ಯೋಗೇಶ್‌ ಮಾಸ್ಟರ್‌ಗೆ ಮಸಿ ಬಳಿದು ಬೆದರಿಕೆ

12 Mar, 2017
ಪ್ರಜಾವಾಣಿ ವಾರ್ತೆ

ದಾವಣಗೆರೆ: ನಿಷೇಧಿತ ‘ಢುಂಢಿ’ ಕೃತಿಯ ಲೇಖಕ ಯೋಗೇಶ್‌ ಮಾಸ್ಟರ್‌ ಮುಖಕ್ಕೆ ಕೆಲ ಕಿಡಿಗೇಡಿಗಳು ಮಸಿ ಬಳಿದು, ಅವಾಚ್ಯ ಶಬ್ದಗಳಿಂದ ನಿಂದಿಸಿ ಜೀವ ಬೆದರಿಕೆ ಹಾಕಿದ ಘಟನೆ ನಗರದಲ್ಲಿ ಭಾನುವಾರ ನಡೆದಿದೆ.

ನಗರದ ಕುವೆಂಪು ಕನ್ನಡ ಭವನದಲ್ಲಿ ಹಮ್ಮಿಕೊಂಡಿದ್ದ ‘ಗೌರಿ ಲಂಕೇಶ್‌’ ಪತ್ರಿಕೆಯ 12ನೇ ವಾರ್ಷಿಕೋತ್ಸವ ಮತ್ತು ‘ಲಂಕೇಶ್‌–82’ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಯೋಗೇಶ್‌ ಮಾಸ್ಟರ್‌ ಬಂದಿದ್ದರು. ಸಂಜೆ 5ರ ವೇಳೆ ಅವರು ಸಮೀಪದ ಹೋಟೆಲ್‌ಗೆ ತೆರಳಿದ್ದಾಗ ಈ ಘಟನೆ ನಡೆದಿದೆ.

ಬಳಿಕ ಕುವೆಂಪು ಕನ್ನಡ ಭವನಕ್ಕೆ ಬಂದು ಯೋಗೇಶ್‌ ಮಾಸ್ಟರ್‌ ಘಟನೆಯ ಬಗ್ಗೆ ಮಾಹಿತಿ ನೀಡಿದರು.

‘‘ಸ್ನೇಹಿತರೊಂದಿಗೆ ಟೀ ಕುಡಿಯುತ್ತಿದ್ದ ವೇಳೆ ಸುಮಾರು 8ರಿಂದ 10 ಯುವಕರು ಏಕಾಏಕಿ ನನ್ನ ಮೇಲೆ ದಾಳಿ ಮಾಡಿದರು. ರಾಸಾಯನಿಕ ಮಿಶ್ರಿತ ಮಸಿಯನ್ನು ನನ್ನ ಮೇಲೆ ಎರಚಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದರು. ‘ಹಿಂದೂ ಧರ್ಮದ ವಿರುದ್ಧ ಬರೆದರೆ ನಿನ್ನನ್ನು ಕೊಲ್ಲುತ್ತೇವೆ’ ಎಂದು ಜೀವ ಬೆದರಿಕೆ ಹಾಕಿದರು. ‘ಜೈ ಶ್ರೀರಾಮ್‌’, ‘ಬೋಲೊ ಭಾರತ್‌ ಮಾತಾಕಿ ಜೈ’ ಎಂದು ಘೋಷಣೆ ಕೂಗುತ್ತ ದ್ವಿಚಕ್ರ ವಾಹನದಲ್ಲಿ ಹೋದರು. ಮಸಿ ಹಾಕಿದವರನ್ನು ನಾನು ನೋಡಿದ್ದು, ಅವರನ್ನು ಗುರುತಿಸಬಲ್ಲೆ’’ ಎಂದು ಹೇಳಿದರು.

‘ದುಷ್ಕರ್ಮಿಗಳು ನನ್ನ ಚಲನವಲನ ಗಮನಿಸುತ್ತಿದ್ದರು. ಏಕಾಏಕಿ ಬಂದು ಮಸಿ ಎರಚಿದರು. ಅವರು ನನ್ನ ಕಣ್ಣಿಗೆ ಟಾರ್ಗೆಟ್‌ ಮಾಡಿದ್ದರು. ಮಸಿಗೆ ರಾಸಾಯನಿಕವನ್ನು ಮಿಶ್ರಣ ಮಾಡಿದ್ದರಿಂದ ಮೈ ಇನ್ನೂ ಉರಿಯುತ್ತಿದೆ. ಕಣ್ಣು ತೆರೆಯಲು ತುಂಬಾ ಹೊತ್ತು ಕಷ್ಟ ಪಟ್ಟೆ’ ಎಂದು ಅವರು ಹೇಳಿದರು.

‘ನಾನು ಇಲ್ಲಿ ಸ್ವತಂತ್ರವಾಗಿ ಸಂಚರಿಸುವುದು ಕಷ್ಟವಾಗಿದೆ. ದಾಳಿಯಿಂದ ಮಾನಸಿಕ ಹಾಗೂ ದೈಹಿಕವಾಗಿ ಅಘಾತವಾಗಿದೆ. ಇದು ಸಾಹಿತ್ಯ ಹಾಗೂ ಸಂಸ್ಕೃತಿಯ ಮೇಲೆ ನಡೆದ ದಾಳಿಯಾಗಿದೆ. ನನ್ನ ಜತೆಗಿದ್ದ ಸಾಹಿತಿ ನಾಗಭೂಷಣ್‌, ಉಪನ್ಯಾಸಕ ದುರ್ಗೇಶ್‌ ಅವರ ಮೇಲೆಯೂ ಕಿಡಿಗೇಡಿಗಳು ಮಸಿ ಎರಚಿದ್ದಾರೆ’ ಎಂದು ಯೋಗೇಶ್‌ ವಿವರಿಸಿದರು. ಪತ್ರಕರ್ತೆ ಗೌರಿ ಲಂಕೇಶ್‌, ‘ಯೋಗೇಶ್‌ ಮಾಸ್ಟರ್‌ ಮೇಲಿನ ದಾಳಿಗೆ ಆರ್‌ಎಸ್‌ಎಸ್‌, ಎಬಿವಿಪಿ, ವಿಶ್ವ ಹಿಂದೂ ಪರಿಷತ್‌ ಸಂಘಟನೆಗಳೇ ಕಾರಣ. ಕಿಡಿಗೇಡಿಗಳನ್ನು ಬಂಧಿಸಬೇಕು’ ಎಂದು ಆಗ್ರಹಿಸಿದರು.

ಸಂಜೆ ಕುವೆಂಪು ಕನ್ನಡ ಭವನದಿಂದ ಯೋಗೇಶ್‌ ಅವರು ಗೌರಿ ಲಂಕೇಶ್‌ ನೇತೃತ್ವದಲ್ಲಿ ಕೆಲ ಸಾಹಿತಿ ಹಾಗೂ ಹೋರಾಟಗಾರರೊಂದಿಗೆ ಮೆರವಣಿಗೆಯಲ್ಲಿ ಬಡಾವಣೆ ಪೊಲೀಸ್‌ ಠಾಣೆಗೆ ಬಂದು ಘಟನೆ ಬಗ್ಗೆ ದೂರು ನೀಡಿದರು.

Read More

Comments
ಮುಖಪುಟ

‘ಆಧಾರ್ ನೋಂದಣಿಗೆ ವಯಸ್ಸು ದೃಢೀಕರಣ ಕಡ್ಡಾಯವಲ್ಲ’

ಅಲಹಾಬಾದ್‌ ಸಮೀಪದ ಗ್ರಾಮದ ಪ್ರತಿ ಐವರಲ್ಲಿ ಒಬ್ಬರ ಆಧಾರ್‌ನಲ್ಲಿ, ಅವರ ಜನ್ಮ ದಿನಾಂಕ ಜನವರಿ 1 ಎಂದು ನಮೂದಾಗಿದೆ. ಇದು ಆಧಾರ್‌ ನೋಂದಣಿ ವೇಳೆ ಆದ ಲೋಪ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟೀಕೆ ವ್ಯಕ್ತವಾಗುತ್ತಿದೆ...

ಟ್ವಿಟರ್‌ನಿಂದ ಹೊರನಡೆದ ಸೋನು ನಿಗಮ್‌

ಮಹಿಳೆಯರ ಕುರಿತಾಗಿ ಅವಾಚ್ಯವಾಗಿ ಟ್ವೀಟ್‌ ಮಾಡಿದ ಬಾಲಿವುಡ್‌ ಗಾಯಕ ಅಭಿಜಿತ್‌ ಭಟ್ಟಾಚಾರ್ಯ ಅವರ ಖಾತೆಯನ್ನು ಟ್ವಿಟರ್‌ ಅಮಾನತು ಮಾಡಿದ ನಂತರ ಸೋನು ನಿಗಮ್‌ ಈ ನಿರ್ಧಾರ ಕೈಗೊಂಡಿದ್ದಾರೆ...

ಜಹೀರ್‌–ಸಾಗರಿಕಾ ನಿಶ್ಚಿತಾರ್ಥ

ಕ್ರಿಕೆಟಿಗ ಜಹೀರ್‌ ಖಾನ್‌ ಮತ್ತು ನಟಿ ಸಾಗರಿಕಾ ಘಾಟ್ಗೆ ಅವರು ಮಂಗಳವಾರ ಮುಂಬೈನ ಸೇಂಟ್‌ ರೇಜಿಸ್‌ ಹೊಟೇಲ್‌ ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು.

ರವಿಚಂದ್ರನ್‌ ಅಶ್ವಿನ್‌ಗೆ ವರ್ಷದ ಕ್ರಿಕೆಟಿಗ ಪ್ರಶಸ್ತಿ

ಸಿಯೆಟ್ ಕ್ರಿಕೆಟ್ ರೇಟಿಂಗ್‌ನ ಅಂತರರಾಷ್ಟ್ರೀಯ ವರ್ಷದ ಕ್ರಿಕೆಟಿಗ ಪ್ರಶಸ್ತಿಗೆ ಭಾರತದ ಆಫ್ ಸ್ಪಿನ್ನರ್‌ ರವಿಚಂದ್ರನ್ ಅಶ್ವಿನ್‌ ಭಾಜನರಾಗಿದ್ದಾರೆ.

ಸಂಗತ

ಕಾಸರಗೋಡು: ನೆಲದ ಭಾಷೆಗೆ ನೇಣು

ಕಾಸರಗೋಡಿನಲ್ಲಿರುವ ಸುಮಾರು 1400 ಕನ್ನಡ ಶಿಕ್ಷಕರಲ್ಲಿ ಶೇ 20ರಷ್ಟು ಶಿಕ್ಷಕರ ಮಕ್ಕಳು ಮಾತ್ರ ಕನ್ನಡ ಶಾಲೆಗಳಲ್ಲಿ ಓದುತ್ತಿದ್ದಾರೆ. ಉಳಿದವರು ಕರ್ನಾಟಕದಲ್ಲಿ ಅಥವಾ ಇಂಗ್ಲಿಷ್ ಮಾಧ್ಯಮದಲ್ಲಿ ಓದುತ್ತಿದ್ದಾರೆ. ಇದಕ್ಕೆಲ್ಲಾ ಅವರದ್ದೇ ಸಮರ್ಥನೆಗಳಿವೆ.

ಕನ್ನಡದ ವೃದ್ಧಾಪ್ಯ! ಹೊಸ ಪೀಳಿಗೆ ಎಲ್ಲಿದೆ?

‘ಕನ್ನಡ ಇದೆಯೋ’ ಎಂದರೆ ಇದೆ, ‘ಇಲ್ಲವೋ?’ ಎಂದರೂ ಇದೆಯೆಂದೇ ಹೇಳುತ್ತಿದ್ದೇವೆ. ಆದರೆ ಅದರ ತಳಪಾಯ ದುರ್ಬಲವಾಗಿದೆ...

ಶಬ್ದ-ಅರ್ಥಗಳ ಸಾಂಸ್ಕೃತಿಕ ನೆಲೆಗಳು

ಬೌದ್ಧರಲ್ಲಿ ‘ತಿಸರಣ’ವಿದೆ. ಎಂದರೆ ಬುದ್ಧ, ಧರ್ಮ ಮತ್ತು ಸಂಘಕ್ಕೆ ಮೊರೆಹೋಗುವುದು ಮೊದಲ ಕೆಲಸ. ಶರಣು, ಶರಣಾಗತಿ ಎಂಬ ಮಾತುಗಳು ಶೈವ–ವೈಷ್ಣವ ಪಂಥಗಳಲ್ಲಿ ಸಮನಾಗಿ ಭಕ್ತಿದ್ಯೋತಕ, ಭಕ್ತಿಯ ಪರಾಕಾಷ್ಠೆ.

ಫಲಿತಾಂಶ ಕೊರತೆಯೂ ಬಡ್ತಿ ಕಡಿತವೂ

ಶೈಕ್ಷಣಿಕ ಪ್ರಕ್ರಿಯೆಯ ಒಂದು ಭಾಗವಷ್ಟೇ ಆದ ಫಲಿತಾಂಶದ ಕೊರತೆಯೆಂದ ಮಾತ್ರಕ್ಕೆ ಮಕ್ಕಳ ಜ್ಞಾನ, ಬುದ್ಧಿಶಕ್ತಿಯ ಕೊರತೆ ಎಂದು ತೀರ್ಮಾನಿಸುವ ಅಗತ್ಯವಿಲ್ಲ

ಕಾಮನಬಿಲ್ಲು

ಮಾತಾಡುವ ಪುಸ್ತಕಗಳು

ಇಲ್ಲಿ ವ್ಯಕ್ತಿಗಳೇ ಪುಸ್ತಕಗಳು. ಅನುಭವಗಳೇ ಕಥೆಗಳು. ಓದುಗರು ಕಿವಿಯಾಗಬೇಕಷ್ಟೆ. ‘ಜೀವನ ತೆರೆದ ಪುಸ್ತಕ’ ಎಂಬ ಮಾತು ಈ ಹ್ಯೂಮನ್ ಲೈಬ್ರರಿಗೆ
ಅಕ್ಷರಶಃ ಹತ್ತಿರ...

ನಡೆದಾದರೂ ಗುರಿ ಮುಟ್ಟಿ…

ಜೀವನದ ರೇಸ್‌ನಲ್ಲಿ ಓಡಲು ಸಾಧ್ಯವಾಗದಿದ್ದಾಗ ನಿಧಾನವಾಗಿ ನಡೆದಾದರೂ ಗುರಿಯನ್ನು ಮುಟ್ಟಬಹುದು. ಅದಕ್ಕೆ ಸ್ವಲ್ಪ ತಡವಾಗಬಹುದು ಅಷ್ಟೆ! ಆದರೆ ಓಡಲಾಗಲಿಲ್ಲ ಎಂದು ಗುರಿಯನ್ನು ತಲುಪದೇ ಹಿಂದಿರುಗಬೇಡಿ ಎಂದು ಅನುಭವಿಗಳು ಹೇಳುತ್ತಾರೆ. ಗುರಿಯ ಕಡೆ ನಡೆದು ಸಾಧಕರಾದವರ ಪರಿಚಯ ಇಲ್ಲಿದೆ.

ಆಟೊ ಸಂತೆಯಲ್ಲಿ...

ಭಾರತದ ದ್ವಿಚಕ್ರ ವಾಹನ ತಯಾರಿಕಾ ಕಂಪೆನಿ ಹೀರೊ ಮೋಟೊಕಾರ್ಪ್, ಐ3ಎಸ್‌ ತಂತ್ರಜ್ಞಾನ ಒಳಗೊಂಡ ಎಚ್‌ಎಫ್‌ ಡಿಲಕ್ಸ್‌ ಮಾದರಿಯ ಬೈಕನ್ನು ಬಿಡುಗಡೆಗೊಳಿಸಿದೆ.

ಮೊದಲ ಕಾರಿನ ಸೆಳೆತ

ಮನೆಗೆ ಹೊಸ ಅತಿಥಿ ಬರುತ್ತಾರೆಂದರೆ ಮನೆಮಂದಿಗೆಲ್ಲಾ ಹರುಷ, ಬರುವವರೆಗೂ ಏನೋ  ಕುತೂಹಲ. ಆ ಅತಿಥಿ ವ್ಯಕ್ತಿಯೇ ಆಗಿರಲಿ ಅಥವಾ ಮೊದಲ ಕಾರೇ ಇರಲಿ. ಒಂದುವೇಳೆ ಕಾರೇ ಆಗಿದ್ದರೆ ಆ ಅತಿಥಿಗೆ ತುಸು ಹೆಚ್ಚೇ ಸ್ಥಾನಮಾನ. ಮೊದಲ ಕಾರು ಖರೀದಿಸಿದ ಅನುಭವ ಬದುಕಿನುದ್ದಕ್ಕೂ ಅಚ್ಚಳಿಯದೇ ಉಳಿದಿರುತ್ತದೆ. ಕಾರಣ ಅದರೊಂದಿಗಿನ ಬಾಂಧವ್ಯ.