ಇಣುಕು ನೋಟು ಇಲ್ಲಿದೆ.

ಬದಲಾವಣೆ ಹಾದಿಯಲ್ಲಿ ಜಿಎಸ್‌ಟಿ

ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಗೆ ಬಂದು ಆರು ತಿಂಗಳು ಪೂರ್ಣಗೊಂಡಿದ್ದು, ಹಲವು ಏರಿಳಿತಗಳ ಹೊರತಾಗಿಯೂ ಹೊಸ ಪರೋಕ್ಷ ತೆರಿಗೆ ವ್ಯವಸ್ಥೆಯು ನಿಧಾನವಾಗಿ ಸುಸ್ಥಿರಗೊಳ್ಳುತ್ತಿದೆ. ವರ್ತಕರು, ಉದ್ಯಮಿಗಳ ವಹಿವಾಟು ಸರಳೀಕರಣಕ್ಕೆ ಜಿಎಸ್‌ಟಿ ಮಂಡಳಿಯು ಹಲವಾರು ನಿಯಮಗಳಿಗೆ ತಿದ್ದುಪಡಿ ತಂದಿದೆ. ಅವುಗಳನ್ನು ಇಲ್ಲಿ ಹಜರತಅಲಿ ದೇಗಿನಾಳ ಅವರು ವಿವರಿಸಿದ್ದಾರೆ.

ವೈರ್‌ಲೆಸ್‌ ಮೊಬೈಲ್ ಚಾರ್ಜರ್

ಮನೆಗಳಲ್ಲಿ ಐದಾರು ಮೊಬೈಲ್ ಇದ್ದು, ಒಂದೋ-ಎರಡೋ ಚಾರ್ಜರ್ ಇದ್ದವರ ಪರದಾಟ ಮತ್ತು ಚಾರ್ಜಿಂಗ್ ತಾಕಲಾಟಕ್ಕೆ ಈ ನಿಸ್ತಂತು ಚಾರ್ಜರ್ ಇತಿಶ್ರೀ ಹಾಡಲಿದೆ.  ಕ್ರೌಡ್ ಫಂಡಿಂಗ್ ಮೂಲಕ ಈ ಸಾಧನವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಇದನ್ನು ತಯಾರಿಸಿರುವ ಕಂಪನಿ ತಿಳಿಸಿದೆ.

ಈಗ ಸ್ಮಾರ್ಟ್‌ಹೋಂ ಸಮಯ

ಮನೆಯ ಆವರಣ, ಹಿಂಬಾಗಿಲು ಅಥವಾ ಮುಖ್ಯದ್ವಾರದ ಬಳಿ ಕೆಲಸದಾಳು ಅಥವಾ ಯಾರೇ ಸುಳಿದಾಡಿದರೂ, ತಕ್ಷಣ ಮಾಲೀಕನ ಮೊಬೈಲ್‌ಗೆ ಎಚ್ಚರಿಕೆ ಸಂದೇಶ ರವಾನೆಯಾಗುತ್ತದೆ.

ತಂತ್ರಜ್ಞಾನ

ಬರಲಿವೆ ಹೊಸ ತಂತ್ರಜ್ಞಾನಗಳು

ಕೃತಕ ಬುದ್ಧಿಮತ್ತೆ ಮನೆಗಷ್ಟೇ ಅಲ್ಲ ದೇಹಕ್ಕೂ ಆವರಿಸುತ್ತಿದೆ. ಸಂವಹನ ಕ್ಷೇತ್ರದ ಮತ್ತೊಂದು ಮೈಲುಗಲ್ಲು 5ಜಿ ತಂತ್ರಜ್ಞಾನ ಬಳಕೆಗೆ ಸನಿಹವಾಗುತ್ತಿದೆ. ರೋಗಗಳಿಗೆ ಹೊಸ ತಂತ್ರಜ್ಞಾನ ಆಧಾರಿತ ಚಿಕಿತ್ಸೆ ದೊರೆಯಲಿದೆ. ಈ ವರ್ಷ ಬಳಕೆಗೆ ಬರಲಿರುವ ಕೆಲವು ವಿಶೇಷ ತಂತ್ರಜ್ಞಾನಗಳ ಮಾಹಿತಿ ಇಲ್ಲಿದೆ.

ಚಾಲಕನಿಲ್ಲದ ಕಾರು ಸವಾಲುಗಳೇನು?

ತಂತ್ರಜ್ಞಾನದಲ್ಲಿನ ಬದಲಾವಣೆಯೊಂದಿಗೆ ಸಮೂಹ ಸಾರಿಗೆ ವ್ಯವಸ್ಥೆಯೂ ಬದಲಾಗುತ್ತಿದೆ. ಸಾರಿಗೆ ವಾಹನಗಳಿಂದ ವಾಯುಮಾಲಿನ್ಯ ಹೆಚ್ಚಳವಾಗುತ್ತಿರುವುದು ಮುಂದುವರಿದ ದೇಶಗಳನ್ನೂ ಕಾಡುತ್ತಿದೆ.

ಜಪಾನ್‌ನಲ್ಲಿ ಮಡಚುವ ಕಾರು

‘ಆ ಜಾಗಕ್ಕೇನೋ ಕಾರಿನಲ್ಲಿ ಹೋಗಬಹುದು. ಆದರೆ, ಕಾರನ್ನು ಎಲ್ಲಿ ಪಾರ್ಕಿಂಗ್ ಮಾಡುವುದು’ ಇದು ಮಹಾನಗರಗಳಲ್ಲಿನ ಕಾರು ಮಾಲೀಕರ ದಿನ ನಿತ್ಯದ ಗೋಳು. ಕಾರಿಗೊಂದು ಸರಿಯಾದ ಜಾಗ ಪತ್ತೆಹಚ್ಚುವುದೇ ಹರಸಾಹಸದ ಕೆಲಸ. ಕಾರು ನಿಲ್ಲಿಸಲು ಜಾಗ ಸಿಕ್ಕರೂ ಅದರ ಭದ್ರತೆ ಕುರಿತು ಆತಂಕವಿರುತ್ತದೆ.

ಫೇಸ್‍‍ಬುಕ್‍‍ನಲ್ಲಿ ಸ್ಲೈಡ್‍ ಶೋ ರಚಿಸಿ

ಫೇಸ್‍‍ಬುಕ್ ಆ್ಯಪ್‍‍ ತೆರೆಯಿರಿ. ‘ಇಲ್ಲಿ ಏನಾದರೂ ಬರೆಯಿರಿ’ ಎಂಬಲ್ಲಿ ಕ್ಲಿಕ್‍‍ ಮಾಡಿ. ಈಗ ಕಾಣುವ ಆಯ್ಕೆಗಳಲ್ಲಿ Slideshow ಎಂಬಲ್ಲಿ ಕ್ಲಿಕ್ಕಿಸಿ. ಈಗ ADD PHOTOS ಎಂಬಲ್ಲಿ ಕ್ಲಿಕ್ ಮಾಡಿ. ಈಗ ನಿಮ್ಮ ಫೋನ್‍‍ನಲ್ಲಿರುವ ಚಿತ್ರಗಳ ಪೈಕಿ ಯಾವ ಚಿತ್ರಗಳನ್ನು ಸ್ಲೈಡ್ ಶೋ ಮಾಡಬೇಕೋ ಆಯಾ ಚಿತ್ರಗಳ ಮೇಲೆ ಕ್ಲಿಕ್ ಮಾಡುತ್ತಾ ಹೋಗಿ.