‘ಟಗರು’ ಪುಟ್ಟಿಯ ಚಟಪಟ ಮಾತು!

8 Feb, 2018

ಪ್ರೇಮಪತ್ರ ಸ್ಪರ್ಧೆಗೆ ನಿರ್ಣಾಯಕರಾಗಿ ‘ಪ್ರಜಾವಾಣಿ’ ಕಚೇರಿಗೆ ಬಂದಿದ್ದ ಮಾನ್ವಿತಾ ಹರೀಶ್‌ ಅವರ ಕಾಲೆಳೆಯುವ ಪ್ರಯತ್ನವನ್ನೂ ‘ಕಾಮನಬಿಲ್ಲು’ ತಂಡ ಮಾಡಿತು. ಆದರೆ ಹೇಳಿಕೇಳಿ ಆರ್‌.ಜೆ. ಆಗಿ ಕೆಲಸ ಮಾಡಿ ಅನುಭವ ಇರುವ, ನಟನೆಯನ್ನೇ ವೃತ್ತಿಯಾಗಿಸಿಕೊಂಡ ಮಾನ್ವಿತಾಗೆ ನಮ್ಮ ಪ್ರಶ್ನೆಗಳ ಬಾಣವನ್ನು ಎದುರಿಸುವುದು ತುಂಬ ಕಷ್ಟವೇನೂ ಆಗಲಿಲ್ಲ. ಪ್ರಶ್ನೆಯಷ್ಟೇ ಹರಿತ, ತಮಾಷೆಯ ಉತ್ತರ ಅವರಿಂದಲೂ ಸಿಡಿದುಬಂತು. ಚಿತ್ರರಂಗದಲ್ಲಿ ಅವರ ಆಪ್ತವಲಯದಲ್ಲಿ ‘ಟಗರು’ ಪುಟ್ಟಿ ಎಂದೇ ಕರೆಸಿಕೊಳ್ಳುವ ಅವರ ಜತೆಗಿನ ಪಟಾಪಟ್‌ ಮಾತುಕತೆಯ ಅಕ್ಷರರೂಪ ಇಲ್ಲಿದೆ.

* ಈ ಸ್ಪರ್ಧೆಗೆ ಬಂದ ಎಲ್ಲ ಪ್ರೇಮಪತ್ರಗಳೂ ನಿಮಗೇ ಬಂದಿವೆ ಅಂದುಕೊಳ್ಳಿ, ಆಗ ನಿಮ್ಮ ಪ್ರತಿಕ್ರಿಯೆ ಹೇಗಿರುತ್ತದೆ?
ಫುಲ್‌ ಖುಷ್‌. ಪ್ರತಿದಿನ ಒಂದೊಂದು ಪತ್ರ ಓದಿ ಮಜಾ ತಗೋತೀನಿ. ನನಗೆ ಪತ್ರ ಓದುವುದು ಅಂದ್ರೆ ತುಂಬ ಇಷ್ಟ. ಕಾಲೇಜು ದಿನಗಳಲ್ಲಿ ನನಗೆ ಯಾರಾದ್ರೂ  ಪ್ರಪೋಸ್‌ ಮಾಡಿದ್ರೆ ನಾನು ’ಒಂದು ಲವ್‌ ಲೆಟರ್‌ ಬರಿ. ಅದ್ರಲ್ಲಿನ ನಿನ್ನ ಶಬ್ದ ಸಂಪತ್ತು ನೋಡಿ ಪ್ರೀತಿ ಮಾಡ್ಬೇಕಾ ಬೇಡ್ವಾ ಯೋಚಿಸ್ತೀನಿ’ ಅಂತಿದ್ದೆ!

* ಪ್ರೇಮ ಅಂದಾಕ್ಷಣ ನಿಮ್ಮ ಮನಸಲ್ಲಿ ಮೂಡುವ ಮುಖ ಯಾರದು?
ಚಿತ್ರರಂಗದ ಯಾವ ನಾಯಕನಟನ ಮುಖವೂ ನೆನಪಿಗೆ ಬರುವುದಿಲ್ಲ! ಒಂದು ಒಳ್ಳೆಯ ಪಾರಿವಾಳ ನೆನಪಾಗುತ್ತದೆ.

* ಯಾಕೆ ಹಾಗೆ?
ಪಾರಿವಾಳಕ್ಕೆ ಇಂಗ್ಲಿಷಿನಲ್ಲಿ ಏನಂತಾರೆ ಹೇಳಿ... ಡವ್‌..!! (ಹ್ಹ ಹ್ಹಾ...)

* ಮೊದಲ ಪ್ರೇಮನಿವೇದನೆ ಎದುರಿಸಿದ್ದು ಯಾವಾಗ? ಯಾರಿಂದ?
ಎಂಟನೇ ತರಗತಿಯಲ್ಲಿದ್ದಾಗ. ಒಬ್ಬ ಡಾಕ್ಟರ್‌ ಮಗ ನನ್ನ ಕ್ಲಾಸಿನಲ್ಲಿಯೇ ಓದುತ್ತಿದ್ದ. ಅವನು ಒಂದು ಪೇಂಟಿಂಗ್‌ ಡಬ್ಬದಲ್ಲಿ ಪ್ರೇಮಪತ್ರ ಇಟ್ಟು ಕೊಟ್ಟುಬಿಟ್ಟಿದ್ದ. ರಕ್ತವೋ ಏನೋ ಗೊತ್ತಿಲ್ಲ. ಪತ್ರ ಪೂರ್ತಿ ಕೆಂಪು ಕೆಂಪಾಗಿತ್ತು. ನನಗೆ ಭಯ. ಇಡೀ ತರಗತಿಯಲ್ಲಿ ಅದರದ್ದೇ ಮಾತು. ಎಲ್ಲರೂ ಹೋಗಿ ಪ್ರಿನ್ಸಿಪಾಲ್‌ಗೆ ದೂರು ಕೊಟ್ಟುಬಿಟ್ಟರು. ಅವರು ನಮ್ಮಿಬ್ಬರನ್ನೂ ಕರೆಸಿ ಕೇಳಿದರು. ನನಗೆ ಏನೂ ಗೊತ್ತಿಲ್ಲ ಎಂದು ಅಳುಮುಖ ಮಾಡಿದೆ.

ಆಮೇಲೆ ಪತ್ರ ತೆರೆದು ಓದಿದ್ರೆ ವಿಶೇಷ ಏನೂ ಇರಲಿಲ್ಲ. ‘ದಿನಾ ಹೋಂವರ್ಕ್‌ ಮಾಡೋಕೆ ನನಗೆ ಹೆಲ್ಪ್‌ ಮಾಡ್ತೀಯಾ? ನಾನು ನಿಮ್ಮನೆಗೇ ಬಂದು ಹೋಂ ವರ್ಕ್‌ ಮಾಡ್ತೇನೆ. ನನ್ನ ಲವ್‌ ಮಾಡ್ತೀಯಾ?’ ಅಂತೆಲ್ಲ ಏನೇನೋ ಬರೆದಿದ್ದ. ಈಗ ಅದನ್ನು ನೆನಪಿಸಿಕೊಂಡರೆ ಬಾಲಿಶ ಅನಿಸತ್ತೆ. ಆದರೆ ಅಷ್ಟೇ ಕ್ಯೂಟ್‌ ನೆನಪು ಅದು.

* ನಿಜ ಹೇಳಿ,  ಇತ್ತೀಚೆಗೆ ಪ್ರಪೋಸ್‌ ಮಾಡಿದವರು ಯಾರು?
ಫೇಸ್‌ಬುಕ್‌ನಲ್ಲಿ ಬಹಳಷ್ಟು ಜನ ಪ್ರಪೋಸ್‌ ಮಾಡ್ತಾ ಇರ್ತಾರೆ. ಅವರು ಯಾರು ಅಂತಲೇ ಗೊತ್ತಿರುವುದಿಲ್ಲ ನನಗೆ. ‘ಕೆಂಡಸಂಪಿಗೆ’ ಸಿನಿಮಾ ಪರಿಣಾಮ ಹೇಗಾಗಿಬಿಟ್ಟಿದೆ ಅಂದರೆ ಎಲ್ಲರೂ ಚಿನ್ನಿ ಚಿನ್ನಿ ಅಂತ ಕರೆಯೋಕೆ ಶುರುಮಾಡುತ್ತಾರೆ. ಕಾಲೇಜು ಕಾರ್ಯಕ್ರಮಗಳಿಗೆ ಹೋದಾಗೆಲ್ಲ ಪ್ರಪೋಸ್‌ ಮಾಡ್ತಾರೆ. ನಾನೂ ಅವರಿಗೆಲ್ಲ ಅಷ್ಟೇ ಹಗುರವಾಗಿ ‘ಥ್ಯಾಂಕ್ಯೂ’ ಎಂದು ಹೇಳಿ ಬರ್ತೇನಷ್ಟೆ.

* ನಿಮಗೆ ಪ್ರೇಮಪತ್ರ ಬರೆದವರನ್ನು ನೀವೇ ಸಮಾಧಾನ ಮಾಡಿ ಕಳಿಸಿದ್ದಿದ್ಯಾ?
ನನಗೆ ಪ್ರೇಮಪತ್ರ ಬರೆದವರನ್ನು, ಪ್ರಪೋಸ್‌ ಮಾಡಿದವರನ್ನು ನಾನ್ಯಾವತ್ತೂ ಬೈದು ಕಳಿಸಿಲ್ಲ. ಯಾಕೆ ಬೈಬೇಕು? ಅವರ ಭಾವನೆಯನ್ನು ಹೇಳಿಕೊಳ್ಳುತ್ತಿರುತ್ತಾರೆ. ನಮಗೆ ಅಂಥ ಭಾವನೆ ಇಲ್ಲ ಅಂದರೆ ನೇರವಾಗಿ ಹೇಳಿಬಿಟ್ಟರಾಯ್ತು. ಅದಕ್ಕೆ ಬೈಯೋದೆಲ್ಲ ಯಾಕೆ ಬೇಕು?

* ನಿಮಗೆ ಯಾರ ಮೇಲೂ ಕ್ರಶ್‌ ಆಗಿಲ್ವಾ?
ಆಗಿದೆ. ತುಂಬ ಜನರ ಮೇಲೆ ಆಗಿದೆ. ಯಾವುದಾದರೂ ಸುಂದರ ಕಾಲೇಜ್‌ ಹುಡುಗನನ್ನು ನೋಡಿದಾಗ ನಾನು ಮತ್ತೆ ಕಾಲೇಜ್‌ಗೆ ಹೋಗಬೇಕು ಅನಿಸುತ್ತದೆ. ಯಾವ್ದಾದ್ರೂ ಚೈನೀಸ್‌ ರೆಸ್ಟೊರೆಂಟ್‌ಗೆ ಹೋದಾಗ ಅಲ್ಲಿ ಸರ್ವ್‌ ಮಾಡುವ ಮುದ್ದು ಮುಖದ ಹುಡುಗರನ್ನು ನೋಡಿ ಕ್ರಶ್‌ ಆಗಿದ್ದಿದೆ.

* ಪ್ರೇಮದಲ್ಲಿ ಬೀಳುವ ಹುಡುಗ ಹುಡುಗಿಯರಿಗೆ ಏನು ಕಿವಿಮಾತು ಹೇಳ್ತೀರಿ?
ಮೊದಲು ನಿಮ್ಮ ಬದುಕನ್ನು– ಭವಿಷ್ಯವನ್ನು, ಕೆಲಸವನ್ನು ಪ್ರೀತಿಸಿ.

* ಬ್ರೇಕ್‌ಅಪ್‌ ಆದವರಿಗೆ?
ಯಾವ್ದಾದ್ರೂ ಒಳ್ಳೆಯ ಎಣ್ಣೆಸಾಂಗ್‌ ಕೇಳಿ... ನಮ್ಮ ‘ಟಗರು’ ಸಿನಿಮಾದ ‘ಮೆಂಟಲ್‌ ಹೋ ಜಾವಾ’ ಹಾಡು ಕೇಳಿ ಸ್ಟೆಪ್‌ ಹಾಕಿ...

* ನೀವು ತುಂಬ ಹೆದರುವುದು ಯಾರಿಗೆ? ಯಾವ ವಿಷಯಕ್ಕೆ?
ನನಗೆ ನನ್ನ ಕಂಡರೇನೇ ಭಯ. ಯಾಕೆಂದರೆ ನನ್ನಲ್ಲಿ ಒಂದು ಶಕ್ತಿ ಮತ್ತು ಒಂದು ದೌರ್ಬಲ್ಯ ಇದೆ. ಅವೆರಡೂ ನನಗೆ ಚೆನ್ನಾಗಿ ಗೊತ್ತು. ಯಾವಾಗ ಅವು ನನ್ನ ನಿಯಂತ್ರಣ ಮೀರಿಬಿಡುತ್ತವೇನೋ ಎಂದು ಭಯವಾಗುತ್ತದೆ. ನನಗೆ ತುಂಬ ಡಿಪ್ಲೋಮೆಟಿಕ್‌ ಆಗಿ ಇರಲು ಬರುವುದಿಲ್ಲ. ಅದೇ ಭಯ.

* ನೀವು ತುಂಬ ಪ್ರೀತಿಸುವ ವ್ಯಕ್ತಿ ಯಾರು? ವಿಷಯ ಯಾವುದು?
ಅಮ್ಮ. ಯಾಕೆಂದು ಕೇಳಿದರೆ ಕಾರಣ ಗೊತ್ತಿಲ್ಲ. ಹಾಗೆಯೇ ನಾನು ಮೌನವನ್ನು ತುಂಬ ಆಸ್ವಾದಿಸುತ್ತೇನೆ. ಮೌನದಲ್ಲಿರುವ ಶಕ್ತಿ ಅದ್ಭುತವಾದದ್ದು.

ನಾಯಿಗೆ ಹೆಸರಿಟ್ಟ ಕಥೆ!
ನಾನೊಂದು ನಾಯಿ ತಂದೆ. ಅದಕ್ಕೆ ಕಣ್ಮಣಿ ಅಂತ ಹೆಸರಿಡೋಣ ಎಂದುಕೊಂಡಿದ್ದೆ. ಅವತ್ತೊಂದು ದಿನ ಆಫೀಸಿಗೆ ನಾಯಿಯನ್ನು ತೆಗೆದುಕೊಂಡು ಹೋಗಿದ್ದೆ. ಅವತ್ತೇ ಜಯಂತ ಕಾಯ್ಕಿಣಿ ಅವರೂ ಆಫೀಸಿಗೆ ಬಂದಿದ್ರು. ನಾವಿಬ್ಬರು ಕೊಂಕಣಿಯಲ್ಲಿಯೇ ಮಾತನಾಡಿಕೊಳ್ಳುವುದು. ಅವರು ಕೊಂಕಣಿಯಲ್ಲಿಯೇ ‘ಏನು ನಾಯಿ ತಗೊಂಡು ಬಂದಿದೀಯಾ?’ ಅಂತ ಕೇಳಿದ್ರು. ನಾನು ‘ನಾಯಿಯಲ್ಲ ಸರ್‌, ನನ್ನ ಮಗು ಅದು’ ಎಂದೆ.

ಅವರೂಂದ್ಸಲ ಯಾರದೋ ಮನೆಗೆ ಹೋಗಿದ್ದರಂತೆ. ಅಲ್ಲಿ ನಾಯಿಯನ್ನು ನೋಡಿ ‘ನಾಯಿ ಬಂತು ನೋಡಿ’ ಎಂದು ಹೇಳಿದ್ದಾರೆ. ಅದಕ್ಕೆ ಆ ಮನೆಯ ಯಜಮಾನರು ಸಿಟ್ಟಾಗಿ ‘ನಾಯಿ ಅಂತೆಲ್ಲ ಹೇಳ್ಬೇಡಿ. ಹೆಸರು ಹಿಡಿದು ಕರೀರಿ. ನಿಮ್ಮನ್ನು ಮನುಷ್ಯ ಅಂತ ಕರೆದ್ರೆ ಬೇಜಾರಾಗಲ್ವಾ?’ ಅಂತ ಕೇಳಿದರಂತೆ. ಈ ಸಂಗತಿಯನ್ನು ಹಂಚಿಕೊಳ್ಳುತ್ತಲೇ ‘ನಾಯಿಗೆ ಏನು ಹೆಸರಿಟ್ಟಿದ್ದೀಯಮ್ಮಾ?’ ಎಂದು ಕೇಳಿದರು.

ನಾನು ‘ಕಣ್ಮಣಿ ಅಂತ ಇಡಬೇಕು ಅಂತಿದೀನಿ ಸರ್‌’ ಎಂದೆ.

ಅವರು ಗಾಬರಿಯಾಗಿ ‘ಬೇಡ ಬೇಡ.. ಆಮೇಲೆ ಊರವರೆಲ್ಲ ಕಾಯ್ಕಿಣಿ ಕಾಯ್ಕಿಣಿ ಅಂತ ಕರೆಯೋಕೆ ಶುರು ಮಾಡಿದರೆ ಕಷ್ಟ’ ಎಂದು ಹೇಳಿದ್ರು. ನಾನು ನಕ್ಕು ‘ಸರಿ’ ಅಂತ ಒಪ್ಪಿಕೊಂಡೆ.

ನನಗೆ ಭಾರತೀಯ ಹೆಸರನ್ನೇ ಇಡಬೇಕು ಅಂತ ಆಸೆ. ನನ್ನ ಕಸಿನ್‌ಗೆ ’ಡೂಡಲ್‌’ ಅಂತ ಇಡಬೇಕು ಅಂತ ಆಸೆ. ಅದಕ್ಕೆ ಅವೆರಡನ್ನೂ ಸೇರಿಸಿ ‘ಡೂಡಲ್‌ ರಾಮ್‌’ ಅಂತ ಕರೀತೀವಿ ಅವನನ್ನು.

****
ಪ್ರೇಮಪತ್ರ ಸ್ಪರ್ಧೆ- ವಿಜೇತರು

ಪ್ರಥಮ ಬಹುಮಾನ
*ನಾ ಓದದ ಮೊದಲ ಪ್ರೇಮ ಪತ್ರ…
-ರೇಣುಕಾ ನಿಡಗುಂದಿ ನೊಯಿಡಾ

ದ್ವಿತೀಯ ಬಹುಮಾನ
*ಪ್ರೀತಿಯ ಕನ್ನಡ ಟೀಚರ್‌ಗೆ,
-ಅಭಿರಾಮ್ ಎಸ್. ಶಿವಮೊಗ್ಗ

ತೃತೀಯ ಬಹುಮಾನ
*ಈ ನೆಲವ ಆರೈದು ಬೆಳೆದಿಹೆನೆಂದಡೆ...
-ರಮೇಶ್‌ ಕುಮಾರ್ ಪಿ. ಭದ್ರಾವತಿ

ಮೆಚ್ಚುಗೆ ಪಡೆದ ಪತ್ರಗಳು

*ನೀ ಅಂದ್ರ ನಂಗ ಭಾಳ ಭಾಳ ಇಷ್ಟಾಲೇ...
-ಮಾಲಾ ಅಕ್ಕಿಶೆಟ್ಟಿ ಬೆಳಗಾವಿ

*ಗುಂಡುಗಲ್ಲದ ಹುಡುಗಿಯೇ...
-ಹೃದಯ ರವಿ ರಾಮನಗರ

*‘ಕಲ್ಪನಾ ಛಾಯೆ’ಯಲಿ...
-ಕಿರಣ ಕ ಗಣಾಚಾರಿ ಬೆಳಗಾವಿ

*ಹೃದಯಂಗಮ ಓಲೆ
-ಬಿ. ಭಾರ್ಗವರಾಮ್ ಬೆಂಗಳೂರು

*ಬೊಗಸೆಯಲ್ಲಿ ತೇಲಿಬಂದ ಮೀನು...
-ಸತೀಶ್ ಜಿ.ಕೆ.ತೀರ್ಥಹಳ್ಳಿ ಉಡುಪಿ

ಬಹುಮಾನಿತ ಉಳಿದ ಪತ್ರಗಳು ಮುಂದಿನ ಸಂಚಿಕೆಗಳಲ್ಲಿ  ಪ್ರಕಟವಾಗಲಿವೆ.

Comments
ಮುಖಪುಟ

‘ಕುಟುಂಬದ ಹಸ್ತಕ್ಷೇಪಕ್ಕೆ ಅವಕಾಶವೇ ಇಲ್ಲ’

‘ನಾಡಿನ ಜನ ಪೂರ್ಣ ಪ್ರಮಾಣದಲ್ಲಿ ಆಶೀರ್ವಾದ ಮಾಡದೇ ಇದ್ದರೂ ಜವಾಬ್ದಾರಿ ತೆಗೆದುಕೊಂಡಿದ್ದೇನೆ. ಭರವಸೆ ಈಡೇರಿಸಲು ಸಾಧ್ಯವಾಗದೇ ಇದ್ದರೆ ನಾನು ಈ ಹುದ್ದೆಯಲ್ಲಿ ಮುಂದುವರಿಯುವುದಿಲ್ಲ. ನಾನೇ ಹಿಂದೆ ಸರಿಯುತ್ತೇನೆ’ –ಎಚ್.ಡಿ. ಕುಮಾರಸ್ವಾಮಿ.

ಖಾತೆ ಕ್ಯಾತೆ: ವಿಸ್ತರಣೆ ವಿಳಂಬ

ಹಣಕಾಸು ಖಾತೆಗಾಗಿ ಜೆಡಿಎಸ್‌ ಬಿಗಿಪಟ್ಟು ಮುಂದುವರಿಸಿದೆ. ಇದರಿಂದ ಬೆದರಿರುವ ಕಾಂಗ್ರೆಸ್ ವರಿಷ್ಠರು ಈ ಖಾತೆ ಬಿಟ್ಟು ಕೊಡುವ ಆಲೋಚನೆಯಲ್ಲಿ ಇದ್ದಾರೆ. ಇನ್ನುಳಿದ ಖಾತೆಗಳ ಹಂಚಿಕೆ ಬಗ್ಗೆ ಚರ್ಚೆ ಮುಂದುವರಿಯುವ ಸಾಧ್ಯತೆ ಇರುವುದರಿಂದ ಸಚಿವ ಸಂಪುಟದ ಉಳಿದ ಸದಸ್ಯರ ಪ್ರಮಾಣ ವಚನಕ್ಕೆ ವಾರಾಂತ್ಯದವರೆಗೆ ಮುಹೂರ್ತ ನಿಗದಿಯಾಗುವ ಲಕ್ಷಣ ಕಾಣಿಸುತ್ತಿಲ್ಲ.

ಶೇನ್ ‘ಸೂಪರ್’ ಆಟ; ಚೆನ್ನೈಗೆ ಕಿರೀಟ

ವಾಂಖೆಡೆ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಐಪಿಎಲ್‌ 2018ರ ಫೈನಲ್‌ ಪಂದ್ಯದಲ್ಲಿ ಶೇನ್‌ ವಾಟ್ಸನ್ ಅವರ ಭರ್ಜರಿ ಶತಕದ ನೆರವಿನಿಂದ ಸನ್‌ರೈಸರ್ಸ್‌ ಹೈದರಾಬಾದ್‌ ವಿರುದ್ಧ ಅಮೋಘ ಜಯ ಸಾಧಿಸಿರುವ ಚೆನ್ನೈ ಸೂಪರ್‌ ಕಿಂಗ್ಸ್ ಮೂರನೇ ಬಾರಿಗೆ ಐಪಿಎಲ್ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.

ರೈತರ ಸಾಲ ಮನ್ನಾ: ಕರ್ನಾಟಕ ಬಂದ್‌ ಅನುಮಾನ?

‘ರೈತರ ಸಾಲ ಮನ್ನಾ ಮಾಡದಿದ್ದರೆ ಸೋಮವಾರ ಕರ್ನಾಟಕ ಬಂದ್‌ ನಡೆಸುತ್ತೇವೆ’ ಎಂದು ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಅವರು ಸದನದಲ್ಲಿ ಶುಕ್ರವಾರ ಹೇಳಿದ್ದರು. ಬಂದ್‌ ವೇಳೆ ಬಿಗಿ ಭದ್ರತೆ ಕೈಗೊಳ್ಳುವಂತೆ ರಾಜ್ಯ ಪೊಲೀಸ್ ಮಹಾನಿರ್ದೇಶಕಿ (ಡಿಜಿ–ಐಜಿ) ನೀಲಮಣಿ ರಾಜು, ಪೊಲೀಸ್‌ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಸಂಗತ

ದುರ್ಬಲ ರಾಜಕಾರಣಿಗಳು

ಕಂಡಕಂಡವರಿಗೆಲ್ಲ ಉದ್ದಂಡ, ದೀರ್ಘದಂಡ ನಮಸ್ಕಾರ ಹಾಕಿ, ತಮ್ಮ ವ್ಯಕ್ತಿತ್ವವನ್ನೇ ಇಲ್ಲಗೈಯುತ್ತಿರುವ ರಾಜಕಾರಣಿಗಳು ಈ ರಾಜ್ಯಕ್ಕೆ, ಈ ದೇಶಕ್ಕೆ ಬೇಡವೇ ಬೇಡ

ಇವಿಎಂ ಮತ್ತು ಮುಂದಿನ ಚುನಾವಣೆಗಳು

ಮೇ 12ರಂದು ರಾಜ್ಯದಲ್ಲಿ ನಡೆದ ವಿಧಾನಸಭಾ ಚುನಾವಣೆಯ ಮತದಾನ ಪ್ರಕ್ರಿಯೆಯನ್ನು ಮೇ 13ರ ಸಂಚಿಕೆಯಲ್ಲಿ ಎಲ್ಲಾ ಪತ್ರಿಕೆಗಳು ವಿವರವಾಗಿ ದಾಖಲಿಸಿದ್ದವು. ಆದರೆ, ‘ಪ್ರಜಾವಾಣಿ’ಯಲ್ಲಿ ಬಂದ ವಿವರಗಳಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಎರಡು ಅಂಶಗಳಿದ್ದುವು. ಈ ಅಂಶಗಳನ್ನು ಓದುಗರು

ಪಾರದರ್ಶಕತೆ ಮುಖ್ಯ

ಇವಿಎಂನ ವಿಶ್ವಾಸಾರ್ಹತೆ ಸಾಬೀತುಪಡಿಸಲು ವಹಿಸುವ ಮುತುವರ್ಜಿಯ ಜೊತೆಜೊತೆಗೆ ಅದರ ದುರ್ಬಳಕೆಗೆ ಇರುವ ಅವಕಾಶಗಳತ್ತ ಕೂಡ ಚುನಾವಣಾ ಆಯೋಗ ಮತ್ತು ರಾಜಕೀಯ ಪಕ್ಷಗಳು ಗಮನಹರಿಸುವುದು ಅಗತ್ಯ.

ಪ್ರಜಾಪ್ರಭುತ್ವದ ಹೆಚ್ಚುಗಾರಿಕೆ

ಪ್ರಜಾಪ್ರಭುತ್ವ ಮತ್ತು ಚುನಾವಣೆಯ ಕಾರಣಕ್ಕಾಗಿ ಪುಟ್ಟ ಪುಟ್ಟ ಸಮುದಾಯಗಳಲ್ಲಿ ಸ್ವಾಭಿಮಾನ ಮತ್ತು ಒಟ್ಟುಗೂಡುವಿಕೆಗೆ ಜೀವ ಬಂದಿದೆ

ಆಟಅಂಕ

ಅಲೋಕ್ ಕನಸುಗಳ ‘ಏಸ್’

‘ಟೆನಿಸ್‌ ದುಬಾರಿ ಆಟವಾಗಿದ್ದು, ಬಡವರ ಕೈಗೆಟುಕುವುದಿಲ್ಲ. ಇದೂ ಒಂದು ರೀತಿಯಲ್ಲಿ ಜೂಜಾಟ ಇದ್ದಂತೆ. ಆಟದಲ್ಲಿ ಕ್ಲಿಕ್‌ ಆದರೆ ನಾವು ಹೂಡಿದ ಹಣ ಬರುತ್ತದೆ; ಇಲ್ಲದಿದ್ದರೆ ಎಲ್ಲವನ್ನೂ ಕಳೆದುಕೊಂಡು ಬರಿದಾಗುತ್ತೇವೆ’ ಎಂಬುದು ಅಲೋಕ್‌ ಅಭಿಪ್ರಾಯ.

ಅವಕಾಶಕ್ಕಾಗಿ ಕಾದವರು...

ಐಪಿಎಲ್‌ 11ನೇ ಆವೃತ್ತಿ ಮುಕ್ತಾಯ ಗೊಂಡಿದೆ. ಪ್ರಶಸ್ತಿ ಕನಸು ಹೊತ್ತು ಭರವಸೆಯಿಂದ ಕಣಕ್ಕೆ ಇಳಿದಿದ್ದ ಎಷ್ಟೋ ತಂಡಗಳು ಪ್ಲೇ ಆಫ್ ಹಂತಕ್ಕೇರುವುದಕ್ಕೂ ಸಾಧ್ಯವಾಗದೆ ನಿರಾಸೆಗೊಂಡಿವೆ. ಇದು ತಂಡಗಳ ಕಥೆಯಾದರೆ, ಆಯ್ಕೆಯಾಗಿಯೂ ಆಡಲು ಸಾಧ್ಯವಾಗದ ಯುವ ಆಟಗಾರರು ಅನೇಕರು ಇದ್ದಾರೆ. ಅವರು ಈಗ ನಿರಾಸೆಗೊಂಡಿದ್ದಾರೆ.
 

ಕೈಗೂಡುವುದೇ ಪದಕದ ಕನಸು?

ಏಳುಬೀಳುಗಳ ನಡುವೆ ಸಾಗುತ್ತಿರುವ ಭಾರತ ಮಹಿಳಾ ಹಾಕಿ ತಂಡ ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿ ನಾಲ್ಕನೇ ಸ್ಥಾನ ಪಡೆದಿದೆ. 2014ರ ಏಷ್ಯನ್‌ ಕ್ರೀಡಾಕೂಟದಲ್ಲಿ ಕಂಚು, ಏಷ್ಯಾ ಕಪ್‌ನಲ್ಲಿ ಚಿನ್ನ, ಏಷ್ಯನ್‌ ಚಾಂಪಿಯನ್‌ಷಿಪ್‌ನಲ್ಲಿ ಚಿನ್ನ ಹೀಗೆ ಹಲವು ಪದಕಗಳನ್ನು ಜಯಿಸಿದೆ. ಈ ಎಲ್ಲ ಸಾಧನೆ ಜುಲೈ 21ರಿಂದ ಲಂಡನ್‌ನಲ್ಲಿ ಆರಂಭವಾಗುವ ವಿಶ್ವಕಪ್‌ ಹಾಕಿ ಟೂರ್ನಿಯಲ್ಲಿ ಪದಕ ಗೆಲ್ಲುವ ಆಸೆಗೆ ಸ್ಫೂರ್ತಿಯಾಗುವುದೇ?  

ಟಾಸ್ ಏನ್ ಆಗುತ್ತೆ..?

ಇದೀಗ ಟಾಸ್ ಹಾಕುವ ಪದ್ಧತಿಯನ್ನು ಕೈಬಿಡಲು ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಚಿಂತನೆ ನಡೆಸಿದೆ. ಇದಕ್ಕೆ ಹಲವು ಹಿರಿಯ ಆಟಗಾರರಿಂದ ಪರ–ವಿರೋಧದ ಚರ್ಚೆಗಳು ಆರಂಭವಾಗಿವೆ.

ಶಿಕ್ಷಣ

ಪರೀಕ್ಷೆ ಎಂಬುದು ಪೆಡಂಭೂತ ಅಲ್ಲ!

ವಿದ್ಯಾರ್ಥಿಗಳು ಯಾವುದೇ ಪರೀಕ್ಷೆಯನ್ನು ಬರೆಯುತ್ತಿರಲಿ. ಪರೀಕ್ಷೆ, ಪರೀಕ್ಷೆ ಎಂದು ಹೆದರಿ ಕೂರಬಾರದು. ಧೈರ್ಯ ಕಳೆದುಕೊಂಡರೆ ಮನಸ್ಸು ಗಲಿಬಿಲಿಯಾಗುತ್ತದೆ. ಮನೆಯಲ್ಲಿಯೇ ಕೃತಕವಾಗಿ ಪರೀಕ್ಷಾ ಕೊಠಡಿಯ ವಾತಾವರಣ ನಿರ್ಮಿಸಿಕೊಂಡು ಈ ಒತ್ತಡವನ್ನು ಅನುಭವಿಸಿ ಗೆಲ್ಲಬೇಕು. ಪರೀಕ್ಷೆ ಪೆಡಂಭೂತವಲ್ಲ; ಅದು ಕಲಿಕೆಯ ಮಾಪಕ. ಸೆಮಿಸ್ಟರ್‌ ಪರೀಕ್ಷೆಯನ್ನು ಎದುರಿಸುವ ಬಗ್ಗೆ ಈ ಲೇಖನ ಮಾಹಿತಿಯನ್ನು ನೀಡುತ್ತದೆ.

 

ಟ್ರಾವೆಲ್ ಅಂಡ್ ಟೂರಿಸಂ ಕೋರ್ಸ್ ಮಾಡುವಾಸೆ...

ಬಿಎ/ಬಿಕಾಂ ಇನ್ ಟ್ರಾವೆಲ್ ಅಂಡ್ ಟೂರಿಸಂ ಕೋರ್ಸ್‌ಗಳಿವೆ. ಎಂಟಿಎ ಮಾಸ್ಟರ್ ಆಫ್ ಟ್ರಾವೆಲ್ ಅಂಡ್ ಟೂರಿಸಂ ಕೋರ್ಸ್‌ ಸಹ ಇದೆ. ಇಂಟಿಗ್ರೇಟೆಡ್ ಕೋರ್ಸ್ 5 ವರ್ಷದ್ದು, ಎಂಬಿಎ ಇನ್ ಟ್ರಾವೆಲ್ ಅಂಡ್ ಟೂರಿಸಂ ಇದೆ.

ಪ್ರಜಾವಾಣಿ ಕ್ವಿಜ್ -22

1. ಕರ್ನಾಟಕ ಸಂಗೀತದಲ್ಲಿರುವ ಮೇಳಕರ್ತ ರಾಗಗಳ ಸಂಖ್ಯೆ ಎಷ್ಟು?

ಮರಳಿ ಯತ್ನವ ಮಾಡೋಣ...

ಪರೀಕ್ಷೆಯಲ್ಲಿ ಫೇಲಾದ ಮಾತ್ರಕ್ಕೆ ಜೀವನವೇ ಮುಗಿಯಿತು ಎಂದುಕೊಳ್ಳಬಾರದು. ಬದಲಾಗಿ ‘ಈ ಪರೀಕ್ಷೆಯಲ್ಲಿ ಫೇಲಾದರೆ ಏನಂತೆ ಮುಂದೆ ಬರುವ ಮರುಪರೀಕ್ಷೆ ಬರೆದು ಪಾಸು ಮಾಡೇ ಮಾಡುತ್ತೇನೆ’ ಎಂಬ ಆತ್ಮವಿಶ್ವಾಸದೊಂದಿಗೆ ಹೊಸ ಮಾರ್ಗದೊಂದಿಗೆ ಓದಿದಾಗ ಯಶಸ್ಸು ಖಂಡಿತ ನಿಮ್ಮದೆ...