ನಾ ಓದದ ಮೊದಲ ಪ್ರೇಮಪತ್ರ…

8 Feb, 2018

ಯಾರಿಗೆ ಹೇಳಲಿ?
ಒಮ್ಮೊಮ್ಮೆ ನೆನಪಾದರೆ ಹೊಟ್ಟೆಯಲ್ಲಿ ಮಳೆಗಾಲದಲ್ಲಿ ರೊಚ್ಚಿಗೆದ್ದು ಭೋರ್ಗರೆವ ಕಡಲೊಂದು ಮಗುಚಿ ಮಗುಚಿ ಬೀಳುತ್ತಿರುವ ಸಂಕಟ…!

ನಾನಾಗ ಒಂಬತ್ತನೆ ತರಗತಿಯ ವಿದ್ಯಾರ್ಥಿನಿ. ತುಂಬಾ ಸ್ಟ್ರಿಕ್ಟಿನ, ಸದಾ ಗಂಟುಮೋರೆಯಲ್ಲಿರುತ್ತಿದ್ದ ಜೀವಶಾಸ್ತ್ರದ ಟೀಚರ್ ತರಗತಿ ನಡೆಯುತ್ತಿತ್ತು. ಹೊರಗೆ ಸಣ್ಣಗೆ ಜಿಟಿಜಿಟಿ ಮಳೆ ಸಾಣೆ ಹಿಡಿದಿತ್ತು. ಆಗ ಶಾಲೆಯ ಜವಾನನೊಬ್ಬ ಬಂದು ನನ್ನ ಹೆಸರಿಡಿದು ನನ್ನ ‘ಮಾಮ’ ಬಂದಿದ್ದಾರೆಂದು, ಕರೆಯುತ್ತಿದ್ದಾರೆಂದೂ ತಿಳಿಸಿದ. ನನಗೆ ಹಾಗೆ ಶಾಲೆಯವರೆಗೂ ಬರುವ ಯಾವ ಮಾವಂದಿರೂ, ಕಾಕಂದಿರೂ ಇದ್ದಿಲ್ಲ. ಹೈಸ್ಕೂಲಿನ ಅಡ್ಮಿಶನ್ನಿಗೂ ನನ್ನ ಅಜ್ಜನನ್ನು ಕರೆದುಕೊಂಡು ಹೋಗಿದ್ದೆ. ಯಾರೋ ಬಂದಾರೆಂದು ಕರೆದಾಕ್ಷಣ ಮನಸ್ಸಿನಲ್ಲಿ ಭಯವೂ ಸುಳಿದುಹೋಯ್ತು.

ಹೊರಗೆ ಬಂದರೆ ಯಾರೂ ಕಾಣಿಸಲಿಲ್ಲ. ತುಸು ಮುಂದಕ್ಕೆ ಸ್ಟಾಫ್ ರೂಮಿನ ಕಡೆ ಕಣ್ಣು ಹಾಯಿಸಿದರೆ... ಆ ಜಿಟಿಜಿಟಿ ಮಳೆಯಲ್ಲಿ ಸೈಕಲ್ಲಿನ ಮೇಲೆ ಕೂತು, ಒಂದು ಕಾಲು ನೆಲಕ್ಕೆ ಊರಿ ನಿಂತವರೊಬ್ಬರು ಕಣ್ಣಿಗೆ ಕಂಡರು. ಮುಖ ಪರಿಚಯವಿತ್ತು.

ಇತ್ತೀಚೆಗಷ್ಟೇ ನಮ್ಮ ಓಣಿಗೆ ಹೊಸದಾಗಿ ಬಾಡಿಗೆಗೆ ಬಂದವರು. ಅದೂ ನನಗೆ ಒಬ್ಬ ನೆರೆಯ ಕಾಕೂ ಒಬ್ಬಳು ಹೇಳಿದ್ದು ಮತ್ತು ನಾನು ಎದುರು ಮನೆಯ ಅಜ್ಜಿಯ ಕಟ್ಟೆ ಮೇಲೆ ಕೂತು ಆಣಿಕಲ್ಲಿನ ಆಟ ಆಡುತ್ತ... ದೃಷ್ಟಿ ಹೊರಳಿದಾಗ…’ ಆ ಅಜ್ಜಿ ಮನೆಯೆದುರಿನ ಮನೆಯ ಕಿಟಕಿಯಲ್ಲಿ ಯಾರೋ ನಿಂತು ನನ್ನತ್ತ ನೋಡುತಿರುವಂತೆ ಭಾಸವಾಗಿತ್ತು ಅಷ್ಟೇ! ಮತ್ತದು ವಿಶೇಷವೂ ಅನಿಸಲಿಲ್ಲ ಅಥವಾ ಹಾಗೆಲ್ಲ ಯೋಚಿಸದ ಮತ್ತು ಏನೂ ಅನಿಸಿದ ವಯಸ್ಸು ನನ್ನದು. ಈಗ ಆತ ಇಲ್ಲಿ… ಶಾಲೆಯ ಕಾಂಪೌಂಡಿನಲ್ಲಿ.

ನಾನು ಹೆದರಿಕೊಳ್ಳುತ್ತಲೇ ಹತ್ತಿರ ಹೋದೆ. ಏನು ಕೇಳಿದೆನೋ, ಅವರೇನು ಅಂದರೋ… ನನ್ನ ಕೈಯಲ್ಲಿ ಲಕೋಟೆಯೊಂದನ್ನಿತ್ತು ಆತ ಗಾಳಿಯಷ್ಟೇ ವೇಗವಾಗಿ ಸೈಕಲ್ ತುಳಿದುಕೊಂಡು ಹೊರಟೂ ಹೋದ.

ಈಗ ಈ ಲಕೋಟೆಯನ್ನು ಆ ಗಂಟುಮುಖದ ಟೀಚರ್ ಕೊಡು ಇಲ್ಲಿ ಅಂತ ಇಸಿದುಕೊಂಡು, ನನ್ನನ್ನು ಬೆಂಚ್ ಮೇಲೆ ನಿಲ್ಲಿಸಿ ಪ್ರಿನ್ಸಿಪಾಲ್ ಅವರನ್ನು ಕರೆಸಿ…! ಅಬ್ಬಾ… ಇಂಥಾ ಭಯದಲ್ಲಿ ಅದನ್ನು ಮುದ್ದೆ ಮಾಡಿ ಹಿಡಿಯಲ್ಲಿ ಹಿಡಿದುಕೊಂಡು, ಲಂಗದ ನೆರಿಗೆಯಲ್ಲಿ ಅಡಗಿಸಿಕೊಂಡೆ. ತಲೆಯೆಲ್ಲ ಧಿಂ ಅನ್ನುತ್ತಿತ್ತು. ಸದ್ಯ ಟೀಚರ್ ಯಾವ ಪ್ರಶ್ನೆಯನ್ನೂ ಕೇಳಲಿಲ್ಲ. ಮೆಲ್ಲಗೇ ಪಾಟೀಚೀಲದಲ್ಲಿ ಬಚ್ಚಿಟ್ಟುಕೊಂಡು ಡವಗುಡುತ್ತಿದ್ದ ಎದೆಯನ್ನು, ನಡಗುತ್ತಿದ್ದ ಕಾಲುಗಳನ್ನು ಸಂತೈಸುವುದರಲ್ಲೆ ನನ್ನ ಜೀವ ಹಾರಿಹೋಗಿದ್ದು ಇವತ್ತಿಗೂ ಸ್ಪಷ್ಟವಾಗಿ ನೆನಪಿದೆ.

ಆತ ಮದುವೆ ವಯಸ್ಸಿಗೆ ಬಂದವ. ನಾನಿನ್ನೂ ಹೈಸ್ಕೂಲು. ಒಳ್ಳೆ ಕೆಲಸದಲ್ಲಿರುವ ಅವನಿಗೆ ಮನೆಯಲ್ಲಿ ಮದುವೆಗೆ ಒತ್ತಾಯಿಸುತ್ತಿದ್ದರು. ಯಾರೋ ಅವನಿಗೆ ನಿಮ್ಮ ಜಾತಿಯವರೊಬ್ಬರು ಇಲ್ಲಿದ್ದಾರೆಂದೂ ಅವರ ಮನೆಯಲ್ಲಿ ಹೆಣ್ಣುಮಕ್ಕಳಿದ್ದಾರೆಂದೂ ಹೇಳಿಬಿಟ್ಟಿದ್ದರು. ಅವನು ಕದ್ದು ಕದ್ದು ನೋಡುವುದನ್ನಾಗಲಿ, ನಮ್ಮ ಮನೆಯ ಎದುರು ಬರುತ್ತಲೇ ನಡಿಗೆ ನಿಧಾನವಾಗುವುದನ್ನಾಗಲಿ ನಾನು ಗಮನಿಸಿರಲಿಲ್ಲ. ಅವತ್ತು ಕಿಟಕಿಯಲ್ಲಿ ಕದ್ದು ನೋಡುತ್ತಿದ್ದವನು ಇವನೇ ಅಂತ ಲಕೋಟೆಯನ್ನು ಕೊಟ್ಟಾಗ ಹತ್ತಿರದಿಂದ ನೋಡಿದ್ದು. ಆ ಹೊತ್ತಿಗಾಗಲೇ ನನ್ನಿಬ್ಬರೂ ಚಿಕ್ಕ ತಂಗಿಯರು ಅವನ ಪರಿಚಿತರಾಗಿ ಅವನ ಮನೆಯಲ್ಲೇ ಆಟವಾಡಲು ಇತರ ಮಕ್ಕಳೊಂದಿಗೆ ಲಗ್ಗೆಹಾಕುತ್ತಿದ್ದರು.

ಲಕೋಟೆ ನನ್ನ ಪಾಟೀಚೀಲದಲ್ಲಿ ಸರ್ಪದಂತೆ ಕೂತು ನನ್ನ ಜೀವಹಾರಿಹೋಗುವಷ್ಟು ಭಯ ಹುಟ್ಟಿಸಿತ್ತು. ಯಾರಿಗೆ ಹೇಳಿಕೊಳ್ಳಲಿ ನನ್ನ ಸಂಕಟ? ಅದನ್ನು ಮುಟ್ಟುವ ಧೈರ್ಯವೂ ಇದ್ದಿಲ್ಲ. ಅವ್ವನ ಕೈಗೆ ಸಿಕ್ಕರಂತೂ ಬರ್ಲುಕಡ್ದಿ ಕಸಬರಗಿಯಿಂದಲೇ ನನ್ನನ್ನು ಹೊಡೆದಾಳು. ತಕ್ಷಣ ಮನೆಯ ಹತ್ತಿರವಿದ್ದ ನನ್ನ ಕಸಿನ್ ನೆನಪಾದಳು. ಅವಳ ತಾಯಿಗೆ, ಅಂದರೆ ನನ್ನ ದೊಡ್ಡಮ್ಮನಿಗೆ ಕಿವಿ ಸರಿಯಾಗಿ ಕೇಳಿಸುತ್ತಿದ್ದಿಲ್ಲವಾದ್ದರಿಂದ ಅಲ್ಲಿ ಹೋಗಿ ಪತ್ರವನ್ನು ಬಿಡಿಸಿ ನೋಡಬಹುದು ಅಂತ ಯೋಚಿಸಿ ಅವಳ ಮನೆಗೆ ಹಾರಿದೆ. ನಿಜ... ಯಥಾವತ್ ನಾ ಹಾರಿಕೊಂಡೇ ಹೋದೆ.

ಒಂದೇ ಓಟಕ್ಕೆ. ಅಡುಗೆ ಒಲೆಮುಂದೆ ಕೂತ ಅವಳಲ್ಲಿ ಹೀಗೆ ಹೀಗೆ ಅಂತ ವಿವರಿಸಿ...” ಏಯ್… ನೀನss ಓದು’ ಅಂತ ಅವಳಿಗೆ ಪತ್ರ ಕೊಟ್ಟು ಅವಳ ಮುಖ ನೋಡುತ್ತ ಕುಳಿತೆ.

ಈಗಲೂ ಆತ ಏನೇನು ಬರೆದಿದ್ದನು ಅಂತ ಗೊತ್ತಿಲ್ಲ. ‘ಪ್ರಿಯ’, ‘ಒಲವಿನ’ ಏನಂತ ಸಂಭೋದಿಸಿದ್ದನೋ ಗೊತ್ತಿಲ್ಲ. ಪ್ರೇಮದ ನಿವೇದನೆಯನ್ನೂ ನಾನು ಈ ಕಣ್ಣುಗಳಿಂದ ನೋಡಲಿಲ್ಲ. ಓದಲಿಲ್ಲ. ಕಿವಿಗೆ ಬಿದ್ದ ಯಾವ ಶಬ್ದಗಳೂ ಪುಳಕ ಹುಟ್ಟಿಸಲಿಲ್ಲ. ಚಿಟ್ಟೆಗಳು ಹಾರಲಿಲ್ಲ. ಹದಿನಾಲ್ಕರ ವಯಸ್ಸಿನಲ್ಲಿ ಯಾವ ಪ್ರೇಮ ಹುಟ್ಟಬಹುದಿತ್ತು! ಈಗ ನೆನೆದರೆ ನಗುವೂ ವಿಷಾದವೂ ಒಟ್ಟೊಟ್ಟಿಗೆ ಆಗುತ್ತದೆ. ಕತ್ತಲು ತುಂಬಿದ ಅಡುಗೆಮನೆಯಲ್ಲಿ ಉರಿವ ಒಲೆ, ಕುದಿವ ಅನ್ನದ ಮುಂದೆ ಬುಡ್ಡಿದೀಪದಲ್ಲಿ ಅವಳು ಪತ್ರವನ್ನು ಓದುತ್ತಿದ್ದರೆ ನಾನು ಕೋಡಂಗಿಯಂತೆ ಕುಕ್ಕುರುಗಾಲಿನಲ್ಲಿ ಕೂತು ನಿಗಿನಿಗಿ ಕೆಂಡವನ್ನೂ, ಉರಿವ ಒಲೆಯನ್ನು ನೋಡುತ್ತ ಕೇಳುತ್ತಿದ್ದೆ. ಮೊದಲ ಪ್ರೇಮಪತ್ರ ! ಸುಮಾರು ಮೂರು ನಾಲ್ಕು ಪುಟಗಳ ಪತ್ರ. ಅಷ್ಟೊಂದು ಏನೇನು ಬರೆದಿದ್ದನೋ ಆ ಪುಣ್ಯಾತ್ಮ ಗೊತ್ತಿಲ್ಲ. ಆಮೇಲೇನಾಯ್ತು ಅಂತೀರಾ?

ಏನೂ ಆಗಲಿಲ್ಲ. ಆಕೆ ಓದಿ ‘ಮುಂದೇನು?’ ಅನ್ನುವ ಹಾಗೆ ನನ್ನತ್ತ ನೋಡಿದಳು ಅಂತ ನೆನಪು. ನಾನು ಅಷ್ಟೇ ಆ ಪತ್ರ ಇಟ್ಟುಕೊಂಡು ನನಗೇನಾಗಬೇಕಿದೆ ಅನ್ನುವಂತೆ ಪರ ಪರ ಹರಿದು ಉರಿಯುವ ಒಲೆಗೆ ಹಾಕಿ ಮತ್ತದೇ ನಿರ್ಭಾವುಕತೆಯಲ್ಲಿ ದೊಡ್ಡ ಕಂಟಕವೊಂದು ಕಳೆಯಿತೆಂಬ ನೆಮ್ಮದಿಯಲ್ಲಿ ಮನೆಗೋಡಿದೆ; ಬಂದ ಹಾಗೆ ಜಿಂಕೆಯಂತೆ ಹಾರುತ್ತಾ …ಹಾರುತ್ತಾ…!

ಮುಂದಿನ ಕಥೆ ಕೇಳಿ. ಅವರ ಮದುವೆಯೂ ಆಯಿತು. ನನ್ನ ಮದುವೆಯೂ ಆಯ್ತು. ನಮ್ಮ ನಮ್ಮ ಕುಟುಂಬದವರು ತೋರಿದಕಡೆ. ವಿಷಾದವಿಲ್ಲ! ಸತ್ಯವೆಂದರೆ ಮುಂದೆ ನನ್ನ ಬದುಕಿನಲ್ಲಿ ಒಂದೇ ಒಂದು ಪ್ರೇಮಪತ್ರವನ್ನು ಯಾವನೂ ಬರೆಯಲಿಲ್ಲ. ಎಲ್ಲೋ ಅಲ್ಲೋ ಪ್ರೇಮವೂ ಆಯ್ತು. ಆದರೆ ಮೊದಲ ಪ್ರೇಮಪತ್ರದಂತೆ ನನ್ನನ್ನು ಕಾಡಲಿಲ್ಲ.

ಹಳಹಳಿಕೆಯನ್ನುಳಿಸಲಿಲ್ಲ. ವಿಷಾದವನ್ನು ಗುಡ್ಡೆಹಾಕಲಿಲ್ಲ. ಹೀಗೆ ನನಗೇನೇನೂ ಸಂಬಂಧವಿರದ, ಪ್ರೇಮದ ಸ್ಪರ್ಶವೂ ಸೋಕಿರದ ಹೃದಯದಲ್ಲಿ ನಾ ಓದದೇ ಸುಟ್ಟು ಹೋದ ಅಕ್ಷರಗಳು ಮತ್ತು ಕಣ್ಣಿಂದಲೂ ಸ್ಪರ್ಶಿಸಲಾಗದ, ಮತ್ಯಾರೂ ನನಗೆ ಬರೆಯದ ಆ ಅನಾಥ ‘ಪ್ರೇಮಪತ್ರ’ ಸದಾ ಕಾಡುತ್ತಿರುತ್ತದೆ ಆಯುಷ್ಯಪೂರ್ತಿ.
⇒ಏನೂ ಅಲ್ಲದವಳು…

***
ಒಕ್ಕಣೆ ವೈವಿಧ್ಯ

ಪ್ರೇಮಪತ್ರಗಳಲ್ಲಿ ಬಳಸಿದ ಒಕ್ಕಣೆ ವೈವಿಧ್ಯ ಇಲ್ಲಿದೆ:

ಇಬ್ಬರೂ ಬಳಸಿದ ಒಕ್ಕಣೆ
ಹೃದಯವೇ
ಹೇ ಜೀವಾ
ನನ್ನುಸಿರೇ
ಆತ್ಮವೇ

ಮಹಿಳೆಯರು ಬಳಸಿದ ಒಕ್ಕಣೆ

ಪತಿರಾಯನಿಗೆ,
ರಾಜಕುಮಾರನಿಗೆ,
ಇನಿಯನಿಗೆ
ಆಪ್ತನಿಗೆ
ಮನದರಸನಿಗೆ
ಮುದ್ದು ಹುಡುಗನಿಗೆ
ನನ್ನವರೇ
ಮುದ್ದು ಮಾಮನಿಗೆ
ನಲ್ಮೆಯ ನಾವಿಕನೇ
ಕಾಫಿ ಕುಡಕನಿಗೆ
ಪ್ರೇಮದೊರೆಗೆ
ಇಲ್ ಕೇಳೋ

ಪುರುಷರು ಬಳಸಿದ ಒಕ್ಕಣೆ

ಹೇ ಬ್ಯೂಟಿಫುಲ್
ನನ್ನೊಲವ ಹೂವೇ
ನವಿಲುಗರಿಗೆ
ಪಾರುಗೆ
ಭಾಗ್ಯದೇವತೆಗೆ,
ಮಾಯದ ಜಿಂಕೆಯೇ,
ಮುಂಗುರುಳ ಚೆಲುವಿಗೆ
ಒಲವಿನ ಅರಸಿಗೆ
ಮಾವನ ಮಗಳೇ
ಕನಸಿನ ಕನ್ನಿಕೆಗೆ
ಲೇ ಇವಳೇ
ಒಲವಿನ ಶಕುಂತಳಾ
ಪ್ರೀತಿಯ ಪಾರಿಜಾತವೇ
ಪ್ರೀತಿಯ ವಾಗ್ದೇವಿಗೆ
ಬೆಳದಿಂಗಳ ಬಾಲೆಗೆ

Comments
ಮುಖಪುಟ

ನೂತನ ಮುಖ್ಯಮಂತ್ರಿ ಕುಮಾರಸ್ವಾಮಿಗೆ ಪ್ರಧಾನಿ ಮೋದಿ ಅಭಿನಂದನೆ

ಕರ್ನಾಟಕದ ನೂತನ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿರುವ ಎಚ್‌.ಡಿ. ಕುಮಾರಸ್ವಾಮಿ ಮತ್ತು ಉಪ ಮುಖ್ಯಮಂತ್ರಿ ಜಿ. ಪರಮೇಶ್ವರ ಅವರಿಗೆ ಪ್ರಧಾನಿ ನರೇಂದ್ರ ಮೋದಿ ಅಭಿನಂದನೆ ಸಲ್ಲಿಸಿ ಟ್ವೀಟ್ ಮಾಡಿದ್ದಾರೆ.

ಬಿಜೆಪಿಯ ಅಶ್ವಮೇಧ ಕುದುರೆಯನ್ನು ಕಟ್ಟಿಹಾಕಿದ್ದೇವೆ: ಕುಮಾರಸ್ವಾಮಿ

‘ನಮ್ಮದು ಅಸ್ಥಿರ ಸರ್ಕಾರ ಎಂಬ ತಪ್ಪುಕಲ್ಪನೆ ಬದಿಗಿಡಿ. ನಾವೆಲ್ಲ ಒಗ್ಗಟ್ಟಾಗಿದ್ದೇವೆ. ರಾಷ್ಟ್ರಕವಿ ಕುವೆಂಪು ತಮ್ಮ ಕವನದಲ್ಲಿ ಹೇಳಿರುವಂತೆ, ಸರ್ವಜನಾಂಗದ ಶಾಂತಿಯ ತೋಟ ನಮ್ಮ ರಾಜ್ಯವಾಗಬೇಕು. ಆ ನಿಟ್ಟಿನಲ್ಲಿ ಸರ್ಕಾರ ಕೆಲಸ ಮಾಡಲಿದೆ’ ಎಂದು ನೂನತ ಮುಖ್ಯಮಂತ್ರಿ ಎಚ್‌.ಡಿ. ಕುಮಾರಸ್ವಾಮಿ ಹೇಳಿದರು.

ನಾನೊಬ್ಬ ‘ಸಾಂದರ್ಭಿಕ ಶಿಶು’: ಮುಖ್ಯಮಂತ್ರಿ ಕುಮಾರಸ್ವಾಮಿ

ಮುಂದಿನ ದಿನಗಳಲ್ಲಿ  ಜೆಡಿಎಸ್‌– ಕಾಂಗ್ರೆಸ್‌ ಹೊಂದಾಣಿಕೆ ಸರಿ ಎನ್ನುವಂತಹ ರೀತಿಯಲ್ಲಿ ಆಡಳಿತ ನಡೆಸುತ್ತೇನೆ. ನಮ್ಮಲ್ಲಿ ಯಾವುದೇ ಭಿನ್ನಾಭಿಪ್ರಾಯ ಬರುವುದಿಲ್ಲ ಎಂದು ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಕೇಂದ್ರ ಸರ್ಕಾರದ ವಿರುದ್ಧ ವಿವಿಧ ಸಂಘಟನೆಗಳಿಂದ ಪ್ರತಿಭಟನೆ

ಕೇಂದ್ರದ ಎನ್‌ಡಿಎ ಸರ್ಕಾರದ ಜನ ವಿರೋಧಿ ನೀತಿಗಳನ್ನು ಖಂಡಿಸಿ 100ಕ್ಕೂ ಹೆಚ್ಚು ಸಂಘಟನೆಗಳ ಸದಸ್ಯರು ಬುಧವಾರ ಪಾರ್ಲಿಮೆಂಟ್ ಸ್ಟ್ರೀಟ್‌ನಲ್ಲಿ ಪ್ರತಿಭಟನೆ ನಡೆಸಿದರು.

ಸಂಗತ

ಸಾಲಮುಕ್ತ ಸಮಾಜ: ಸ್ವಾಭಿಮಾನ ಸಮಾಜ

ಸ್ವಾಭಿಮಾನಿಗಳಾದ ಕೃಷಿಕರು ಸರ್ಕಾರ ಕೊಡಮಾಡುವ ಸಾಲಮನ್ನಾದ ಹಣವನ್ನು ವಿಧಾನಸೌಧಕ್ಕೆ ಎಸೆದುಬರುವ ಧೈರ್ಯವನ್ನು ತೋರಿಸಬೇಕಾಗುತ್ತದೆ

ಮಕ್ಕಳ ಕಳ್ಳರು ಎಲ್ಲಿದ್ದಾರೆ?

ಅಭದ್ರ ಸ್ಥಿತಿಯಲ್ಲಿರುವ ಅನ್ಯರೆಲ್ಲರೂ ಅನುಮಾನಕ್ಕೆ ಅರ್ಹರು ಎಂಬ ಮನಸ್ಥಿತಿಯ ಅತಿರೇಕವೇ ವದಂತಿ ಹಾಗೂ ಹಲ್ಲೆಗಳಿಗೆ ಪ್ರೇರಣೆ ನೀಡಿದಂತಿದೆ

ಸಮ್ಮಿಶ್ರ ಸರ್ಕಾರ: ಬೀಸುಮಾತು ಸರಿಯಲ್ಲ

ಭಾರತಕ್ಕೆ ಸಮ್ಮಿಶ್ರ ಸರ್ಕಾರ ಎನ್ನುವುದು ದೊಡ್ಡ ಸಮಸ್ಯೆಯಲ್ಲ. ಏಕೆಂದರೆ ಭಾರತದ ಸಮಾಜವೇ ಜಗತ್ತಿನ ಅತ್ಯಂತ ದೊಡ್ಡ ಸಮ್ಮಿಶ್ರ ವ್ಯವಸ್ಥೆಯಾಗಿದೆ.

ಅತಂತ್ರ ಸರ್ಕಾರದ ಹೆಜ್ಜೆಗಳು

ರಾಜಕಾರಣಕ್ಕೆ ಈಗ ಪಕ್ಷ ಒಂದು ನೆಪವಾಗಿದೆ. ಅದರ ಮೇಲೆ ಬಾಜಿ ಕಟ್ಟುವ ಪಣದಾಟ. ನಾಯಕರಿಂದ ಕಾರ್ಯಕರ್ತರವರೆಗೆ ಬರೀ ಕೂಗಾಟ...

ವಾಣಿಜ್ಯ

ನ್ಯೂಟ್ರಿ ಪ್ಯಾರಡೈಸ್‌ ಸ್ಟಾರ್ಟ್‌ಅಪ್‌

ಕಾಯಿಲೆ ಗುಣಪಡಿಸುವಲ್ಲಿ ಔಷಧೋಪಚಾರಗಳ ಜತೆಗೆ ಆರೋಗ್ಯಕರ ಆಹಾರ ಸೇವನೆಯೂ ಮಹತ್ವದ ಪಾತ್ರ ನಿರ್ವಹಿಸುತ್ತದೆ. ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುವವರು ಚಿಕಿತ್ಸೆಗೆ ತ್ವರಿತವಾಗಿ ಸ್ಪಂದಿಸಲು ನೆರವಾಗುವ ಆಹಾರ ಉತ್ಪನ್ನಗಳನ್ನು ತಯಾರಿಸಿ, ಪೂರೈಸುತ್ತಿರುವ ಬೆಂಗಳೂರಿನ ನವೋದ್ಯಮ ‘ನ್ಯೂಟ್ರಿ ಪ್ಯಾರಡೈಸ್‌’ನ ಸಾಹಸ ಮತ್ತು ಸವಾಲುಗಳು ಇಲ್ಲಿದೆ.

ಕಬ್ಬು ಬೆಲೆ ನಿಗದಿಗೆ ಆಸ್ಟ್ರೇಲಿಯಾ ಮಾದರಿ

ಈ ವರದಿಯ ಶಿಫಾರಸಿನಂತೆ ಕಬ್ಬು ಬೆಳೆಗಾರರಿಗೆ ಹಾಗೂ ಸಕ್ಕರೆ ಕಾರ್ಖಾನೆ ಮಾಲಿಕರಿಗೆ ಅನುಕ್ರಮವಾಗಿ 30:70 ರ ಅನುಪಾತದಂತೆ ಒಟ್ಟು ಆದಾಯದ ವರಮಾನ ಹಂಚಿಕೆಯನ್ನು ನಿಗದಿಪಡಿಸಲಾಗಿತ್ತು. ಈ ವರದಿಯನ್ನು ಕಟ್ಟುನಿಟ್ಟಾಗಿ ಅನುಷ್ಠಾನಗೊಳಿಸಲು ಕೇಂದ್ರ ಸರ್ಕಾರವು, ಪ್ರತಿಯೊಂದು ರಾಜ್ಯಗಳಲ್ಲಿ  ರೈತ ಮತ್ತು ಸಕ್ಕರೆ ಕಾರ್ಖಾನೆಗಳ ಪ್ರತಿನಿಧಿಗಳನ್ನೊಳಗೊಂಡ ಕಬ್ಬು ನಿಯಂತ್ರಣಾ ಮಂಡಳಿ ರಚಿಸಿದೆ.

ಹಿರಿಯರ ನೆರವಿಗೆ ಹಲವು ಸಾಧನಗಳು

ಬೇಸಿಕ್ ಮೊಬೈಲ್ ಫೋನ್, ಕೆಂಪುಗುಂಡಿ, ಹಸಿರು ಗುಂಡಿ ಒತ್ತುವುದು, ಮಾತನಾಡುವುದು… ಹಿರಿಯರಿಗೆ ತಿಳಿದಿರಬೇಕಾದ ತಂತ್ರಜ್ಞಾನ ಇಷ್ಟೇನಾ… ಇನ್ನೂ ಹಲವು ಇವೆ. ಕೆಲವು ಸಾಧನಗಳ ರೂಪದಲ್ಲಿದ್ದರೆ, ಇನ್ನೂ ಕೆಲವು ತಂತ್ರಾಂಶಗಳ ರೂಪದಲ್ಲಿವೆ.

ಮಹಿಳೆಯರಿಗೂ ಬೇಕು ಆರೋಗ್ಯ ವಿಮೆ

‘ಅಸೋಚಾಂ’ ನಡೆಸಿದ ಒಂದು ಅಧ್ಯಯನದ ಪ್ರಕಾರ ನೌಕರಿ ಮಾಡುವ ಶೇ 80ರಷ್ಟು ಭಾರತೀಯ ಮಹಿಳೆಯರು, ಹೃದಯದ ರಕ್ತನಾಳದ ಸಮಸ್ಯೆ, ಮಧುಮೇಹ, ರಕ್ತದೊತ್ತಡ, ಖಿನ್ನತೆ, ಬೊಜ್ಜು, ಬೆನ್ನು ನೋವು ಮುಂತಾದ ಜೀವನಶೈಲಿ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿದ್ದಾರೆ

ತಂತ್ರಜ್ಞಾನ

ಬದಲಾಗಲಿದೆ ಸಂಚಾರ ಸೂತ್ರ

ಮನೆ ನಂ.35ರಲ್ಲಿ ನಿಂತು ಕಾಯುತ್ತಿದ್ದರೆ ಹಿಂದಿನ ಬೀದಿಯ ಮನೆ ನಂ.70ರಲ್ಲಿ ಕ್ಯಾಬ್ ನಮ್ಮ ಬರುವಿಕೆಗಾಗಿ ಕಾದಿರುತ್ತದೆ. ‘ಏಕೆ ಹೀಗೆ?’ ಎಂದು ನಮ್ಮಲ್ಲೇ ಗೊಣಗುವುದರ ಜತೆಗೆ ಚಾಲಕನ ಜತೆ ವಾಗ್ವಾದ ನಡೆಸಿ ಕಸ್ಟಮರ್ ಕೇರ್‌ಗೂ ಕರೆ ಮಾಡಿ ದೂರುಗಳ ಸುರಿಮಳೆ ಸಲ್ಲಿಕೆಯಾಗಿರುತ್ತದೆ. ಆದರೂ ಮತ್ತದೇ ಗೊಂದಲದ ಪುನರಾವರ್ತನೆ. ಇದಕ್ಕೆ ಕಾರಣ ಸದ್ಯ ಬಳಕೆಯಲ್ಲಿರುವ ನ್ಯಾವಿಗೇಷನ್(ಪಥದರ್ಶಕ) ಸಿಸ್ಟಮ್.

ಬದಲಾದ ಜಿಮೇಲ್ ಸ್ವರೂಪ; ಹೊಸತೇನಿದೆ?

ಜಿಮೇಲ್ ಡಿಸೈನ್ ಬದಲಾಗಿದ್ದು ಎಲ್ಲರೂ ಗಮನಿಸಿರಬಹುದು. ಜಿಮೇಲ್ ಬಳಕೆದಾರರು ಇನ್ನೂ ಹೊಸ ಡಿಸೈನ್‍ ಆಯ್ಕೆ ಮಾಡಿಕೊಂಡಿಲ್ಲ ಎಂದಾದರೆ ಜಿಮೇಲ್ ಸೆಟ್ಟಿಂಗ್ ಬಟನ್ ಕ್ಲಿಕ್ ಮಾಡಿದರೆ Try new Gmail ಎಂಬ ಆಪ್ಶನ್ ಕಾಣುತ್ತದೆ. ಅದನ್ನು ಕ್ಲಿಕ್ ಮಾಡಿದರೆ ಹೊಸ ಸ್ವರೂಪದ ಜಿಮೇಲ್‍ಗೆ ಸ್ವಿಚ್ ಆಗಬಹುದು.

ಫೇಸ್‌ಬುಕ್‌ನಲ್ಲಿ ಈ ವಿಷಯ ಶೇರ್ ಮಾಡಬೇಡಿ

ಫೇಸ್‌ಬುಕ್‌ ಅನ್ನು ಖಾಸಗಿ ಡೈರಿಯಂತೆ ಪರಿಗಣಿಸಿದವರು ಸಾಕಷ್ಟು ಮಂದಿ ಇದ್ದಾರೆ. ಅಂತಹವರಿಗೆ ತಮ್ಮ ಬದುಕಿನ ಸುಖ–ದುಃಖಗಳನ್ನು ಫೇಸ್‌ಬುಕ್ಕಿನಲ್ಲಿ ಹಂಚಿಕೊಂಡರೆ ನೆಮ್ಮದಿ. ಆದರೆ ಕೆಲವೊಂದು ವಿಷಯಗಳನ್ನು ಸಾಮಾಜಿಕ ತಾಣಗಳಲ್ಲಿ ಶೇರ್ ಮಾಡಿಕೊಳ್ಳುವಾಗ ವಿವೇಚನೆ ಅಗತ್ಯ.

ವಾಟ್ಸ್ಆ್ಯಪ್ ಬಳಕೆಗೆ ಕನಿಷ್ಠ ವಯಸ್ಸು ನಿಗದಿ

ಯುರೋಪ್ ದೇಶಗಳಲ್ಲಿ ವಾಟ್ಸ್ಆ್ಯಪ್ ಬಳಕೆದಾರರ ಕನಿಷ್ಠ ವಯೋಮಿತಿಯನ್ನು 16ಕ್ಕೆ ಏರಿಕೆ ಮಾಡಲಾಗಿದೆ. ಯುರೋಪ್ ರಾಷ್ಟ್ರಗಳಲ್ಲಿ ಈ ಹಿಂದೆ ಕನಿಷ್ಠ ವಯೋತಿ 13 ವರ್ಷ ಇತ್ತು...